تارت الفراولة

[maram dider]

بسم الله بديت و على النبي صليت صلى الله عليه و سلم
هادي أول وصفة راح نحطها و ان شاءلله تعجبكم و هادي شحال متمنية نشارك معاكم و زادت شجعتني صديقتي أم سراج على بركة الله
المكونات
العجين:
200غ فرينة
100غ زبدة
حبة بيض
لافاني
قبصة ملح
و2 مغارف سكر
كريم باتيسير:
4 صفار بيض
لتر حليب
3 مغارف كبار مايزينة
السكر حسب الدوق
عصير 4 حبات ليمون
لتتزين: الفراولة و الجولي

اول شيء نجيبو الفريز و نقوهم و نقطروهم و نقسموهم بين زوج و نحطو عليهم زوج ولاثلاث مغارف تاع السكر باش يطلقو السيرو تاعهمو نخلوهم بجيه

وفي زلافة نديرو الفرينةو نضيفولها لافاني و سكر و الملح نخلطوهم مع بعض ممبعد نضيفولهم الدهان الي نكونو ديجا خرجناه قبل بوقت من الثلاجة و نبسوهم في رحبة بيدينا
و نلمو العجينة بالحبة تاع البيض بدون عجن طبعا و نديروها فالثلاجة مدة من نصف ساعة الى ساعة
و ممبعد نحلوها فالمول و نتقبها بالشوكة باش متتنتفخش و ندخلها الفرن في هاد الوقت نجهزو كريم باتيسيار نديرو 4 صفار بيض مع الحليب نخلطوهم مليح نجيبو عصير اليمون ونحرحروا فيه 3مغارف تاه مايزنة كي دوب كامل في داك العصير هنا نضيفوهم للحليب الهدف من تخليط المايزنة مع الليمون لأنو ادا اضفنا الليمون مع الحليب مباشرة راح يروب لهدا لازم نخلطو الليمون مع المايزنة و فالأخير نضف السكر انا نضيف ثلات غارف كبار و نتي وذوقك ادا تحبيها حامضة ولا حلوة المهم حطي الخليط فوق النار و قعدي قلبي قلبي حتى يتقل الخليط طفي عليه و غطيه و خليه يبرد كي طيب التارت نخرجوها تبرد و ممبعد نكبو فوقها الكريمة و مالفوق نزنوها بالفراولة و لاجولي
و صحتين و عافية
​

 

[ام اسراءواسحاق]

ممممممممممممم
الله يبارك تشهي
ربي يخليك اختي .

 

[maram dider]

تسلميلي ام اسراء و اسحاق نهار الي تجي تخطبي نديرهالك ان شاءلله هههههه

 

[shahrazad]

الله الله
اولا نرحب بييك نورتي معانا وان شاء الله ديما نشوفو مشركاتك الطيبة
وثانيا ههه التارت راهي تشششهي يمي
يعطيك الصحة ختي
​

 

[maram dider]

الله الله
اولا نرحب بييك نورتي معانا وان شاء الله ديما نشوفو مشركاتك الطيبة
وثانيا ههه التارت راهي تشششهي يمي
يعطيك الصحة ختي
​

الله يسلمك حنونة الدار منور بيك و ان شاءلله نفيد و نستفيد من بعض ان شاءلله

 

[iman88]

بارك الله فيك

رووووووووووووووعة

 

[maram dider]

الله يسلمك ايمان كون راكي حدايا نديرلك وحدة و نرسلهالك حبيبة

 

[om siraje]

wallah ya sha6ra kharjetlek hayla wetshahi ya36ik esaha feryalo​

 

[مانيا]

ربي يخليك اختي .

 

[طيور الجنة21]

بارك الله فيك

رووووووووووووووعة

 

[soumia algerienne]

mmmmmmmmm chahitina teslam idak ya chatoura allah yebarak 3lik

 

[رهف سعد]

انشاء الله نجربها غدا