أحد أحلامي😍😍😍😍

[sanaya]

أحد أحلامي التي أظن أنها لن تتحقق و لكن الله على كل شيء قدير لأنو بزاف عفايس متوقعتش نلحق لهم و تحققوا ألور ملازمش نفقدوا الأمل.
بون قبل عامين كنت نخطط نولي نقرا بالمراسلة و منها ندي الباك، الحاجة اللي شجعتني أنو فتحو كلية غير مختلطة لكل التخصصات الجامعية هي غالية و لكن مش مختلطة و الحاجة اللي خلات راجلي يقتنع، أنا تزوجت زواج تقليدي و في سن مبكر و حبست قرايتي، و ما ننصح اي وحدة تفرط فقرايتها سرتو اذا كانت مخ كما أنا نشفى نهار حبست بعض الأساتذة زعفوا مني و كاينة أستاذة ولات ما تهدرش معايا كامل لأنو كنت متفوقة جداالمهم مكتوب ربي و ككنت نخطط و نحوس نولي نقرا اكتشفت أنو راني بالحمل و مرضت مع الوحم و سايي حتى البارح شفت وحدة تقريبا كي حالتي تحوس تقرا بالمراسلة عاودت تفكرت الهدف نتاعي، و لكن دائما مام لوكان عولت عليه يكون العام الجاي، بيسك وليدي راهو يتعالج درك و منقدرش ندير حاجة فبالي، بعدما زاد وليدي كنت وليت للكتابة و ريحت نخمم نولي نقرا لغات بريفي و لا نشترك في نادي للرياضة وووووو، حتى خطرت فكرة في بالي، قلت مدام عندي هوس بالرياضة علاش منكونش روحي فيها ، و نا الكتابة و الرياضة هاذو الزوج يجرو في دمي و عندي هوايات وحد اخرين و لكن هاذو اللي نتنفس بيهم، و بدات رحلة البحث عن تكوين معتمد و لقيت في ثلاث ولايات و اللي يساعدني في باب الزوار تكوين معتمد وطنيا و دوليا و فيه الاقامة أيا قلت مليحة نريح مع اختي تحكم وليدي و نروح مع العلم راجلي مغترب اتسما راني ليبر، ايا بديت نخمم كفاش نروح من الحميز لباب الزوار مع العلم جامي خرجت في ألجي وحدي ايا لقيت صدفة وحدة حاطة اشهار لخدمة و هي عبارة عن تطبيق طاكسي نساء هاذ المشروع دارو واحد كخدمة للنساء فقط العاملات و اللي يقراو باش متكونش مضطرة تركب مع سائق الاجرة وحدها متوفرة في العاصمة فقط تدخل للتطبيق و تطلب طاكسي ، أيا قلت فور اتسما نقدر عيطت للنادي و فهمتلي على عفايس بزاف و كان حبسو بسبة كورونا سقساني راجلي مع من راكي تحكي قتله وحدة نسقسيها على تكوين من زمان نحوس عليه.... ما قاليش مامپا تاع واش پيسك هو تعجبو العاقلة التقليدية اللي متخرجش من كوزينتها و تفكيرها ميروحش بعيد و اذا دارت تكوين خياطة حلويات حلاقة بالاك يعني فالمجالات النسوية و نا طموحاتي حاجة وحد اخرى لكن كل واحد و هواياته و ميوله، المهم مؤخرا راني نخمم فيها بزاف مالڨري لوكان نصارحو يقولي سير نتي ضربك كاش جن و لكن الله على كل شيء قدير بيسك ثاني فتعلم السياقة كان يزعف بزاف و مبعد سجلني وحدو مالڨري جامي طلبت راني سجلت حلمي هنا لعله يكون فأل خير
حدثونا عن ما تتمنون

 

[إلياس]

موضوع في القمة لي رجعة إن شاء الله

 

[الامين محمد]

اهلا اخيتي مريم
نعرفك عندك طموح و ارادة قوية ربي يوفقك و يبارك ليك
و المدونة اللي كتبتيها خير دليل
ضحكت كي قلتي ضربها جن ههههههه ياريت يضربني جن و ننجح معليش

و الله احلامي الشخصية و اللي اتمنى ننحققها يوما ما
اني نظم اموري و حياتي و اتجاوز بعض الصعوبات و الدودانات
و اتخلص من بعض التراكمات و الالتزامات
بعدها اركز مع بعض الاطباء باش نعالج علاج دقيق و نحكم التوازن تاعي
حينها اعاود الرجوع الى اكبر حلم و هو ختم القرآن الكريم
و كتابة ملخص عن التاريخ الاسلامي و بطريقتي و اسلوبي و حسب فهمي
خصوصا تاريخ الفتن اللي حصلت زمان عثمان بن عفان رضي الله عنه و ما بعدها من اضطرابات الغامضة عند الكثيرين حتى اصل الى سقوط الدولة العثمانية و قيام دولة السعودية على يد آل سعود
أيضا كتابة مدونة عن عالم التدريب في كرة القدم و وضع افكار واعدة و مستقبلية
في هذا المجال ربما اسبق بها الكثيرين من المحترفين في هذا المجال

ايضا حاب نلحق شوي بعض الامور ابديهية عند الغالبية لكن ما لحقتش نعملها
مثلا ما نعرفش نسوق و السكن تاعي ماهوش مكتمل و ناقص اساسيات
و غير مسهل للحياة الهادئة و للكتابة و للحفظ

 

[Jorh]

اهلا
احلامك يا هدول هممم
ننجح الباك وقبل نجاح الباك نفهم درس المنطق لي محبش يدخل في راسي ههههه
...
وراه عندي واحد الطموح خليه سر ههههه
هذا واش راه في بالي واش راني مركزة عليه ذو ليامات
ربي يسرلك امورك حبيبتي ❤
في امان الله

 

[randa.hac]

أحد أحلامي التي أظن أنها لن تتحقق و لكن الله على كل شيء قدير لأنو بزاف عفايس متوقعتش نلحق لهم و تحققوا ألور ملازمش نفقدوا الأمل.
بون قبل عامين كنت نخطط نولي نقرا بالمراسلة و منها ندي الباك، الحاجة اللي شجعتني أنو فتحو كلية غير مختلطة لكل التخصصات الجامعية هي غالية و لكن مش مختلطة و الحاجة اللي خلات راجلي يقتنع، أنا تزوجت زواج تقليدي و في سن مبكر و حبست قرايتي، و ما ننصح اي وحدة تفرط فقرايتها سرتو اذا كانت مخ كما أنا نشفى نهار حبست بعض الأساتذة زعفوا مني و كاينة أستاذة ولات ما تهدرش معايا كامل لأنو كنت متفوقة جداالمهم مكتوب ربي و ككنت نخطط و نحوس نولي نقرا اكتشفت أنو راني بالحمل و مرضت مع الوحم و سايي حتى البارح شفت وحدة تقريبا كي حالتي تحوس تقرا بالمراسلة عاودت تفكرت الهدف نتاعي، و لكن دائما مام لوكان عولت عليه يكون العام الجاي، بيسك وليدي راهو يتعالج درك و منقدرش ندير حاجة فبالي، بعدما زاد وليدي كنت وليت للكتابة و ريحت نخمم نولي نقرا لغات بريفي و لا نشترك في نادي للرياضة وووووو، حتى خطرت فكرة في بالي، قلت مدام عندي هوس بالرياضة علاش منكونش روحي فيها ، و نا الكتابة و الرياضة هاذو الزوج يجرو في دمي و عندي هوايات وحد اخرين و لكن هاذو اللي نتنفس بيهم، و بدات رحلة البحث عن تكوين معتمد و لقيت في ثلاث ولايات و اللي يساعدني في باب الزوار تكوين معتمد وطنيا و دوليا و فيه الاقامة أيا قلت مليحة نريح مع اختي تحكم وليدي و نروح مع العلم راجلي مغترب اتسما راني ليبر، ايا بديت نخمم كفاش نروح من الحميز لباب الزوار مع العلم جامي خرجت في ألجي وحدي ايا لقيت صدفة وحدة حاطة اشهار لخدمة و هي عبارة عن تطبيق طاكسي نساء هاذ المشروع دارو واحد كخدمة للنساء فقط العاملات و اللي يقراو باش متكونش مضطرة تركب مع سائق الاجرة وحدها متوفرة في العاصمة فقط تدخل للتطبيق و تطلب طاكسي ، أيا قلت فور اتسما نقدر عيطت للنادي و فهمتلي على عفايس بزاف و كان حبسو بسبة كورونا سقساني راجلي مع من راكي تحكي قتله وحدة نسقسيها على تكوين من زمان نحوس عليه.... ما قاليش مامپا تاع واش پيسك هو تعجبو العاقلة التقليدية اللي متخرجش من كوزينتها و تفكيرها ميروحش بعيد و اذا دارت تكوين خياطة حلويات حلاقة بالاك يعني فالمجالات النسوية و نا طموحاتي حاجة وحد اخرى لكن كل واحد و هواياته و ميوله، المهم مؤخرا راني نخمم فيها بزاف مالڨري لوكان نصارحو يقولي سير نتي ضربك كاش جن و لكن الله على كل شيء قدير بيسك ثاني فتعلم السياقة كان يزعف بزاف و مبعد سجلني وحدو مالڨري جامي طلبت راني سجلت حلمي هنا لعله يكون فأل خير ❤❤❤❤❤❤❤❤
حدثونا عن ما تتمنون

ربي يوفقك ويحققلك حلمك. واللي حسب ماراني نشوف مش حلم انما حق من حقوقك انك تكملي قرايتك وتنجحي فيها خصوصا انو حسب كلامك انتي زوجة صالحة ماشاء الله تخمي في رأي راجلك ومحترمتو وهنا من حقك انك تسعاي في طريق انتي حابتو. المهم ربي يسهل يااارب وتنجحي
بالنسبة لأحلامي أنا فهي كثيرة وكثيرة وكثيرة اهمها أن اصبح طبيبة جراحة بكفاءة عالية جد جد عالية ثانيا السفر خارج الجزائر لأحصل على افضل تكوين في مجالي والعودة طبعا لإفادة وطني وأبناء وطني بإذن الله. ثالثا حلمي اصبح وزيرة رابعا حلمي انجح في مجال الروايات وتنجح رواياتي واترك بصمة ولو صغيرة في مجال الأدب كما مجال العلم .آميين ياارب

 

[خديجة ph]

السلام عليكم مريوم
احكميلي بلاصة نخلص شغل و نولي ان شاء الله

 

[إلياس]

ربي يوفقك يحقق أمانيك يا رب العالمين اجمعين

 

[خديجة ph]

السلام عليكم
راني رجعت ربي يحققلك كل امانيك غاليتي
هذه بعض النصائح نفعتني من التنمية البشرية نقلتها لك من موقع
مفاهيم، أكبر موقع للمفاهيم العربية بالعالم
أيقظ الحافز
بالطبع جلست مع صديق يسخر مما يسمى بـ"التنمية البشرية"، عليك تجاهله. اقرأ واستمع ومارس كل ما يساعدك على زيادة حماستك، وإبقاء حلمك على قيد الحياة، حتى ولو في أعماقك فقط، فأي إنسان يمكنه تحقيق ما يرى في مخيلته، فقط عليه التحلي بالإرادة والقدرة على أن يتغير.

اهزم خوفك
"المقابر" مليئة بأحلام دُفنت دون أن ترى النور، والسبب الأكبر في ذلك هو الخوف، الخوف من التجربة، الخوف من الفشل، الخوف من الآخرين. إن كان لديك حلم ورغبت في تحقيقه ولم تهزم خوفك، فإن حلمك لن يرى النور أبدا، الخوف هو ألد أعداء الأحلام، فهما لن يلتقيان أبدا.

اعرف حلمك
ليس عيبا أن تعيش دون "حلم" لفترة من الزمن، ولكن من العيب ألا تبحث عن "حلمك" إلى الأبد. لكل البشر أحلام، منهم من تنمو معه منذ الطفولة، وينميها ويطورها، ومنهم من يكتشفها بعد الكبر. وتذكر أن حلمك إن لم يكن واضح المعالم سيصعب تحقيقه، وحتى تتضح معالهم، استعد لاستقباله، بتعلم كل شيء، حتى تكون قادرا على تحقيقه في الوقت المناسب.

وإن كنت من المحظوظين ونمى حلمك معك منذ طفولتك، فبالتأكيد –فور تيقنك من أنه حلم حياتك- تعلم بروية أسرار الطريق الذي ستسلكه، حتى يأتي إليك خاضعا.

لا أحلام بلا خطط
الأحلام ستظل أحلام حتى تُكتب. بمجرد أن كتبت حلمك وحددت أولوياتك ورسمت خططك لتنفيذه، وعملت عليها بالطبع سيصبح حقيقة.

من المحال أن يتحقق الحلم دون خطة تساعدك على إنجاز مهامك في أقل وقت وبأقل مجهود. التزم بتطبيق الخطة، ولا تفقد شغفك أو إصرارك.

الفشل وطريق النجاح
عزيزي القارئ، حياة العظماء تخبرنا بأنه لا نجاح دون فشل، ولا فشل إلا ووراءه نجاح، لذا استمتع بالتجربة والفشل والتعلم والنجاح. وتذكر أنه في لحظات الفشل ستحدثك نفسك بسلبية، وتقول "لا أمل في لتحقيق الحلم.. حلمك مستحيل"، لا تستمع إليها، أُنهرها، تحلى بالإيمان، أيقظ حافزك، يمكنك أن تكون ما تتمناه في مخيلتك.


كن قائدا
من النادر أن يتوقف تحقيق حلمك عليك فقط، فمعظم الأحلام نحتاج في تحقيقها إلى آخرين، لا بد أن تتحلى بالقدرة الفائقة على الإقناع، وأن تؤمن بمعادلة "أن يربح الجميع" ولا تنتظر أي نجاح من أي نشاط قائم على غير عدل، وتولى مهام أكبر بكثير من كل شركاء حلمك.

الصبر مفتاح الفرج
"كثير من حالات الفشل في الحياة كانت لأشخاص لم يدركوا كم كانوا قريبين من النجاح عندما استسلموا" يقول توماس أديسون، المخترع الأمريكي، وهو يؤكد أن الصبر والمواظبة يضمن تحقيق الأحلام، فتخيل شاب يريد تحقيق حلم العمر في شهور أو أسابيع، وإذا لم يتحقق يقول "لقد فشلت"، لماذا لا تمنح حلمك الوقت الذي يستحقه. كم شخص حقق حلمه قبل 10 سنوات من الفشل؟

بالطبع تعرف مطاعم "ماكدونالدز"، لكنك لا تعرف "راي كروك" صاحب الفضل في أن تصبح الأكبر في العالم، هذا الشخص كان مجرد فاشل حتى بلغ الثانية والخمسين من عمره، حتى رأى "ماكدونالدز"، وصار أحد العظماء. لذا لا تتعجل أبدا تحقيق حلمك، ولكن اعمل عليه كل يوم في حياتك إلى أن يتحقق.

قسّم حلمك
الحلم هو غاية كبرى تنقسم بلا شك إلى أهداف صغيرة. هذا ما عليك فعله، قسّم حلمك إلى أهداف قصيرة. ضع جدولا زمنيا لتحقيق هذه الأهداف، وهذا سيفيدك في أمرين، أولهما: "سيبعد عند الملل والفتور من الحلم.. إذ يصعب الصبر دون تحقيق نجاحات"، والثاني: "أنه سيصيبك بطاقة إيجابية، إذ ستشعر بأنك تسير في الطريق الصحيح نحو تحقيق غايتك المنشودة.

أخبر ولا تخبر
لكن شخص أصدقاء وأقارب يحب أن يقول لهم عن أحلامه وغاياته. تحدث عن أحلامك فقط للأشخاص الذين ينتظرون منك تحقيقه، الذين يؤمنون به معك، ولا تتحدث مطلقا إلى أولائك الذين يرون فيه "مستحيلا"، إذ يصيبونك بطاقة سلبية قد توقف مسيرتك أو تعطلها.

وعند إخبار أولئك المؤمنين بحلمك لا تتحدث معهم مطلقا عن "إنجازات لم تتحقق بعد"، إذ أن الحديث عنها لآخرين يشعر العقل بارتياح من نوع ما وكأنها "تحققت بالفعل"، ما يصعّب عليه مقاومة هذا الشعور وبذل مزيد من الجهد لتحقيق هدف "شعر أنه تحقق
ربي يعينك

 

[ناصر dz]

يوفقك ربى وينور دربك للخير

 

[السلطانة]

وعليكم السلام ورحمة الله وبركاته

مادام عندك هدف تقدري توصليلو باذن الله
خططي فقط وشوفي لي يناسبك مع اولادك وزوجك
القراية والطموح والتكوينات معندهاش عمر
ربي يشفي وليدك ان شاءالله
ربي يوفقك ان شاءالله