السلام عليكم و رحمة الله تعالى و بركاته
وش راني نهدر ؟؟
والله ما علابالي
حبيت نحكيلكم على مواقفي مع جارة دار جدي ( موقع استراتيجي )
اسمها مهرية ربي يرحمها
و بنتها شلبية و حفيدتها العارم
هي يعني مجنونة شوية
تحكي مع الذبايح و مع الديمو ( يجيوها الاشعاعات يحكيو معاها )
و لي تحيرك انو الهدرة لي يقولوهالها كامل صحيحة !
المهم بعد جهد و عباء ( كيما تقول العارم )
قررنا باه نبعثو السيدة شلبية للحج لعل و عسى يرجعلها شاهد لعقل
مي تقول بعثناها لهاواي تحوس
بعد سلسلة متواصلة من السرقات ( السكر،،اللحظة،،حاجة نسيتها )
و الابتزازات ( سمعت وحد النهار واحد يحكي مع مرتو الثانية و بعد تقرعيج كبير فهمت بلي مرتو اللولة معلابالهاش بلي مزوج عليها و هنا بدات العمليات الابتزازية في الحرم الشريف ) الخ الخ
و كي رجعت بدا الكذب و التبلويط
بدات تحكيلنا كيفاه الناس تطوف و هي تقشر في الكوكاو
و حكاتلنا نهار لبست قندورة قاطيفة في عرفة ( تحساب فيه عرس )
و نهار لي ماراحتش لمنى و راحت تتفرج في ماتش تاع تيپي مازمبي مع اتحاد دوالا
و انا ديما لي تجي فيا الطامة الكبرى
بعد ما رجعت قالتلي جيبي القهوة و طولت عليها
ضربتني بالفايونس لي كان في دارهم
قريب قتلتني :sad:
و نهار لي جا واحد يخطب في بنتها و تحساب فيه يخطب فيها هي
قالتلو وين تسكن
قاللها الشانية محطة ^^
قالتلو اوآآآآه منديكش
تسكن في بلاصة ماكانش حتى في الخريطة :scared:
و هو زاد الطين غصة ( مقتبسة من عند العارم كالعادة )
و قالها ماجيتش نخطب عجوز كيفك
راني جيت نخطب بنتك :luve_1:
و هنا بدات العاصفة لي تسبق الهدوء
قالتلو انا عزوزة ضرك نوريلك التعزعيز ( عزعز يعزعز تعزعيزا ^^ )
و ضرباتو بالفنجال تاع القهوة :showoff:
حتى الضو ماشافوش مسكين طول للسبيطار
و زيد راحتلو لسبيطار نحاتلو الخيط تاع السيروم و هربت
و المشكل رانا اوبليجي نتحملوها :sadwalk:
ماعندها لا حبيب لا قريب
غير هي و بنتها عرومة لي نهار لبست غوب دوغي كيما الباش قلتلها جيتي تهبلي العارم قالتلي انا اسمي عرمرم تعيطيلي هكا اللهم بارك متعيطيليش هكا je me manque trés tot
( منعرف وين قرات في السودان ولا في مدغشقر )
قولولي كان عندكم جارتكم كيما هكا وش تديرولها ؟؟!
والله مين تجي تلقاني حاكمة الميكرو تقولي وش راكي مشعلا المصحف و تسبحي !!
منقدر نصلحلها ما نقدر نخليها على هواها
وس لاح نديل ؟؟
وش راني نهدر ؟؟
والله ما علابالي
حبيت نحكيلكم على مواقفي مع جارة دار جدي ( موقع استراتيجي )
اسمها مهرية ربي يرحمها
و بنتها شلبية و حفيدتها العارم
هي يعني مجنونة شوية
تحكي مع الذبايح و مع الديمو ( يجيوها الاشعاعات يحكيو معاها )
و لي تحيرك انو الهدرة لي يقولوهالها كامل صحيحة !
المهم بعد جهد و عباء ( كيما تقول العارم )
قررنا باه نبعثو السيدة شلبية للحج لعل و عسى يرجعلها شاهد لعقل
مي تقول بعثناها لهاواي تحوس
بعد سلسلة متواصلة من السرقات ( السكر،،اللحظة،،حاجة نسيتها )
و الابتزازات ( سمعت وحد النهار واحد يحكي مع مرتو الثانية و بعد تقرعيج كبير فهمت بلي مرتو اللولة معلابالهاش بلي مزوج عليها و هنا بدات العمليات الابتزازية في الحرم الشريف ) الخ الخ
و كي رجعت بدا الكذب و التبلويط
بدات تحكيلنا كيفاه الناس تطوف و هي تقشر في الكوكاو
و حكاتلنا نهار لبست قندورة قاطيفة في عرفة ( تحساب فيه عرس )
و نهار لي ماراحتش لمنى و راحت تتفرج في ماتش تاع تيپي مازمبي مع اتحاد دوالا
و انا ديما لي تجي فيا الطامة الكبرى
بعد ما رجعت قالتلي جيبي القهوة و طولت عليها
ضربتني بالفايونس لي كان في دارهم
قريب قتلتني :sad:
و نهار لي جا واحد يخطب في بنتها و تحساب فيه يخطب فيها هي
قالتلو وين تسكن
قاللها الشانية محطة ^^
قالتلو اوآآآآه منديكش
تسكن في بلاصة ماكانش حتى في الخريطة :scared:
و هو زاد الطين غصة ( مقتبسة من عند العارم كالعادة )
و قالها ماجيتش نخطب عجوز كيفك
راني جيت نخطب بنتك :luve_1:
و هنا بدات العاصفة لي تسبق الهدوء
قالتلو انا عزوزة ضرك نوريلك التعزعيز ( عزعز يعزعز تعزعيزا ^^ )
و ضرباتو بالفنجال تاع القهوة :showoff:
حتى الضو ماشافوش مسكين طول للسبيطار
و زيد راحتلو لسبيطار نحاتلو الخيط تاع السيروم و هربت
و المشكل رانا اوبليجي نتحملوها :sadwalk:
ماعندها لا حبيب لا قريب
غير هي و بنتها عرومة لي نهار لبست غوب دوغي كيما الباش قلتلها جيتي تهبلي العارم قالتلي انا اسمي عرمرم تعيطيلي هكا اللهم بارك متعيطيليش هكا je me manque trés tot
( منعرف وين قرات في السودان ولا في مدغشقر )
قولولي كان عندكم جارتكم كيما هكا وش تديرولها ؟؟!
والله مين تجي تلقاني حاكمة الميكرو تقولي وش راكي مشعلا المصحف و تسبحي !!
منقدر نصلحلها ما نقدر نخليها على هواها
وس لاح نديل ؟؟