زواااااااااااااااااااج = طــــــــــــــــــــــــــلاق !!

[zoro02]

حياكم الله اعضاء المنتدى و السلام عليكم

ان شاء الله الجميع بخير و لا باس

و لي ماش لاباس الله يفرج عليه


ايا نحكي على ميضوع ماش عارف يلا عرفتوه من العنوان ولا مازال

لالا ماش حنحكي على الغلاء في المهور

ماش حنحكي على تكاليف العراس

ماش حنحكي على الطلاق

او على الاقل ماش بصفة مباشرة

حنحكي على فكرة او تفكير

سمعته بزاف خاصة عند البنات

تلقاها تتزوج و لكن تفكيرها في الطلاق ديجا!

و بلاك قبل ما تزوج حتى !

يعني مثلا انتشرت كلمة بين البنات كلمة الرجال ما

يتامنوش

مام لولاد كثير منهم صارو يشوفو للزواج بنظرة

مشاكل!

والبنات انتشرت عندهم هذه الفكرة بزاف حتى تقول

نقرا هكدا اذا دار الزمان و طلقني زوجي مستقبلا

مانضيعش

لكن فقط السؤال المطروح هو علاه شباب اليوم

تفكيرهم في الزواج و الطلاق اصبح متوازي

يعني ما يفكرو في

الزواج الا و فكرو في الطلاق!

يعني في رايكم

هل السبب تجارب شخصية؟ او ملاحظة لتجارب الغير؟

و هل فعلا تجاربنا تكون كتجارب غيرنا؟

و هل فعلا اختفت النية الصادقة؟

و بصراحة يا شباب و شابات اللمة هل عندكم

التفكير هذا؟

​

 

[ماكانش]

أهلا بيك خويا
والله اسمحلي بصح لون يضر في العينين مانعرف عجبك ولا كيفاش ؟؟؟
على الطلاق تبالي من كثرت المشاكل وقصص الطلاق كثر التفكير فيه ...
​

 

[adel-mz]

سلام
بصراحة لم يخطر في بالي يوم من الايام ان افكر في الطلاق ،وهذا لانني لم اشاهده لا في اخوتي قبلي او في اهلي ،حنا مازالت عندنا بما يسمى ؛؛الجماعة ؛؛ تغلط المرا هوما يديرولها لاجيستيس والراجل كيفيكيف بمنعنى الرجل والمرا ديما في رعب بالتفكير في الطلاق .مارسي .
​

 

[القطة الزهرية]

سلام
الزواج والله مشكلة العصر بصح تفكير الطلاق مايجولش في ذهني ديجا مزالني صغيرة على لحكيات تاع الزواج

 

[yance]

شكراا خويا لعزيز على هد الموضوع الهادف
برك حاب نسقسيك كيفاش عرفت بلي هدي راهي ظاهرة في المجتمع ولازم ناقشوهآ ؟؟

 

[yance]

سلام
الزواج والله مشكلة العصر بصح تفكير الطلاق مايجولش في ذهني ديجا مزالني صغيرة على لحكيات تاع الزواج

:cra_zy:وعلاش تحلفي بوالله ههه زعما أنتِ مزالك صغيرة
زواج نعمة وشنو راكم دموندو بزآف يامحيانك 50 مليون وماتقدرش تزوج في هد العصر ههه

 

[kadysom]

الساس مش صحيح
الزواج تاع لملنيوم وحكايات الليل ياخو هذا هو

 

[hiba14]

السلا م عليكم
ما نكدبش عليك القيس راه يكدب و بالنسبة ليا الحمد الله في العايلة مازال عندنا ديك العقلية تاع الطفة ما تطلقش يا لوكان ماما الرجال هاك لكن الطفلة عندنا اكتر بصح انا ديت هاد النظرة ماشي من التجارب اللي شتها لاخاطر مستحيل نكونو كيفكيف بصح من الشبيبة تاع دروك كي راهي دايرة تصيبو خدام و كلش بصح ماشي مسؤول

 

[ALEXIS SANCHEZ]

راحت النية وخسرت العقلية خويا
مادام لبنات ولاو يقولو الرجال مايتامنوش ولرجال يقولو الزواج تاع مشاكل
مايتزوجوش ومايعمروش ريسانهم وصاي

ديجا ارواح نعطيلك عقلية
​

قمة النفاق في الجزائر

.
.
.
.
.
.
.
.
.
.
.
.
.
لولاد زعمة عاشقين في الاوروبيات

البنات زعمة عاشقين في تاع الاتراك

وهوما يموتو على بعضاهم مليار

ياو قيييييييييييييييييييييييييووو

حنا في حنا والبراني يسمحلنا

يعطيك الصحة خو
​

 

[adel-mz]

السلا م عليكم
بصح من الشبيبة تاع دروك كي راهي دايرة تصيبو خدام و كلش بصح ماشي مسؤول

يتسمى مهبول ههههههه. مازال الخير في الامة خيتي .

 

[***سوسن الجزائرية]

السبب لي يجعلهم يقولو هكدا هوما المشاكل لي راهي كاينة بزاف وزيد كاين حتى متلا المرأة تتفاهم مع راجل على بعض شروط و اتفقوا بيناتهم على هد الأمر نهار لي يتزوج بيها يخرج عليها طريق.
وزيد أيام الخطوبة نص كلامها فارغ ***ماشي قاع مي الأغلبية*** هد السبب يجعل الناس تفكر في أمر الطلاق.

اضافة الى دلكـ فاني أرى في هد المجتمع الفئة المثقفة ولا كيما نقولو حنا القاريين ولي يخدمو مليح هوما لي يسببو المشاكل بالدرجة الأولى وتكون دائما نسبة الطلاق عندهم مرتفعة ، لأنو في هد الوقت راه هدا يطاول على هدا... يلزم واحد ولا واحدة مدينيين و يخافو ربي يخافوه تع الصح ماشي تع هدرة برك باه نقولو أمر الطلاق بالاك بالاك يكون تفاصا من بالهم.

والله موفق.

 

[القطة الزهرية]

:cra_zy:وعلاش تحلفي بوالله ههه زعما أنتِ مزالك صغيرة
زواج نعمة وشنو راكم دموندو بزآف يامحيانك 50 مليون وماتقدرش تزوج في هد العصر ههه

ههههههه مناه الغاشي كامل راهو يقول حاب نتزوج ماتزوجوش او هدي هي الدنيا عليك وعلى درااهمك

 

[حنان18]

صح أخي عندك الحق البنات رهوم يخمموا هكا تقرى و جيب ديبلوم وادا تزوجت و طلقت تلقا ديبلومها في يدها كيما قلت انت لكن لماذا تفكر بأنها سوف تتزوج ثم تتطلق لو قالت بأنها سوف تتزوج و هي معها ديبلوم ثم تفكر بأن الدنيا سوف تدور و لا تدوم لو يتوفى زوجها أو يكون عامل و فجأة يصبح بطال و بدون لسوغونس صح عندها الحق مي مشي تتزوج ثم تفكر في الطلاق و هي مزال أصلا مدرتش خطوة الزواج بعد و شكرااااااا على الموضوع الممتاز.

 

[M!ss_f@ti]

انا تبانلي النية لي راحت

والواحد كي يزوج قريب تولي رغبة شخصية يعني ماشي النية في الاسقرار

مرسي عليك ,,, تحياتي

 

[nawal 88]

مانقدرش نجاوبك يأخي خاطر عندنا حنا الطلاق قليل وديما المرا ولا راجل كي يغلطو يدخلو بينهم لكبار​

 

[مسلمة وافتخر باسلامى]

الطلاق هادى حاجة ربى بصح تانى قدر الله
وبالاك راهم يخممو هكدا من كثر ما صح كثر
انا رانى نشوف الطلاق صح راهو بزاااااااااااف
حنا فى عايلتنا مثلا جامى سمعنا بكلمة طلاق صرات عندنا من قبل
الحمد لله ربى يبقى الستر
بصح فى المجتمع الجيل الجديد راهى تصرا
علاش خاطرش الراجل ميتعبش فى الزواج ديالو
يماه تخيرلو وباباها يزوجو ويزيدو يسكنوه وممبعد ادا ماعجبتهمش يقولو طلقها يطلق نورمال
انا شفتها فى واحدة تسكن فى الحومة تزوجت مسكينة صغيرة 18 سنة
مشاكل خفيفة صرات مع عجوزتها
قاتلك معجبتهاش كى تخرج للعراس خاطرش مديرش مكياج هههههههههه طلقوها وعندها طفلة محوسوش عليها
وكاين طفلة واحداخرة تزوجت مرتين وتطلقت مرتين وعمرها 19 سنة:scared:
الناس ولاو يخممو فى المظاهر بزاف

 

[وصال]

يا اخي رانا نشوفوا الطلاق اكثر من الزواج نتاع الصح البنت تخاف بصح علاه في ميزك على خاطر كامل هادومه راهم يتزوجوا بطريقة مترضيش ني ربي ني العربي عقلية مريكان نتعرف عليك وتعرفي عليا وماعلاباليش على هاديك سمانة الاولى كلشي يكون فوق الطابلة صايي عرفوا بعضاهم وكشفوا خرايبهم تادي بيهم للطلاق والراجل ميثيقش في مرتوا والمرا تاني راك عارف وهذه تجارب شخصية وكاين بعض البنات مساكن يستمعوا لهاد القصص ويتاثروا بيهم علا هاديك تصيبهم يهدروا على الطلاق قبل لي يتزوجوا يقراو للزمان عقوبة فلعل وعسى ربي مكملش تلقى دراهمها في يدها. هذا رايي شكرا على الموضوع المميز.

 

[الطيب الجزائري84]

الطلاق اسبابه عديدة في وقتنا اظن السبب هو التعارف الزائد عن اللزوم والوقت الطويل بين الخطبة والزواج ..والله اعلم