ماذا ستطبخين اليوم سيدتي الجزء 7

[ibtesem]

والله انا تاني حاطة الكروكي في راسي حبيت المقروض المشكل زوجي مايحبوش البنات ايضا
وقيل نزيد صابلي
بارك الله فيك حكيك

 

[ibtesem]

‏عشقي الامارات مريومة راه عندك ايامات وانت غير من المشاهدين وينك
ياك راكي بخير اختي

 

[dahbito]

بصحتك ام اناس الفطور​

 

[حكيك]

والله انا تاني حاطة الكروكي في راسي حبيت المقروض المشكل زوجي مايحبوش البنات ايضا
وقيل نزيد صابلي
بارك الله فيك حكيك

وفيكي يبارك
بزاف عليك انا عمري منعمل حلوة لي نحبها وانما العكس باش تخلاصلي باخف

 

[dahbito]

والله يا ابتسام انا تاني رايحا ندير شوية كروكي ونوع قاطو نتاع المعجون وفيهم بركة

 

[روز]

يعطيكم الصحة لبنات لي سقساو عليا كااااااملين بلا استثناء
اعذرو دخولي المتقطع ان شاءلله قريب ونرجع معاكم كما كنت

 

[dahbito]

اليوم عفوفة مابنتش باينة راهي لاهية مع خوها​

 

[ام ايناس]

الله يسلمكم لبنات وبصحتكم انتوما تاني الفطور والصايمات ربي يتقبل منكم
بسوم انا درك رايحة نعمل صابلي نتاع ام نيفين ونشوف واش نزيد معاه حابة ندير 3 انواع انشا الله

 

[حاملـة المسك]

السلام عليكم...صحيتو لبنات

سامحوني راني لاتيا ... قالك جا العيد حير السواسي
راكم تهدرو على الحلوة.......حتى انا راني فيها
راني وجدت عجينة المقروط الصباح و درك راني خارجة نحوس عل طابع الخلية قلت نغير الشكل
يا ربي نصيبو
و راني حايرة وش نزيد
قلت 2و لا 3 انواع و الرابعة و قلت ندير لمادلان صبحة العيد و نزينهم بالمكسرات و النوتيلا علاش وش خصو
عجبتني طريقة روز الاخيرة بصح هدوك لمول منظنش يتباعو عندنا و لي عندها فكرة بمول آخر تقولي
مدام خارجة بلاك نصيبو​

 

[حاملـة المسك]

 

[حاملـة المسك]

في هدي ام نفين راهي تقول عجينة اللوز او التزيين
ديال التزيين عمري ما سمعت بيها شكو توريهالي و باش مخدومة..؟​

 

[dahbito]

اهلين رغودة واش راكي
انا نظن انها مخدومة بالفندون

 

[كوثر الوهرانية]

السلام عليكم
كيراكم لبنات
بصحتكم كامل واش طيبتوا الله يكثر الخير
رغودة هدوك لي مول الي دارت فيهم روز المادلان كاينين غير هما فالمرشي حوسي تلقيهم
و تاع ام نفين هدوك طابع تاع سيليكون في الطابع الواحد تلقاي شحال من شكل تحكمي عجينة الوز و تدخليها في الشكل الي حابته و تقلبي تخرجلك وردة ولا الشكل الي خيرتيه

 

[ibtesem]

​

في هدي ام نفين راهي تقول عجينة اللوز او التزيين​

ديال التزيين عمري ما سمعت بيها شكو توريهالي و باش مخدومة..؟​

سلام رغود هدي راها عجينة اللوز مي طبعتها في الطابع تاع الوردة راه يتباع عند تاع
دوزان الحلويات

 

[حاملـة المسك]

اهلين رغودة واش راكي
انا نظن انها مخدومة بالفندون

الحمد لله على كل الاحوال ...كيخطونا ناس الشر و المشاكل نولو بخير
الله يدومها قعدة حلوة و طيبة مع حباباتي
دك نعمل بحث عليه...... بارك الله فيك​

 

[كوثر الوهرانية]

نحكيلكم يا لبنات
اليوم الصباح نضت ديت راجلي كونطرول تاع لاكازوروا مجيناش حتى العشرة ونص و منبعد راجلي درتله كرسي و بقى مجمع بر يستهوا شويا و يشوف الناس و انا رحت للمرشي منقولكمش عل الاسعار تخلع المم شريت و جيت دراعي طاااااااااار درت الغدا مقارونة لدراري و لباباهم فريت اوملات و كاشير و فرماج و درك دخلت نسلم عليكم و نروح نخدم بوفجوغ نوجده للعيد و نرقد شويا
راكم تهدروا على الحلوى انا راه عندي الصابلي فالمجمد و نزيد كروكي و مقرود راه في خاطري و طورنوا و بلاك كعك

 

[حاملـة المسك]

أما بالنسبة للوردات كاين طابع مخدوم بالسيليكون فيه 24 نوع من الورد و أنت استعملي الي يعجبك نجيبو عجينة اللوز أو عجينة التزيين

...............
ام نفين هنا قالت عجينة التزيين
بارك الله كوتر شتهم هدوك الطوابع راهم في القائمة باش نشريهم​

 

[faloussa]

اممممممممممممم يا بسومة فطورك هايل الليلة بلاك نعاندك في طاجين الجلبانة
والحمد لله انو عجبتكم الوصفة نتاع ليكالدى ، جاوك روعة حنونة

 

[merieme hassi]

السلام عليكم
واش راكم ان شاء الله لاباس
بصحتكم كامل واش طيبتو بالصحة و الهنا ان شاء الله
ان ندي بقلاوة تهبل يعطيك الصحة
نانوس مبروك علي الغزالة جيهان اجمل طفلة ربي يحفظها ان شاء الله
ابتسام بصحتك جاةك يهبلو نجربهم ان شاء الله و بارك الله في فلوسة ربي يوفيلها ماتتمني امين
ام كوثر بالشفاء علي راجلك و ربي يعاونك
انا اليوم مقدرتش نصوم غدا ان شاء الله نكمل الباقي
ام كوثر حنونة راني جربت القاطو تاع العسل و زدت بعض التعديلات لميت الخليط ببيمو مطحون و كملت بالفرينة جاني رووعة كي نكمل نحط الصور بادن الله
بارك الله فيك اختي ام كوثر
سلامي لكن بدون استثناء و السوال علي الغايبات
فطوري كان عدس الله يدومها نعمة

 

[رآج ـية العفو]

السلآم عليكم ورحمة الله
يآ مرآآآحب يالغآليآت وآش رآكم توحشتتتتكم
النت من البآرح الصبآح مقطوعة واليوم جآت الصبآح
رآح الضو هذآ وين جآ كي تتصنع من جيهة تخرب جيهة
بصحتكم وآش طيبتو الله يبآرك لقيتكم في الجزء 7
بصحتكم الفطور
نشوف وآش درتو في غيآبي ونرجع​