لست ادري هل انا متخلفة ام هم متفتحون كثيرا

[Mr Brahim]

صانا ارغب في البكـــاء بشدة على الوضع و الحال التي وصلنا اليها :cray02:
يا رب نسألك اللطف و العفو و العفاف و التقى
جيبلك ربي وليد الحلال اختي ما دامك شديتي فيه ربي ما يخليكش
​

 

[aya2009]

انا يآختي نشوف كلامو عادي ، لي مش عادي: ف لي رايحين تحكيو فيه واش حلال و لا حرام ، و هدا مشروع زواج يعني لازم تعرفو؛ واش عقليتك و عقليتو متوالمة مع بعض ، و ماتنسايش راهو فات من قبل في تجربة زواج ربما كان زواج تقليدي و حب ما يوقعش في نفس الغلط

العيب مش في انك تتكلمي معاه في البورطابل خصوصا ادا كانت نيتو صادقة و قاصد الزواج ، لكن العيب في لي رايحين تحكيو فيه لازم الاحترام و الخوف من الله يكون دايما حاضر

و ياريت لو زماننا متل زمان والدينا و لي سبقونا ، يتزوجوا بلا ما يعرف العروس و بلا ماتعرفوا. هادك وقت و هدا وقت اخر ، النية قلت بزاف و الصدق قلال و التقة ايضا قلت ، لدلك مافيها عيب الكلام في ححدود المعقول مع الخطيب قبل مايوقع الفاس في الراس و يندموا على زواجهم
​

 

[samora20]

اختي الله يستر برك كولا الزواج هكدا يملا احنا لمنقبلوش بهدي الحالة طفرت فينا انا نقولك عملت خير للانو ليحب يتزوج يدخل من الباب مش من النافدة الله يفتح عليك وعليا انا ثاني منحبش هد الطريقة نتاع الزواج

 

[سيموني]

يحصرااااااااااااااه علا بكري كي كان الراجل يجي حشمان يخطب ....ويهدر مع اب الطفلة وحاط راسه,,,,

​

 

[صفية الروح]

يعطيك الصحة اخت وصال عجبتيني بزاااااااااااف
ربي يكملك بعقلك ويرزقك ابن الحلال الي يستاااااااااااهلك
الله غالب هذا هو حالنا اليوم يقولو الفتاة الي ما تصحبش ما تزوجش
والمتمسك بدينه ومبادئه يسمى متخلف
لستي متخلفة اختي راكي كبيرة وتفكيرك مليح لكن تفكير اغلبية شباب اليوم اساسه علاقات محرمة


​

 

[بنـ MaPa ـت]

وعليكم السلآم

عجبتني وحد الهدرة شابة بزاااف قالها الامام تاج الدين لي يوروه في قناة النهار
قال لوحدة نتي حابة تبدايها بالحرام وتختميها بالحلال ؟؟ هكداك حاب هو
يا ختي الناس في الوقت هاد مازالهم غافلين ومع الدنيا ماشيين نساو لي هادي الخطوة الاولى في حياتهم والحياة تع الصح ماشي هادي صح الزواج نصف الدين بصح فاني وماراحش نلقاوه في الآخرة كي هو و ليكونيصونص هادو... الدراهم كلشي يروح
وربي يرزقك بولد حلال لي يستاهل وحدة كيما نتي الله يبارك عملتي مليح معاه وهدرتك لي قلتيهالو يجي النهار وين يتفكرها ويديرلها قيمة السيد هادا باين ماراهش تع دار ومسؤولية باين حاب يلعب بالبنات شوية قبل مايتزوج يشبع روحو بصح مايعي ويدي غير لي تواتيه
نتي حنونة نحي من بالك واش صرالك معاه والدنيا مازال فيها ولاد الحلال والناس لملاح وان شاء الله ربي يكتبلك مع واحد يستاهلك وتستاهليه
ربي يجيب لي فيه الخير وربي يهدينا للطريق المستقيم ويستر علينا
آآآمين

مرسي على الموضوع
​

 

[وصال]

عن أي عصر و أي تخلف يتحدث هذا

بقدر ما ضحكت لما قرات
بقدر ما تأسفت لجهل مثل هؤلاء
في قيم الدين و الحضارة الإسلامية
الحضارة الإسلامية بذاتها تحضُّر
والتقيد بها واجب للحفاظ على المباديء الاسلامية في المجتمع
في رأيي الذي يصف طريقة اختيار المسلم لزوجته التي ينص عليها ديننا بأنها
طريقة متخلفة وعتيقة, لا أعبره مسلما
فمثل هؤلاء الشباب بتفكيرهم الغربي
هؤلاء الجاهلون من يمن دعون أنهم يواكبون الفكر الغربي
هم أداة لتفكيك القيم الاسلامية في المجمتع
لنشر الانحلال اللااخلاقي فهم يدارون عن بعد من اليهود الصهاينة
هم ذئاب تترصد أي فرصة للإيقاع بفريستها
اليهود قالو:"يجب أن نعمل لتنهار الأخلاق فى كل مكان فتسهل سيطرتنا, وسنظل نعرض العلاقات الجنسية فى ضوء الشمس لكي
لا يبقي في نظر الشباب شيء مقدس ، ويصبح همة الأكبر هو إرواء غرائزة الجنسية وعندئذ تنهار أخلاقه"
ويقول فرويد (طبيب نمساوي يهودي)"إن الإنسان لايحقق ذاته بغير الاشباع الجنسي … وكل قيد من دين أو أخلاق أو مجتمع أو تقاليد
هو قيد باطل أو مدمر لطاقة الإنسان وهو كبت غير مشروع" ​

فيا اختي الحذر واجب والحياة تجارب
وإيمانك بالله والخوف منه أقوى سلاح
فالاقتناع بالدين واسسه أسمى تحضّر
وكل شيء بقدر ​

اخي الكريم اشكرك جزيل الشكر لمرورك بموضوعي والرد فيه صدقني اخي ان امثال هذا الشخص مفهموش روحهم يحوسوا على بنات الفاميليا ويدوموندوا الهدرة في التيلفون قبل الخطبة انا الشئ لي حيرني كيفاه يحب يلقى بنت فاميليا اذا كل واحدة يحكي معاها متعجبوش يروح الاخرى كيفاه يخمم ماعلاباليش ربي يسترنا وخلاص .
بارك الله فيك وشكرا شكرا على الرد الرائع .

 

[وصال]

سلالالام
وعليكم السلام ورحمة الله تعالى وبركاته
شكرا على موضوعك ...:up: لاشكر على واجب الشكر لك على المرور الطيب اختي .
تبانلي اختي كامل عادو يديرو هكا يعني كي نشوفو للصح ونمشيو شرعا شرعا نورمالمو ماتحكيش معاه خلالالاص :down:يا اختي يخي لازم يتبع لباب الدار ويتكلم مع ولي امرك:s يسمى انتي فتحتيلو الفرصة يقولك هاتي نيميرو ديالك انا تبانلي كي تحكي معاه ماش شرط في بورتابل لاشتا في الانترنت في حدود:graduation::graduation: كيما راكي تحكي مع اخواتنا الي هنا عادي عبارة عن تبادل آراء باه تفهمو بعضاكم بيان :thumb_up02::yahoo01:ويجي يخطبك :sport01::bravo01:وانتي قادر ماتساعدكش العقلية ولا ماتساعدوش قادر تكتاشفي حاجة ماش مليحة صح قوليلي هذي في فترة الخطوبة مي ماشي مليح الطفلة تتخطب وتفسخ الخطوبة بزااف اكي تعرفي لعرب تاعنا كي يبداو يحكيو :tongue02::cray02:وتاني من جيهة اخرى عاد الراجل كي يروح يخطب وماتقبلش المراءة تشغل اجيه طيحة كبيرة وقادر ثقتو بنفسو تروح :cray01::cray01:امالا يعرفها خير ويشاورها اسكو تقبل ولا لالا خير مايتبهدل ويتعقد صح :regards02::regards02:ولا راني غالطة وضحيلي الفكرة تاعك :regards01:

اختي نشرحلك وجهة رايي هو اعطاني كيما نقولوا شرط الكره
هو من جهة يحوس على بنت فاميليا كيتحسبيها في مخك بنت الفاميليا متحكيش في التلفون مع واحد غريب هذا الانسان من بداية بينلي بلي معندوش ثقة في لبنات سينوا ماكانش يدير شرط كيما هذا .
هذا الانسان بالنسبة ليا ماخافش ربي كيفاش حيخاف عليا غدوا
صافي لوكان نحكي في التلفون مع خويا يقولي كنت تحكي مع صاحبك ؟ نتوقعها ولا لالا
زيد هذا شرع ربي واحنا منعرفوش خيرمن ربي ومن ترك شيئا لله عوضه خيرا منه .
انت قلتيلي كيتحكي هنا مع ليجان وتتبادلوا اراء ياختي ماشي كيف كيف واحد يشوفك ويسمع صوتك ماشي كيما واحد يقرالك مواضيعك بالنسبة ليا لا مجال للمقارنة والله اعلم بالاك راني غالطة .
مي انا الحاجة لي راني متاكدة منها بلي منقبلش بواحد يسمح نفسوا يعفس على شرع الله ومندخلش لداروا ولوكان ندري بلي اخر رجل راح يتقدم ليا .

 

[amel amoula]

شكرا على الموضوع

راهم كامل يحبو يجوزو الوقت وكون كان صح ناوى مايهدرش هاديك الهدرة يتعرف هادا ما خص

 

[سهيلة سوسو]

سلام عليكم ورحمة الله

والله انتي طبق الاصل مني

انا الحمد لله جامي مشيت مع ولد ولابغيت ولد

ومقتنعة بلي راني ندير بيه

يااختي الزواج مبني على الاساس

وادا كان الاساس حرام خلاص البيت مع الوقت يجي نهار وين يطيح

انا عندي نعيش بلا زواج وانا متمسكة بديني واخلاقي ومبادئي

احسن مليون مرة من ان نتزوج بطريقة ماشي حلال

ونغضب ربي ومانكسبش نفسي

اما بالنسبة لكلامك

كملي في طريقك راكي ف الطريق الصح

طالما راكي تبعي في كلام ربي سبحانهه وتعالى عمرك ماتتغبني

شوفي اختي ادا راكي باغا زوج صالح عليكي بالاستغفار

ونحن في ايام مفترجة وداخلين على شهر الرحمة والمغفرة اكثري من الاستغفااااار

وباذن الله تلاقي ولد الحلال الملتزم اللي يصونك ويخليك درة مصونة في بيتك


يااختي والله ملايير البنات تعرفو على اولاد وتزوجو وفي الاول كانو عايشين la belle vie كيما يقولك

ومن بعد ولا الراجل يعاير المرا ويقولها نتي عرفت في زنقا نتي كيما درتي معايا كنتي قادرة ديري مع غيري

لكن لما تكوني في بيتك كالجوهرة المحفوظة ويجيك ولد الحلال يعاملك طول عمرك على هاد الاساس

والعريس يجي يجي ادا ماشي هاد العام العام الجاي

وممكن تشوفك يماه او اخته او هو ويدخل لبيت من بابه

والحمد لله ربي دايما يفكر فينا وعلابيها كاينة فترة الخطوبة فها تقدرو تتعرفو بالحلال

وادا ربي كتب وتفاهمتو الحمد لله وادا ماتفاهمتوش ماخسرتو حتا حاجة

انتي مصونة في بيتك وهو ربي يوفقو من جهة اخرىى

اسمحيلي على الاطالة بصح انا صديقاتي وحتى اقربائي

دايما يقولولي معقدة ويقولولي رانا ف 2012

بصح الحمد لله ثقتي بربي فوق كل شي

انا بنت مسلمة ربي مكرمني ومطلعلي قيمتي

علاه انا نطيح من كرامتي علا جال واحد

وتاكدي انك ادا عصيتي ربي من اجل شخص عمرو ماراح يبارك ف هاد الزواج

يحضرني احد الاقوال لداعية لكن مانيش حاسياته مليح المهم فيما معناه

انك ادا احببت شخص لاتعص الله لاجله
لان قلب من احببت بيد من عصيت


فعلا قول مؤثر

سمحيلي ع الاطالة

ونقولك اختي خليك ثابتة على قيمك ومبادئك ويجي
ويجي نهار وين ربي يعوضك خير برجل صالح

واكيد راني معروضة ف العرس


شكرا ع الموضوع المتميز

​

 

[وصال]

سلام عليكم ورحمة الله​

وعليكم السلام ورحمة الله تعالى وبركاته
والله انتي طبق الاصل مني​

انا الحمد لله جامي مشيت مع ولد ولابغيت ولد
بارك الله فيك اختي هذا هو الاصل وهذا هو الحق ​

ومقتنعة بلي راني ندير بيه​

يااختي الزواج مبني على الاساس​

وادا كان الاساس حرام خلاص البيت مع الوقت يجي نهار وين يطيح​

انا هذا لي حبيت نوصلوا لهاذا النسان بصح ميهموش الساس قالي الصح في المفاهمة .

انا عندي نعيش بلا زواج وانا متمسكة بديني واخلاقي ومبادئي​

احسن مليون مرة من ان نتزوج بطريقة ماشي حلال ​

ونغضب ربي ومانكسبش نفسي​

اما بالنسبة لكلامك​

كملي في طريقك راكي ف الطريق الصح​

طالما راكي تبعي في كلام ربي سبحانهه وتعالى عمرك ماتتغبني​

شوفي اختي ادا راكي باغا زوج صالح عليكي بالاستغفار​

ونحن في ايام مفترجة وداخلين على شهر الرحمة والمغفرة اكثري من الاستغفااااار​

وباذن الله تلاقي ولد الحلال الملتزم اللي يصونك ويخليك درة مصونة في بيتك​

يااختي والله ملايير البنات تعرفو على اولاد وتزوجو وفي الاول كانو عايشين la belle vie كيما يقولك​

ومن بعد ولا الراجل يعاير المرا ويقولها نتي عرفت في زنقا نتي كيما درتي معايا كنتي قادرة ديري مع غيري​

لكن لما تكوني في بيتك كالجوهرة المحفوظة ويجيك ولد الحلال يعاملك طول عمرك على هاد الاساس​

والعريس يجي يجي ادا ماشي هاد العام العام الجاي​

وممكن تشوفك يماه او اخته او هو ويدخل لبيت من بابه​

والحمد لله ربي دايما يفكر فينا وعلابيها كاينة فترة الخطوبة فها تقدرو تتعرفو بالحلال ​

وادا ربي كتب وتفاهمتو الحمد لله وادا ماتفاهمتوش ماخسرتو حتا حاجة​

انتي مصونة في بيتك وهو ربي يوفقو من جهة اخرىى​

اسمحيلي على الاطالة بصح انا صديقاتي وحتى اقربائي​

دايما يقولولي معقدة ويقولولي رانا ف 2012 ​

بصح الحمد لله ثقتي بربي فوق كل شي​

انا بنت مسلمة ربي مكرمني ومطلعلي قيمتي ​

علاه انا نطيح من كرامتي علا جال واحد​

وتاكدي انك ادا عصيتي ربي من اجل شخص عمرو ماراح يبارك ف هاد الزواج​

يحضرني احد الاقوال لداعية لكن مانيش حاسياته مليح المهم فيما معناه​

انك ادا احببت شخص لاتعص الله لاجله
لان قلب من احببت بيد من عصيت​

فعلا قول مؤثر​

سمحيلي ع الاطالة​

ونقولك اختي خليك ثابتة على قيمك ومبادئك ويجي
ويجي نهار وين ربي يعوضك خير برجل صالح​

واكيد راني معروضة ف العرس ​

شكرا ع الموضوع المتميز​

شكرا جزيلا على الرد المتميز جعله الله في ميزان حسناتك وشكرا للنصائح ولتعلمي اختي ان يقيني في الله كبير واعلم وانا موقنة بان الله لن يترك عبدا في هذه الدنيا نرجوا من الله الثبات على العقل والدين والستر والعافية في الدنيا والاخرة .

 

[الشلفي02]

سلام عليكم
معليش هو راه في 2012 و انت ما زلتي في 1970 ما كان حتى مشكل مي لوكان سقسيتيه الوقت لي رانا فيه لا راه عاجبو ولة لال ياك كل واحد يقول: " آآآآآآآآآه يمات تاع بكري كانو حلوين و ماكاش كيفهم كانت النية و كان لامان كان وين تروح يرحبو و يكرمو الضيف .. ماكاش الحسد و الغيرة و الناس غاع متحابة " و زمان هذا الناس غاع كارهاتو الحقد و الغل و الغيرة و الانتحار و الدات و 9لبت
لالا أختي أنت ماكيش مختلفة راكي حلوة على العسل غي قعدي في هذوك ليام خيرمن تلحقيه
و زيد على هذا ربي هو كاتب شكون هو شريك حياتك ماشي العقلية تاع 2012 لي تزوجك و ربي يعطيك راجل انشاء الله تكوني أنت و اياه من أساد الجنة
سلامي و صحة فطورك

 

[loujaina]

مكلاه تعمري راسك بهاد التفاهات خيتو
هادو لاعبينها تلانسو مي رام هاك قاعدين يرجعو لتالي

​

 

[الأفق البعيد]

ماشاء الله

عجبتني الردود اللي قريتها من قبل الأخوة والأخوات ..

هذا الشي يخليني اقول لسا الدنيا بخير ..

وبالنسبة للاخت وصال صاحبة الموضوع ..فأقول هذا وللأسف سمات عصرنا إلا من رحم ربي ..

يعني حتى أنا مرات احس نفسي متخلفة نتيجة لاشياء كثيرة الناس يسوونها وانا لا ...

بس مثل ماقالوا اللي قبلي ..العيب مو فينا العيب بالناس اللي نست المبادئ والأصول ..

وإذا سألتيهم قالوا لج : هذا الزمن تغير ...(ولكن نعيب زماننا والعيب فينا ..ومالزماننا عيب سوانا )

ربي يحفظك أختي ويبعثلك ابن الحلال اللي يخاف ربو فيك ..

 

[عفيفة الحبوبة]

السلام عليكم
قرأت موضوعك و انا في قمة الاسف انتي لست الاولى و لست الاخيرة التي سمعتي هدا الكلام
ما بقاش مكان لفعل الحلال في هاد الزمان
كامل يقولك نتعرف و من بعد نشوف و من بعد
و كي تقولي حرام يقولك معقدة و متخلفة
بصح كونك مهنيا يقولك من ترك شيئا لله عوضه الله خير منه
انتي تركتي الحرام لله ربي راح يجيبلك ما خير منه بالف مرة
في ميزك ربي يشوفك حارصة على دينك و اخلاقك اكيد راح يجزيك لمن هو افضل منه
الله يجيب الحقظ و الستر في هاد الزمان
تقبلي مروري و شكرا​

 

[الحياة كلمة]

السلام عليكم ورحمة الله تعالى وبراكته
بارك الله فيك على الموضوع
طيرتيهولي من فمي

والله الموقف حصلي اكثر ومازال يصرالي وبالخصوص على مواقع الشات يقولك كام ولا ماكاش مايك ولا ماكاش تلفون واخر حاجة يطلبوها فوتو المهم يدي من عندك حاجا
هوما يقولو راهم في 2012 انا تاني راني في 2012 ونعرف صلاحي مشي لي يجي نمدلو ونهدر معاه
و تالية لي راهي صارية تولي مشي مليحة اذا قلتي لالا
كاين صداقات ماشاء الله ماتنشراش بثمن بصح البعض وللاسف خسروها وماعرفوش قيمتها
يقولولي علاش تفهمي النقص يا اختي العين الحمراء للجميع باش يوقف كل واحد في حدو
لا حول ولا قوة الا بالله
الموقف بنات كامل راهم يصراولهم وغير الجايحة لي تفتح باب
ومام كو تفتح صايي ماينغلقش توالف الهدرة وبلشوي راح تكبر الدعوة وفي اخير تخرج بلا شرف من هذا لهاذاك
اختي كثرت هدرة وممكن استعملت كلمات غير لائقة ولاكن خلاص كرهنا وسامنا من هاذو التصرفات الصبيانية رانا كبااااااااااااااااار
تكوني تادي في واجبك كمشرفة في احد مواقع تسمعي ملا يرضيك مش شخص باين بل عشرات
الله يهدي ما خلق
اصبحت استعمل الخشونة في كلامي مع كل من يخطا معي وحتى ان كان مجرد مزاح مرات نقول ظالمة للبعض ومرات نقول هذا ما يستحق

على فمي الاف كلمات وكو نصيب ندير حملة وراء هذه الافة ونحاربهم بالسلاح
يطمعو في بنات الناس ويبنيو حياتهم بالحرام
تحياتي
ولي الرجعة باذن الله
​

 

[jojo bisk]

مرسي عليك

​

 

[عروبي]

اول شيء ندعو لكل ضال وضالة با الهداية
هاذي طريقة خاطئة الي تكلم بها الشاب [السليم هوالمتقدم لزواج لدية النظرة الشرعية بوجود ولي الامر

 

[عصام ابو عماد]

اهلا بيك اخي ماكانش شكرا لقبول الموضوع وشكرا على الرد الباهي والمليح كيما تقول انت وعندي حاجة نقولهالك هو ما نواش يخطب كان ناوي يهدر معايا في التليفون وموراها باش يخطبني والله المستعان ياخويا صراتلي شحال من خطرة راني مخلوعة كيفاه يخموا اذا عاد كل واحد باش يخطب لازم يهدر في التلفون متبقى حتى وحدة بنت فاميليا ومايبقاش وليد الفاميليا الزواج حسن النية وطلب العون من الله قادر يحكي معاها في التلفون ويتزوجوا ومتنجحش العلاقة وقادر العكس يعني كلشي بالمكتوب والله اعلم ان شاء الله الفكرة وصلت .

كلام حلو بززززاف شكرا

 

[souhila_95]

راني خايفة نقول كامل الشبيبة يزوجو كيما هاك بصح ماعليش نقلك الأغلبية ضرك رانا نعيشو في مجتمع أغرقه الفساد الأخلاقي ...قول الشاعر انما الأمم الأخلاق مابقيت ان هم ذهبت اخلاقهم ذهبو ...نقلك اخطيك من راجل كيما هاك اذا كان صح ناوي الحلال يجي يطرق الباب قدام الناس وسقسيه قوليلو اسكو نت تحبها لختك كيما هاك اكيد يقلك والو ...سلام