وشراكم تهدروا

[ريم الشرق]

انا في هاذي الايامات نسمع غير الكلام الي ماعندوش معنى وخاصة الشباب والشبات هوما الي رام حيروني متلا انا خويا كي نغشوا ولا نرفزوا يقولي اخرجي من راسي واش هذي الهدلرا كيفاه نخرج من راسك ولا متلا كي تتطلب من شاب شئ يقولك كيفاش .وعلاش.قتاش هذوا الاسئلة عجال طلب واحد والله غير بزاف ولا متلا كي يحسابوا رواحهم كشما حاجة يقولوا روحي راكي حابسة ولا راكي جبرية ولا متلا انا كنت في الكلاسة واحد زوج دراري يتعاركوا واحد منهم قال للاخر تحساب في روحك متحلب الاخر قالوا ايه من بعد الاول قالوا للتاني انت متحلب من حليب بقرة ولا من حليب معزة والله ما ني فاهمة لاه رام يقولوا هذا الكلام رام يهزوا غير في الذنوب انا الحق حبيت نقلكم يا الشباب ويا الشبات اذا راك تقول هذا الكلام ولا شبيه بهذا الكلام غيرك نحيه الاخرة بدات تتقرب وعلامة الساعة بدات تضهر استغل هذا الوقت في الي يفيدك ميشي في الي يضرك​

 

[ماكانش]

أهلا بيك ريم
يعطيك الصحة على موضوعك الباهي
صح عجبني
كثرو لحكايات والهدرات لمخلطين ألي ماعندهم حتى معنى
وزعما يحكي بيهم غير القاوي ولمتحلب (مانحملش هاذ الكلمة)
كيما قلتي مثال أخرجلي من راسي ، ولا كلمات بزاااف جدد

تستاهلي تقييم
​

 

[hayet bicho]

شكرا أختي على الموضوع والله صح عندك الحق ولاو يهدرو بزاف هدرة ماعندها حتى معنى وكل يوم تخرج كلمة جديدة ما تفهمي منها والو الله يصلح حوالنا هدا من قولو

 

[EL General]

نعطيك نصيحة اديها من عند الجنرال
اللي مايجيبلكش الفايدة غير سيبيه
و خلاص
الف شكر ^^
​

 

[houssem_]

ناس طيبين و شعب كفور
​

 

[هدوء المطر]

صح ختي ، رانا نشوفو بلي فهذا الوقت كثرت الهدرة اللي معندها حتى معنى ، ولات الناس غير تهدر بلا معلابالها واش معناتها هذيك الكلمة و كاين حتى كلمات أجنبية يهدروهم مي لوكان ترجميهم تلقايهم بلي كلمات ماشي ملاح خلاص .
الله يهدينا و يصلح الأحوال إن شاء الله
يعطيك الصحة​

 

[bilal22]

هادا لكلام ما يقولو غير لي ناقص في عقلو وما يسمعو ويدير عليه غير لي موسوس
ناس مزالت روطار ربي يهدي ما خلق برك
شكرا لك
سلام

​

 

[R@MA]

هذا عصر السرعة والتخلف رانا راجعين ماشاريار تكسر الفيتاس
الله يوصلنا لساعة خير
مرسي على السوجي
​

 

[مرام التيبازية]

السلام عليكم اختي.....
والله العظيم في هذه الدنيا اشوفي العجب،وحتى الناس راهي بدات تخسر ولا تقدري تقولي خسرت كامل....
واش نقولوا ربي يهديهم ويهدينا هذا ماكان..........

 

[مجرد انسان]

hhhhhhhhhhhhhh iih wellah sa7 kaynà menHà

mè nes dayrinOù MoùDà jDiiiiDà LooooL

 

[HICHAMBECKHAM]

يعطيك صحة كاين منها هادي وواش ديري الله يهدي ماخلق
انا لوكان يكون معيا و حد صاحبي ويهدر والله لنتحشم في بلاصتو والله
مشكورررررررررة ختي​

 

[***سوسن الجزائرية]

صح اختي عندك الحق ظهرت وحد الكلمات لا محل لها من الاعراب ...و قداه من كلمة نسمعها و نفهمش معناها..

الله يهدينا .... أشكرك ...
​

 

[Roumissa_dz]

انحرااااااااااف مش طبيعي
رانا نشوفو في وحد الكلمات مش عارفــة منين يطيحو بيها
وذرك الي يمشي بالنيــة الصالحة يديروه " kavi" مع الأسف

 

[طير الجنة]

ربي يهدي ما خلق
شكراااااا ليك على الموضووع
​

 

[ريم الشرق]

شكرا على مروركم الزاهي الي نور الصفحة
​

 

[مفخرة الجزائر]

لعبتوها كامل ما تهدروش الهدرة هدي ..كامل شاربين من عقولكم ..كامل ما تستعملوش هدي المصطلحات..كامل تشوفو فيهم صوالح تافهة..بركاكم بركاكم علابالي باللي معظمكم ان لم اقل كلكم تستعملوهم الكلما ت هدي وباسهاب تانا


انا وحدة من الناس نستعملهم وبالبزاااااااف تاني:d

تقبلو مروري

 

[Yacine333]

والله مآني فآهمم منين يجيبو فيهآ آلهدرة هذه
مي اختي اذا فهمتي العقليآت هذه فهمينآ ؟
مرسي
​

 

[mira real]

ايييييييييه ولله عندك الحق يا ختي واحد الهدرات ولينا نسمعوهم راسك يحبس منهم

ربي يهديهم هدا منقولو و مرسي حنونة على هدا الموضوع

 

[♥SaMoù Là MoDèsTe♥]

سلآمـ أختي /~
صحيح وحد الهدرة راهي تقآل تضر القلب وتعيي اللي يسمعوها
واللي يهعدروها يحسبو رواحهم رآهم يعرفو يهدرو
وتآني تبانلهم رآهم يجيبو في الجديد و متحلبين

أنا بالنسبة ليا التجديد في الكلمات التافهة اللي ما عندهاش معنى
شيء يهبط من مستوى مولاها
والهدرة اللي تطلع من مستوى مولاها هي الهدرة اللي يفهمها الجميع وقليلة وحلوة

أيـآ حنونة ليكـ خآلص تحيآتي على تنآولك لهآذي النقطة
مـآ تعمريش رآسك بهاذ الهدرة
وحاولي باش تتجاهليها وديري روحك ما سمعتيش

وإن شـآء الله يكون لموضوعكـ نتيجة
​

 

[MĭŠš Čhŏů]

:d:d:d:d:d
حتى انا من تبسة وتع تبسة كوافا
كاين غير ونزة وشوي لعوينات برررك
هادوك الدراري اللي يهدرو راو قاسهم التحلاب صيبورصا رام يتفيحلو في بعضهام
من وقتاه ناستبسة يحكيو كيما هك ديجا يحكيو كي تع تونس ونزة شوي من سوق اهراس شوي من لعوينات
وتع لعوينات يخي يحكيو كي تع مسكيانة ام البواقي
مااااااتلعبووووووووهااااش
:p:p:p:p
​