ماذا ستطبخين اليوم سيدتي الجزء 7

[merieme hassi]

السلام عليكم
واش احوالكم اليوم ان شاء الله بخير :sheer:
كل عام و انتن بخير و الله يرحم شهداءنا الابرار و ربي يبارك في رجال و نساء الجزائر
بصحتكم كامل واش طيبتو
اليوم عملت ليكالدي و عملتهم شوية كبار علاخاطر راجلي مشي مع صاحبو يشوف الكبش قلت درك يجيبو معاه ببفطور باش ميصراليش كي البارح _o:
كي نكمل نحط الصور ان شاء الله
حلمي الامومة مرحبااااا بيك معانا دخلي مباشرة في لمتنا :sheer::sheer::sheer:
يوم مبارك للجميع

 

[أم انس عبد الله]

السلام عليكم ورحمة الله وبركاته
اختى ماعليش اتقولىلى واش اتديرى في العجينة وتانيك في الكريمة
يعطيك الصحة

​

​

ودرت تانا لي تارت سابلي

 

[merieme hassi]

السلام عليكم
ليكالدي وجدو :sheer::sheer::sheer:بارك الله فيك فلوسة

 

[merieme hassi]

شهرزاد لتاتولات هايلين يعطيك الصحة لوكان تحطيهم في موضوع باش نستفادو الكل حنونة

 

[عفاف الجزائرية]

سلام عليكم اخواتي
ان شالله تكونو لاباس عليكم
اليوم العشاء نتاع الدار نتاع اختي الجديدة
ورانا نطيبولها فيه عندنا
شربة جلبانة طاجين حلو وفلفل وسلاطة وجاج محمر
تقول العرس راه عندنا
المهم مباعد نوافيكم بالصور
ويعطيكم الصحة لكامل اطباقكم والله ما شالله ربي يبارك
اما ليكالدي انس نشوف فيه اعادت حملة كيما حملةا لفريكاسي
نفوت العشاء ونطبقهم انا تاني
نقعد ونوافيكم بكل الصور
--------
ندوش كادوك راه محطوط في الحفظ اولصون بالاك السمانة الجاية نطلعو لباتنة ونجيبهو لاختي بلا ما توصيني
​

 

[رآج ـية العفو]

السلـآم عليكم ورحمة لله
يسعد صبآحكم وربي يرحم شهدآئنآ الأبرآر
بصحتكم لبنآت وآش طييبتو يعطيكم الصحة وربي يبآرك عليكم
شهرزآد يعطيك الصحة خيتو وشيرين الله يبآرك على ذيك الطآبلة
يعطيك الصحة حبيبة
عفوفة الحمدلله على سلآمة خوووك ومآ تكثريش الشكولآ وتخربي ريجيمك
قسميهآ معآيآ >>نصآبة ههههه وربي يعآونك حبيبتي
فطورنآ سريدن مقلي بلآصوص تومآت وسلآطة ولي مونآد
بصحتكم الغدآ كآآآمل​

 

[روز]

السلام عليكم
اليوم درت الخبز نتاع ابتسام وليكالدي واللوبيا
زعمة باش ناكلهم ماقدرتش مي ذقتهم خرجو هايلين
امبعد نوافيكم بالصور
بصحتك مريم وعفوفة الحمدلله لي العائلة بخير

 

[oumsif]

صباح الخير اعليكم كيف صبحتوا مريم بصحتك الكالدي جاك روعة
شرين عرضة وعليها لكلام تبارك الله فيك
راجية بصحتك السردين تاكلوه بالصحة
عفاف مبروك الدار الجديدة انتاع اختك و يجعلها صدقة مقبولة اعليها وتدخلها بالهناء
وصح غداكم الكل والصايمات ربي يقدرهم
غداي اليوم بطاطا في الكوشة

 

[dahbito]

سمورة سخفتيني بصحتك البطاطا ​

 

[oumsif]

الله يسلمك دهبيتوا:shay:

 

[عفاف الجزائرية]

السلام عليكم
وعفوفة الحمدلله لي العائلة بخير

بصحتك اختي روز الغداء والعائلة بالف خير والله لبارح كنتي في محضر الحكايات وطبعا حضرتي محضر خير كيما
​

 

[ألاء الرحمـــن]

صباح الخير عليكم يا الشاطرات ان شاء الله تكونو بخير
انا البارح دخلت لداري واليوم صبحت مع الميزناج وزيد صايمة اليوم فطوري شوربة فريك وسلاطة مع شفلور مي كي شفت بطاطا كوشة نتاع الاخت سمورة تلفتهالي لعشية طويلة وربي يقدرني
صحا فطوركم وبصحتكم البنات بنات بلادي الفحلات
وصيامكم فالجنة الصائمات



​

 

[nada242008]

عفوفة راني غير نتمسخر معاك هههه والله مرحبا بيك تانسي وتشرفي ان شاء الله تكتب برك
والف مبروك لاختك وماتطوليش علينا بالصور :showoff:
مريم حاسي تطبيق ممتازوبصحتكم
روز بانتظار الصور :sheer:
سمورة اممممممممممممم البطاطا جاتك تشهي بصحتكم
اسومة بصحتكم السردين
وصحا غداوات الجميع
انا درت تليتلي اللي بلا تفوار ..سخفتني فيه سمورة البارح وزدت معاه فلفل وطماطم
وصورتو بالتفصيل للاختان سوسو ونونا ضرك نحطو كموضوع

--

--

 

[oumsif]

الله سسلمك ياسمين صيامك في الجنة

 

[imane27]

سلام لبنات واش راكم
انا مرانيش مليحة كامل لبارح تلقينا خبر وفاة اخت عزيزة علينا الله يرحمها ويسكنها فسيح جناته

 

[oumsif]

الله يسلمك ,امممم ام ندي الثلثي جاك روعة تاكليه بالصحة اختي بصح فهمني كيفاه بلا تفوار

 

[oumsif]

ان الله وان اليه راجعون ربي يرحمها و يسكنها فسيح جنانه وربي يصبركم اختي ايمان

 

[dahbito]

عظم الله اجركي اختي ايمان
ربي يرحمها ويسكنها فسيح جنانه
​

 

[dahbito]

ام ندوش بصحتك التليتلي يشهي
حبيت نسقسيك هداك السمن الى خدمتي بيه البقلاوة كيفاه سمو وبشحال شريتيه
​

 

[ألاء الرحمـــن]

عظم الله أجركم اختي ايمان ان لله وان اليه راجعون ربي يصبرك على فراقها
ادعيلها واطلبيلها الرحمة والغفران

​