السلام عليكم و رحمة الله
صها فتوركم الخاوة و سحوركم و رمضانكم و قع
..اان شاء الله راكم لباس مع سيدنا رمضاان ^^
مهم وش راحا نقوولكم ...عندي وقت مش نكتب ي حسراااه على الايام ..اصلا كنت معولة نعتزل و نروح للسد القطري خخخ
بصح كي شفت الحالة تحكي على الاحلام و الدريمز و مصطفى الاغا خخخ مقدرتش نقاوم أليس في بلاد العجائب الصغيرة في مخي و جيت نحكيلكم على حلمي البسيط الذي تحقق بفضل فخامته خخخخخ
المهم قلتلكم خطرة مريّحة في غرضي نريفيزي في تاريخ أمريكا
و كفاه البوطي تاع كريستوف كولومبوس ضربوا الريح طيّشوا فالماريكان (الناس لي عندها الزهر *-*) و ساعة على ساعة كي نكره نهز الباطة تاع الفازلين لي قدامي و نبدا نقرى في دواعي الاستعمال خخخخخ قالك تهدئ تشقق الجلد خخخخ ( تحت شعار مهم منريفيزيش هههه )
حتى يجينا إعلان مالقسم تاعنا و قالولنا العام هذا ندّوا الخمسة الأوائل يفوّتوا فاكونص في لندن الشقيقة :Love: عاصمة الضباب خخخ
اااه يا الهي و خيتكم من بكري مش حابة تفحّت خخخ
و نحلف ق لندن لي نروح ليها بربي و لا بنشالله
..ايا و نعصب راسي و نطلّع الpراس هاذيك و تبدا الليالي البيضاء و القراية على قدم و ساق و عقدنا العزم أن تحيا الجزائر خخخخ
..مهم وش نقولكم, جبتها خمسطاشنيوم و انا نقرا و نحفظ و صحبتي تشد عليا و اطلقني منيش نتيجك خخخخ ..و اخييييرا تحقق الحلم
فيولا تشدّ الرحال إلى بلاد روني و الملكة اليزابيث خخخ *-* ايا وجدت كابتي الأكارو كانت تديها جداتي للحمام هههه ..درت فيها حجاب واحد و 3 خيمارات مع ليكونفارس تاعهم تبديلة خخخخ شارجيت تيليفوني و سقمت روحي و عطيتها الصباح فالكار
حطتني عند السفارة ..ايا فريت كواغطي بالخف و الطيارة تنادي أبابااا
هايا المهم قالونا تاع الرحلة ندهموا قبل فرانسا نتغداو مبعد نفوتوا ل لندن خخخخخ ...هايا كيما كان الحال مع ال2 تاع لعشية كنا في وحد الريسطورون في ليون منحكيلكمش :Love: قعدنا هاك حتى جا السارفور يهز ليكوموند ..انا قلت نلعبها مشنفة هنا راهم يحقروا بالعين خخخخ ايا قالي Bienvenue chez nous مادموزال ..قتلو ميغسي خخخخخ قالي وش تدي بالفرونسي ههههه قريت فالmenu كلش فرونسي هههه مع انا نطير في لغة الكفار حشمت نخيّر حاجة خخخ خزرت منا و منا و طلعت راسي في هاذاك النادل الوسيم خخخ و قتلو كاينة قرانطيطاا ؟؟ههههههه في تلك اللحظة المنظم تاع الرحلة قريب داخ خخخخخ قالي نوضي نعرّاسة تاعك خخخخخ 3 سنين نتي تضربي فالقرانطيطا عند بولحية جاية تبخصي بينا في لوروp هههه هايا الموهيم قتلوا مالا دون موا فخيت اوملات سيلفوبلي خخخخ هايا موراها حكمنا طاكسي و دانا كورسة ديريكسيو لندننن
انا مصدقت لحقنا و بديت نطلع فليفوطو :Love: هاذا فيس هاذي لمة و الشعب مييت بالغيرة 
سورتو مالك خخخ قالي اصوريلنا مع الضباب باه نعرفك راكي صح في لندن خخخخخ مبعد رحنا ندوروا عند ساعة بيغ بن خخخخ حتى لمحت دايفيد بيكام
كان يدير فالشوبينغ فوحد المارشي ثما خخخ مزية كنت لابسة كونفارس و انطلقت كثر مالعربي بورعدة قفزا على القناطر (جمع قنطرة) حتى وصلت ليه خخخخ قتلو هلاو هههه يو ار ماي دريم أي سوار ههههه
( كيما رامز مع شاروخان ) خخخخ و يجي عمي مول الرحلة خخخخ قريب يبكي
قالي بخصتي بينا أوجه الدڨلة الله لا تربحك ههههههه pورت مالور امشي قدامي خخخخ قتلوا اعمي علاه علاه ندير معاه سالفي برك علاه
خخخخ قالو بيكام ايتس اوكاي نافرمايند خخخخ قتلوا هاه ربحت العيب برك أوجه الشر هههه مهم جبدت التيليفون ندير سالفي طفا خخخخخ كوندور انا علاه ههههه رمقني المنظم بخزرته المعهودة و قعد يستغفر و يقرا فالاذكار هههه
قتلوا أياام صوري
خخخخ مهم حنا لسع راجعين للبيغ بن خخخ حتى نسمع فالاستاذ عند راسي " يا طالبة سلمي الورقة تاعك انتهى وقت الامتحان" هاخاااااااه
راني فليكزاما
..الناس عمرت الورقة و انا نتيليشارجي فاحلام اليقظة
مالا حطيت ورقتي بيضاء ناصعة خخخخ و فوّتوني للراطراباج و جبت العام بشق الانفس و دعاوي الوالدين خخخخخ
تمت بحول الله خخخ
صها فتوركم الخاوة و سحوركم و رمضانكم و قع
مهم وش راحا نقوولكم ...عندي وقت مش نكتب ي حسراااه على الايام ..اصلا كنت معولة نعتزل و نروح للسد القطري خخخ
بصح كي شفت الحالة تحكي على الاحلام و الدريمز و مصطفى الاغا خخخ مقدرتش نقاوم أليس في بلاد العجائب الصغيرة في مخي و جيت نحكيلكم على حلمي البسيط الذي تحقق بفضل فخامته خخخخخ
المهم قلتلكم خطرة مريّحة في غرضي نريفيزي في تاريخ أمريكا
سورتو مالك خخخ قالي اصوريلنا مع الضباب باه نعرفك راكي صح في لندن خخخخخ مبعد رحنا ندوروا عند ساعة بيغ بن خخخخ حتى لمحت دايفيد بيكام
تمت بحول الله خخخ
