قدمي لنا نصيحة لاستقبال شهر رمضان
- كاتب الموضوع omalbatoul
- تاريخ النشر
اين انتن يا عضوات 
نواصل مع تحضيرات الشهر الفضيل انا اقوم بعمل الفلفل الحلو و نشوطوا و نعمل منوا حميص و ايضا سلطة بالقارص و زيت الزيتون و نخبيه في الفريزر
و ايضا دائما قبل الشهر الفضيل بايام قليلة اتسوق و اشتري اواني منزلية جديدة يعني اماعن جداد
يلالا نفوتلكم الميكروفون شكون تتفضل :-r
اتفضلي ماتحشميش :$
نواصل مع تحضيرات الشهر الفضيل انا اقوم بعمل الفلفل الحلو و نشوطوا و نعمل منوا حميص و ايضا سلطة بالقارص و زيت الزيتون و نخبيه في الفريزر
و ايضا دائما قبل الشهر الفضيل بايام قليلة اتسوق و اشتري اواني منزلية جديدة يعني اماعن جداد
يلالا نفوتلكم الميكروفون شكون تتفضل :-r
اتفضلي ماتحشميش :$
- الأوسمة
- 5
شكراا ليك نتمنى يدخل علينا بالصحة والهنا وان شاء الله نصوموه على يد الشرع كيما نقولوا بكل جوارحنا
يــــــــــــــــــــــــــــــــــــــــــــا رب
اما فيما يخص الاكل نتمني كثرة وصفات التحليات والسلطات والflan
وشكراا ليكم جميعا
يــــــــــــــــــــــــــــــــــــــــــــا رب
اما فيما يخص الاكل نتمني كثرة وصفات التحليات والسلطات والflan
وشكراا ليكم جميعا
اللهم بلغنا رمضان وربي اغفر لنا يا رب
العفو و مرحبا بيك حنونة
اللهم امين يا رب العالمين نسال الله التوفيق لنا و للمسلمين
بالنسبة للاكل عندك حق المقبلات و التحليات و السلطات تنفع مع الحرارة و خاصة العصائر و لو ان الماء خير من كلش
شكرا لك و اتمنى ان اراك مجددا هنا من اجل الاستفادة من نصائحك سلام
الله يبلغنا رمضان وايامو باه نتعبدو ربي لان الحسنات في هادالشهر الكريم راهي تتضاعف
اما عن الاكل فهو ربي وحده يرزق من حيث لانحتسب ونقول للاخوات اللي راهم يخزنو في المواد الغدائية اعلمي بللي راكم درتو فوضى في السوق السلعة تنقص الاسعار تزيد
خلي لوقت رمضان واشري بقدرك وتاكلوها طازجة ورمضان الصيف غير المشروبات او فاكهة اوفلان حوايج خفاف وباردين
والله يجعلنا بقيامه حتى نقضيو ايامه واعاده علينا وعليكم الله بالصمشششششششكوري
اما عن الاكل فهو ربي وحده يرزق من حيث لانحتسب ونقول للاخوات اللي راهم يخزنو في المواد الغدائية اعلمي بللي راكم درتو فوضى في السوق السلعة تنقص الاسعار تزيد
خلي لوقت رمضان واشري بقدرك وتاكلوها طازجة ورمضان الصيف غير المشروبات او فاكهة اوفلان حوايج خفاف وباردين
والله يجعلنا بقيامه حتى نقضيو ايامه واعاده علينا وعليكم الله بالصمشششششششكوري
درك نحطلكم حاجة انا عن نفسي نديرها وهي قراة القران الكريم
ندير التراويح بالمصحف وحدي في البيت لانه كاينا اشواق صغيرة منتوجهش للمسجد ونخليها
وتاني وراءكل صلاة مفنقرا 2احزاب معناها الفجر والضحى والظهر والعصر
هكا تقراي 8احزاب في اليوم تقدري تختمي القران شحال من مرة
وطبعا حسب الوقت وشغل الدار والاولاد
المهم نحي التلفزة وكل البرامج راهي تتعاود ورا رمضان
ندير التراويح بالمصحف وحدي في البيت لانه كاينا اشواق صغيرة منتوجهش للمسجد ونخليها
وتاني وراءكل صلاة مفنقرا 2احزاب معناها الفجر والضحى والظهر والعصر
هكا تقراي 8احزاب في اليوم تقدري تختمي القران شحال من مرة
وطبعا حسب الوقت وشغل الدار والاولاد
المهم نحي التلفزة وكل البرامج راهي تتعاود ورا رمضان
- الأوسمة
- 1
شكرا ليك اختي ام الباتول افدتيني وخاصة فالحميص مكنتش علبالي بلي تقدري تخبيه فالكونجيلاتور يعطيك الصحة بصح قوليلي قداه الديري الكمية باه ميفسدش
نحيتي عليا غبينة .انا عندي لولاد ورضيعة خفت منلحقش
على الاقل واحد يقدر يتفرغ للعبادة
بالنسبة للتحضيرات الفريك نديروه كيما قلت انت ونحضرو التوابل فلفل اكحل وكروية وكصبرنشريوهم ونقيوهم مليح منبعد نرحيوهم
وعندي مرت سلفي تشري السينوج ووتنقيه وتسومو وتحطو يشيح ومن بعد تخبيه
شكرا ليك على نصائحك وزادها الله في ميزان حسناتك
نحيتي عليا غبينة .انا عندي لولاد ورضيعة خفت منلحقش
على الاقل واحد يقدر يتفرغ للعبادة
بالنسبة للتحضيرات الفريك نديروه كيما قلت انت ونحضرو التوابل فلفل اكحل وكروية وكصبرنشريوهم ونقيوهم مليح منبعد نرحيوهم
وعندي مرت سلفي تشري السينوج ووتنقيه وتسومو وتحطو يشيح ومن بعد تخبيه
شكرا ليك على نصائحك وزادها الله في ميزان حسناتك
فكرة جميلة باختيارك للموضوع وأنا أشجعك
رمضان هذا العام أوووواه باينة سخانة بزآآآف
غير قولي الله يكون معانا
لي عودة الى الموضوع الرآآآئع
رمضان هذا العام أوووواه باينة سخانة بزآآآف
غير قولي الله يكون معانا
لي عودة الى الموضوع الرآآآئع
بارك الله فيكي راكي افدتينا كلنا و الله يوفقك و يوفقنا على طاعتوا انا بانتظار الاخت سارة ترد عليا من اجل فتح نفس الموضوع نصيحة لرمضان و لكن في جانب العبادة و موضوعنا هذا راهوا يخص جانب المطبخ و المنزل
امين يا رب العالمين
الحمد لله على نعمه و لكني اخالفك الراي التخزين في الفريزر عندي انا شخصيا يكون لاسباب هي كالتالي
اولا توجد خضر و فواكه موسمية قد نحتاجها في رمضان و لا تتوفر بالسوق مثلا الجلبانة و الفراز ماتلقايهمش في رمضان ماش وقتهم و انا شخصيا مانستغناش عن الجلبانة كطبق او في الماسيدوان و الفراز رائع للتحليات
ثانيا لما نعمل مثلا حميص او اي اكلة نهار نجبدها نلقاها واجدة و بدل ما نضيع الوقت في تحضيرها نستغل الوقت في العبادة
اما الاسعار فتصير ملتهبة بسبب الشهر الكريم او اي موسم من المواسم و هذي يتسببوا فيها التجار و ماشي احنا :$
يعطيك الصحة حنونة و تقبلي وجهة نظري :up:
العفو اخيتي و بالنسبة للحميص ماتخفيش عليه و حتى لو عملتيه قبل نهار من رمضان و حطيتيه في التلاجة من تحت يشدلك مدة فقط ماتغلقيش عليه جيدا و خليه يتنفس و لازم تكون تلاجتك باردة مليح يني مايغليش عليها وجود عدد كبير من الاطباق يعني تكون مليانة بزاف باش ما تاثرش على البرودة
و شكرا على نصائحك استفدت منهم سلام
شكرا بلك حنونة
السخانة البرد بربي ان شاء الله يوفقنا ربي و يقدرنا عليه
و على قد التعب و العذاب على قد الاجر اللي نحتسبه ان شاء الله
اللهم بلغنا الشهر الفضيل
انا بانتظارك
الاخوات الكريمات كنت وعدتكم بوضع موضوع ثاني مستقل
من اجل نصائح لاستقبال الشهر الفضيل من جانب العبادة و التحضير النفسي
و اليوم قمت بكتابته
https://www.4algeria.com/vb/showthread.php?p=4228721#post4228721
و اتمنى من كل قلبي كما تبادلنا النصائح في موضوع الطبخ و المنزل ان لا تبخلوا علينا بناصائحكم في الجانب الديني
و اسال الله لي و لكم الفائدة و الاجر و كل الخير
من اجل نصائح لاستقبال الشهر الفضيل من جانب العبادة و التحضير النفسي
و اليوم قمت بكتابته
https://www.4algeria.com/vb/showthread.php?p=4228721#post4228721
و اتمنى من كل قلبي كما تبادلنا النصائح في موضوع الطبخ و المنزل ان لا تبخلوا علينا بناصائحكم في الجانب الديني
و اسال الله لي و لكم الفائدة و الاجر و كل الخير
و ايضا فيما يخص الجانب الديني المشاركة بموضوع الاخت الكريمة سارة
و الذي هو في نفس السياف
الصراحة حبيبتي انا لا اعرفه واش تقصدي اولا بالمرمز ممكن تسميهولي بتسمية اخرى ممكن احنا نسموه باسم اخر و انا ماعرفتوش
و ربما هو العيش اي الكسكس او البربوشة الخشنة هل هذا هو قصدك
