علاه حنا حاGـرين رواحنا pـاراpـر الـGـور.....!؟

Jeune Sghir Mc

:: عضو بارز ::
أحباب اللمة
إنضم
26 ماي 2011
المشاركات
1,265
نقاط التفاعل
17
النقاط
37
السلام عليكم ورحمة الله وبركاته



راح نحكي على وحد لافار كسرتلي راسي ومالقيتلهاش تفسير

ايا حنا علاه نحقرو رواحنا ودايرين بلي الـGـاوري خير منا

ترووح للمدارس لي اطلع اجيال المستقبل
تلقاهم يقرو فالذراري بلي هوما من عالم ثالث ومتخلفين على الغرب
مالصغر يعلمونا بلي حنا فرش ماكان ماكان...سحقا
يعني ولد لبلاد يرضاولو الذل والمهانة وولد الـGـاوري دايرينلو هبة وشان عظيم
في دراهمنا مصورينلنا حيوانات في بلاصة احد المجاهدين العظماء والعظمة لله طبعا

ايا لوكان نولو نشوفو
حنا مسلمين ونورمالمو من هاذي تاع حنا مسلمين تكمل الهدرة
حنا نتوضاو 5 خطرات فاليوم
رجلينا نغسلوهم 5 خطرات فاليوم
والسي الـGـاوري وجهو اللي هو وجهو يغسلو خطرة فاليوم
قارن يا الشيخ :
رجلينا = نغسلوهم 5 خطرات
الفاتشات تاوعهم = يغسلوهم 1 خطرة
حنا مثلا واحد بمجرد يخزر في اختك اطير فيه تذبحو وتعلقو خخخ مي هوما ديوثين والعياذ بالله
ايا بغيت نفهم في واش خير مني هذا

بكري تاع بكري هوما اداو كلشي من عندنا حنا المسلمين
من علوم و ثقافات وابحاث واختراعات...الخ
مي هوما صح نستعرفولهم بلي هوما خدمو وبحثو وكملو الطريق مام حاجة ماشي نتاعم
مي حنا درنا الستوpـ ماكملناش


ايا لي راه فاهم يفهمني معاه مالـGـري علابالي بلي كامل ماراكمش فاهمين
كيفي صافي ماتقدروش تفهموني
كامل ماراناش فاهمين على هاذي قعدنا اللخارا



سلام
.
.
.
 
سلام
براهيم هذا الاعتقاد بلي القاوري خير منا هادي من الانهزامية نتاعنا والضعف والسبب الرئيسي بعدنا على الدين الاسلامي لي يجمل كامل اسرار العلوم لي راهو القاوري استغلها وهرب علينا ،
بارك الله فيك
 
السلام عليكم
ولد بلادي خير من الgاوري
وحنا خير من لgور
خاطر بكل بساطة الله اعزنا بالاسلام
ارفع راسك يا با انت مسلم​
 
جامي تطيح بروحك و تقول الgاوري حاجة فور حنا ربي فضلنا امشي و راسك مرفوع و ما تتهاونش بنفسك


سلاااااااااااااااااااااااام
 
السلام عليكم ورحمةالله وبركاته

حياك الله اخي بالعافية والرشاد واصلح بالك وحالك آآآآآآآآآآآآآآآمين

لا فض فضوك موضوع في قمة المواضيع وطرح مميز واسلوب شيق وافكار مرتبه ومعالجة حسنة من اخي فاضل اللهم لا حسد فلقد كتبت فابدعت فاوجزت فاوفيت فخير الكلام ما قل فدل شكرا وبارك الله فيك
لقد عجزت ان ارد على هكذا موضوع فلقد اوفيك فاكفيت وكتبت فصدقت وصوبت فاصبت فشكرا مرة اخرى لعلي بشكري ابدي اعجابي وانبهاري
اخي الفاضل ....اعذرني فاسلوبك وطراوت كلماتك جعلتني انسى نفسي واهيم فيها تذوقا وتخيلا لعلي اصل الى محتواها وكنا شكواها وما ذلك على الله بعزيز.
للاسف كما قلت الاعتقد هذا راجع ليس لتربية ولا لتعليم ولا شيء اخر بل لواقعنا المرير فحن اهل الحضارة والاخلاق وحسن التعليم والتربية فنحن والتاريخ يشهد على من انار اروبا يوم كانت في غيابات الجب تتخبط بمعتقداتها ونحن بلا فخر من ساس العالم بالعدل والمساوات وابحث في التاريخ عن حاكم واحد من الفكرة الفجر عدل ولو سنة واحدة من حكمة والحمد لله لنا في العدل حكام شهد لهم الاعداء قبل الاصدقاء بصراحة فالاداري في ادارته اول من يظلمك ويقهرك بنما هناك الاداري يادي عمله فاذا كان لك الحق الزمته به وهنا لا ينفع معهم حق ولا باطل ولا توسل ولا شيءبل قد يثور فيك ويسبك ليظهر لك حسن تربيته ومعاملته سبحان الله نحن المسلمين نظلم انفسنا حيث كنا لهذا نعتقد ونحن نعلم اننا افضل من غيرنا على الاقل عند رب العزه وكفى بيه عليم رقيب هذا اذا لم يشهد الكافر طبعا والا سبقنا
شكرا مرة اخرى
السلام عليكم
 
المشكلة راهي خلاص شبعونا وربولنا الروح الانهزامية ولينا منقدروش نخمو بايجابيا كلش بسبة الاجيال لي قبلنا
 
ذاك النهار برك وانا نتناقش مع عبد قريب وبولكاني من عندو
غير بسبت القور خير منـــــــــا ،،هي صـح مش مليح يحطمونا من صغرنا
أكيـــــد احنا كرمنا الله وأعزنا بالاسلام والحمـد لله
وفي هذا الجانب رانا خير منهم مليار نمرة ،عندنا كرامة ونغيرو على عرضنا وشرفنا
مش زيـهم
------------------------------------
نرجــــــعو للجانب الآخر القاوري خير منـك يامواطن فماه
هو كي يخدم الخدمة يتقنها
وانت دير برك وكي ماتخرج تخرج
ماعرف شكون اللي الدين تاعو يحث على اتقان العمـل
-----------------
القاوري يقدس الوقت
ويجي في الوقت
وتاعنا لا حياة لمن تنادي
------------------
القاوري الحيوان يحترمو
وكون يسمعو بواحد يضرب حيوان يقيمو الدنيا ويقعدوها
وانت يا مسلـم تضرب وتخبط ونسيتي دينك وش قالك
-------------------------
القاوري دا من عندك الحضارة وزاد طورها
وانت في عوض ماطورها دورتهالنا جلسات غنائيـة
وهنا نحكي على وش صرا من بعد العصر الذهبي كيفاه العرب تغروا ومالو لحياة البذخ
---------------------
القاوري كي ينتقدو واحد يسمعلو وياخد هاذو النقاط بعين الاعتبار
وتاعنا يقلبها دبزة من لكبار
-----------------
كي هدرت هاكا مانيش ناكرة اصلي ونحب لقور
وانما حبيت نوري حاجة بسيطة واحد لادين لا ملـة وتلقاه ماشي في حوايج قدقد
وانت المسلم يادلالي قريب تنسى أصلــــــــــك
أمتنا رح تصلـح كي نتقبلو أنو رانا معمرين بالسلبيات ونحاولو نغيروها
سلام الله عليك أخي
 
لا يغير الله ما بقوم حتى يغيرو ما بأنفسهم

هــدي هي الي كنت رايحة نكتبها
ماعندي مانزيد من فوقهـــا
+
يعطيكـ الصحــة خويــا على الموضوع
 
و عليــــــــكم السلام
ههههههههههههههه
فكرتني فالبروف نتاع المات نهار كامل وهو يسب في لي زالجيريان
ماشي متربيين و بسيف لتفهمو و.و.و لي سونسيال ما خلا والو و الgور بيان سير خير منا
انا معاه فالهدرة اللخرة
صح حنا مسلمين مي ويني مظاهر الاسلام قريب تروح كامل
تلقى لي pليpاغ نتاع المظاهر عندهم هوما آpآر لي قلتهم نتا كلشي مليح عندهم
يخدمو يتعبو ماكانش الرشوة

شكرا على الموضوع​
 
يا اخي المفهوم ماشي خير منا لكن هوما يتقنو كل شي ومتطورين
حنا اتخدنا الاسلام فقط ككلمة ونحكو بصراحة قليل وين تلقى واحد يطبق تعاليم الدين والسنة
هوما ماشي خير منا بصح حنا رانا مقصريين بزاف
وكيما قلت حنا تابعين لدول العالم الثالث هدي نقصدو بيها الجانب الاقتصادي بالدرجة الاولى

و شكرا للموضوع

 
عنـدكـ الحــق ...

كرهنــا وملّينــا ... وليت نغلق ودنيــا كي نسمع كشمـا Pــروف يقوللنــا رانــا من العــالم الثـالث ..

وعلاه بواش زآيـدين علينـا الــgــور ..... حنــا خير منهمـ و اون + دآآو من عندنـا كامـل العلوم كمـا قلــت ..

مي الله غـالب وش تديـر
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top