*يكذبون ويصدقون كذبتهم*

الحالة
مغلق ولا يسمح بالمزيد من الردود.

ღحنين الروحღ

:: عضو بارز ::
أحباب اللمة
إنضم
8 جانفي 2010
المشاركات
6,955
نقاط التفاعل
109
النقاط
319
الجنس
أنثى
ClickHandler.ashx

كيفكم ان شاء الله راكم غاية كامل
اييييييه عندي مدة كبيرة ماخربشتش هنايا
اول شئ نقول للعضو المميز-ماكانش-الف الف مبروك على الاشراف تستاهل
ثانيا نقول للي يقراو نتمنالكم النجاح والتفوق ان شاء الله
ثالثا نقول للي قاعدين هنايا ومرو مرة على مرة على منتدانا الغالي -نتمنى تكونوا ملاح وهانيين



مدخل:
قالوا : الكاذب لا يُصدّق ، حتى ولو قال صدقاً

تستطيع أن تخدع كل الناس بعض الوقت ، أو بعض الناس كل الوقت ، ولكنك لا تستطيع أن تخدع كل الناس كل الوقت ..


قال رسول الله صلى الله عليه وسلم:\ان الصدق طمانينة وان الكذب ريبة\صححه الالباني


موضوعي اليوم عن *الكذب والنفاق والخداع* في عالمنا الافتراضي -منتديات كاللمة.الشات.الفايس بوك.....او في حياتنا الواقعية

ماكانش واحد فينا صادق 100/100 -الا الله سبحانه وتعالى-وهذا الشئ واضح وماكنلاه نفتي فيه .انا اليوم حبيت نحكيلكم على الناس الي
*تكذب باه الناس تصدق كذبتهم والطامة الكبرى مايش هنايا الي محيرني انوا هاذوا الناس يكذبوا وفي نفس الوقت يصدقوا كذباتهم*.............
big-SugarwareZ-253.gif
big-SugarwareZ-255.gif

علاش مانعرف
ممكن مرض نفسي.....ممكن نقص في الشخصية احتمالات كبيرة دارت في راسي
وحكيت فيها لمونغولتي*شوشو-ساندريلا اللمة*
مالا قتلها حبيبتي شفتي واش صاري في الدنيا واش بيها تبدلت هكا .عادت الناس تكذب وتصدق اكاذيبها
ردت عليا وقالت:اييييييه يا ابتسام ماكيش قاعدة تسمعي كيما قاعدة نسمع ونشوف اناياا.مالا كون نحكيلك تتغاشاي ههههههههه
مالا بدات تحكيلي.........ماندخلش في التفاصيل اكثر نصدعكم بيها كيما تصدعت وتزلزلت نفسيتي من ناس تكذب وتصق روحها وتعيش في خيال كذبتها.
023.gif


واين راح يوصلوا .............مممممممم مانعرف الله اعلم نظن نهايتهم الى الصرايا الصفراء-دار المهابيل والمجانين-هههههه

وتماشيا مع الموضوع لقيت هذي لحكاية:

يحكى عن اشعب انه اجتمع عليه يوماً غلمة من غلمان المدينة يعابثونه، وكان مزاحاً ظريفاً مغنياً، فآذاه الغلمة
قال لهم يريد ان يصرفهم عنه : إن في دار بني فلان عرساً وطعاما كثير فانطلقوا إلى هناك هو انفع لكم مني . فانطلقوا وتركوه،فلما راهم تأخروا في الرجوع
راح يلحقهم !!!



ومن الامثلة الواقعية الي تصادفنا في حياتنا سواء هنا في اللمة او في تواصلنا مع المجتمعتلقى وحدة تقولك راني تخطبت ..تسقسيها على العرس والخاتم وين هو..تقولك مانلبسوش ههههههههههه علاه تقولك هكا ولا تعطيك اي حجة باه تقنعك بيها ومباعد تسمع هدرة من انسانة تعرفهااو امها او اختها تقولك لالا ماتخطبت ماوالوا..............تحير تقول علاش دير النش على روحها
074.gif

اووحدة او واحد يقولك راني خدام وصبت خدمة والحمد لله وعيشك في الاحلام.....وكي يدور زمان وتظهر الحقيقة تلقاه لا يخدم لا والوا غير يكذب وخلاصتهم روحوا بالشبعة ههههههه
074.gif

او وحدة تقولك راني تخرجت تخصص كذا وكذا .......مباعد تلقاها معاودة العام او ماتقراش خلاص او تلقاها مازالت تكركر في السيام او الليسي
074.gif

او واحد يدعي الحب لوحدة ...وفي نفس الوقت يقول لصحبتها راني نحبك......ااففففففف *هذي صراتلي*او وحدة تولك فلان راه يحبني وباغي يتزوجني وهو ماكاين والوا غيرة تهف وتكذب ....ماعليهش اكذبي على الناس حتى وصل بيك الامر انك تعيشي في قصر كذبك/اسفة على هذه النقطة مي الامر زاد على حده/
http://i31.***********/2a5dpnq.gif
علاش هكا مانعرف والطامة الكبرى ان الكاذب يصدق كذبته ويعيش مع كذبته لحتى يلقى نفسوا عايش في اوهام وما يفيقش منها ....حتى تطور وتولي انفصام في الشخصية او عقدة نفسية تطور مع الايام مالا :
040.gif
093.gif



*واش رايكم في الي يكذب كذبة ويصدقها ويعيش من منطلقها *في ظنكم كيفاش يشوف هالانسان نفسه كي تنكشف كذبته للناس :*واش رايكم في انسان كيما هك ...هل تبقى نظرتك ليه كيما كانت قبل ما تظهر الحقيقة *هل تعرضتوا لمواقف مثل هذي/احكيولنا اليكم الخط *ماردت فعلك اذا اكتشفت انسان قريب ليك يكذب عليك حتى تبان صورته افضل وافضلهذا في ظنه هو ولكن حبال الكذب مهما طوالت يجي نهار وتبان الحقيقة واضحة مثل وضوح الشمس في الافق *اعطي تقييما لنفسية الكاذب الذي يصدق كذبته.


مخرج:
إن هناك لحظة في الحياة نكره فيها الكذب ، أشد الكره ، إنها اللحظة التي يكذب فيها علينا أحدهم ..
/أندريه روسان/
مهما طالت حبال الكذب او قصرت فان الحقيقة ستنكشف لا محالة




تنبيه:
نعم تغيرنا ، ،
ﺂصبحنا اگثر حِرصاً
علىَ ﺂن لآ يوُجد في حَيآتنا ؛
[ گذب ، خيآنه ، نَفآق
مصَلحه ، نگرﺂن جمَيل ]
... ... ... ... ﺂبتعَدنا عنهم لآنهم :
لآ ينآسَبون مزﺂجيتنا اصَبحنا اگثر تفگيرﺂ بانفسنا
بعَدمآ گآﻥ گل تفگيرنا بمن حولنا
لٱ تلوموننا ؛ فَنحن فعلآ " تعلمنا وتالمنا

*شوشو و ابتسام*




-شركة: الصدق والمحبة-من انتاج: ساندريلا زماني.عبير الروح
من اجل توضيح الحقائق وشن الحرب على كل من حاول سفك دماء طيبتنا-
 
  • أعجبني
التفاعلات: NICE
أهلا بيك عبير
ربي بارك فيك عبير يعطيك الصحة
موضوعك هذا يقراه كل واحد كذب عليك كذبة إلا ويشك في نفسو ويطلع حساباتو هههههههه
الواعة ان الإنسان يولي يصدق نفسو ويعيش في الخيال
انا نعتبرو مرض نفسي
وحلفت عندي عام ونص أني نصادف واحد يكذب عليا نرخسو
لأنو راهو يطيحلي في قدري خاصة الكذبات لكبيرة الواعرة ...
وثاني يكذبو لجل ضعف الشخصية
مرة حكيت لواحد قرا معايا بكري قتلو راني أستاذ مستخلف في كذا وكذا
ياخي شهرين قالي انا ثاني إستخلفت ؟؟؟ قتلو راك مازالت دوزيام برك في الجاميعة ،
بدا يتلعثم وقالي لالا ستاج اها حضرت برك لالا قالولي ....
يعطيكم الصحة
 
أهلا بيك عبير
اهلا بيك سيادة المشرف
مرحبا بيك ماكانش

ربي بارك فيك عبير يعطيك الصحة
الله يبارك في عمرك ونسمع عن نجاحاتك اكثر واكثر
موضوعك هذا يقراه كل واحد كذب عليك كذبة إلا ويشك في نفسو ويطلع حساباتو هههههههه
مممممممممممممم لازم الكل
هذا الموضوع يعد بالنسبة لي الورقة الثانية التي ابرزها لكم
ههههههههه
ماكانش ........راني طيبة طيبة لاقصى درجة مي الي يجيب في يدو باط زلاميت انا نقابلوا بيدن غاز سريع الاشتعال باه نشعلها فيه
اما الي طيب معايا نحطوا من فوق راسي واكثر

عارفني صريحة
الواعة ان الإنسان يولي يصدق نفسو ويعيش في الخيال
انا نعتبرو مرض نفسي
وحلفت عندي عام ونص أني نصادف واحد يكذب عليا نرخسو
لأنو راهو يطيحلي في قدري خاصة الكذبات لكبيرة الواعرة ...
وثاني يكذبو لجل ضعف الشخصية
مرة حكيت لواحد قرا معايا بكري قتلو راني أستاذ مستخلف في كذا وكذا
ياخي شهرين قالي انا ثاني إستخلفت ؟؟؟ قتلو راك مازالت دوزيام برك في الجاميعة ،
هههههههههههه هايلة هذي شفت كيفاش الكذب مهما طالت حبالوا يجي نهار ويتكشف على حقيقتوا
ههههههههه
تحس بلي التبهديلك فيك انت في بلاصة هذا الكذاب الي مايش فايق لا بعمروا لا بمرضوا
هههههههههههه
بدا يتلعثم وقالي لالا ستاج اها حضرت برك لالا قالولي ....

يعطيكم الصحة
شرفتنا
وشكرا ليك على اعتماد الموضوع بارك الله فيك
ونورتنا كعضو قبل ما نعتبرك مشرف
حبال الكذب قصيرة حتى لو طالت........
شكرا ليك تحياتي واحتراماتي
ههههههههههههه
هههههه
ضحكتني قصتك
اييييييييييييييييييه كثر ماسمعت وكثر ما اكتشفت
ماتخافش كل يوم نوريلكم ورقة من الاوراق الي في جعبتي

في حفظ الله ورعايته
:re_gards:​
 
وعليــكم السلام
ايييييييييه واش نقولكـ ياو انا قلبي تقدر تقولي دود من الناس هدووو
كانت وحده تقرى معيا فالجامعة ونسكنوو شويــا قراب ، دي فواا نجيو مع بعض للدار
واش نقولكـ الطريق كامــل وهي الفلاني راه جا يخطبني من خويا بصح انا محبيتش ـ وانا علابالي بلي هداكـ راه قريب يخطب وحد أخرى ـ ، وزيد هما كانو كي شغل معندهمش شويــا ايماجيــن تقولي افففف انا متغذيتش اليــوم دركـ نروح للدار منعرف الا نلقى ليسثاكـ ولا لالا والفت غير منروح للدار نلقى ماما وجدتلي الغذا والدسير
ـ وانا نقعد نغلي في قلبي ـ نجي للدار ونقولهــا لماما هدي مهبوولة ، تقولي ماما متلوميش النقص الي تحس بيــه تعوضو بالهدرة والزوخ ، mais بزاااف مش لهاد الدرجة ، والحاجة الي تقتلني علابالي بلي راهي تكذب ونحشم نبهدلها ، ايييه بصح دركـ راهي تزوجت واي في فرنسا وانا غير نحل على فمي هههه
وكايــن بزااف مواقف صراولي من هاد النوع ، ثالموون درت موضوع آخر في موضوعكـ بكتيبتي هدي منكملش
بركـ كما قلتي الي تحيركـ يكذبوو ويامنو واش قالوو وفلافان يرجعلهم مرض
+
ميرسي على الموضوع حنونه
واسمحيلي طولت


 
حجز مكان

درك نرجع نرد
 
وعليــكم السلام
اهلا اهلا بلي ماقاتليش اسمها هههههههه
ولا اهلا اهلا بلي ماعرفتنيش هههههه
منورة حبوبة

ايييييييييه واش نقولكـ ياو انا قلبي تقدر تقولي دود من الناس هدووو
هههههههههه ماكش قدي هههههههه
اليك الخط
كانت وحده تقرى معيا فالجامعة ونسكنوو شويــا قراب ، دي فواا نجيو مع بعض للدار
واش نقولكـ الطريق كامــل وهي الفلاني راه جا يخطبني من خويا بصح انا محبيتش ـ وانا علابالي بلي هداكـ راه قريب يخطب وحد أخرى ـ ، وزيد هما كانو كي شغل معندهمش شويــا ايماجيــن تقولي افففف انا متغذيتش اليــوم دركـ نروح للدار منعرف الا نلقى ليسثاكـ ولا لالا والفت غير منروح للدار نلقى ماما وجدتلي الغذا والدسير
ـ وانا نقعد نغلي في قلبي ـ نجي للدار ونقولهــا لماما هدي مهبوولة ،
فاتت شوي المهابل حاكمين روحهم وباينة عليهم
مي هذو عقليا لاباس بيهم مي نفسيا مهابل هههههه
تقولي ماما متلوميش النقص الي تحس بيــه تعوضو بالهدرة والزوخ ، mais بزاااف مش لهاد الدرجة ، والحاجة الي تقتلني علابالي بلي راهي تكذب ونحشم نبهدلها ، ايييه بصح دركـ راهي تزوجت واي في فرنسا وانا غير نحل على فمي هههه
شكون الي منا عايش حياته كاملة ومكملة
ساعات تلقاي حاجة ناقصة في حياتك
ماكانش واحد فينا مش حاسس بالنقص مي العبد يقول الحمد لله ويتقي نفسه من الكذب
وخاصة بهذا الشكل
ماقلتش مانكذبوش مي مش نكذبو كذبات كبار ونصدقوهم احنا بعد
الله يهدي
وكايــن بزااف مواقف صراولي من هاد النوع ، ثالموون درت موضوع آخر في موضوعكـ بكتيبتي هدي منكملش
الموضوع موضوعك مرحبا بيك
+مشرفنا ماكانش الله يعطيه ويرضيه قايم بخدمتوا
وفاتحلنا المجال للاستفادة والافادة والحمد لله
بركـ كما قلتي الي تحيركـ يكذبوو ويامنو واش قالوو وفلافان يرجعلهم مرض
+
ميرسي على الموضوع حنونه
واسمحيلي طولت
مرحبا بيك في كل وقت الموضوع مفتوح للنقاش وليس للتهميش
شكرا ليك حبوبة على ردك الهايل
وفي الاخير نقولوا الحمد لله على هبة العقل والنفس المتزنة
والحمد لله والله يهدينا اكثر واكثر
منورة
وميرسي على الرسالة وعلى الردحبوبة في حفظ الله وررعايته
 
حجز مكان​


درك نرجع نرد​
مممممممممم جات حبوبتي
واش من حجز مكان هذا موضوعك كيما هو موضوعي
مرحبا بيك
ومرحبا بيكم الكل
يلا فتحلكم المجال
حصة فرغ قلبك مع ظاهرة الكذب وتصديق الكذب
 
نوضوا نوضوا نوضولي من الطريق خليوني نعبر خليونـــــــــــــي
والله يا ابتســام قلبي لوكان تطلي عليه تلقايه حاشاك قيــّح كم لكذب
تاع العباد والتنوفيق تاعهم ... صاريلهم زي أشــعب يكذبو ويأمنــوا
وغيرهم يزيدو في لادووز ... أنا نعرف وحدة من الجماعة هذي لي
تقول أنا نقرا كذا وكذا وهي ظهرت تاع المتوسطة خخخ ... عوقتني
معرف علاش لكذب ... ولا بزاف تاني لي كذبو عليا فيما يخص خدمتهم
... قتلونا ورهجونا بلكذب وساعات يكذبو كذبات مش معقولة خـــلاص
ما يزيدو غير يطلعو للعبد قلبو والله صراحة ناس كيما هذو نعافهم
على خاطر تافهــين ... وأكيد نوع كيما هك ما يكون غير مريض
مرض نفسي خطيــٍر جدا جدا ... وراهم في حالة ازدواج شخصــية
على خاطر غير ما يحكيو على الشــخصية 2 ينسجمو معاها تماما
ولي ينتقدهم يدافعو من قلبهم على الشخصية 2 ولوكان تنتقد الشخصية
1 وهوما مع الشخصية 2 تجيهم نوغمال حتى يرجعو لوعيهم وين
يرجعو يدافعو على رواحهم خخخ ... والله الموضوع هذا فيه
أمثـلة بزاف بزاف ,,, ما يكفيش برك الوقت باش نحكيو على
الأمثلة الكــل ,,, واش نقولو ربي يهديهم قبل ما يعديونا هههه
مغســـي بزاف بزاف بزاف على الموضوع الأنوش مي حسيت
قلبك معمر معمر معمر من خلال الموضوع هذا مالا سايسيلنا
قلبك ها الأنوشة تاعنا ... وما تعييش روحك مع عباد هك وكي
تشوفيهم ديري واش مكتوب في توقيعي خليوني نضحك شفت
حاجة تضحك خخخ ... هذو نضحكو عليهم وخلاص على خاطر يحسبو
في رواحهم يستغبيو فينا ... هيا اتهلاي ولي عودة أكيدة نحكيلك
على أمثلة من واقعي ... ســـلامي
 
آخر تعديل:
وعليكم السلام
مساء النور ماشيري
نورتي الركن بعد طول غياب
:sheer::sheer:
الكذب
اكره حاجة نكرها في هاد الحياة
تشفاي على صحبتنا منال كي نتفكرها نتعوق
واش كانت تكذب
كذبت كذبت وجا نهار وين فقنالها
وبقات وحدها وخسرت صحاباتها
نورمال

انا الكذاب عندي ندير عليه كروا روووج
ونرفع شعار ليس للكاذبين
وجود في حياتي

:sheer::sheer:
 
تفكرت منال نهار
حسبت روحها تحكي في البورتابل
وكي بيpاتلها سميرة
صونا في ودنها هههههههههههه
ولانهار قاتلنا او تخطبت
كي قنالها جيبي لي فوطو قالت تحرقو
والقاطو
مبقاش
ههههههههههه
وعجوزتي وسلفتي تغير مني
هههه
ونهار طال حبل لكذب
بدات تتلخبط الست هانم وكل مرة تحكي حكياة بزي
حتى تناقضت في روحها
لأن الكذاب ينسى واش يقول من كثرت الهف
وحبل لكذب قصير كيما يقولو
والكذاب مياخدع غير روحو
اما عن الناس فهو مضحكة القرن

 
راه الكذب عادي في هاذ الزمان، أقرب الناس ليك يكذب عليك وانت في غفلة من أمرك، أنا كان عندي صاحبة أنتيم مع بعض 10 سنين صداقة حتى لهنا عرفت بلي راهي تكذب عليا طول هاذ الفترة، والله ماني عارفة كيفاش جاتها القدرة تستمر في الكذبة طول هاذ الفترة، أنا صح خبيت عليها بعض من جوانب حياتي الأسرية، بصح والله عمري ماكذبت عليها، غريب في هاذ الزمان، تصدق واحد يكذببها عليك نورمال، يديك للبحر ويردك عطشان وانتا في مكانك.
 
اهلين نور
مرحبا بيك تنوريني في كل وقت
انتظر تعليقك

اهلا بيك حبيبة راني عدلت ردي اللول تلقاي فيه الجوغنال تاعي خخخ
ســلامي
 
وعليكم السلام
اهلا اهلا جيتي
اقعدي في بلاصتك واسناي دورك ههههههههه
الموضوع موضوعك حياتوووووووووا

مساء النور ماشيري
مساء النور يا دميتي الصغيرة هههههههه
نورتي الركن بعد طول غياب
شفتي كيفاش ماصدقتش روحي بلي كتبت موضوع ههههه
:sheer::sheer:
الكذب
اكره حاجة نكرها في هاد الحياة
هههههههههه شعارنا
ليس للكاذابين مكان في حياتنا
تشفاي على صحبتنا منال كي نتفكرها نتعوق
واش كانت تكذب
كذبت كذبت وجا نهار وين فقنالها
وبقات وحدها وخسرت صحاباتها
نورمال
ممممممم وي
حبال الكذب قصيرة حتى لو طالت
طول اطول ويجي نهار تظهر الحقيقة بارزة كي الشميسة الساطعة في السماء
ماتخافيش
الي عامل النية وصافي ما تقيسوش شوكة
:shay:​

انا الكذاب عندي ندير عليه كروا روووج
ونرفع شعار ليس للكاذبين
وجود في حياتي

:sheer::sheer:
مهما تحمل الانسان في حياتوا ومهما قاسى
اكثر شئ ميتحملوش انو يكتش كذب الناس الي حولوا
مهما سكت ومهما خلاهم يهدروا ويكثروا من القيل والقال
يجي نهار ويوريلهم علاش تغير وعاد جابد روحوا
وعلى الله يخطيوه-كيما درت انا مي الله غالب الناس الفارغة تبقى عمرها كامل فارغة تكالي الحيوط وتعس في الي طلع والي هبط

الله يهدي برك حبوبتي المهم يخطيوني ويديروا صوارخ للمريخ يصدروا كذبهم للفضائيين
باه يكتاشفوهم ويديروهم كفئران للتجارب


الحمد لله على نعمة العقل والنفس المتزنة
دمتي بخير حياتووووووووووا
 
* ههه تفكرت مرة وحدة قالتنا أنا آلجيغواز وتلعبها علينا زعمة
تاع بن عكنون معرف واش تحسب بالاك ناس آلجي زايدين
على الناس لخرين ولا ما فهمتش يخي الكل عباد الله ... المهم
روح روح ظهرت خالتها مدية خوها لي صاحبتي وجابتلنا الرسمي
وظهرت تاع بني عدس خخخ بالاك تعرفو المنطــقة ...
* ومرة لاعبتها تحكي في البوغطابل : آلو ويناك ؟ راك في بن عكنووون ؟
ويصوني التيليفون في وذنها نضنا نضحكو قالتلنا الـدeuـزيام آpـال خخخ
قلنالها لاه الـ 2 آبال يصوني أو يبيبي برك خخ .
* مــرة تاني وحدة تقرا معايا وهي جارتي بعد قالت للكلاصة الكل خويا رايح
لونجلوتاغ ... انا ما حطيتش بالي معاها في كل مرة تجبد سيرة نكون مع كاش
تمرين مركزة ما نهاودهاش ... مرة ماشيين أنا وهي رايحين للدار ... قالتلي
خويا بلاربعا يمشي قلتلها وين للعسكر ؟ - على خاطر انا علابالي بيه رايح
للعسكر مش لونجلوتاغ كومام أم جيراني وعلابالي - وانا والله سقطت مني
سهوا تالمو جاوبتها بنية وما كنتش مركزة مليح معاها ... قالتلي : اووو لاه
خويا تاع عسكــر ؟ وراح صح للعسكر وجا ما قبلوهش خخخ وقالت ماما
ما قدرتش على فراقو رجع على جالها ... وظهرت حتى أختها لي في السيام
كذبت نفس الكذبة باينين متفاهمين مع بعض خخخ

...
سلام
 
مهما تحمل الانسان في حياتوا ومهما قاسى

اكثر شئ ميتحملوش انو يكتش كذب الناس الي حولوا
مهما سكت ومهما خلاهم يهدروا ويكثروا من القيل والقال
يجي نهار ويوريلهم علاش تغير وعاد جابد روحوا
وعلى الله يخطيوه-كيما درت انا مي الله غالب الناس الفارغة تبقى عمرها كامل فارغة تكالي الحيوط وتعس في الي طلع والي هبط

الله يهدي برك حبوبتي المهم يخطيوني ويديروا صوارخ للمريخ يصدروا كذبهم للفضائيين
باه يكتاشفوهم ويديروهم كفئران للتجارب


الحمد لله على نعمة العقل والنفس المتزنة

دمتي بخير حياتووووووووووا
ايوا هو ده على قول تيمو
الفضائيين واكيد يتغاشو من كذبهم هههه يعودو يقوللهم انتوم حالات خاصة لازم نحطوكم في مخبر سبيسيال باه نديرولكم تحليلات
وي هادي لي نتمناوها اخطونا يالعرب
اكذبوا بعيد
jtm ma belle
:shay:
 
نوضوا نوضوا نوضولي من الطريق خليوني نعبر خليونـــــــــــــي
اهلا اهلا هام ناشزلة يلا الية الخط

والله يا ابتســام قلبي لوكان تطلي عليه تلقايه حاشاك قيــّح كم لكذب
تاع العباد والتنوفيق تاعهم ... صاريلهم زي أشــعب يكذبو ويأمنــوا
وغيرهم يزيدو في لادووز ...
ههههههههههه رانا كيف كيف شكون الي يتحمل الكذب كي يعرف الحقيقة
وانو كان راقد على وذنيه اييييييييييه كون نحكيولك واش صرالنا ان وشوشنتي هههههه
تتغاشاي
تقريب تفارقنا بسبت كذب طفلة كانت تقرى معاها مي الله كريم
أنا نعرف وحدة من الجماعة هذي لي
تقول أنا نقرا كذا وكذا وهي ظهرت تاع المتوسطة خخخ ... عوقتني
معرف علاش لكذب ... ولا بزاف تاني لي كذبو عليا فيما يخص خدمتهم
... قتلونا ورهجونا بلكذب وساعات يكذبو كذبات مش معقولة خـــلاص
ما يزيدو غير يطلعو للعبد قلبو والله صراحة ناس كيما هذو نعافهم
على خاطر تافهــين ... وأكيد نوع كيما هك ما يكون غير مريض
مرض نفسي خطيــٍر جدا جدا ... وراهم في حالة ازدواج شخصــية
على خاطر غير ما يحكيو على الشــخصية 2 ينسجمو معاها تماما
ولي ينتقدهم يدافعو من قلبهم على الشخصية 2 ولوكان تنتقد الشخصية
1 وهوما مع الشخصية 2 تجيهم نوغمال حتى يرجعو لوعيهم وين
يرجعو يدافعو على رواحهم خخخ ... والله الموضوع هذا فيه
أمثـلة بزاف بزاف ,,, ما يكفيش برك الوقت باش نحكيو على
الأمثلة الكــل ,,, واش نقولو ربي يهديهم قبل ما يعديونا هههه
مغســـي بزاف بزاف بزاف على الموضوع الأنوش مي حسيت
قلبك معمر معمر معمر من خلال الموضوع هذا مالا سايسيلنا
قلبك ها الأنوشة تاعنا ... وما تعييش روحك مع عباد هك وكي
تشوفيهم ديري واش مكتوب في توقيعي خليوني نضحك شفت
حاجة تضحك خخخ ... هذو نضحكو عليهم وخلاص على خاطر يحسبو
في رواحهم يستغبيو فينا ... هيا اتهلاي ولي عودة أكيدة نحكيلك
على أمثلة من واقعي ... ســـلامي​
امين يارب والله يبعدعهم علينا يارب
وي انفصام في الشخصية وازواجية الشخصيات الله يسترنا
الشكر ليك حبوبة لانك رديتي مثل هذا الرد الفور
ممممممممممم والله ماوش غير معمر يا نور راه مدمر وصاري فيه انفجار بالقنابل النووية فمقاش فيه حتى ذرة تقدر تعاون لخرى
ااااااااااااااااايييييييييييييييييييييه الله ينجينا ويحفظنا ويقوينا هذا مانطلبوا
ههههههههههههه هالية انوشة
مرحبا بيك في كل وقت وانتظر عودتك
شكرا لك
في حفظ الله ورعايته
 
تفكرت تاني نفس الجارة لي قالت خويا راح انجلترا :
كانت تكذب علينا تقولنا عندي خالتي في آلجي رحت عندها في لي فاكونس أنا
وبنات خااتلي وحدة أخرى رحنا وحدنا في الطيارة قلبنا الدنيا بلومبيونص في السما
خخخخ وخالاتها الكل متزجين هنا في بلاصة اسمها سطورة هي أسطووورة سكيكدة
يعني أقدم بلاصة في سكيكدة ...
* تزوجت اختها قالتنا مديها ولد عمي للطليان وعمومها تاني الكل هنا في سكيكدة
ساكينين في سطورة ... وفاتو ليام ولقينا اختها من الأسطورة خارجة خخخ لا طليان
لا همها وراهي تترنخ هنا معانا في الدزاير
* في عرس أختها كذبت على الغاشي الكل قالتهم جابو في الكوغتاج غير لي ماغساداس
وانا وقتها ما كنتش نقرا معاها أنا ديت الباك وهي نو لقات راحتها في لكذب ... جاو
لبنات عندي للجامعة نحكيو قالولي فلانة اي قالتلنا هكذا قلتلهم اووو لكذابة والله غير
شفتهم بعيني غير لي r19 تاع عمومها تاع سطورة خخخخ
 
تفكرت منال نهار

حسبت روحها تحكي في البورتابل
وكي بيpاتلها سميرة
صونا في ودنها هههههههههههه
ولانهار قاتلنا او تخطبت
كي قنالها جيبي لي فوطو قالت تحرقو
والقاطو
مبقاش
ههههههههههه
وعجوزتي وسلفتي تغير مني
هههه
ونهار طال حبل لكذب
بدات تتلخبط الست هانم وكل مرة تحكي حكياة بزي
حتى تناقضت في روحها
لأن الكذاب ينسى واش يقول من كثرت الهف
وحبل لكذب قصير كيما يقولو
والكذاب مياخدع غير روحو
اما عن الناس فهو مضحكة القرن
ههههههههههههههههههههههههههههه متفركتهم كامل كامل ولا طوايش الي رناهم كي فقنالها
الله يهدي حبوبة والحمد لله انها ماقدرتش تفرقنا وعررفتني باحلى الناس
الحمد لله
وي
حبال الكذب قصيرة وان طالت
شكرا ليك مرة تانية على الرد حياتووووووووووووا
:shay:​
 
راه الكذب عادي في هاذ الزمان، أقرب الناس ليك يكذب عليك وانت في غفلة من أمرك، أنا كان عندي صاحبة أنتيم مع بعض 10 سنين صداقة حتى لهنا عرفت بلي راهي تكذب عليا طول هاذ الفترة، والله ماني عارفة كيفاش جاتها القدرة تستمر في الكذبة طول هاذ الفترة، أنا صح خبيت عليها بعض من جوانب حياتي الأسرية، بصح والله عمري ماكذبت عليها، غريب في هاذ الزمان، تصدق واحد يكذببها عليك نورمال، يديك للبحر ويردك عطشان وانتا في مكانك.

نعم ماتيقيش حتى تلقاي انو سنواتك والايام الي عشتيها كاملة كانت مبنية على الكذب والنفاق
وكل ماعليك انك تتعايشي مع هذا الوضوع جديد
ومن كثرة ما كذبت عليك تولي ما تثيقيش في الناس او تبطاي باه تثيقي فيهم
نعم اختي الانسان مايحكيش كلشي لانوا فيه امور تبقى داخل الانسان ومايحكيهاش غير لربي سبحانوا
هو الي عارف باحوالوا وعمروا ما يبوح باسراروا
-ونعم بالله-
وي الله يهدي اختي المهم اعفي وين تحطي رجليك وغربلي شكون الي يحبلك الخير وشكون الي ناويلك الشر
مع انوا صعيبة بزاف
من كثرة الكذابين والمنافقين في حياتنا
مي الحمد لله كاينين الي يحافظوا علينا والحمد لله
شكرا لك على الرد الطيب يا الغالية
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top