بريوش رائع من مطبخى تفضلوا

[imane27]

كنت اجول فالنت لقيت هاد البريوش جربتو صراحة جا هايل والف شكر لصاحبة الوصفة
المقادير:
300غ فرينة
120ملل حليب دافئ
10غ خميرة الخبز + مغرفة قهوة سكر
30غ زبدة طرية
3 مغارف قهوة سكر
حبة بيض وشوية ملح
التحظير:
حطى خميرة فى شوية حليب دافئ ومغرفة سكر وخليه يخمر
فى عجان كهربائ ولا صحن كبير حطى فرينة وسكر وملح وزبدة مقطعة قطع صغار خليهم يتخلطو كيما صابلى ومبعد ضفة لحليب خميرة وحبة بيض خليه يعجن حتى يتنحا من الصحن وحدو وغطيه وخليه يخمار لمدة ساعة ونصف حتى ساعتين

طريقة تحظير الحشو

30غ زبدة طرية و30غ سكر بنى ولا معندكش سكر عادى

كمية تاع بيستاش مرحى خشين

شيكولة صغيرة

بعد ساعتين تكون خمرت وطلعت مليح

على طاولة مرشوشة بالفرينة حلى العجينة على شكل مستطيل

وخلطى سكر مع زبدة وطلسيه كامل على عجينة

ودردرى فوقو بيستاش وشيكولة

ودورى لعجينة على شكل حربوش

وقطعى حربوش على زوج ولويه فى بعضو

ودوريه وغلقى لحواشى مليح وعاودى حطيه يخمر لمدة ساعة

بعد ما خمر ادهنيه بليض ودخليه للفور يطيب ويحمار

هاد بعد ما طاب شكلو

هاد عن قرب

هاد بعد التقطيع
انشاء الله تعجبكم الطريقة لأنه فعلا رائع​

 

[شجـ الروح ـون]

ممممممممممممممممم
ماشاء الله
ربي يسلم دوك اليدين ان شاء الله
يشهي يشهي
يعطيك الصحة امون
بالصحة عليكم
​

 

[ibtesem]

بارك الله فيك ايمان على الوصفة
راهي من شكلها اممممممممممممم تشهي للاسف غدا رجيم ان شاء الله
بعد الاسبوع نجربو انشاء الله

 

[prncess fifi]

هايل امونة يعطيك الصحة​

 

[merieme hassi]

تبارك الله عليك يا الحبيبة
بالصحة و الهنا

 

[karima tati]

خرجتلك هايلة تاكلوها بالصحة نجربها ان شاء الله

 

[ام خديجة1]

جاك روعة حبيبتي تسلم ايديك

 

[ام سيف]

تبارك الله عليك الشكل روعة والبنة اكيد اروع

 

[عشقي الامارات]

يعطيك الصحا جاتك رووعة
انا تاني راني ندير فالبريوش بصح نتاع الحبة الحلاوة

 

[رآج ـية العفو]

وآآآآو وآآآآآو
الله يبـآرك أموووونة بريوش يهبببببببببل
يعطيك الصحة حبيبتي والله شكله تحفة
تح ـيآتي ,, ~||​

 

[ام منصف]

هايل لويزة
شكله جميل
تسلم الايادي

 

[ŚσÚмĨÁ.Ďz]

اممممممممممم روووعة رووعة روووعة
الف شكر ليك على الوصفة

 

[omarwa]

هايل ايمان يعطيك الصحة على الوصفة

 

[imane27]

بارك الله فيكم على التشجيع نورتو الموضوع

 

[ألاء الرحمـــن]

مممممممممممممممم
يعطيك الصحة امونة عجبني روعة يعطيك الصحة
احلى تقييم


​

 

[om abdulhadi 2011]

يعطيك الصحة ايمان جاك هاااااايل

 

[روعة2005]

والله ياامونة غير الشكل تحفة وباهي بزااااااااااف يعطيك الصحة راح نجربو قريبا

 

[سمراء الدنيا]

يعطيك الصحة هايل:lolo:

 

[كوثر الوهرانية]

مشكورة ايمانوا على الوصفة بارك الله فيك جاك روعة البريوش

 

[أم نيفين]

رووووووعة لويزة بارك الله فيك
+++ تقييم