وآش هـآد La mode الى تعلموها جديدة 0.o

[مايا الجزائرية]

موضة قديـــمة
ربي يهديهم

 

[ام أمينة]

للاسف مازال بزاف ناس يستعينو بالسحرة و المشعوذين و مخليين ربي لي خلقهم
كيما قلتي ولات أ لا مود و ناسيين بلي هاداك الشرك بالله تعالى
ربي يهديهم لا اله الا الله محمد رسول الله

​

 

[ilyasov]

بآآ ه يرقو يروحو للشوافة
​

 

[ام راقية]

​

كــل يوم نقول ليوم ان شاء الله نحطـ موضوعى .. يجي غدوة نروح نحوس عليهـ مانلقاهش :s
هههههــ لا ماتفهمونيش بلغالطــ صـآحبتي مينات مالقاتش الموضوع باه تعتامدوو
ماهو انــآ ماكتبتوش من الأساس خخخخخ:p​

أيـــآ جبتلكم انا فكــرة جديدة °
هي حقيقة انتشرت بزآآفـ، ورجــعة حرفــة كــل بــشر
( ماشي كـآمل كـآمل .. مي بالاخص الى ضعيف في ايمــــــآنو )​

حكــآيتي أنـآ على هاد الى يسموهم [ السحـــــــــــر ] و[ الشعوذة ] ​

​

الى تمرض تقوول .. ام سحرونى :-h
الى تتقابض مع خطيبها و لا مع راجلها .. تقول اااا كلاتنا لعين وخبطونى بــ كتاب :-r
والى تعبت شويـآ من شغل الدار .. اا سي سيييير هاد سحر الحسادين
والى حكمها سقام لعرايس ههههـ .. والى تعشق ... تقوول هاد الرآجل راه كاشما دايرى في الكــآدو الى جابهولى :d​

وتجي تطــل عليهم .. تلقاهم يتجاراو هاد عراف وهاد سحـآآآر و العياذ بالله
ولا يقولو هاد مرقى ويرقي بالقرآن .. هوما يرووحو يبدأ يهدر في هدرآآت ... الله يسامحهم ​

أنـــآ سمعت جداتي تحكي ... :-r
على وحد العايلة يعرفوهم في البلاد
هاد لمرا مولاة الدار جابت غير لولاد الله يباركــ
وكامل قرايين و خدآمين ولاباس عليهم يعني هيكــ الحمد لله
ايا وحد اليوم وليدهــآ دآآر بشــلة شويــآ .. عيانة :down:
معريفة سوء هكــآ
قالولو حنا نعرفو وحد الشواف وراه ينجم يشوفلكـ مستقبلكـ و حياتكـ ولازم ادير باه توصل
و على واش اوبليجي تبعد !!!
ايا هو تبعهم حاجة باينة .. راح
دخــل بلاصة يا ستار استر مام البقــآع الى يخدمو فيهم الله لا يشوف فيهم مؤمن
و ماعلاباليش انا قدآآآه تستقاملو ... راهم يخبطو غير بالملايين
ايا قرآآلو الكف تاعوو :dunno01:
وقالو .. راهي كي تجي باه تقربـ، الساعة تاعكــ راكـ تبدآآآ تصلي :-o:cray02:
أأأ حـــــــــآى عليــآ .. اا لخرة هادى .. نيو × نيوو :scared01:​

هاد غير مثــآآل .. كاين وكــآين وكــآين يـآآآسر
ولا بنات الى باغية تتزوج تروح للشوافة تقولها واش لازم ادير
هادي تطلب عليها مخدة مانعرف واش تخرطلها فيها
وهادى شعر وهادي ورق وهادى قشوور تاع فاكهة
ياو واش نحكي واش نخلي عجــآيبـ، ​

والى تخـآآآآف يتزوج عليها راجلها تروح .. تحشلو ركايبو مسكين مانعرف واش ادير
منها يبذروو في دراهمهم .. وتانى يربحوو في السيئات عند ربي سبحانهـ
والى يبلوكيلكــ دمــآغكـ .. تبيع دهبها .. وتخلي ذريتها ع الشر وتروح تخلص بيهم الشواطن هادوو​

ماشي خير يروحو يشوفو مصيرهم هومــــــــآ :p
هاد الدجــال والعياذ بالله يروح يقرآ الكف تاعو باه يشوف واش راح يديرلو ربي ... كاشما يفيقو ويتقلب هاداكــ السرير
ويتقوو مولاهم ​

ولا هاد النســآء الى يتصلو بالدجاليين .. ويروحو برجليهم لديــآرهم
يتبعو في وسواسة الشيطــــــآن .. معمبالهمش بلي السحر من أكبر الكبــآئر ​

لــ هذآ القول .. راكم مسلمين وينو ايمانكم !
وعن عمران بن حصين رضي الله عنه قال قال رسول الله صلى الله عليه وسلم : ( ليس مِنّا من تَطَيَّر أو تُطِيِّر له أو تَكَهَّن أو تُكُهِّنَ لهُ أو سَحَرَ أو سُحِرَ له ومن أتى كاهناً فصدَقه بما يقُول فقد كفر بما أُنزل على محمد صلى الله عليه وسلم ) رواه البزار بإسناد جيد والطبراني .​

واش عليهـ اتبع المرقي الى يرقي بكلام الله عز وجــل .. ومايكونش ع لسانو غير الله
كـ الشيخ محمد الهــآشمى مام كي تعطيلو اموال الدنيــآ ماشي خسارة فيهـ
راح يشفيكــ
وكــل شئ مش في طريق ربي راح يبطلو لا محــآلة يعني ​

وتفرجت خطرة تانى معندهــآش بزآآآآف .. وحد الطفيلة مسكينة سحروهــــآ
ولات لا تقرى لا تاكل لا تحب تريح مع الناس دايما تعبانة .. دايما مريضة
وبلايص يوجعو فيها وهي من طبيب لطبيب .. جهلوها
وماعندها حتى حاجة تخوف في تحاليل تاعهــآ
تتخيلو راح يدخلوها لسبيطــآر لمهابل مسكينة
حرام عليهم والله حرآآآآم
وين راح الاسلاااام ؟
واش دآرتلهم المخلوقة ؟؟
جاوبونى الله يسجيكم هادا وآآش ؟؟
ضعف ايمان ... ! ولا وسوآآس خنــــــــآس !!
وما قدر يداويها غير الحكيم الهاشمي .... بالجرعات تاعوو .. المتتالية
مدايرينلها السحوور في دارها ولات وين تحطــ الـ CD تاع القرآآن .. يطيحوو من البلافووون ..
واحد الخلطـآت .. ماتفهمش حتى من واش مخدومين
:-o​

ياو وش هاد الحرفــ، الى انتشرت في بلادنا ....
ربي يهدي ما خلق ​

أيــــــــــــــــــآ لكم الخطـ .. ابدآآآو
وعندكم تتحرشو عليــآ انا ههههـ .. :d​

Th!!!s is my Neww .. أسمعوو بركــآو ما تكوبيو
ياخى مامليتوش من Copier
Coller
حصري على الــلمة
من كتــآباتى انــآ ههههـ اكم تعرفونى هالة :$
prrrrr
اوو جـــآء .... تعليق الأحبـآبـ،
فــ ارحــل انتــ، :p
خليهم يخليولى الجــآمات :up:
اي مش مجــآنية الاستفادة .. أيــآ خلص عند البـآب او قدآآم هاديكــ الــ أعجبني

كــنتم مـــع ... هـــآلة


على فكــرة تلكـ المبدعة


أيــآ تحية لــ مينــآتـ، ​

:regards01:​

شكرا على الموضوع أختي هآلة
حلوة صياغتك للموضوع حنونة خاصة في المواقف
والوقفات بين الجمل كانت رائعة حقا و مميزة خاصة بهذاك الوجوه الصغير لي راهي قريب تنطق من غرابة الموضوع .
الله غالب هذا هو المجتمع كي ما تعلم وتتوعى راهو راجع للتالي
ربي يبقي الستر ويبعد هذا العالم علينا ​

 

[ŘǻŇǾŬČĥ ŘǻČĥǻ]

صح ولا موضة
بارك الله فيك