وليت ديمودي ..............احمر بالخط العريض
السلام عليكم ورحمة الله تعالى وبركاته
راني وليت ليكم وراني لاباس والحمد لله لمن يهمه الامر ههه ، وانا راني نقول ان شاء الله رااكم كامل لاباس على خاطر يهمني امركم كامل .
اليوم حبيت نحط واحد الكليمات بالخط العريض بصح علابالي بلي مرحش تعجب جيل الايفون بويسك جات من جيل ديمودي هههه
انا نتاع بكري ..... بيان سير وافتخر ........ علاش ؟ بويسك بكري بابا (الله يرحمو) ، وماما (الله يطول في عمرها ) كانو يقولونا احنا تاع بكري كنا نية كان الستر وكان الراجل هو الآمر الناهي والمرأة متحلش فمها إلا إذا سمحلها باباها بالكلام، في هاداك الوقت كان كيدخل الاب للدار ذبانة متتحركش ، كان يشوف فيك متعرفش وين تحط راسك ، كان كيتكلموا الكبار الصغار يسكتوا ، في هاداك الوقت جيتهم انا وخاوتي وجيلنا حاجة بيزار مصراتش ، جيناهم ناس متفتحين بزاف ، ومنحشموش ان صح الكلام ، بصح ماشي الكلمة نتاع متحشمش تاع دوك ، حتى الكلمات وتبدل معناها في هذا الجيل الجديد ، صدقوني انا اليوم راني نشوف في جيل الايفون وليت نشوف جيلي كان نية بزاف كان جيل محترم كان جيل واعي.
علابالي راح تتفريناو وتقولوا شحال في عمرها هادي ، نقوللكم برك عندي 26 سنة وراني حاسة روحي وليت ديمودي ههههه بيان سير مع جيل الفايشن والاي باد و.....و...... شحال جاز من وقت 3سنين
وليت نحس روحي مخضرمة هههه عشت بين عصرين مختلفين
علاه الزمان راه يجري هكذا ، بكري كان الوقت يطول باش يجي وقت واحدا خر ، ودوكة بين الرمشة والرمشة تلقى روحك وليت ديمودي
ويعجبك هادي كلمة ديمودي ، كلمة خطيييييييييييرة جدا ، في عصر الايباد ، مبقاتش عندها نفس المعنى ، ديمودي ماشي معناتها ديمودي نتاع بكري ولات ، تلبسي حجاب...... ديمودي ، متتفرجش الافلام ........ديمودي ، متعرفيش مهند ........اوه راك gراف ديمودي ، .......معنكش تلفون ...........مزلت في العصور الوسطى يعني كلمة ديمودي كانت مزال لم يعمل بيها .
وزيد وزيد ........... قولولي برك شحال كاين من واحد في اللمة كيما انا ، يعني يحس روحوا ديمودي ههههههه
نتمنى فهمتوا المغزى من الموضوع واليكم الخط .
تقبلوا منا فائق الاحترام والتقدير .
ديمودي وافتخر
آخر تعديل:
![!≈[سُِـِيٌــِـِفّ اٌڷِخً‘يٌـرُ]≈!](/forum/data/avatars/m/99/99162.jpg?1745525199){kind=avatar}
