كلش يجي مع بعضاه لازم شوي توعية

[[ايمآن]]

والله مقلطتي في كلمة
هاك تقول ماما
وزيدي هذوك البنات اللي تقلها مها نقي الدار تدير نص لباطة تاع الصابون
وقرعة الجافيل متشدش نهارين والما منحكوش
وزيدي اللي يلبس تريكو ولا سروال العشية ينحو ويقلك لازم يتغسل
وزيدي وزيدي ........
التوعية كاينة هاتي فاه تدي وبكل اللغات
وريني ويناه اللي يدي الوصاية
الله يهدينا
ويعطيك الصحة​

 

[*ليديا*]

السلام عليكم ورحمة الله تعالى وبركاته

الكلام هذا مايحس بيه غير الي راه يخرج من جيبه ويخلص
اما الباقي راهم يتفرجوا ...الي يخلص في الفواتير هو الي يحرص
ويعيط ويقول بلي هذه التصرفات منكر وتبذير بصح الباقي ماخرج من
جيبه والو وبالعامية جوا لقوها طايبة ...
وكيما راكي دايرة في توقيعه
لكل شيء إذا ما تم نقصان فلا يغر بطيب العيش انسان
يعني الي راه كاين اليوم مش ممكن دوما يكون وعجلة الحياة ستدور ستدور ستدور ..
أشكرك ...
​

وعليكم السلام ورحمة الله وبركاته
بارك الله فيك على مشاركتك
نورت الموضوع بردك
​

 

[*ليديا*]

كي يزيدو فالشهرية للشهارة والزواليا
يبعثلي فاتورة كاتبها بيدو ماعنديش مشكل

وافار التبذير
راني معاك فيها
لوكان الواحد يقتاصد راه مايلقاش مشاكل فالفواتير



صحيتووو
​

الله يسلمك
يعطيك الصحة على مرورك
​

 

[*ليديا*]

السلام عليكم
يعطيك الصحة على الموضوع التوعوي و اللي عندك الحق و كيما قلتي احنا حياتنا غي ماشي قرعة ياك غاز دو فيل ياك الما يجي كل يوم و يا ك و ياك خلاتها وحد البروف كانت تقرينا تقولنا شكارة تاع 0.25 تجيبلك 20 ههههههه ياك فهمتي قصدي

وعليكم السلام ورحمة الله وبركاته
الله يسلمك حنونة ربي يخليك
هههههه نورتي الموضوع
تعيشي
​

 

[*ليديا*]

مولد نبوي مبارك للجميع....خلاصولي الكادووات....اللي ملحقش المرة الجاية.
لحقلي الكادو ....ربي يحفظك بارك الله فيك
ألور...الفواتير الجزائرية أبيتود...ترقد تنوض تلقا غرامة جديدة....قالك راهم يخمو يديرو طاكس على co2 على جال ليشومو كليماتيك....
هههههههه ياه ما تقولش صح
زير السانتورة واللا أقعد....والمشكل ماشي في لا كونسوماسيون اللي بزاف المشكل في لي طاريف نتاع لا كونسوماسيون....تروح كي لفحل تشري مورسو تراب تسلك غرامة أيا تخمم تبني تسلك غرامة تجي تزوج تسلك غرامات...والكناتر هاذوك عليهم غرامة ثانيك.
المهم اللي خرجلو الماء واللا التريسيتي غالي يعيطلي نبرونشيلو أور كونتور...أما الغاز فالله غالب جاي تحت الأرض.
ربي يحفظك يا خويا
قال الرسول صلى الله عليه وسلم " الناس شركاء في ثلاث الماء والكلأ والنار"رواه الإمام أحمد
عليه الصلاة والسلام

نورت الموضوع بردك خويا ربي يعيشك