ماذا ستطبخين اليوم سيدتي الجزء 7

[nada242008]

روز اللوبيا تشهي والخبز ثاني ولي كالدي خرجولك روووعة بصحتكم
ايمان عظم الله اجركم .. شكون اللي توفات ؟
ابتسام راهي ساكتة اليوم خير ان شاء الله ...والله غير تحيرت
اسومة البريوش خرجلك يشهي يعطيك الصحة
برانستس القريوش هذاك يا ريت الوصفة
مها صحا فطورك والرخساس امممممممم

 

[برنســ اللمة ـيسة]

صحا فطوركم يا الصايمات ربي يتقبل منكم انشاء الله
يعطيكم الصحـــة
روز تفضلي هاي ليك الوصفة و نظن سقسيتك عليها من قبل في الصيـــف قلتيلي مانعرفهاش و كون تلقاي الوصفة تاعها جيبيها راني شارشيت عليها حتى جبتـــها
تفضلي​

https://www.4algeria.com/vb/showthread.php?p=3820869#post3820869

 

[shahrazad]

السلام عليكم ورحمة الله وبركاته
اختى ماعليش اتقولىلى واش اتديرى في العجينة وتانيك في الكريمة
يعطيك الصحة

سلااام لبنات يعطيكم الصحة كل ماكلة تقول لختها بااااااعدي
الله يبارك

////
اهلا بيك ختي
راني درتهم في موضوع كيما قالت ختي مريم

تفضلي


https://www.4algeria.com/forum/t/315919


​

 

[imane27]

روز اللوبيا تشهي والخبز ثاني ولي كالدي خرجولك روووعة بصحتكم
ايمان عظم الله اجركم .. شكون اللي توفات ؟
ابتسام راهي ساكتة اليوم خير ان شاء الله ...والله غير تحيرت
اسومة البريوش خرجلك يشهي يعطيك الصحة
برانستس القريوش هذاك يا ريت الوصفة
مها صحا فطورك والرخساس امممممممم

ندى هادي واحدة فى منتدى اخرعندها مسكينة 12 سنة زواج محملتش ومور رمضان قلتلنا راهي بلحمل وكان ديما متبعنها وغير كيما غابت حوالي شهرين وكي رجعت قالت كانت فالسبيطار عندها توأم ولازم يشدوها ولبارح برك كنت نهدر معها ولعشية جاها نزيف قوي داوها لسبيطار عملولها عملية قيصرية وجبدو الجننين وماتو وبعد شوية كتر عليها نزيف وماتت الله يرحمها والله راني فى صدمة كبيرة

 

[nada242008]

لا اله الا الله .. انا لله وانا اليه راجعون
والله لحمي شوك .. حكاتلي عليها ابتسام من قبل وتفكرت حكايتها
سبحان الله .. ماكتبلهاش ربي تشوف اولادها
ربي يرحمها ويوسع يقبرها ويثبتها عند السؤال يا رب
صح شوك كبير ... مازلت متفكرة وفاة الاخ ايوب وصدمة تلقي الخبر
ربي يرحمهااا يا رب و ان شاء الله مثواها الجنة

 

[روز]

عظم الله أجرك اختي ايمان في صحبتك الله يرحمها ويسكنها فسيح جناته
راهي شهيدة عند سيدي ربي الله يصبر أهلها

برنسيسة بارك الله فيك على الوصفة يعطيك الصحة راكيمتفكرة شرح مفصل وهايل ان شاءلله برك نلقا لي قطعتي بيه هداك مرسي
خرجلك روعة ويشهي ومتقن
مها ولا ياسمين مش حافظة الاسم مرسي والخبز جاك هايل خسارة مانقدرش نعملو

 

[nada242008]

روز تقدري تطيبي الكسرة في الالة الكهربائية اللي نطيب فيها الخبز العربي اذا عندك
طيبت فيها البراج خرج هايل وماكانش فرق كبير على الطاجين

 

[حاملـة المسك]

السلام عليكم

صحيتو يا البنات بصحتكم الغدا و العشا و الحلويات

راجية الشكولة البيضاء و السوداء كشما تضيفي لما تدوبيهم
الشكولة الخاصة بالحلويات
ام نفين قالت شكولة انبسادور ضيفولها الزبدة
انا شريت ديال الحلويات لما ضفتلها الزبدة فسدت​

 

[حاملـة المسك]

هدي لشريتها

​

 

[ألاء الرحمـــن]

روز اللوبيا تشهي والخبز ثاني ولي كالدي خرجولك روووعة بصحتكم
ايمان عظم الله اجركم .. شكون اللي توفات ؟
ابتسام راهي ساكتة اليوم خير ان شاء الله ...والله غير تحيرت
اسومة البريوش خرجلك يشهي يعطيك الصحة
برانستس القريوش هذاك يا ريت الوصفة
مها صحا فطورك والرخساس امممممممم

الله يسلمك ندوشة كلمة رخساس اول مرة نسمعها قصدك خبز فطير ولا الكسرة كيما يقلولها؟

ندى هادي واحدة فى منتدى اخرعندها مسكينة 12 سنة زواج محملتش ومور رمضان قلتلنا راهي بلحمل وكان ديما متبعنها وغير كيما غابت حوالي شهرين وكي رجعت قالت كانت فالسبيطار عندها توأم ولازم يشدوها ولبارح برك كنت نهدر معها ولعشية جاها نزيف قوي داوها لسبيطار عملولها عملية قيصرية وجبدو الجننين وماتو وبعد شوية كتر عليها نزيف وماتت الله يرحمها والله راني فى صدمة كبيرة

ان لله وان ليه راجعون الله أكبر اللهم أجعلها من أهل الجنة
والله لحمي شوك كي سمعت حكايتها ربي يصبر اهلها والله حرام بعد طول الفرحة تخسر التوام وزيد هي قداء الله وقدرو

عظم الله أجرك اختي ايمان في صحبتك الله يرحمها ويسكنها فسيح جناته
راهي شهيدة عند سيدي ربي الله يصبر أهلها

برنسيسة بارك الله فيك على الوصفة يعطيك الصحة راكيمتفكرة شرح مفصل وهايل ان شاءلله برك نلقا لي قطعتي بيه هداك مرسي
خرجلك روعة ويشهي ومتقن
مها ولا ياسمين مش حافظة الاسم مرسي والخبز جاك هايل خسارة مانقدرش نعملو

الاسم المستعار مها والحقيقي ياسمين
بلا مزية حنونة روز نديرو شونجمو انا نعطيك خبز الدار وانتي لي كادي ديالوك مممممم سخفوني

وهذا عشايا لليوم متواضع جدا

​

 

[روز]

روز تقدري تطيبي الكسرة في الالة الكهربائية اللي نطيب فيها الخبز العربي اذا عندك
طيبت فيها البراج خرج هايل وماكانش فرق كبير على الطاجين

ماعنديش ام ندوش صوريهالي نشوفها كن نلقاها هنا نشريها
ياسمين تشرفنا مائدة نتاعك تشهي الله يبارك

 

[ام منصف]

بصحتكم كامل واش طيبتو كل وحدة باسمها وصحى فطور الصايمات
ايمان عظم الله اجرك وربي يصبر ماليها
اليوم درت قاطو القطيفة والغدوزة ناوية ندير المقروض ان شاء الله
الغدا كان عيش
والعشاء كان قراتان بطاطا
بصحتكم كامل
​

 

[حاملـة المسك]

مها الرخساس جاك هاايل احمر يقرمش...صورتك الرمزية دائما تخدعني نحسبك ميميشا
توحشناك يا لالة
برنسيسا المقرقشات جاوك هايلين + تقييم
متزعفوش يا البنات هدا وش راجعت ...تبارك الله عليكم جميعا
إن لله و إن لله راجعون ...عظم الله اجركم إيمان في فقيدتكم
الدوام لله
لعشية خرجت في زيارة و جزت على منزل احد المعارف
قلت إيه يا الدنيا درك ليشوف هدي الفيلا 3 إيتاج بناء ماشاء الله هندسة في قمة الروعة
يقول ناس عايشين و لكن في الداخل العالم غير لعالم
العائلة فقدت أولادها في حادث سير هداك ما يسعاو
لما شتها اليوم شعرت ان هدي الدنيا واااااالو لما يغيبو الاحباء
عشة و ماليك كاينين و لا قصر و احبئنا غايبين نضموهم الا بصورة تذكارية
​

 

[dahbito]

السلام عليكم
صح فطور جميع الصايمات ربي يتقبل منا ومنكم ان شاء الله
اختي ايمان ربي يرحم صديقتك ويسكنه فسيح جنانه
بصحتكم كامل واش طيبتوا
اليوم درت تليتلي للعشاء سخفتني فيه ام ندوش
هادا هو العشاء



​

 

[imen85]

 

[imen85]

 

[imen85]

نتمنى تعجبكم

 

[imen85]

‏ibtesem, ‏imane27 كيفاش راكم انا هي ايمان احمد

 

[ام منصف]

بصحتك ذهبية تليتلي هايل
ايمان 85 عشاكم يشهي بصحتكم
حاملة المسك علاه راكي غالقة استقبال الرسائل الخاصة؟؟
راني لقيت استعمالات نتاع الطوابع اللي مع طابع مقروض الشهدة وبغيت تشوفيهم معايا على خاطر انا ثاني كنت حايرة في واش يستعملوهم قلت نفيدك معايا
​

 

[imane27]

اهلا ايمان واش راكي
انا مراني قادرة نحط والو تشكيت من وفاة عرجون