خطيبي يريد ان يصالحني

[خديجة محمد]

السلام عليكم لبارح خطيبي اتصل وقال بلي راهو نادم علي الكلام لي قلهولي وجرحني بيه وانو نادم علا وش دار ويحبني ومستحيل يفرط فيا او يعيش بلا بيا كانت لحظة غضب برك قولولي كيفاش ندير معاه علما اني بديت اجراءات الطلاق​

 

[بنت الـ25]

السلام عليكم اختي خديجة
دوكا يا ختي كاين زوج أمور:
يا إما انتي مزالك حابة تحبسي معاه وهنا نقولك مترديش عليه وكملي في واش بديتي
ومتتحركش منك شعرة تجاهو لأنو الأكيد رايح يرجع لفعالو معاك واللي فيه نقة ما تتنقى
والأمر الثاني: انتي حابة تسامحيه وترجعيلو ولكن مقلقة من جهة قضية الطلاق
انا نقلك إذا راكي مقتنعة ورح تسامحيه عادي روحي اتنازلي عن القضية في المحكمة
والأرجح انو المحامية تاعك تعرف شغلها
لكني نوصيك بحاجة وحدة ديري الشي لي قانعة بيه لأنك أولا وأخيرا الوحيدة اللي
رايحة تتحمل نتائج وتبعات القرار اللي رايحة تتخذيه
وربي يسهلك أمورك ختي
​

 

[!≈[سُِـِيٌــِـِفّ اٌڷِخً‘يٌـرُ]≈!]

المسامح كريم
​

 

[نرج ـسية]

قريت مواضيعك ورني نشوف بلي راكي حابة تسامحيه
تسامحيه يعني مشاكل متواصلة
بنات الناس مش لعبة وقت لي حب يرجعك يرجعك ووقت لي حب يقلك ارواحي تروحي
يلزم يكون عندك موقف وماتكونيش شخصية مهلهلة هكذا يزيد يتمادى عليك ويغلط ويقلك راهي تسامحني ماعليش
وكلو على حساب كرامتك وصبرك ونفسيتك​

 

[FATIMA 19]

اذا متأكدة من صحة كلامو ومن نواياه سامحيه
مي نظن مايستتاهلكش بويسك مايعرفش قيمتك مليح وطيح من قدرك

 

[همس الوُرود]

صلاة استخارة برك الي تفيدك ختي
​

 

[الورد الأحمر]

مآ تبعتش تفآصيل الموآضيع السآبقة لي الظآهر أنك طرحتيهآ
وكلآمي وآحد وكيمآ كلآم الأخت لي فوقي بردهآ ...
صلآة استخآرة تكفي لمعرفة الإجآبة

و ما ندم من استخار الخالق , و شاور المخلوقين المؤمنين و تثبت فى امره , فقد قال سبحانه ... ( و شاورهم فى الامر فاذا عزمت فتوكل على الله)

والسلآم عليكم ورحمة الله وبركآته ’

 

[مصطفى هاشمي]

لحظة نتاع غضب
والمسامح كريم

​

 

[قناص الغرام]

راكي تكذبي ولا تصبري في روحك مع احترامي لكي
​

 

[***سوسن الجزائرية]

هدا على حساب الشوفة موسوس يحوس يرجعك غير بالبورتابل ايدا راه حاب صح تسامحيه يجيب يماه و باباه و يجي لداركم يطلب السماح هكدا يكون أعطالك و أعطى لمواليك قيمة الزواج ماشي لعبة لازم تتفاهمو مليح وباش تتفاهمو اخطيكم من التلفون بكل صراحة و رغم أن ردي قاسي بصح هدا هو الحل اما يجي لداركم و يوعدك قدام باباك و ماماك مايزيدش يعاملك هاديك المعاملة اما قوليلو السلام عليكم خاطر ايدا ماعملتيلوش هكدا رايح يعاود يدير نفس الغلطة و يرجعك بالتلفون برك يمدلك زوج كلمات حنانة ونتي اسمحي كل مرة ...
فالأخير نتي تعرفيه أحسن منا و انا نزيد نقلك في هاد المحنة خدمي عقلك و ليس عواطفك و كثري الدعاء و ربي يفرج عليكـ.​

 

[AnGel_LoVe]

أنا قريت كامل المواضيع تاعك وراني متابعة قصتك ختي خديجة
واش نقولك ماتخمميش بالعاطفة برك .. نتي بالاك انسانة مليحة و بزوج كلمات تتحشالك و تنساي كلش و يغيضك كي يقولك اسمحيلي و تأمنيه كي يقولك نحبك
لازم تخممي بعقلك و مانتسايش كامل واش دار فيك وواش كان يقولك .. ماتخليش روحك تكوني لعبة في يدو .. دوكا القرار راهو ليك و غدوة من غدوة ادا تزوجتو و لا قدر الله تبدل عليك يقولك نتي قبلتي بيا دبري راسك تتحملي النتائج
لازم ماتغلطيش هادي حياة .. زيدي سقسي عليه مليح و صلي صلاة الإستخارة
و لي كتبو ربي هاداك هوا

​

 

[عابر سبيل12]

اجرائات اي طلاق تتحدثين عنه ؟؟
اضن ان لا طلاق بين المخطوبين ..او اننا في زمن الزواج بمجرد الخطبة لم افهم الموضوع حقا

اختي الكريمة الطلاق لايحدث الا بعد ان يكون عقد قران وتسجيل هاذا في الدفتر البلدي
وماالى ذالك من اجرائات

نرجو التوضيح فقط
​

 

[Ferial07]

المسامح كريم

 

[خديجة محمد]

نعم هناك عقد قران في البلدية

 

[سمسم السمسومة]

صدقا أمرك عجيب.........أحس أن قصتك مبهمة جدا كأنها حكاية من حكايات الخيال..بيني وبين نفسي لم أصدقها....أنت كنت محتارة و لم تفكري جيدا اتخذت قرار الطلاق ثم بدأت الاجراءات و الأن خطيبك يريد العودة لك........

 

[Selma 30]

لحظة غضب !!!! ختي ربي يهدينا ويهديك ماتكذبيش على روحك
انسان غير محترم ,قبل ماتدخلي لدارو ماشي محترماك وينك لاوليتي معاه تحت سقف واحد
خمي مليح قبل ماتتخذي قرار بحال هذا ماشي زوج كلمات حلوين خلاص تنساي كلشي
صلي صلاة استخارة واللي كاتبها ربي فيها خير
​

 

[3ish.tchof]

القرار يعود لكي

انت اختاري
​

 

[ريهام نور]

مسامح كريم

 

[مينة آلاء الْقُدُّوس]

يااختي انا راني قريت مواضيعك وسمحيلي صادفتيني

صح الانسان كي يتعلق بشخص صعيب عليه باه يفارقو بصح ياختي على حساب كلامك هدا الإنسان اهانك وسبك وحتى معطاش قيمة لاهلك كي قالك واش تقولي لوالديك

بالنسبة ليا المسامح كريم بصح ياختي على حساب مواضيعك راكي مزالكي متعلقة بيه انا عندي صديقة كيما انمي خدات الموقف الصح طلقت وخسرت عليه شوية دراهم ودرم الحمد لله تخطبت ومبقاش بزاف لعرسها ان شاء الله وزوج ماشاء الله ربي يكملها
نصيحتي راجعي كل ماعشتيه مع خطيبك وقيمي ادا هاد الانسان يستحق تعيشي معاه وماتنسايش وتدكري قوله تعالى

وعسى أن تكرهوا شيئا وهو خير لكم وعسى أن تحبوا شيئا وهو شر لكم

دمتي يخير

 

[شرفي لمياء]

هو والعملة الي دارها تتسامح عليها ولا لا ينغفر عليها