قالو لالا انا نخلص تاعي برك!!!!!!

H

hannsg

:: عضو مثابر ::
السلام عليكم و رحمة الله و بركاته
ايا ليوم راح نحكيلكم وحد القصة غريبة

هذي وحد الطفل نعرفو قاعد يحكيلي قالي رحت مرة عند الخياط باش نجيب سروالي من عندو قالي مهم لقيت وحد طبيب لتم معروف و مرته طبيبة ثاني مهم جا للخياط قالو وجدتلي السراول قالو الخياط هيه راهم واجدين
مالا عطاهملو و قالو بشحال مالا السيد وش قالو؟
قالو لالا انا نخلص تاعي برك اما تاع لولاد ضرك تجي امهم تخلصهم دبراسها!!!!! اوو انا بقيت بلا راس هههههه كيفاش هذا تجي مهم تخلصهم؟!!! خلعني السيد بالهدرة هذي
و نتوما وش رايكم؟
​
 
أهلا بيك خويا
ماتحيرش لاخاطر مرتو خدامة سينورمال يولي طحان أكرمكم الله
أنا اللقطة هذي ديما نشوفها وماعنديش بزاف شفت راجل ومرتو هبطو من طاكسي أيا هوا واقف ومرتو جبدت الدراهم من الساك تخلص في مول الطاكسي ؟؟؟​
 
اوووووف يا لطيف و ضركا تاني ولاو الرجال كي يجيو يتزوجو يشرطو على المرا تكون خدامة باش تعاونهم
 
السلام عليكم
هههه نوووورمال باسكو شفت عفسة مشابهة ليها
ماعندهاش بزاف غي مع الدخول الإجتماعي واحد شرا لقش تاع ليكول وقال لمول الحانوت
مركي وغدوا كي تجي لمدام فايتة راهي تخلص واااع بالصح هذا ماهوش خدام
ربي يجيب الخير برك
يعطيك الصحة خويا
سلاام​
 
o:
ولادها هي برك
مالا لازم هي الي تخلص
الوقت الي وصلنالو​
 
الله يرحم الرجولة ​
 
mdr !!

nÖrmààl têssrà .. wâlëfnà lâktät kîmà hâdÖùù

mrc bîën !
​
 

ههه يالطيف والله تحير من عباد كي هاذو
كون زادت خلصتلو حوايجو ويتهنا هكذا
شكرا ليك
​
 
هاذا مشحاااااااااااااااااااااااح كبييييييييييييييييييييييييييييييييييير يستخسر دورو في ولادو grave
 
سلام
​
هادو باينين بلي عندهم وقت كبير وهوما في حرب على شكون يشد المسؤولية دونك وصلو لنتيجة نتاع كل واحد يدبر راسو ويلعب لعبو ،
هههه يخي زواج يخي
ياحليلو ربي يفتح علينا
مارسي
​
 
قال ahlem1992:
o:
ولادها هي برك
مالا لازم هي الي تخلص
الوقت الي وصلنالو​
إضغط للتوسيع...
سلام
يسلم داك الفم ياختي هدي هي ولادها غير هي ماش ولادو هو العقلية عقلية الزبل الي وصلنالها
مشكورة على الموضوع
 
هههههههه نورمال احنا جارتنا عند لاليمونتاسيون تشري و تقولي هادي عليا و هادي مركيها عليه(زعمة راجلها)
انا بغيت نوصللهم حاجة برك قاع ا سيدي راكم متحاسبين بالدورو خلوها بيناتكم في داركم في هادوك ربع حيطان تاع الشومبرة ربي يهدينا بصح انا في هاد الحالات ماشي المرا الراجل ماهوش راجل اللي راجل صح قاع مرتو خدامة بصح مسؤولة منو و اللي ما هوش قد المسؤولية مايجيبش بنت الناس
 
...
هادا سور عندو مادامتـــو واعرة هههههههه
و ربي يهديه
هادي ماشي هدرة يهدرها
​
 
ها الحمد لله عندها باه تسلك لروحها و ولادها و ماتعولش عليه :rolleyes:
سعدي يا وعدي :oi-o:
​
 
مش عفسة تاع رجال هادي
بخيل
 
مليح و هو يخبي دراهمواااااااااااااااااا
 
3lach jatek bizaaaaaaard hadi!!! ma cheftech li martou mkhalyatou f dar ?????ytab ou yghsel !!
​
 
يا خويا هادى حكاية من لحيتو بخرلو
انا مثلا بابا يعطينى كامل مصروفى زيد خطرات ادا خرجت معاه يزيد يخلص هو كى يحشم هههههه
تسما بالاك عطا لمرتو المصروف تع الدار والدرارى
وربى يعلم
 
تنبيه: نظرًا لتوقف النقاش في هذا الموضوع منذ 365 يومًا.
قد يكون المحتوى قديمًا أو لم يعد مناسبًا، لذا يُنصح بإشاء موضوع جديد.
العودة
Top Bottom