ماذا ستطبخين سيدتي .......الجزء الثاي عشر

[ام أمينة]

اختي عشقي الامارات كلش يشهي سيرتو لي مصنوعة بالعجينة المورقة
بصحتكم
​

 

[ام أمينة]

أم كوثر بصحتكم اللوبيا البيضاء و المطلوع و بصحتكم لي ميني كوكا و الجاج المقلي

​

 

[oum BIBARS]

الله الله على هذا التفنن
ما شاء الله راني نتعلم منكمل و نشارك بالشيء الي نعرف

 

[ام قصي]

واش هذه لفحالة يا ام نيفين شهيتيني سطايفية صح تستاهلي احلى تقييم+++
​

 

[ام قصي]

امممممممممممممممممم عشقي الامارات كلش ايشهي
​

 

[Ahlem&mou]

هاذي التارت درتها السمانة لي فاتت لخويا في عيد ميلادو
مشاهدة المرفق 28237​

و هاذا كيش بالبصل يمممم
مشاهدة المرفق 28238​

و هاذي تحلية بالفلان بالبرتقال
مشاهدة المرفق 28239​

و هذا بريوش بوصفة جديدة درتو غير قبيل و جا خفيف و هشيش
مشاهدة المرفق 28240​

مشاهدة المرفق 28241​

و هاذا باذنجان مشوي مرحي بالفرماج
مشاهدة المرفق 28242​

و هاذا تطبيقي لتارت بالميرانق لراجية العفو و فوفة 2011
مشاهدة المرفق 28243​

و هاذي بيتزا بالعجينة السائلة مممممممم
مشاهدة المرفق 28244​

و هاذا خبز الدار بالفرينة و الدقيق
مشاهدة المرفق 28245​

و هاذي قراتان البطاطا بالبيشاميل سهل و اقتصادي و لذييييييذ
مشاهدة المرفق 28246​

مازال هناك المزيد ....بصح قولولي واش رايكم ؟؟؟​

++++++
yaatik essaha oum nivin

 

[Ahlem&mou]

3ichki l imarat allah ybarek khti , rebbi ydawamha w yaatik essaha
Oum bibras yaatik essaha makeltek tchahi

 

[رآج ـية العفو]

السلآم عليكم ورحمة الله

يسعـــد صبـــآحكم .. وجمعتــــكم مبــــــآركة

يعطيكم الصحة كل شي يشهي​

 

[Djazaire-El-Ghalia]

أهلييييين بالغالية أسّومة جمعتك مباركة حبيبتي

 

[عشقي الامارات]

ربي يخليك اختي ام امينة و احلام و لبنات كامل اللي ردو على اكلي
صباح الخير للمتواجدات

 

[رآج ـية العفو]

أهلين فيك حبيبتي الغآلية وجمعتك مبآركة
وآش رآكي؟؟​

 

[رآج ـية العفو]

عشووووووووووقة يسعد صبآآحك
وجمعتك مبآركة وآش رآكي ختي؟؟​

 

[ام منصف]

ام نيفين وين كنت مخبية هذا كله
من اليوم فصاعدا لا لتفنيين
يعطيك الصحة حبيبتي كل شيء هايل
عشقي الامارات مائدة رائعة بصحتكم
ام بيبرس اكلاتك ماشاء الله عليها بصحتكم
​

 

[ام منصف]

غدانا اليوم شرشم
امممممم
ما درناهش نهار يناير وعوضناها اليوم

​

 

[ام خديجة1]

السلام عليكم حبيباتي جمعتكم طيبة
واش هذا يا لبنات راكم رايحين تقتلونا بموائدكم الهايلة والبنة اكيد رائعة والديكور يشهي
انا عملت عصير الجزر وشيفلور بالكفتة وسلاطة مشكلة
اعذروني لم اصور فالميكرو الاول كلن رابيد لكنه خصرلي
الان راني نديباني بالراقد هذا حتى ينوب ربي ههههههههه
تحياتي للكل

 

[bachboucha]

صح غداكم حباباتي كاملات جاملات
عندي بزاف ماتوقبتش عليكم اليوم راني جيت ... ماتضحكوش علي انا نطيب من الجمعة للجمعة اليوم اني جيت نوريلكم واش كان غدايا











​

 

[ام حنان13]

السلام عليكم
جمعة مباركة لكل الاخوات
حبين نشكر بزاف بزاف الاخوات الي هنا فى قسم المطبخ
وزالله والله غير نس ونص
الله يبارك عليكم


نبدا با الشكر لايمان اختي الخفاف جاك يهبل وراجلي قالي واش راكي تستناي نوضيديريه ههه
ام منصف
ام نيفين
عشقي الامارات
ام بيبرس
سمورة
ابتسام ياربي ما نكونش نسيت حتى واحدة
ربي يباركلكم
ويزيدكم

جبتلكم واش كنت مصورة
اليوم درت لوبيا برجلين البقري

 

[ألاء الرحمـــن]

سلام عليكم وجمعة مباركة للجميع
ممممممممممم
ام نيفين واش هدا كامل عاودتي الاستدراك الي فاتك ههههههه اطباق تشهي بصحتك
بصحتكم كامل واش طيبتو وصحا فطوركم انا درت شخشوخة اليوم
سلامي لكن يا الغاليات
شوشو بصحتك الشرشم انا نحبو طايب فالماء والملح وحدو نمووووووووت عليه

​

 

[oumsif]

مساكم بالخير وجمعة مباركم اعليكم
ام نفين اطباق هايلة يعطيك الصحة
ام منصف بصحتك الشرشم
ام حنان كلشي هايل تسلم ايدك
امممم بشبوشة سخفتيني يعطيك الصحة
حنونتي ياسمين تكلوها بالصحة الشخشوخة
صح غداكم الكل و بدون استثناء​

 

[randa serine]

يسعد صباحكم يا لبنات
مي واشنو هدا الله يبارك عليكم و خمسة و خموس عليك .
ربي يدوم صحيحتكم
و جمعة مباركة
​