ولات عندي complex من الباك

[مروة 95]

صحيتي على طرح الموضوع مرموريتا
ما تعييشس راسكـ بزاف بموضوع الباك ان شاء الله يوصل الوقت و تجوزيه كي دركـــ و تتهنايس
صح كامل نخافوا و نقلقوا من ناحية انك بالاك ما تخدميش مليح و لا ما تجيبيهش بمعدل مليـــــــح
مي الانسان يدير ربي في بالو و الي مpــــريpـــــاري روحو مليح ما شكيتش يخاف و تبقى الاعمال عند ربي سبحانو و لازم يكون عندك كطوراج و تقة في روحكـــــــــ
بالتوفيق ليك و لجماعة الباك هاد السنة

أهلااا وئامو
مرسي حبوبتي
و الله و تقول مجربة
صحيتي هذرتك تووووووب كي لعادة ​

 

[مروة 95]

سلملم مرمر ,,
هلا بروحها لمرمر
وي عندكـ حق السيجي تآعكـ هآيل عمري
تعيشي زينة

انا ثآني قتلوني بالخوف ,,
الباكـ الباكـ الباكـ حتى ولآ يجيني كوشمآ في المنآم هههـ
ههه مام انا
انا كنت صح حآبة نريفيزي في العطلة و هاكا
بصح مبعد بطلت قلت خلي نفوت الفآكونس كمآ يجب
و كي تبدآ لقرآيآ يبدى معآهآ الجد ,, حكآية ليكور ثآني في الصيف
غلطة x غلطة ,,
وي أنا قلت غير نطل نشوف وش المواضيع
مي لحق طليت عالعلوم البروتين عجبني خلاص ههه ​

المهم مرمر عقبي الفاكوسن تآعكـ كمآ يجب
العبي اشطحي اخرجي حوسي ديري لي حبيتي ​

و ربي يوفقنآ ان شآء الله
البآكـ مآشي غول كيمآ قآلو الجمآعة ديجآ تخآفي من لول
مي مبعد صآآي .. مرسسي عالموضوع يآ عسل :$​

شكرا شكرا يااا ألبي
يا منورة حياتي دايما انتي
يا وردة
تسلميلي ​

 

[مروة 95]

صــــــــآلـــــــــــو عـــلــــيــــكــــــــــــْ
هلا بخدوجة

امممم حرام عليك آبنتي تبداي من دروك غي خطيك عام طويل و تقراي دروك غي تنعمي ب صيف تاعك و نساي كلشي هكا تدخلي نورمال و زيد كي تعرفي تنظمي قرايتك من بدية تاع العام غادي تجيك ساهلة من بعد و زيد متتوسعيش بزاف تقيدي ب programmeبزاف عليك باك مراه والو صح تخافي ادا مش واثقة في روحك مي ادا واثقة خوف علاش
و متنسايش مـــــــكـــــتـــــــوب ربــــــــــــي
اول شي هدا و دعاء دعي بزااااااااااف و متخافيش اما دروك غي عيشي صيف تاعك و نسي باك الحنونة

بــــــــــــون كــــــــــــورآجــــــــــــــــــــ ​

تعيشي حنونة
نشالله ربي يوفقك و نجيو ناكلو الرفيس
هههه ​

 

[مروة 95]

فكرتيني بروحي عام لي جاز هبلوني غاشي حتى يرجعوك ب stress وهوما يقعدو يهدرو حتى وين تخرج ريزيلتا املا ماتعمريش راسك بيهم توجور تكون لاشارج عليك سيرمناج انتي ماتقلقي روحك ماتتـpـانيكاي باك ماكان مكان لي سيجي كيشغل راح تجوزي ليزيكزام ويكدب عليك لي يقولك اقرايلو من دوك بارسكو لازملك تريجي مخك وتريحي مورالمون وفيزيكمون جوزي vـاكونس تاعك بيان وانسايه لوكان تقراي من دوك تعياي ماتقدريش تكملي عامك راني سير تـaـابوندوني لوكان ديريها شوفي باش تبداي تقراي لازمك تحضر لي كوغ افهمي مليح لي وريفيزي في دار باش مايكتروش عليك وقت الصح وزيدي ديري سويعة حلي لي سيجي تاع باك جيبي كتب ديسيدي وحلي les exo وحفاظة خليها تالي ليسونسيال تنظمي روحك وتجوزي عامك فور راني سيو يمات لوالة تكوني خايفة كي تدخلو مي يجوز شهر برك تنساي بلي عندك باك مور ما تجوزيه وتجيبيه ان شاء الله وتقولي لوكان خير ماجبتش باك بارسكو تجيبيه وتكرهي من لاميزار تاع لافاك مانيش نحبطلك في مورال مي هاد الهدرة قالوهالي وكي جبتو صبت كاينة منها وانشاء الله gـاع تجيبوه ونفرحو معاكم وربي يكون في عون لي راهم يسناو في ريزيلتا بارسكو pـاريود هدي راهم يجوزو فيها نواغ قاتلهم تخمام​

مرسي بزااف بزااف
لي ختي
ريحتيني بزااف بهدرتك
ربي يوفقك ​

 

[مروة 95]

سلام اختي مروة

حتى انا كانو يديرولي كيفك
انا هاذ العام جوزت الباك
بكوني جربيت رايحة نمدلك نصيحة
هاذ العطلة الصيفية حوسي اخرجي ازهاي نحي كامل القراية و التعب من راسك
مي كيتخلي ان شاء تبدا القراية تع الصح برك ماتخليش روحك روتار اقراي و راجعي و عاودي واش ديري في القسم
و في العطلة تع الفصل الاول عاودي حلي المواضيع كامل اللي درتوهم في الفصل الاول
و هكذا بالنسبة للفصول الاخرى...
و ان شاء الله ربي ينجحك و ينجحني و ينجح كامل صحاب الباك

ماتخافيش برك​

مرسي بزااف حبوبتي
نشالله ندير اكاا
و ربي نسمعو الخبر الزين من عندك
و نفرحو كامل بيك ​

 

[naGam]

ربي يكون في عونك اختي صحيح الباك عام مصيري مي ماشي اعتكاف ولاتبداي من دركا
الحمد لله فوتت الباك ونجحت مي والله العظيم اختي اقراي عادي مي باهتمام
وربي يوفقك ويوفقك كل الممتحنين
​

 

[مروة 95]

سلام عليكم اولا ان شاءا لله تجبيه وبمعدل مليح والعطلة ديفولي فيها وريحي راسك شوي ويلا عندك كتب اضربي طلة واش كاين واش ماكانش وماتخافيش الباك رايحين يديرولك واش قريتي خلال عام يعني الخوف خليه بجهة وانا جوزت هاد العام 2012ان شاء الله التوفيق للجمييييييييييييييييييييييع بالتوفيق ليك

مرسي ليك وفوءة
ربي يوفقك و كامل ناس الباك 2012
​

 

[مروة 95]

ربي يكون في عونك اختي صحيح الباك عام مصيري مي ماشي اعتكاف ولاتبداي من دركا

الحمد لله فوتت الباك ونجحت مي والله العظيم اختي اقراي عادي مي باهتمام
وربي يوفقك ويوفقك كل الممتحنين​

مرسي ختي
نورتي الصفحة
نشالله ياااااا ربي ندوه كامل
ربي يوفقك ​

 

[ايمان التلمسانية]

السلام عليكم
انا اختي فوت الباك هاد العام باذن الله
وفالحقيقة انا ما قريتش فالعطلة
حتى دخلت وبديت
بصح لازمك تبداي من الاول واياك والخوف من اي حاجة توكلي على ربي ولي فيه الخير ربي يجيبه
ومهماحصلك ما تيأسيش وما تخافيش انا الفصل الاول جبت 13 والله وليت حالة وبداني الخوف والشك والتوسويس بصح درت الكوراج وجبت 15 فالفصل الثاني باذن الله والحمد لله
وان شاء الله نربح الباك بنتيجة مليحة
وننصحك ما تفضلي اي مادة على اخرى سواء الفلسفة او الفرنسية والانجليزية
وان شاء الله يكون النجاح هو ثمرة مجهودنا باذن الله تعالى ​

​

 

[مروة 95]

السلام عليكم
و عليكم السلام

انا اختي فوت الباك هاد العام باذن الله
وفالحقيقة انا ما قريتش فالعطلة
حتى دخلت وبديت
بصح لازمك تبداي من الاول واياك والخوف من اي حاجة توكلي على ربي ولي فيه الخير ربي يجيبه
نشالله يا ربي
ومهماحصلك ما تيأسيش وما تخافيش انا الفصل الاول جبت 13 والله وليت حالة وبداني الخوف والشك والتوسويس بصح درت الكوراج وجبت 15 فالفصل الثاني باذن الله والحمد لله
وان شاء الله نربح الباك بنتيجة مليحة
وننصحك ما تفضلي اي مادة على اخرى سواء الفلسفة او الفرنسية والانجليزية

وان شاء الله يكون النجاح هو ثمرة مجهودنا باذن الله تعالى ​

​

مرسي ليك ختي
و نشالله ربي يوفقك في الباك
- مي أنا علمية -
نورتيني ​

 

[ايمان التلمسانية]

مرسي ليك ختي
و نشالله ربي يوفقك في الباك
- مي أنا علمية -
نورتيني ​

اختي انا تاني علمية
مي قتلك ما تركزيش غير على المواد العلمية وتنساي المواد الادبية
تقبلي مروري مرة ثانية
​

 

[مروة 95]

اختي انا تاني علمية

مي قتلك ما تركزيش غير على المواد العلمية وتنساي المواد الادبية
تقبلي مروري مرة ثانية ​

مرسي ليك ختي
و مبرووووك عليك الباك ​

 

[إحسَانْ]

^^
مآتموتي مآه مآه
نتومآ نتآع البآك تقتلونآ كآمل وبآه كسع تمُوتوا
-_-

اختِي رَبي يوفقكـ ولآلآلآزم تكومبليكسآي بآه تنجحييي

يآو تشوفي الكومبلآكس لي بععد البآكـ
هآذي عشآ وهآذي حفلآت وهآذي مآعمبآلييش وشيييه

وجدي روحك خلآت عليكـ
​

 

[iman13]

كل شي في وقتو
وربي يجيب الخير وخلاص
بالتوفيق للمقبلين على شهادة البكالوريا
والف مبروك للناجحين

 

[مروة 95]

^^

مآتموتي مآه مآه
نتومآ نتآع البآك تقتلونآ كآمل وبآه كسع تمُوتوا
-_-​

اختِي رَبي يوفقكـ ولآلآلآزم تكومبليكسآي بآه تنجحييي​

يآو تشوفي الكومبلآكس لي بععد البآكـ

هآذي عشآ وهآذي حفلآت وهآذي مآعمبآلييش وشيييه​

وجدي روحك خلآت عليكـ​

هه
كعناها فيها فيها كومبلاكس
مرسي بزاف
نشالله ندوه و مبعد نتقفلو مش
غير نتكومبليكساو
هههه
شكرا عالمرور ​

 

[مروة 95]

كل شي في وقتو
وربي يجيب الخير وخلاص
بالتوفيق للمقبلين على شهادة البكالوريا
والف مبروك للناجحين

شكرا ليك ختي
الف مبرووك للي داوه
و نشالله نفرحوا مام حنا العام الجاي
هدا الوقت ​

 

[jojo bisk]

مرسي عليك ​

 

[joubrane]

سلام انا فوت الباك السنة والحمد لله ديتوا وفرحت والديا
قصت انك تقراي من درك مكاش منها بسكو تهبلي قبل الوقت ريحي روحك وتنفسي و ازهاي بيان
متخلعيش برك انا قريت غير في تريمستر لخر والحمد لله مي تعبت بزاف .sara .

 

[شذى الإيمان]

ربي يكون في عونك أختي وفي عون كامل لي رهم يحضرو للباك
بكل صراحة الباك أسمو باك: من النهار الأول لي يحط فيه الواحد رجلو في الثانوية يدخل في راسو
وبزيادة على الضغوطات النفسية كاين ضغوطات العائلة الله يبارك:
لازم تقراي، لازم تنجحي، ما تسهريش، نوضي بكري...
هادو كامل حوايج طبيعيين برك ما لازمش يزيدو على حدهم
ولازم أنت تعملي لي عليك، ما نقولكش أقراي في النهار ولا في الليل،
هاذ الصوالح غير أنت لي تعرفيهم: كل واحد يعرف روحو وقتاش يقدر يستوعب أكثر
وقوي علاقتك بربي وكثري من الدعاء
وربي يوفقك​

 

[خوليتا]

أهلا مرووة ... مواضيعك ديما تعجبني ....:-r
المهم أنا مازال العام الجاي 2AS هكذا و بابا ديما يقولي بداي قراي من درك
أنا في رايي لازمك تقراي فالعطلة mais ماتنهكيش روحك قراي شوية شوية مثلا ساعتين فالنهار و الباك من الأفضل تبدالو من trimestre الأول ..و ربي يوفقك و ينجحك و تجيبيلنا الطمينة:d