المندبة كبيرة و لميت bogos

[آمِيْرَتُه]

السلام عليكم ناس اللمة

ان شاء الله الكل بخير


اليوم جيت نحكيلكم على وحد البنت تقرا معايا


اليوم مع الصباح كي وصلت لافاك لقيت شيرات صحاباتي

(البنات) دايرين جماعة و فالوسط بنت

رحت سلمت عليهم اووووووو شاكين و حد تقرا معايا و سمهم

رادود قاعدة تنوح و تبكي :sad: مالكي شاكين(واش بيك) غير

الخير نطقت وحدة و قالتلي بقوس مات _o: بقيت نحوس شكون

هذا كي يجيها؟ قلتلمه باش مات و شكون كي يجيها؟

نطقت و قالتلي بقوس كلبي ( أكرمكم الله ):shiny:

او علاجال كلب راكي تنوحي و تبكي و كون مات انسان

قريب ليك شاديري المهم الحاجة لي خلعتني علاش النواح و

النذيب صباح ربي

كون كنت في مكانها شا ديروا؟

هل وصل بينا الجهل لهذي الدرجة؟

قرعجوا كي تبغوا اليكم الخط



​

 

[chemssou007]

تم الاعتماد

+

شوفيـ ما نكذبش عليك
كانت في الدار عندنا قطة و كي كانت راح تولد ماتت و قاعدا تتوجع غاضتني و الله
ديناها عند البيطري ما قدر يديرلها والو
ماتت
و الله غاضتني
لأنها قاعدة تعيط
المهم

بارك الله فيك على الموضوعـ

تحيــــــــــــاتي​

 

[إنسانة ما]

وعليكم السلام ورحمة الله
أضحك الله سنكِ أختي أمينة، ضحكتيني والله
هاذي مرة جارتنا ماتت قطتها دارت مندبة في الدار، تبكي وتنوح. ومرة وحدة صاحبتي مات العصفور تاعها وش نقولك حزنت حزن كبيييييير.
أنا خاطيني الحيوانات، ما نربيهم ما نتعلق بيهم ما نبكي عليهم. صحيح هو يغيض بالأخص إذا والفتي بيه بصح مش لدرجة ننوح وندير مندبة.
ربي يرحم بوووقووووووووووس، أكيد كان بوقوس صح علابيها حرقلها قلبها.
يعطيك الصحة

​

 

[zahira92]

كاين لي يتعلق بالحيوان وانا منشوف فيها حتى مشكل بصح مندبة وحزن شديد كما راكي تحكي منيش معاها ممكن يغيضك انت بصح مش راح تقلبها عزى
​

 

[Jeune Sghir Mc]

ايه
اداو عقلية الـgـور
يربو لي كانيش والكلاب
بويسك مايولدوش لي بيبي
وحنا شعبنا امعات يتبعو واش يشوفو
الجهل بأم عينه
​

 

[SAMIRA25]

صح الرسول صلى الله عليه وسلم وصانا بالرفق بالحيوانات و لكنه نهانا ايضا عن العويل وننوح و النديب على موتانا البشر فما بالك الحيوانات

 

[kazawa]

ههههههههه ياخي حالة

 

[ماكانش]

هههههههههههه
اهلا بيك منيني
والله قتلتيني بالضحك ههههههههههه
شفتني غير مرتو بوقوسة إذا كان مزوج ههههههههه
والله صح الإنسان كي يوالف بحاجة رباها تغيضو كي تموت بصح ماشي لدرجة يبكي وينوح ...
مرة جارنا كبير تودرلو فكرون تاعو قاعد يبكي
بصح علابالك شحال وهوا مربيه عندو ؟؟؟؟ واقيلا اذا مانسيتش 26 سنة وهوا عندو في الدار ...
ههههههه
هذا يبكي عليه نورمال راهو ولا خوه الصغير ههههه​

 

[nawal 88]

ياختي والا كانت موالفاتو ومربينو هوما حاجة باينة يغيضها
حنا كان عندنا صقر مربيينو نهار كلا رجل الكناري تاع خويا غاضو الحال حكم طلقو طار والله ختي ماخلات ماتبكي عليه هههههه
وانا ثاني كانت عندي قطة خرجت ولم تعد لحد الآن وهي غايضتني​

 

[إنسانة ما]

وانا ثاني كانت عندي قطة خرجت ولم تعد لحد الآن وهي غايضتني​

حوسي عليها في وكل شيء ممكن، ولا ديري إعلان في كانش جريدة :shiny:
ربي يحفظك أختي نوال ويرجعلك قطتك

​

 

[nawal 88]

حوسي عليها في وكل شيء ممكن، ولا ديري إعلان في كانش جريدة :shiny:
ربي يحفظك أختي نوال ويرجعلك قطتك​

هههههه خلي عليها تعيش حياتها بعيد عليا باينة كرهت مني:sheer:​

 

[ماكانش]

​

وانا ثاني كانت عندي قطة خرجت ولم تعد لحد الآن وهي غايضتني​

هههه
واش كانت لابسة النهار هذاك ؟؟؟
وكاشما عندك تصويرة من تصاورها نفتشو معاك ههههه
ان شاء الله ترجعلك ...​

 

[إنسانة ما]

هههههه خلي عليها تعيش حياتها بعيد عليا باينة كرهت مني:sheer:​

ممكن حتى هي قلقتها ماكلتك المسوسة وكسرتك الخشينة، فهجت.
وراحت لبلاصة أخرى ماكلتهم بنينة
(راهي جات عندي)
:showoff:
​

 

[touffik]

هههههههههههههه كاين بزاف منهم

​

 

[ملكًة الاحسآس]

وعليــكم الســلام
ههههه والله العام الي فات بركـ وحده تقرى نعايا هكدا ، ماتلهــا جاكـ تاعهـــا ، جات تبكي ومادخلتش تقرى وكل ساعة تعيط لدارهم دفنتووه ولا مازال هههه والله كارثة صــح
هو صح الواحد فينــا كي يربي حاجة وسورثوو الا طولت عندوو تغيضو بصـح مش لدرجة يدير منذبة عليها
+
ميرسي على الطرح منمن
​

 

[***سوسن الجزائرية]

الواحد كي تقعد حاجة عندو مدة طويلة من بعد يفقدها الأمر صعيب , بصح باش يوصل لدرجة النياح مانقلك غير الله يهدينا
وشكرا لكـ .​

 

[sisi19]

اختي نشكرك على الmوضوع ونقولك بلي ما فيها والو كي بكات بصح تندب لا لا :santa_1:سوختو ادا هاد الحيوان تربات معاه maskina:sad::re_gards:

 

[جوانا]

chokran okhti 3la elmawdo3

 

[شذى الاسلام]

الله يهدي ما خلق

 

[═♥.ЈŪšť_ màn.♥═]

____
اممممممم خااااااالتـــو ... راااااااح فكري بعيــد
اممم انا حسبتــ بوقوســ يعني .. جاااااان شبابــ .. حرقووســ يعني
هههههههههههههه
مي في الاخير خرجــ كلبــ ° اكرمكم الله °
نولي للموضوعــ :
امممم خالتــو ... باااااه نبكي على كلبــ و صباااح ربي و في لافاااكــ
حاجــة شوي صعيبــة ههههههههه
مي الطفلة بااينــة بنتــ papIIi w mamIi
looooooool
الكلبــ هاااااااداكــ عزيزة عليهااااااا
.. و كيمـــا قلتــ بالاكــ انسااان ماديريشــ عليه هكااا
الله غاااالب الجهل جهلــ ههههههه
تحياااتي خالتــو
تقبلي مروري
​