ماذا ستطبخين اليوم سيدتي الجزء الســـ6ــادس

[ام منصف]

عشايا اليوم طاجين الزيتون وسلاطة

بصحتكم
فريدة الكيكة هايلة يعطيك الصحة حبيبتي
​

 

[NaNouS]

مساء الخير كيراكم
واش عشاكم اليوم
انا درت لوبيا ماشتو بالبطاطا والدجاج

بصحتكم اللوبيا اختي​

 

[NaNouS]

ام منصف بصحتكم طاجين الزيتون
-----------
عفاف بصحتك اكتيفيا الصلاة والسلام على رسول الله

 

[ام ايناس]

مساء الانوار عليكم بصحتكم قااااااااع واش طيبتو انا رجعت مرضت بلاقريب رحت للطبيب اليوم لعشية سلاااااامي للجميع

 

[cherine]

بصحتكم خواتاتي

انا ماراهش في خاطري ناكل

نهار كامل شربت كاس لتاي وحبة patisserie

​

​

 

[imane27]

بصحتك شرين تاي وباتسري هادا وحدو راه يقهم
بصحتكم ام منصف طاجين زيتون ولاطة

 

[كوثر الوهرانية]

بصحتكم كامل واش تعشيتوا اليوم الله يعطيكم الصحة
درت جواز بالقرعة جا امممممممممممممممممم

 

[محاربة صحراء]

العشاء نتع اليوم بربوشة

 

[حاملـة المسك]

السلام عليكم...صباحكن عطر يا وردات اللمة

ترشفو القهوة الصباحية مصحوبة بالتمر الصحراوي

انعم راجية كنت اول الملتحقات برافو..و بصحتكم العشا
مممم بصحتك طاجين القرنون روز...حرااام عليك بسومة طولت عليها وشمن شخشوخة نورينا :cra_zy:
كبريائي بصحتك اللوبية و الدجاج
اهاااااه ندودة أخرج عريان ربي يكسيك سخفتي على البراج ... و الغرس مكاش قلبتيها رخساسة مبسة :shiny:
اللهم صلي وسلم و بارك على الحبيب المصطفي..بصحتكم العشا عفاف
بصحتك طاجين الزيتون ام منصف و الله يعينك في الـ :showoff:mission impossible
بصحتكم الطعام محاربة الصحراء
ام إيناس بخري الدار بالشيح و لا بالـ الحقيني ندودة نسيت إسمها​

 

[ŚσÚмĨÁ.Ďz]

صباح الخير كيراكم
بصحتكم
ام منصف : بصحتك طاجين الزيتون امممم
شيرين :بصحتك لاتاي
كوثر : بصحتك جواز بالقرعة
محاربة الصحرااء :بصحتك عشااك اليوم
حاملة المسك : الله الله على فطورك اليوم ياو بصحتك التمر الصحرااوي
​

 

[merieme hassi]

السلام عليكم
صباح الخيرات و البركات
واش احوالكم بصحتكم كامل واش طيبتو الله يبارك فحلات اللمة
نرجس ان شاء الله بنتك لاباس
ام ايناس ربي يجيب الشفاء طهور ان شاء الله و حاولي علي روحك حنونة
شيرين ربي يكون معاك في الوحم حنونة
و ربي يرزق كل محروم مريومة و فلو سة و ام فاروق ان شاء الله
يوم مبارك

 

[Djazaire-El-Ghalia]

يعطيك الصحّة إبتسام تعيشي حطّي الوصفة في قسم الأطباق الرّئيسيّة عندي شحال وأنا نحوس عليها كليتها مرة عند صديقتي تونسيّة حارّة وبنينة

​

 

[عشقي الامارات]

السلام عليكم
صباح الخيرات و البركات
واش احوالكم بصحتكم كامل واش طيبتو الله يبارك فحلات اللمة
نرجس ان شاء الله بنتك لاباس
ام ايناس ربي يجيب الشفاء طهور ان شاء الله و حاولي علي روحك حنونة
شيرين ربي يكون معاك في الوحم حنونة
و ربي يرزق كل محروم مريومة و فلو سة و ام فاروق ان شاء الله
يوم مبارك

صباح الخييييييييييييييييييييراااات
اختي مريم حاسي اللهم امين
ربي يعيشك
شكرا على الدعوة

 

[كوثر الوهرانية]

صباح الخير و الربح
كي صبحتوا خوتاتي
ميريم حاسي مريومة الجزائر الغالية رغودة كبريائي الجزائر :sheer:
واش نويتوا للغدا اليوم
راح ندير مدربل و عجنت خبز الزيتون

 

[merieme hassi]

صباح الخير و الربح
كي صبحتوا خوتاتي
ميريم حاسي مريومة الجزائر الغالية
واش نويتوا للغدا اليوم
راح ندير مدربل و عجنت خبز الزيتون

السلام عليكم
واش راكي حنونة ان شاء الله زوجك ريح شوية و الميمة ثاني ان شاء الله بخير
اليوم عملت حريرة و قراتان بطاطا بالفرماج و خبز الدار الله يدومها نعمة نكمل و نحط الصور ان شاء الله
يوم مبارك للجميع

 

[روز]

مممم بصحتك طاجين القرنون روز...حرااام عليك بسومة طولت عليها وشمن شخشوخة نورينا :cra_zy:
mission impossible​

صباح الوردعلى بنات اللمة
بصحتكم وش طيبتو وكليتو

راكي تشوفي رغودة نضت الصباح قلت نلقاها مكتوبة ونديرها في الغدا مالقيتهاش:schmoll:
مزية الواحد مش يتوحم ولا كن جيفتها:cra_zy:
راني درتهم مشويين مع الارز امبعد نوافيكم بالصور
والشخشوخة نخدمها نهار آخر

 

[l'algeroise]

صباااح الخير علييكم نشالله تكونو كامل بخيير
شكراااا لكاامل لي سقساو على الماجستاار و دعاولي شفت النتائج فالموقع تاع الجامعة الله غالب ماكنتش من بين العشرة الأوائل العام الجاي نشالله ادا كان كاين نقرالو أكثر هاد المرة كانت أول تجربة
أم منصف واش النتائج ؟؟؟؟؟؟
صح غدااكم كاامل​

 

[NaNouS]

السلام عليكم
صباح الخير عليكم كامل يا البنات

مريم حاسي صباح الانور واش احوالك ان شاء الله راكي بخير
--------------
روزيتا تحوسي على شخشوخة الظفر ولا واش من شخشوخة
----------------
رغوودة هاداك تمر الحج ولا انتاع الصحرا بصحتكم
-------------------
مريومة صباح الخير عليك مصبحتيش بكري وليتي فنيانة
---------------
الجيرواز معليش العام الجاي ان شاء الله تكوني من الاوائل
------------
ام نوسة ان شاء الله صبحتي مرتاحة اليوم
------------
ام كوثر كي راح الزوج والوالدة ان شاء الله تحسنو
--------
بسوووووووووومة نوضي مدي الشخشووخة لمرا عندها يومين وهيا تحوس عليها ​

 

[عفاف الجزائرية]

صباحكم بالخير
ان شالله الجميع بالف خير
روز كيفاه صبحتي حبيبتي ان شالله تكوني بخير
وكل البنات مريم حاسي ننوس وعشقي الامارات وفريدة وكل البنات
انا راني ندير في البكبوكة ولا الدوارة ولا الحمص كل واحد كيفماه يسميه
ليوم الجو شوي بارد وخواتاتي عندنا
هاذام ما يسلكها
اتهلاو في رواحكم
ومباعد نوافيكم بالصور
​

 

[عفاف الجزائرية]

واشمن شخشوخة اختي روز
قوليلي بالاك نعرفها ولا تعرفها امي نقوللك عليها
​