كيفاش تتعاملوا مع الناس لي تتكبر ؟

[ĂÝǾΰb]

العـــفو اخي الكريم
و ان شاء الله راني ديمة حاظرة معاكم و نطل عليكم متخافش ههههه
السلام
​

أهلا بيك مرة أخرة " نازلي "
مرحبا بيك في كل وقت
لا أنا نخاف نخاف كي ما طليش علينا هههههههه
و عليكم السلام مودتي واحترامي :regards01:
​

 

[ĂÝǾΰb]

وعليكم السلام
اولا صحيت على السوجي الله غالب اصبحت لامود والناس تتعاند عليها
غير يطلعو بدرجة تحسب طلعوا للمريخ يولوا حاسبين في رواحم ويتكبروا وووو كون نبدا نهدر نكمل الستيلو
انا نقول لهادو العباد نتوما والزيرو ياو كيف كيف
تحياتي اخي موفق​

اهلا بيك " زمردة الساحل " نورتي
شفتي ههههههههه
ما تكمليش الستيلو على عباد كيما هاك نحتاجوه في مواضع أخرة
مرات نشوفوهم حتى تحت الزيرو هههههههه
مرسي على المرور والاضافة أختي الكريمة
لا تحرمينا من طلاتك المميزة
​

 

[ĂÝǾΰb]

السلام عليكم
لايتكبر الا الحقير ولا يتواضع الا الكبير

أهلا بيك " خالدي " نورت
و عليكم السلام
هذاك هو المقصود لي حبينا نوصلولو خويا لعزيز
كفيت و وفيت شكرا على المرور فرحتنا بزاف
لا تحرمنا من طلتك :regards01:
​

 

[ĂÝǾΰb]

السلام عليكم أخي
السيجي ديالك شباب
و وين تدور تلقى ناس كيما هاذو
أنت سيي ما تدورش مع هاذ الناس
ولا عاملهم كيما تحب يعاملوك كامل الناس
يعني بطبعك
و مع الوقت راح يكشفهم ربي
سلااام

​

اهلا بيك " طير الجنة " نورتي
و عليكم السلام اهلا بالأخت المحترمة
مرورك زينو أختي مرسي الله يسلمك
شكرا على النصيحة:regards01:ربي يخليك
سبحانو كريم مرسي على الاضافة والنصح بارك الله فيك
لا تحرمينا من طلتك المميزة
و عليكم السلام
​

 

[ĂÝǾΰb]

متتكبر غير ........... اكي علابالك بلباقي اللي يتكبر منحكيش معاه خلاص ياخي كامل من تراب وكامل عباد واللي يتكبر على مالو يقدر في دقيقة يروح واللي يتكبر على زينو يقدر ثاني في دقيقة يتشوه

أهلا بيك " meriem " نورتي
اي هذيك هي ههههههههه
صح لا يبقى الا وجه ربك ذو الجلال والاكرام
مرسي اختي الكريمة على المرور
لا تحرمينا من طلاتك
​

 

[ĂÝǾΰb]

قال الله تعالى ((انه لايحب المستكبرين ))
قال صلى الله عليه وسلم (( لايدخل الجنة من كان في قلبه مثقال ذرة كبر))
كلنا خلقنا من طين وكلنا ذاهبون تحت التراب
اشكرك اخي الفاضل على طرحك الموضوع الذي قد جسد في فئة كبيرة بالمجتمع
فكل من تكبر ينتفر منه الناس ويتاففون بقدومه والتواضع هو لي يرفع وقدر كل نفس
كما ذكر في الحديث الشريف (( من تواضع لله رفعه ))
وقد طرحت اخي كيفية التعامل معهم
والجواب بسيط :ذكر في مثل انه من كان على قمة جبل يرى الناس صغارا ولاكنهم لن يروه ابدا ورحم الله امرء عرف قدر نفسه
كفاهم ان الله لا يحبهم فتعامل معهم بطريقتك واتركهم يفعلون ماشاؤو
اتمنى اكون اجبت ووفيت حق الموضوع
تحياتي ومودتي
​

اهلا بيك " الحياة كلمة " نورتي
الله يبارك على كلامك جواهر
نورتي الصفحة بوجودك وعطرتها ب الآيات الكريمة
بارك الله فيك مرورك أسعدني

كيفيتي و وفيتي وزيادة أختي الغالية
لا تحرمينا من تواجدك ​

 

[ĂÝǾΰb]

السلاآم عليكم
أأممم أنا أجد الطريقة الوحيدة اللي تتعامل مع ناآ مثل هاآذو هي (التجــــااااهل)
يعني نظن حاجة تقتلو لما ما تقيموش وهاآك
المهم ..التكبر صفة خطيرة حقاآ في النفس البشريي....والواحد لو يكتشف فقط أنو فيه ذرة تكبر وغرور لازم يقضي عليها..لان كلشي راهو يفتخر بيه فهو من الله سبحانه وتعالى ونقدرو نفقدوه بأي لحظة..على كل ربي يهديناآ
وشكراآ لك على الموضوع أو القصة ضحكت فيها تع الصح ههههه عفسة شابة نولي نديرها خلاص هههه
​

أهلا بيك " حالمة بالجنة " نورتي
و عليكم السلام
اي عندك الصح اختي
على هذي طرحت الموضوع لازم نعالجو هذي الظاهرة
آميــــــــــــــن يا رب العالميـــــــــن
العفو..الشكر لك اختي على الرد
هههههههه أنا حكيت بزاف عفايس مي المشرف المحترم عدل الموضوع
ان شاء الله نقدر نحكيهم في مناسبات أخرى

أسعدني مرورك تقبلي احتراماتي و ودي أختي الفاضلة
لا تحرمينا من طلاتك
​

 

[{مُدَلَّلَتُهُ}]

الي يتكبر ما يستاهلش نقيمو و نعمر بيه راسي psk الي يتكبر sur شبعه جديدة ( نبغي نقتل العباد الي كيما هاك بالبارد )


وكاين لي الزلط والتفرعين عجبتني هادي ههههه

يعطيك الصحة خويا موضوعك هايل ^^

 

[ĂÝǾΰb]

salam
ممممممم انا نتعامل مع لي يتكبرعليا بطريقة باهية ونحترموا باه يحس لروحوا
ومرسي ليك على الموضوع​

اهلا بيك " امينة لبرايجية "
و عليكم السلام
اي أختي أمينة ربي يوفقك ان شاء الله
المهم نقدرو نحو من هذي الظاهرة
كـــل واحد و بطريقتو الخاصة
شكرا على مشاركتنا أسعدني مروركم اختي الغالية
لا تحرمينا من تواجد
احترماتي :regards01:
​

 

[ĂÝǾΰb]

الي يتكبر ما يستاهلش نقيمو و نعمر بيه راسي psk الي يتكبر sur شبعه جديدة ( نبغي نقتل العباد الي كيما هاك بالبارد )


وكاين لي الزلط والتفرعين عجبتني هادي ههههه

يعطيك الصحة خويا موضوعك هايل ^^

اهلا بيك " Lovely ღ smile " نورتي
ههههههههه سير شبعة جديدة تع الصح
ههههه شفتي كاينين الفوخ والزوخ وهو مرات ما يتعشى
الله يحفظك مرورك لي زين الموضوع
أختي عجبتني بزاف خفة دمك
أسعدني مرورك :regards01:
تقديري واحترامي اختي الفاضلة
لا تحرمينا من طلاتك
​

 

[loujaina]

hhhhhhhhhhhhhhh
ana mankhali ta wahd yetkaber 3lya
madame kamlune wlade 9 chhore
ana fi rayi tetkaber ghur zebala hachakoum
3la hadi ana li yhabe yel3abha metkaber ywali ychoufni ana hute 9odamou nwali ana al metkabra hhhhh
​

 

[ĂÝǾΰb]

اهلا بيك لجينة
ها احي عليك شكون لي يخلي الناس تتكبر عليه ههههههههههه
مي لي يتكبر يشوف في روحو خير من الناس كامل مريض نفسيا ومختل عقليا
مرسي على المرور الزين اختي لجينة نسناو طلاتك ..
​

 

[MĭŠš Čhŏů]

انا منحلبش الجماعة تشوف في روحها..كيما وحد النهار من الشتاء جات واحدة مدت يدها بش تصافحنا حنايا صحباتها الكل غير وحدة قالتلها يدي سخونة ما نخرجهاش مالجيب.....تما انا شعلت فيها قلتلها وش تحسابي في روحك .. زعما باباك استاذ را تثقبي السماء حتى حنا كون جينا نهدرو نسكتوك ولات حشمت على روحها وراحت بدلت وجها....
​

 

[ĂÝǾΰb]

أهلا بيك " جزائرية من مثلي " نورتي
ها نستعرف بيك يا اختي
ام كاين بزاف لي كيما هاك مليحلهم انت تبهدليهم هههههههه
مرسي على المرور نورتي
اتهلاي في روحك اختيتو
​