الفقر سيؤدي بي الى خسارة كل شي في حياتي

[فتاة حساسة]

اختي نحن لم نختر ان نكون فقراء او اغنياء...كل هدا اقدار الله عز وجل ..الزمي الصبر ولا تقنطي من رحمة الله..


اللي خلق مايضيع .ربي يكون معك اختي وربي يشفي امك ​

 

[amira94]

وعليكم السلام ورحمة الله وبركاته

والله يا أختي راني حاسة بيك وحاسة بظروفك لأن عائلتي مرت بفترة صعيبة بزاااف
ولثم عرفت الفقر و معاناته لكن تأكدي يا أختي ان بعد الصبر سيأتي حتما الفرج وحنا فوتنا فترة صعيبة بزاااف
والحمد لله ذرك رانا في نعمة ومن حبه ربي ابتلاه فعليك يا أختي الصبر ثم الصبر
وماتسمعيش لكلام الناس ياخي يقولك الي هدر عليك أو نحا عليك
يا ختي ونصحك أنك ماتفرطيش في قرايتك انتي صبرتي كل هذه السنين زيدي أصبري 6 سنين
وباذن الله راح تتبدل حياتك وربي يشفي أمك وربي يفرج همك وربي ينزل عليك القوة والصبر لاتمام مشوارك الدراسي يارب

ونقول لأي واحد عايش في نعمة ورخاء أحمد ربي صباح وعشية على هذه النعمة وحس بخوك الفقير


سلام
​

 

[ماكانش]

قصتك اثرت فيا بزاف

 

[غادة اليم]

والله صعيــب ما مر عليكم أختي ربي يكون معاكم ان شاء الله وراح ندعولكم
بالنسبة لدراستك أنا كذلك أحثك على المتابعة خاصة كوننها شعبة طب راح تفيدي بيها والدتك أكثر من الخدمة أنت تولي تعرفي وتتعرفي خلال مشوار دراستك على اساتذتكم اللي هم كاامل أطباء في مختلف التخصصات ان شاء اللهربي يحطهم في عونك نتمنى فهمتي وجهة نظري
هذا رد قريبتي اللي حبت تقولهلك " ومن يتق الله يجعل له مخرجا ويرزقه من حيث لا يحتسب "
في ميزان حسناتكم وربي يخلفهالكم ان شاء الله اذا ماشي في الدنيا في الآخرة

 

[Melia azedarach]

أحييك على صبرك وجلدك
وأشدّ على يديك أختاه لأن تٌكملي دراستك وتواصلي مسيرتك
لانك أمل أمك واخوتك وعائلتك كلها
لا تستلمي أختاه
وعليك بالتضرع إلى الله تعالى بالدّعاء
قال الله تعالى : ((وَبَشِّرِ الصَّابِرِينَ (155) الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ)) البقرة
الله يناولك يلي ببالك ويشافيلك أمك

 

[sahiko hamza]

يعني موحال بعد هاشي كامل وتحبسي قرايتك
كيما قتلك زودينا بكاش معلومة عليك وعلى ربي راح نعاونوك ...
​

 

[Minoucha2]

مــوضوعك محــزن فعــلا

و لكــن حــاجة وحــدة مــا فـهمتـهاش !

كيفــاش قــاعدة عالأنــترنيت و تقــولي مــا عنــدناش و فقــراء !!!!
​

 

[sahiko hamza]

مــوضوعك محــزن فعــلا

و لكــن حــاجة وحــدة مــا فـهمتـهاش !

كيفــاش قــاعدة عالأنــترنيت و تقــولي مــا عنــدناش و فقــراء !!!!
​

نجاوبك انا يا اختي الكريمة

اليكي ردها الماقبل الآخير

السلام عليكم اخوتي يعني هذه اول مرة نفرغ واش في قلبي ونحكي ولو عبر الكتابة لانني كنت دائما اخاف ان لا يفهموني ويحسبو انني اشتكي لاتسول حتى وجدت هذا المنتدى (أهنا فرغ واش كاين فى قلبك) و نتمنى دوم اللمة ان شاء الله وجزاكم الله خيرا على دعاوتكم و نصائحكم والله حسيت براحة انو كاين ناس يسمعو هم الاخرين ويحسو بيهم ويساندوهم بكلمات طيبة تخرج من القلب لتصل الى القلب في ما يخص الدراسة يعني حتى انا تفكيري نفس الشي ولكن بعد ما مرضت امي صعب عليا نروح نقرا لذلك لم اجد خيارا اخر وان شاء الله لي فيها الخير يجيبها ربي .... سلام وربي يوفقكم يمكن هذي اخر مشاركة لي لانني كنت استعمل النت الجامعي سافتقدكم

نتمنى تفهمي اللأخت مليح

​

 

[khadidja31]

السلام عليكم.....

اثرت فيا قصتك كثيرا ...و في نفس الوقت اعجبت بشجاعتك و كفاحك الطويل .فانت مثلا قليل منه في وقتنا .وفقك الله.لكن...........بما انك قطعت كل هذه المسافة الطويلة التي لم يتبقى منها الا القليل انصحك في وجه الله ان لا تتوقفي عن متابعة دراستك التي منها باذن الله ستغيري حياتك و حياة عائلتك..اما بالنسبة لامك شفاها الله فاكيد لن تمنعك دراستك من التخلي عنها مطلقا.فلديك ابوك و اخوتك للتناوب عنها .شفاها الله و شفا جميع المرضى فامي ايضا مصابة بهذا المرض ربي يشفيها ان شاء الله.​

 

[بنـ MaPa ـت]

اهلآ بيك اختي
هادا مكتوب الله حبيبتي ولي يصبر ينال
مي نتي اطونسون تحبسي قرايتك ماتعبتيش على باطل
لازمك تكملي وتجتاهدي كيما قبل واكيد راح تنجحي وتعوضي عائلتك كلشي فات باذن الله
وماتحشميش كيما قالولك خاوتي الفقر ماهوش عيب وخلي لي حب يضحك يضحك
وعند ربي اللخر هو الاول وربي يرزق الشفاء لامك ويقومهالكم بالسلامة
والله يسترك كملي قرايتك ماتحبسيش

والله يفتح عليكم عاجلا غير آجلا
آمين

​

 

[اسيل17]

اولا ربي يشافي امك ... ونقولك اختي مهما صبرتي زيدي زيدي صبري
والفقر اختى ماهو الا ابتلاء من عند الله فما علينا الا الصبر والقبول بما كتبه الله لنا
وربي يوفقك اختي ومتتوقفيش على دراستك .....وربي يشفيك امك

 

[عطر الندى]

ربي يكون في عونك اختي فوتي بزاف في صغرك
مي ديري في بالك بللي اللي خلق جامي يضيع
و قرايتك أطانسيون تخليها اي هي الصح
ربي يشفيلك ماماك ان شاء الله
​

 

[ahlam02]

نترجاك ماتحبسيش الدراسة والله تندمي الوقت ولا صعيب وربي يكون معاك والله حسيت بيك.

 

[قمر ال14]

الله يعاونك ىولكن حبيبتي لا تتركي الدراسة حلمك وطريقك للخروج من هده الازمة ادرسي واعملي اوقات خارج الدراسة والله لن يتخلى عنك لازم تقراي لكي تفرح امك وتحققي لها حلمها ان تراك ناجة وتساعدي اهلك فقد اخترت تخصص رائع وستخرجينمنالازمة سرعةانشاءالله

 

[نقطة حبر]

ربي يشفي امك ويعافيها
واسئل ربي ان يعطيك الصبر والقوة

 

[ابو مازن]

السلام عليكم و رحمة الله و بركاته

لو كل واحد ترك الدراسة على جال الفقر و الله واحد ما قرا في دزاير

دائما كان الفقر الدافع للنجاح و التفوق

لا أقول هذا من فراغ و لكن عن تجربة شخصية لم يكن و لن يكن الفقر عائق لأنه شيء أختاره لنا الله و الخير كل الخير فما أختار العزيز الجبار الذي قال
( و الله يعلم و أنتم لا تعلمون )

لا أنكر الأمور جد صعبة في هذا البلد الظالم و في هذا الزمن الصعب

لكن .........

أقول لكن لماذا كتبتي هذه المشاركة هل من أجل تفرغي قلبك ام من اجل أن تتخدي قرار توقفك عن الدراسة على اعتاب هذا المنتدى الطيب بأهله و تحملينا خطيئتنا و تحملينا أثقالا على أثقالنا و تتركي في قلوبنا جرحا لن يندمل

كلنا مررنا بهذه المرحلة في حياتنا و لا نستحيي من ذكر ذلك و اليوم والحمد لله رانا في سعة من العيش بنعمة من الله و لا تنسي قوله تعالى ( و من يتقي الله يجعل له مخرجا و يرزقه من حيث لا يحتسب ) شفتي من حيث لا يحتسب دون أن تدركي فالرزق في طريقه إليكِ فقط إخلاص النية لله جلّ و على

و زيدي أختي انا أقول لكي أمام كل اللمة نحن مستعدون للمساعدة أقول نحن و نحن هذه أتركها لوقتها فلستِ الأولى و لن تكوني الأخيرة بالنسبة لنا و لكن هل من ضمانات انا لا اتهمك و لكن أحب أن اتأكد يعني موضوع واحد في منتدى لا يكفي حتى نقدم المساعدة الازمة لأننا في هذه الأمور نذهب لأبعد الحدود

لذلك اختي حاولي أن تتصلي بإحدى المشرفات و يا حبذا لو كانت تسكن قريبة منك و تكلمي معها و هي تزودنا بالمعلومات الكافية و من بعدها كوني متهنية لن تكوني مضطرة إن شاء الله للتوقف عن الدراسة سوف نساعدك بكل ما استطعنا

عذرا أختي على هذا الرد الجاف نوعا ما هههههههه الله غالب عمك ابو مازن ما يلعبش في الأمور هادي و النت كيما فيه لمليح لقبيح تاني راه داير رايو

ننتظر منك أول خطوة

بالتوفيق أختي و لا تنسي انه من يتقي الله يجعل له من امره يسرا و يرزقه من حيث لا يحتسب


كان معاك ابو مازن لكي الخط

 

[oceon]

laaahmi tchewek a khtiiiii

choufiii belekiii thabssi kraytek belki wbelekiii

wellh ghadi tendmi hyetek kemla

rabi ychefii mamak nchllh

thalay fiha w fi khwatiii bla mathabssi kraytek khtiiiii

d3ii rabiii w twekli 3lih ykoun m3aak

rabi yhafdem khtiii

w ykoun m3aaak

lah yossetreek ​

 

[Nilüfer]

Allah y3inek 7biba

l'histoire ta3ak tres duuure mais inch'Allah Rabi y3awdak w y'ajrek 3la Sabrek

w rabi ychafilek el wamida

w Allah je peux rien diire maintennat saufff le dou'aa

Qu'Allah t'e facilite cette vie
​

 

[־●ـ‗غمــــوض ــالــورد_ـ●־]

السلام عليـــــــــــــكم ورحمة الله وبركاته
حنونتى حكايتك قطعتلي قلبي والله ماني عارفة زيماه نقدر نرد عليك
فوتي حوايج صعاب بزاف والله راني حاسة بيك شحال راكي تعاني
مي حابة نقلك ديري في بالك بلي الفقر مهوش عيب وكاين حوايج اصعب منو
انا مختالفة عليك خلاه ماديا منيش محتاجة خلاه عشت وكانوا عندي ديشوز اكتر ملي كنت متمنيتهم
مي دارت عليا الدنيا اوليت نتحاسب صح مازالني منيش خاصة حتى حاجة مي نحس في روحي قاعدين والديا يديروا فيا مزية كي راهم يشرولي ويلبسوني و و و و..نحس في روحي غريبة بينهم ومنيش بنتهم ديما يقيسوني بكلامهم ويحسسوني بلي انا لي اديت حق خوياني كامل بلي انا لي عشت متخالفة عليهم في كلش ودارولي حوايج اكتر من اللازم باسكوا انا لكبيرة فالدار وكانوا يحبوني ...مي دركا ادا هدرت عل حاجة يفهموني بالنقص ادا قلت راني منيش مليحة نقصد اني مورالموا منيش مرتاحة تعبانة نفسيا يقولولي احنا لي مناش ملاح وضيعنا وش عندنا كامل على جالك كان خليناك محتاجة اوفرناه لرواحنا احنا دارنا حاجة كبيرة وتفيدنا.........تخيليها انت برك زيماه تكون والديك ولاو يعيشوا فيك بالمزية...
انا كان لقيت نعيش محتاجة ماديا ولا نكون ناقصة حنانة وناقصة عائلة متفهمة تفهمنى وتوقف معايا...باسكوا لمادة يجي نهار وتجيك تخدمي وتوفريها انت بنفسك مي كي تخسري والديك وعائلتك وتخسري الحب ولحنانة والهناء مكيش راح تلقايهم مام بكنوز الدنيا كامل.....اسمحيلي حنونة طولت وقاعدة نحكي على روحي انا باغية نقلك برك انوا متقطعيش الامل باسكوا راكي بين عائلتك وراكم كامل تحسوا ببعضاكم والله ربي راح يعوضلكم لي معشتوهش كامل
انشاء الله يشفيلك ماماك وميفرقكمش على بعضاكم وانشاء الله ديما تبقى لبسمة ولفرحة معاكم
وبالاك تحبسي قرايتك حنونة كيما صبرتي وتعبتي لوقت هدا كامل متضيعيش تعبك باطل والله راح تندمي مبعد كي تحبسي
بقالك 5 سنين على الاقل وراح تفرج عليك متخليش حياتك تضيع مجرد انك تفكري في معاناتك درك وتنساي وش راح يصرالك مبعد كان تحبسي والله لوقت ميرحمش ادا توصلنا انوا والديك يفرطوا فيك وش بقى صح كاين ناس تحب لخير مي مشكي عارفة وكتاش راح اطيحي معاهم راهي مش ديما تكون في صالحك الدنيا راكي راح تلقاي غير قرايتك وتعبك
متفقديش الامل حبوبتي كوني ديما واثقة من نفسك اواثقة انك راح تتغلبي على كل المصائب وربي راهو معاك مش راح يفرط فيك ينحيلك حوايج مي يعوضلك مباعد الي اكتر وخير منهم
ندعيلك من كل قلبي تفرج عليك وتولي تعيشي كيما تبغي انت وكامل لفامي تاعك ربي يحفظكم ويخليكم
ونتمنى انك متغيبيش علينا وتحاولي زيماه تكوناكتي مرات راني عارفة بالظروف مي نتمنى اني نعرف عليك اكتر بالاك نقدر نعاونك والله منقدر نخليك كيما هك راح تبقالي حرقة في قلبي كان منعرفش زيماه راح تولي ظروفك واحوالك
انا راح نخليلك ميساج حنونة باسكوا بالاك متقدريش تبعتيلي انت راح نخليلك نيميرو تاعي بالاك راح تقدري تتصالي بيا ونعاونك تهلاي في روحك حنونة وخلي ديما الضحكة معاك متفقديهاش....
​

 

[ابو مازن]

ننتظر اولى الخطوات منك يا ناديا هاهم الكل متعاطف معك و منهم من حالته أكثر من حالتك

ننتظر خطوتك ؟