ما فهمتش واش ندير؟؟؟

[امال بن وادة]

السلام عليكم اخواني هادي هي المرة الاولى اللي نكتب فيها موضوع في هاذ المنتدى انا عندي probleme و هو كي نكون نهدر مع اي واحد منعرفش نرد بهدوء ديما نهدر بقوة و يكون الرد نتاعي قاسي جدا مافهمتش علاه بغيت نحي هاذ الشي mais عييت ما قدرتش قولولي واش ندير
انا عييت نلقا حل قلت ندير mon probleme هنا ممكن نلقا عندكم الحل

 

[بنت الـ25]

السلام عليكم
اختي الكريمة هاذ المشكلة التي أشرت إليها تبان محصورة في أسلوب الحديث،
يعني انتي تعاني من أسلوبٍ "غير محمودٍ" كي تحكي مع الناس ولا فالتعامل معاهم،
وهذا أمرٌ حسيتيه أنتي بنفسك
مي هاذ الأمر غالبا ممكن يرجع لعوامل وأسباب أخرى

مثلا: ممكن يكون ناتج من انفعالات داخلية في نفسك،
والغالب انتي عندك كم كبير مالانفعال الداخلي اللي يظهر على هيئة أسلوب حاد أو كلمة عنيفة

لاكان حبيتي تعالجي نفسك من هذا الأسلوب لازم تعالجي أصل المشكل
اللي يخليك تعاملي الناس هاد المعاملة،
ونقصد بيها العوامل النفسية الداخلية، وأول ما تبداي به هو:

1- تستعيني بالله جل وعلا، تلجأي ليه، تسأليه يهديَك لأحسن الأخلاق وأحسن الأعمال،
فالرسول - صلى الله عليه وسلم – كان يدعو في قيام الليل فيقول:
( اللهم اهدني لأحسن الأخلاق والأعمال لا يهدي لأحسنها إلا أنت وقني سيئ الأخلاق وسيئ الأعمال لا يقي سيئها إلا أنت).

2- تفرغي عواطفك الكامنة يعني تعودي نفسك تعبري على مشاعرك.

3-تحرصي على الترفيه عن نفسك بالصحبة الصالحة والخروج للنزهة مع الأصدقاء اللي تكسبي منهم الأخلاق الاجتماعية العالية، واعرفي تخيري هاد الصحبة لأن الصحبة عندها تأثير في اكتساب العادات والأخلاق،

4- تعودي نفسك بالشوية على الأسلوب الهادئ، جربي تتكلمي وانتي تشوفي لوجه العبد اللي راكي تحكي معاه برقة ولطف مبعد تطلبي منو وش حبيتي وبهدوء...

والمقصود أنك لازمك تاخذي بهاذ الخطوات كامل و تحرصي عليها خاصة ما يتعلق باكتساب الخبرات الاجتماعية
حتى تتعودي على هذا الأسلوب، ولازم تحرصي على إصلاح نفسك
لأن هاذ الأخلاق تكتسب وتحصل بإذن الله عز وجل،
فاحرصي على الدعاء واحرصي على الاستعانة بربك،
ونسأل الله لك التوفيق والسداد وأن يشرح صدرك وأن ييسر أمرك.​

 

[yasser-tlm]

so easy think before you speak and remember a harch trooth better than the sweetest lie

 

[قناص الغرام]

ارواحي لي انا
كين نعود نهدر معاك

تقولي راه باش يضربني
عادي
تحكمي شوية في اعصابك
اوزني الهدرة قبل ما تهدري
ربي ايقدر الخير
​

 

[ماكانش]

أهلا بيك اختي
ربما عندكم الضيق فالدار ...
يعني كاين امر خارجي يخليك تتقلقي بسرعة وعصبية

 

[أم راضية ~_]

أهلا بيك اختي
ربما عندكم الضيق فالدار ...
يعني كاين امر خارجي يخليك تتقلقي بسرعة وعصبية

صح والله
الضيق و كثرة الاشعاعات من الادوات الحديثة تأثر بزااااف
مثلا الدار الي فيها الضيق و معمرة بالقش و فيها التليفيزيونات و التليفونات و الميكروات و زيدي الضو وما فيهاش تهوية تلقاي ناسها على حاجة ماكاش كامل هايجين
انا تانيت مقلقة و منارفية بزااف سيغتو كي تكون حاجة معوجة ولا مع بعض الناس تشوفيني تقولي هادي صوفة طايرة ولا مع البعض الآخر تقولي هادي رزينة و هادا يبين بلي كاين ناس ما كانش معاهم تآلف الارواح و يستفزوك و بمجرد ما تشوفيهم ولا تهدري معاهم تشعل فيك النار ( انا تصرالي هادي بزاااف مع خالتي و جارتنا بكثرة )
بما اني مجربة رح نقولك لازم تعرفي بلي ماكانش حاجة تستهل تحرقي طاقتك على جالها بهادي الدرجة والطريقة
ان كان الاحمق السكوت هو جوابه
ان كان على الاستفزازي لازم ما تبينيلوش بلي نجح في استفزازك وبلي راهو شراهالك
و ما تنسايش بلي الغضب من الشيطان قال النبي صلى الله عليه وسلم : { إن الغضب من الشيطان وإن الشيطان خلق من النار وإنما تطفأ النار بالماء فإذا غضب أحدكم فليتوضأ } رواه أبو داود وغيره .

وكلما تشوفي روحك تقلقتي و رح تثوري اتفكري بلي راكي تضري في روحك قبل كلش
ياما امراض جات بسبب القلق ( ضغط الدم . السكر, تساقط الشعر من القلق تانيت ) ربي يبعد عليك كل شر
و لازم تكثري من ذكر الله : "ألا بذكر الله تطمئن القلوب" و الاستغفار هو افضل حلّ في اوقات ذروة القلق
والله انا وليت كلما نجي نهدر نحبسها في حلقي و نقول استغفر الله / لاحول ولا قوة إلا بالله
وكي تتكالما الحالة نقول واش كنت رح نقول بصح بصيغة محترمة و مفهومة
ربي يهنيك اختي راني طولت فالرّد على خاطر حسيت بيك " ما يحس بالجمرة غير الي عافس عليها" انا عفست عليها

​

 

[HAMOUDI2000]

علم النفس عدنا ياسر هنا الله يبارك ربي يكون معاك وان شاء الله تتغلبي على هذي قريبا

 

[رضوة الجزائرية]

مرحبا بيك باي وقت ادا ما هزتكش الارض نهزوك بقلبنا​

 

[alilamin]

السلام عليكم إليكي خطوات عملية
1- إياكي والتسرع إن نضرتي في مشكلتكي حقا ستجيدين انكي متسرع وأعتدر منكي ومتهورة احيانا انتي تحكمين عل الموقف قبل انتتضح الصور إد عليكي بتريث ودراسة كلماتكي التي ستقولينها
2- إبتسمي قبل الرد الأنها تضعف رد فعل الأخت التي تكلمين ان كان ردكي قاسيا وإحدري الابتسامة المستفزو
3- حاولي ان تلتزمي الصمت انكنتي متحكسة جدا او حالتكي ليست جيدة
4- لاتقولي كلمة الوجه ولاتنتصري لنفسك
5- إعلمي ان الرد العنيف لايكون مجدي إلا في حالات قليلة لانصادفها يوميا
6- كوني ثقيلة اي لاتتسرعي ولاتكوني من النساء الخفيفات
7- حاولي ان تتحلي بلتسامح وبرفق مع الناس
وفي الاخير ارجو ان تلتزمي بشرائع الدين وبأخلاق الدين في كل شيئ فستغطي عنكي كل العيوب