الزواجـ في الجزائر...علماء الاقتصاد قالو عليه

[SaRa MosTa]

شكرا ليك الاخ شمسو على هاد الموضوع
سمعتكم راكم تهدرو على ارتفاع المهر وشروط والدين البنت لي ميحبسوش
لا يا خويا هادي قاع مكاش منها ديجا احنا عنا مكان لا ارتفاع في المهر لا والو وتاني لا والدين يتشرطو على العريس ما يقولو شا تجيب ولا شا تخلي
مي باينة صوالح لي مفروضين ولازم على الراجل يديرهم هادو واه يديرهم ليه و لمرتو ودارو تاع المستقبل
هههه ولا كاينة حاجة انت بلاك طحت في كاش عايلة شرطو عليك وهبلوك بمطالبهم يلا هاكا الله يكون في عونك
شكرااااااااا ​

 

[chemssou007]

شكرا ليك الاخ شمسو على هاد الموضوع

سمعتكم راكم تهدرو على ارتفاع المهر وشروط والدين البنت لي ميحبسوش
لا يا خويا هادي قاع مكاش منها ديجا احنا عنا مكان لا ارتفاع في المهر لا والو وتاني لا والدين يتشرطو على العريس ما يقولو شا تجيب ولا شا تخلي
مي باينة صوالح لي مفروضين ولازم على الراجل يديرهم هادو واه يديرهم ليه و لمرتو ودارو تاع المستقبل
هههه ولا كاينة حاجة انت بلاك طحت في كاش عايلة شرطو عليك وهبلوك بمطالبهم يلا هاكا الله يكون في عونك

شكرااااااااا ​

شكرا الاخت و ان شاء الله ربي يكتب لكل واحد على حساب قلبو
+
لالا و الله ما طحت في حتى عايلة لأني ما خطبتش
بصح 3 عائلات عرضو عليا بناتهم بلا شروط لكنـ
مش حاب نتزوج حاليا
حابـ ندور و نسافر و نقرا و نخدم و نصرف على روحي بس​

 

[مابقاش بزاف.Dz]

السلام عليكم
يعطيك الصحة على الموضوع و اخيرا تهنينا شوية من مواضيع تاع التلج ههههه
بخصوص الزواج عندنا البنات يشرطوا بزاف و هادا الي جلى الشباب ياخروا فالزوج
ربي يقدر الخير
سلام

 

[مابقاش بزاف.Dz]

+++++ تقييم

 

[the wolf]

السلام عليكم خويا لعزيز
صح النسا ولاو يتشرطو بزاف حتى الواحد يخرج من العرس غارق في الدين
بصح ثاني كاين صح لي تطلب الهنا برك وما تشرطش مي غير المحظوظ لي يلقاها
يعيطك الصحا

 

[zomoroda]

أهلا خويا
راك تقول منتزوجش ونروح نحوس بصح صدقني راني متأكدة كون تبالك نتا الأول و تحط مشي غير عشرة عشرين منعندك تقول زوجوني برك .
وعلاه زواج ماكلة برك ؟ كي تبقى وحدك و تلقى روحك زعفان واحد ما يسمعلك تقول ايه كون جيت متزوج نشكي لمرتي وحتى اذا كانت جاهلة واتفهمش على الأقل نخرج فيها زعافي .
وزيد حاجة خويا عشرة والله قليلة أحمد ربي.
والدين قال مهر المرأة يتقاس بمثيلاتها في نفس المنطقة فتخيل البنات عندكم يروحو بعشرة مثلا و أنت تطلب في أختك خمسة علاه؟
يا خويا لعزيز زكاة الفطر كل عام راهي يزيدولها كفاه تحب ميزيدش المهر؟
ولكن أنا معاك في حاجة المصاريف الزايدة تع شوفوني صح مكالاه بيها.
شكرا أخي على الموضوع.

 

[iman la brune]

قولنا مgرية ماشي اجنبية

يعني اصلها جزائرية بصح عايشة ثما

اكيد منقدرش نتزوج بوحدة مهيش مسلمة


تحياتي يا غالية اسمحلينا تعبناك معانا

خلاص طفرت دعيتلكم تزوجو بطليانيات

والسماح نورمال

​

خلاص تحيا بنت بلادي وتسقط اجنبية متزعفوش برك

​

ههههههه علاه مسكينة خليها تحيا

​

وش راح ديريـ جمال السويدية و المجر اخذ منا العقول
اما الجزائرية فكي كانو يفرقو في الزين هي كانت في كاش مرشي دور
و ما تزعفيش رانا نحكو برك :shiny:

هههههه كي متوصلوش للعنب تقولو حامض

كي عادت مهورهم غالية عدتو تقولو ماش ملاح

علابالك شكون دات ملكة جمال الكون في 2009

بكل تواضع جزائرية


​

دافعي دافعي رانا مدايرين غزال في الهجوم محال يماركي

هههههه

و لا نقاش ثاني ان بزاف بنات ما يصلحو الوالو

ايه صح


راني قتلك هاذو عباد مع كل احتراماتي ما زالو متخلفين
في الدين ماكاش منها اصلا جيب معاك و جيبي معايا​

الله غالب ولا عادات صعيب ينحوها
​

​

بصح يقدرو يشوفو باباهم و هو وشطارتو القانون الاجنبي ما يظلم الا المغفل​

ايه بصح مهما كان يتاثرو




انت درت الخير كمليه عاودينا دعوة كيما هذي في الثلث الاخير من الليل تعيشي
الدعوة فيها مستجابة
آمييييييييييييييييييين يا ربي​

ههههههه معليش راح ندعي

يا رب كامل رجال الجزائر يتزوجو بطليانيات

حتى يخلاصو الطليانيات

ورجالتهم الطلاين هههه ميلقاوش بناتهم ايا مليقاوش حل غير يجو يتزوجو بالجزائريات

ويعود مهرنا يدخلو

في الاسلام واحنا نروحو للطليان ونتوما تجيبوهم لدزاير

ويتهنى سعيد بسعيدة

ههههه

​

اعتذار لكل الفتيات لو سبب لهم الموضوع أيـ حساسيات​

والله والو رانا نهدرو برك

غلاء المهور مشكل صح وكاين بنات مفيهمش رحمة ربي خصوصا اللي ذكرتها الاخت حابة 25
مليون ومنعرف واش هذي عقبت كل الوان الخطوط

وباينة جيعانة

وحدة نعرفها قمة في الجمال بصح من عايلة فقيرة جاها خاطب من اصحاب شارع دبي لباس

بيه ماديا شافها

عجباتو وقبل بيها مع انها من عائلة مش من مستواه

بصح هوما معرفوش قيمتو طلبو مهر 30 مليون على ما اظن وما نعرف واش ثاني وقبل

وتزوج بيها وكي داها لدارو قالها ضرك اصرفي على روحك اخدمي الشخشوخة وبيعي كما

كنتي في دار بيك كي عدتي تطلبي 30 مليون تقول مكانش زيها وضرك راهي مطلقة


ربي يهدينا برك







​

 

[ضو العش]

انا كيما تزوجت كان شرطي 3ملاين 2قناطر صوف وحاجة ذهب وهوجابهالي 6ملايين وعرس ان خيرت يكون نهار واحد وكلواحد يروح لدارو وصراح استقام عرس كامل 30مليون برك مي ولدرك مزالو يحكو بيه

 

[Ice Queen]

هو صح البنات ولاو يتشرطو ويعاودو على هادي كثرة العنوسة في الجزائر
لكن من جهة اخرى الرجال فيهم وعليهم من المفروض اي رجل يروح يخطب يأمن على الاقل عمل مستقر وراتب مستقر خاطرش انا نظن ماكاين حتى اب يزوج بنتو لواحد ماشي خدام
وشوفها غير في روحك تزوج بنتك اي ياسيدي اختك لواحد ماشي خدام ما شكيتش تديرها

​

 

[Ice Queen]

نسيت التقيمممممممم
++++++++
ردهالي بالاك تنسا راك غيظتني
​

 

[secret de coeur]

وعليكم السلام أخ شمسو
بعدا نبدا باللول ندعيلك اني قريت الموضوع بالردود
الله يزوجك بوحدة عندها باسبور غوج :shiny:
المهم نروحو للموضوع تاع زواج والمهر الي تحكي عليه
الدزاير معروفة بـ غلاء تكاليف الزواج فيها
ومرات البنت ماتشرطش مي عايلتها يقولك لازم نحافظو على التقاليد ونصدرو بنتنا بــ .. ووو
المهم هما يبغيو يقيموها مي ماعندهمش دراهم ( شعب متوسط الدخل)
عللى هاديك يشرط في بنتو 10 ملايين ( على الأقل) نقدا مدفوعا i-o:
+يتناسى واش راح يصير في ولدو كي يروح يخطب (كما تدين تدان ) مام هو يعاود يدفع..
ياخي ليجان راهم يعنسو تاني خخ مش غي لبنات
:um_sh:مالا لازم الدولة الجزائرية تزيد قانون فالدستور تحددلهم سقف للمهر

ايا مرسي عليك ++
اني هدرت بزاااف
سلااامو
​

 

[الخيزران]

شكرا الاخت و ان شاء الله ربي يكتب لكل واحد على حساب قلبو
+
لالا و الله ما طحت في حتى عايلة لأني ما خطبتش
بصح 3 عائلات عرضو عليا بناتهم بلا شروط لكنـ

​

سيدي يا سيدي

 

[عاصفة الورود]

السلام عليكم ,
ناس بكري يقولو سهلها تسهال ,,
ربي يكون فالعون ان شاء الله
تحياتي .
​

 

[ملكًة الاحسآس]

الســلام عليــكم
اممم موضوعكـ فالصميم كما يقولو
وعجبني التشبيه تاعكـ لعقد الزواج رجع كما عقود ماقبل التشغيــل
والله غير صح رنا لحقنا لزمان رجع فيه الزواج عقد بيع ، والطفلة سلعة فيـه
الراجل حياتو كامــل وهو يخدم ويصدر ، تجي عروســة المستقبل زعمة في نهار تقطيهم ـ وغير كون جات من البنات الي يستاهلوو ـ
على هدي رنا نشوفو في شباب لحقو 40 ومازالو مالحقوش حق العرس
كلشي راهم يشوفو فيه دراهمـ نساو اهم حاجــة وهو التفاهم والهنا، والله مايتقدر بالملايير
يعني الواحد كي مايطلب من الراجل والو غير أساسيــات ، ويقولو مانسحق والو غير تكون بنتي هانيـة وتكون صح راجل معها ، واش يصرى يعني ، ولا كفاه تزوجو والدينــا والحمد الله رباو نسا ورجال
ياو القناعة هي كلشي ، واش تحب ربي يرحم بركـ
+
ميرسي على الموضوع الباهي خويــا والي على قد ماتهدر فيه تبانلك ماهدرت والوو
تستاهل تقييم عليه
​

 

[hiba14]

السلام عليكم
غي باغي نسقسيكم هاديك العشر ملايين و قليل اللي راهم يشرطوها احنا في تيارت 15 و طلع ههههههههه المهم شاباغي دير يرحم اللي خلقكم الصالو ن التالي 5 ملايين و لي كوفرولي الرخيص 2800 و يليق تدي كاش 4 و الي الكوفيرطات 4000 الرخيصة قاع و ما يلزمش قل من 6 و اللحوف الواحد ب 1800 و يليق 8 و لا اكتر و لي دررا الرخيص ب 2700 و يليق كاش 4 و لي كوات الرخيصة ب 1500 و يليق كاش 6 و لي تابي 2 و لا 3 ب 4000 و المخايد ب 400 بلا لي كوفار تاوعهم اللي ب 400 تاني و يليق 20 مخدة على الاقل ايا وين راه جهازها غي الشورة تاع الحمام 2 ملايين و الحوايج تاع التبراز الزوالية يتقامولها ب 10 ملايين و حوايج الدار تاع الشتا و تاع الصيف و لي بارفان و دهبها مع انو سايي راحت علينا و زيد حنتها و زيد غي لاكوافير ب 7000 و كاين تاع مليون و مليون و لي كادو اللي تديهم اللفاميلت الراجل م زيد و زيد بلا هاداك التفتيف
و ماكاش اللي يقولي انا جيني هاكاك كل شي نديرو انا ياو الهدرة في ليتساع ساهلة نهار اللي يصح الصحيح تم كل شي يبان
ايا و تاع لا انت ما ديري و انا و طاقتي ماعنديش و ما فيها والو لا يا حبيبي عربنا فامهم كبااااااااااااااااار و الله يعايروها و ماشي غي الناس تاع برا حتى اهل العريس يقولك طلق بنتو هكاك تحسب عطاولها بونكة

 

[hiba14]

و نسيت و لاغوب و الشدة التلمسانية اللي كرا تاعهم تاع الزوالية ب مليون شوفو انا راني مشوكية و راني غي نخمم نشرط كاش 50 مليون و نديرها غي دهب
نقولكم و الله غي صح من نيتي كيما بزاف على الشيرة بزاف على الشير بصح هادي هي ماكاش اللي يغيضو الحال كيما انا طفلة تاني خويا شير و يليق يشرطو عليه باغي نبدلو الدعوة هاماجاياش

 

[FATIMA 19]

ماتقولش هكذا كاينين بنات اللي مايحوسوش على الدراهم ويحوسو على الهنا
وهادو البنات مالقاوش شكون يخطبهم بويسك البنات نتوما الرجالة تخطبو غير الزين و العين الخضرا وخدامة +كون يعود عندها طوموبيل يا محلاها ولا أبوها عضو في البرلمان تكمل الحطة!!!!!!!!! وتجريو على يديكم قبل رجليكم
نتوما ثاني ماتشرطوش بزااااااااااف لاه العين الخضرا ادير الدار العقلية والدين هوما أكل
و ربي يفتح عليك بواحدة ناس ملاح وعينيها ماشي خوضر ههههههههههههه
+ تقويم
موضوعك فور عجبني

 

[chemssou007]

السلام عليكم
يعطيك الصحة على الموضوع و اخيرا تهنينا شوية من مواضيع تاع التلج ههههه
بخصوص الزواج عندنا البنات يشرطوا بزاف و هادا الي جلى الشباب ياخروا فالزوج
ربي يقدر الخير
سلام

وش راح دير خويا قتلونا مواضيع الثلج ههههههههههههه
هذيـ نقطة مهمة و البناتـ راهم يهدرو في واد و انا نهدر في واد
حنا نقولو علاه تغلو في الشرط
و هوما يقولولي لازم نعمر الدار
يا سيديـ أرواحيـ برك و ساهل
معريفتي تقولي الراجل هو لي عمر الدار
المرا جي هيا برك و ما جيب معاها والو
أنا لي مستكلف بيها مش هي

سلام​

 

[chemssou007]

+++++ تقييم

نقلبوهالـــك في الفرح يا خونا
+
ما بقاش بزاف و تتزوج
ههههههههههههه​

 

[chemssou007]

السلام عليكم خويا لعزيز
صح النسا ولاو يتشرطو بزاف حتى الواحد يخرج من العرس غارق في الدين
بصح ثاني كاين صح لي تطلب الهنا برك وما تشرطش مي غير المحظوظ لي يلقاها
يعيطك الصحا

و عليكم السلام يا خويا الذيب
غارقـ في الدين برك ((خلي البير بغطاه))
ربي يهنيك​