الميمون ...

Salah eddin

:: عضو بارز ::
أحباب اللمة
إنضم
27 جانفي 2016
المشاركات
10,188
نقاط التفاعل
27,515
النقاط
1,886
محل الإقامة
الجلفة
الجنس
ذكر
السلام عليكم
ناس اللمة صحيتو و صح صيامكم و فطوركم و سحوركم
كي العادة و العوايد ...حكاية للضحك
لكن هذي المرة راها طويلة شوي ..يعني مش كيما الاخرين
ههه..
هذا واحد السيد يسموه المسعود ...و هذا المسعود هذا ...ياودي حكايتو معوجة وش نحكيلك ..امورو اكل مهرودة ....و ميمونو طول يتبع فيه

راكم عارفين من قوة الميمون تاعو ...كي يطلع في الطاكسي يخلص زوج بلايص ...وحدة ليه و وحدة لميمونو

هههههه

المهم ...كيما قلتلكم السيد خالية عليه ...و عندو بن عمو في الخارج ...و بن عمو هذا الله يبارك ..الصوردي هات كفاه تدي
كي ديحسبهم ما يتحسبولوش ...و عندو وزين تاع سيطروان...مصنع سيارات ها راكم عارفين ..هاو نضلو نهدرو ؟؟

هههه

المهم .... الميقري هذاك عول يرجع للبلاد باه يريح شوي
ايا بني عم المسعود قالولو هذي فرصتك باه تلصق في بن عمك الميقري و يخرجك من القرgة....ههه...يعني الغرقة
ههه
راني عارفكم لازملكم شوي توضيحات
لا علينا ...

المهم الميقري هذاك لحق للبلاد ....طاحو عليه عايلة المسعود ...هذا رفيس ...هذا زفيطي ...هذي شخشوخة ....هذا طعام ....هذا مانيش عارف
ياودي دارولو كل شي ...ااتهلاو فيه زين في زين ...شني ..ق على جال المسعود باه يديه معاه لفرانسا

ههه

ايا بعد هذا العرس و الشطيح و الرديح ... الجماعة جبدو الميقري على جيها و قالولو ياودي هاهو بن عمك المسعود محروقة عليه الحلفا ...شوف كفاه ادير و اديه معاك لليطرونجي و تهلا فيه راه زوالي و لا خدمة لا صرف دراهم ...قالهم كفاه ؟؟ ...قالولو دبر رساك ...هذا راه خوك و راه يسال فيك

ايا قالهم نديه معايا صح ...بصح لازملو دبلوم ولا شهادة ..ما نقدرش نديه ق هاك ....

الجماعة جراو فيها لمسعود و راحو منا و ملهيه ق باه يخدمولو دبلوم ...و يعجبك راحو لواحد السيد زقوق في الطرافيك

ههه

دارلو دبلوم فيه كلش ...التلحيم ...تقني سامي ...تقني مانيش عارف ....مهندس دولة ...مهندس ولاية ...مهندس بلدية ...ياودي كل التخصصات كاينين عند المسعود .....ردوه جاوني
دارولو في الدبلوم من التحت * جابوني *

ههههه
....
ايا خلاص ..راه جاب الدبلوم و عول يروح للخارج مع الميقري بن عمو ....راحو للخارج
و الميقري ادا المسعود للوزين ...باه يخيرلو خدمة تليقلو
بسم الله ...هذي الماشينة ..مم..لا ..صعيبة عليك
هذي الجيهة ....لالا صعيبة يليقلها قفازة كبيرة


هذي ..هذي ...والو ...ما لقوش الخمدة الي اطيح على المسعود ...و المسعود ق يخزر ...ماهو فاهم فيها والو

ايا لحقو لواحد الجيهة فيها زوج قفلات ...وحدة زرقا و الاخرى حمرا
قالو هاني لقتلك بلاصتك يا مسعود ...جي تروفي تا بلاس ...زعما ميقري ...ههه
هاهي ليك وين ...شوف نتا تقعد هنا ...كي تجي الكروسة خارجة ...نتا اضغط القفلة الزرقا ....راه يتفتح الباب ...كي تخرج الكروسة ...عاود اضغط على الزرقا ايا يتسكر الباب ...ساهلة ماهلة ...
المسعود قالو .....و الحمرا تاعش ؟؟؟ ....ههههههه
ياتل قالو و نتا علاه تسقسي على الحمرا ؟؟؟ ...ها نتا ليك الزرقا اقعد في الزرقا وش داك للحمرا ؟؟
قالو هيه راني عارف ...راني عارف بلي خدمتي في الزرقا ...بصح الحمرا تاعش برك ؟؟
ههه
قالو ياتل وش دخلك ؟؟؟ ...نتا ليك الزرقا
قالو هيه راني عارف ...انا اصلا ديبلومي فالزرقا ....ق سقسيت برك ...
ايا نهارها كان الثلاثا ... الاربعا ....الخميس صبح المسعود يخدم ...اي والله
بدا على ال8 ....و المعلم الميقري كان عندو اجتماع خارج الوزين
ايا مااارة هاك ..لحقت ال10..المعلم كلموه الجماعة ...قالولو الوزين راه حرق ...حريق راني نقلك
السيد جا يجري للوزين ..لقى الحية gاع مقلوبة فوق بعضاها
و العمال اكل الي حرق حرق و الي مات مات
و بقى ق المسعود واقف ...ههه...حي يرزق
ههه
الميقري هذاك دخل وصل مخلوع ...- مسعود ؟؟؟ كاس كيس باص ...؟؟ وش صرا ؟؟
قالو ضغطت القفلة الحمرا .....هههههههه
مسعود ؟؟؟ و علاه ادير هاك
المسعود وش قالو ...هههه... *قول نتا ......* ...هههههههههههه
ههههههه
و بهذا المسعود رجع لبلادو
و الميقري راه في الكومة
هههه
ايا بالعافية جماعة

و ان شاء الله عجبتكم الحكاية

 
آخر تعديل:
ههههههههه الله يعطيك النو هههه
دبلومي في الزرقا هههههههه هايلة هههه
مشكور صلاحو على الحكاية
 
ههههههههههههههه
كيف قال له لا تلمس الحمراء زرع في راسو الوسواس لازم يعرف شو حكايتها
ههههههههههههههههههههههه
بني ادم فضولي مو بايده
 
ههههههههه الله يعطيك النو هههه
دبلومي في الزرقا هههههههه هايلة هههه
مشكور صلاحو على الحكاية
ههه
يسلمك على النو
ههه
هذاك هو ..ههه...شكرا على الرد زكية
 
ههههههههههههههه
كيف قال له لا تلمس الحمراء زرع في راسو الوسواس لازم يعرف شو حكايتها
ههههههههههههههههههههههه
بني ادم فضولي مو بايده
اهلا خويا همام
قاشي ثم ثم تخدملو
هههه
الله غالب
 
اهلا خويا همام
قاشي ثم ثم تخدملو
هههه
الله غالب
هلا خويا صلاح
زرع له الوسواس لا يمكن يرتاح لحتى يعرف
هههههههههههههههه
ممكن اليومين ما نام وهو يفكر لشو الزر الاحمر
 
هلا خويا صلاح
زرع له الوسواس لا يمكن يرتاح لحتى يعرف
هههههههههههههههه
ممكن اليومين ما نام وهو يفكر لشو الزر الاحمر
راه صبر الثلاثا و الاربعا ...و الخميس ما صبرش
ههه​
 
السلام عليكم و رحمه الله تعالى وبركاته


هههههههههه :ROFLMAO::ROFLMAO::ROFLMAO::ROFLMAO:

مليحة هاذي مسكين
منعرف لاه من أول الحكاية كنت عارف رايح يدير ديڨة

بصح حبيت نڨولك كي سقساه لاه عبزت على القفلة الحمرا واش ڨالو مسعود هههههههههه:

فضول يا خويا
خخخخخخخخخخ

بصح صح خويا صلاح واش تدير القفلة الحمرا :unsure:
هههههههههه حكمني الفضول :LOL::ROFLMAO:


صح سحورك

 
انت البخاري تاع اللمة ههههه مجنونة صح
اهلا خويا يونس
اصلا هذي حكاية البخاري
و راني سارقها برك
ههههههههه
شكرا خويا
 
السلام عليكم و رحمه الله تعالى وبركاته


هههههههههه :ROFLMAO::ROFLMAO::ROFLMAO::ROFLMAO:

مليحة هاذي مسكين
منعرف لاه من أول الحكاية كنت عارف رايح يدير ديڨة

بصح حبيت نڨولك كي سقساه لاه عبزت على القفلة الحمرا واش ڨالو مسعود هههههههههه:

فضول يا خويا
خخخخخخخخخخ

بصح صح خويا صلاح واش تدير القفلة الحمرا :unsure:
هههههههههه حكمني الفضول :LOL::ROFLMAO:


صح سحورك

ههه
لا خويا حليم
المسعود كي سقساه بن عمو قالو قول نتا
ههه
يراك عارف ....مش معناها يا القارء قول نتا
المسعود قالها للميقري
هههه
يعني ماكانش جواب
ههه​
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top