مانقدرش نعيش بلابيها ..خليوني نقتل روحي

[°NeSriNe°]

السلام عليييكم
علابالك هذا sur يكون يتفرج افلام تركية
وقيل عمبالو راه يدير في فيلم :d
الله يهدينا في الوقت هذا
~~
​

 

[لؤلؤة القلب]

الحمد لله على نعمة العقل
هذه الفئة من الناس ناقصة دين
والشيطان عابش بداخلهم
ربي يهديهم

 

[serinee]

وعليكم السلام و الرحمة
انا نشوف هدا ماهوش حب هدا جنون
و كيما يقول المثل لي حبك ما بنالك قصر ما حفرلك قبر
يا خويا درك هيا خدعاتو و هو وعلاش يدخل للنار بيديه
وعلاش لي خلقها ماخلقش غيرها
انا اصلا مانيش مصدقة هدا الحب لدرجة يقتل روحو
و شكرا للموضوع
​

 

[fugi]

تم الاعتماد

ينقل لمنتدى واش راك تهدر​

مارسي عليك الاخت على الاعتماد:regards01:​

 

[fugi]

السلام عليكم
والله يا اخي زعما كاين حب
هوما عند رواحهم هاكا يعبرو عليه
بقتل النفس بصح كيما قلت انت الدار كاينة فالحلال
انا نقولك ماكاين والو برك راهم يناعدو فالغرب في كل شي
غزاتنا الثقافة الغربية في كل شيء
اللهم ثبت العقل و الدين

وعليكم السلام

والله ياختي انا مش ضد الحب ..الحب حاجة مليحة ولازمة فالحياة

مي كلشي عندو حدود

مش يقتل روحو ويقول انا نحبها

ربي يثبت العقل والدين امين

مارسي على المرور والرد :regards01:​

 

[fugi]

فكرتني في صحبتي نهار قالتلي ​

علابالك مانقدرش نعيش بلا بيك ​

قتلها انا نقدر قاتلي كيفاش قلتيها قلتلها انا مانكدبش عليك مي نقدر نعيش بلا بيك​

هادا مرض وان شاء الله الناس تبرا منو ​

عندك الحق ياملاك

ياملاك مادام خلقنا ربي بلا بيهم يعني نقدرو نعيشو بلا بيهم

نحبوهم ويحبونا ..نضحو علاجالهم ويضحيو علاجالنا هاذي حاجة مليحة

مي باش نكذبو عليهم وعلى ارواحنا ونقولو مانقدروش نعيشو بلابيهم هاذي الي مافهمتهاش

فرحت بالرد تاعك ومرورك مارسي عليك:regards01:​

 

[fugi]

الي عودة اكيييييييييييد​

نستنى العودة تاعك :$​

الله يبارك علينا المسلمين

ربي يثبت العقل والدين امين​

 

[fugi]

الله يهدي ما خلق

ومن الحب ما قتل هاذي هي زعمه ، لالا الحب اصلا غير موجود هذا جنون وهبال لي يحب ميقدرش يفارق لي حبو هكذا يقولوا تلاميذ المدرسة العشقية ، بصح واش رانا نشوفو هذا وضع حد لحياتو ، كان يروح يخطبها ويتزوج وسيبون والله عجب الناس كيفاش راهي تخمم ولينا في واحد الوقت الله يستر وخلاص .صح التلفيزيون هبل الغاشي ولا لي عندو عقل نحوسو عليه بالشمعه ويا ربي نلقاوه .
ميرسي على الموضوع .

ختي الحب كاين وبلا حب ماتكونش حياة ..اذا كان حب فالحلال

تحبها باب الدار قدامك قبلو بيك الحمد لله وعيشو معا بعضاكم واذا ماكتبش ربي ثاني الحمد لله

مش تقول نحبها ومانقدرش نعيش بلابيها وتقتل روحك تخسر الدنيا والاخرة ولا واش رايك

مارسي على المرور والرد:regards01:​

 

[fugi]

عليكم السلام ورحمة الله وبركاته

هاذ الناس مراض
ربى يهديهم ​

عندك حق ياحكيم

ربي يهدي وربي يثبت العقل والدين امين

مارسي على المرور والرد:regards01:​

 

[fugi]

بالاك كان تحت تأثير المخدرات هههه
ماتقدرش تعرف بلاك صح وبلاك تاثير الصدمة ونقص الايمان اقوى

الله يهديهـ لوكان صح مايقدرش يعيش بلا بيها يروح يخطبها ويعيش معاهـ

مي هاذ العبارة مجرد حبر على ورق قطرة ماء صغيرة تمحي كل شيء ،، ولوكان يزعف ولا تزعف عليها تلقا كل واحد في طريقو
صحيتي

سمعنا بزاف من هاذ الحكايات ،، انا بالنسبة ليا واحد كيما هذا موتو خير من حياتو خاطر راه عالة على المجتمع

مارسي بزاف على السوجي الباهي والله يكثر من اللي يموتو على جالنا هههه

شكرا

هههههههههه ضحكتيني بربي يكثر الي يموتو علاجالنا ههههههههههههه

عندك الحق ختي نورمالمون تحبها باب الدار قدامك صلحتلك معاها الحمد لله ماصلحتش مش هي اخر بنت

مارسي على المرور والرد الباهي:regards01:​

 

[fugi]

انا احتقر هذا النوع من البشر .​

نحترم الراي تاعك براهيم

مارسي على المرور والرد:regards01:​

 

[fugi]

احيانا الانسان عندما يفقد شخص عزيز عليه

يتهيالو انو ما يقدرش يعيش بلا بيه ...مستحيل يفكر في مجرد الفكرة خاصة
عندما يفكر في موت هذا الشخص
و لكن في الواقع الحياة تستمر ...يكذب عليك ...
ماتوا امهاتنا و صبرنا و كملنا عشنا ...مات اعز شخص ممكن يصوروا انسان ابنك او بنتك ...و تستمر الحياة ...
صحيح المرارة تلاحق القلب و الروح و لكن هااااااااااانا عااااايشين
كيما حب ربي ...
و الناس هاذو الي يصوروا علاقة عاطفية فاشلة ممكن ينهي بيها حياتو ...ربي يهديه و يداويه ​

عندك الحق ختي ام اسحاق

ساعات الانسان يحس بالضعف ومايقدرش يتخيل بلي يكمل حياتو بعيد على محبوبو مي فالواقع يقدر يعيش نورمال

تغيضو وي مي هاذي هي سنة الحياة ولازم الانسان يتقبل ويحاول يتعايش بالموجود حتى يفرج ربي

ربي يرحم امواتك ختي

مارسي على المرور والرد :regards01:​

 

[crǻzЎ ŴдFĀα]

كن قلت طفلة هيا لي نتحرة نقول كاينا منها
وبلي واحد انتحر علاجل وحدة
................................

 

[fugi]

هاني وليييييييييييييييييييت..
ياهلا بالعودة:d​

ههههههههههههههههههههههههههه فكرتني في وحد النكتة ...​

واحد قال لصاحبتو ..نبيع الدنيا على جالك ..هههرد عليه لاخور قالو ..ونتا دوك كي تبيع الدنيا حنا وين نروحو ...وزيد الدنيا هادي مكتوبا باسم بابك اللي تبيعها وقت ما تحب هههههههههههههههههههههههههههههههههههههه
نورمالمون حاب يبعثنا لمجرة اخرى هههههههههههههه:p​

المهم نوليو لموضوعنا ...والله باخويا هاد الشي كاااااااااااااااااااامل خرطي في خرطي ......​

اللي عينو فيها يروح يخطبها ..وزيد كون عينو فيها تاع الصح ويحبها صح صح ..يتصرف ..ويروح يديها فيالحلال..
صحيتي ​

الحب ليس مجرد شعور نحس به..الحب مواقف نصنعها..
مواقف نصنعها:up:​

بارك الله فيك على الموضوع الباهي ..تساتهل تقيييم منعند ختيوتك نجلاء :d​

تقبل مروري ^^​

فرحت بمرورك والرد تاعك الباهي وفرحت بالتقيم يانجلاء

مارسي على النكتة المعبرة :regards01:​

 

[fugi]

أولا السلام عليكم و رحمة الله تعالى و براكته:regards01:
وعليكم السلام ورحمة الله تعالى وبركاته

ثانيا شكراا على الموضوع المميز:bravo01:
العفوو:$
أنا بالنسبة ليا هدا مهبول:-o و كان خاصو واحد ينصحو ... بصح فات الحال
...و الله غيير تحيير كيفاه يخممو ..وكيما قولت يا خويا لوكان جا يحبها صح صح :love01:
باب دارها قدامُو يروح ليها فالحلال واديها وعيش معاها وجيبو بنين وبنات وعيشو في سعادة وهناء :regards02:
ولكان عاد العكس سي سوور الطفلة تقلق و تروح عند واحد أُخر:surrender01:
و بالنسبة لي أنا نكره هد الجور من لعباد.. هاو مات واش ربح .. بالعكس راهو خسر كولشي..:s
الله يهدينا كاامل ​

و في الأخير تقبل مروري :up:​

و سلامــــــــــي
:regards01:​

عندك الحق ختي اماني

..قلتي كلشي مانقدرش نزيد اي كلمة :up:

مارسي على المرور والرد المميز :regards01:​

 

[fugi]

كثيرة قصص العشق التي تنتهي بنهاية مؤلمة كهته...........أصبح الموت أسهل علينا من تحمل الألم...ربما تكون شدة الألم أكثر من طاقتنا.....ربما حينما نفقد أشخاص بحياتنا و خاصة اذا كانوا مقربين لقلوبنا نحس أن الكون قد انتهى نحس بقمة الألام بقمة الضعف.....مؤلمة تلك المشاعر ..صعبة جدا......ربما البعض يسخر من هؤلاء الاشخاص و حينما يسمع عندهم يقول مجانين.........و لكنه لم يعلم يوما مدى ألمهم........ربي يهدينا و يثبتنا.........و لي خلقنا ما يضيعناش....صعيبة مي لي خلقنا ما يضيعناش.......

سمسم ختي الحياة بلا حب ماتصلحش مي كاين حدود وكيما يقولو اذا زاد الشيء عن حده انقلب الى ضده​

جميع واحد في حياتو تفوت عليه مرحلة يكره فيها ويحس بالضعف ويشوف الموت هي الي تخليه يرتاح​

مي ياسمسم نعطيك سؤال ​

الحال يدوم ؟ ​

.. ماكتبتش الموضوع باش نقول بلي الي يحس بالالم ولا الي يحب مجنون ..​

مبعد نرجع نعدل الرد ونحكيلك حكاية ياسمسم ختي..
رجعت

هذا ياسمسم واحد صاحبي كان ديما يحكيلي على وحدة يحبها وتحبو
قتلو اذا تحبو بعضاكم باب دارها قدامك اخطبها ..عامين ياسمسم وهو يروح يخطب وباباها مايقبلش بويسك حاب يزوجها من لافامي..وصاحبي عيا يقلي مانقدرش نعيش بلابيها يانديها ياندير حاجة في روحي

فاتت الايام تزوجت الطفلة وصاحبي ماقدرش يتحمل الصدمة

بدا يدير حوايج خارجة طريق..

مع الوقت رجعناه للطريق

فاتت الايام خطب وحدة جديدة وتزوج ومرتو دركا اونسانت

مرة حكيت معاه واش حمزة قدرت تعيش ولا

قالي نورمال

يعني ياسمسم مرحلة برك وتفوت ودوام الحال من المحال
والمرحلة تطول كل مايطول الفيد ..اذا لقيتي كيفاش تشغلي روحك تقدري تعيشي
مارسي عليك :regards01:
​

 

[bilale-007]

ربي يغفرلو ويرحمو على مافعل في نفسه اولا
تانيا هذا لعب ذراري مش حب ولا حتى حاجه ربي يهدي ما خلق
اللهم احسن خاتمتنا

 

[فتاة حساسة]

فرحت بمرورك والرد تاعك الباهي وفرحت بالتقيم يانجلاء

مارسي على النكتة المعبرة :regards01:​

بلا مرزيا خخويا..مشكور عليك نتا على الموضوع الباهي​

 

[رضوة الجزائرية]

الله يهدينا برك​

 

[־●ـ‗غمــــوض ــالــورد_ـ●־]

السلام عليكـــــــــــم ورحمة الله وبركاته
صحيت خويا عالموضوع الباهي عجبني بزاف باسكوا الشخص هدا يشبهلي هههههههههه نقصر برك
صح كاين بزاف حكايات كيما هادوا يصراو
مي لحاجة المؤلمة انوا صح كاينة منها ...كاينة حاجة اسمها حب لدرجة انوا متقدرش تعيش بلا بيه
مش معنتها انوا كي نقولوا منقدروش نعيشوا بلا بيه انوا نقتلوا رواحنا ..لا مش هدا هوا لمعنى لي كيما راني شايفاتوا انا
نحكي على روحي قبل منحكم على الاشخاص هدوما...كنت مام انا نحكم على ناس كيما هك بنفس الطريقة ..كنت كي نشوف واحد يقول منقدرش نعيش بلا بيك نضحك...عماه؟ باسكوا مكنتش حاسة بواش راهم حاسين ..منحكيش على الناس هدومكا لي يهدروا برك ويتمصخروا على خاطر كاين لي يقولها برك بش يلبي رغباتوا...نحكي على لي يقولوها ونيتهم صافية وحاسين بيها صح...كيما راني حاسة بيها درك ...كيفماه نقدر نعيش بعيدة على شخص وهو كل حياتي ..يعني هو لي راني شايفة فيه الامل باش نعيش ...هو لي راهوا فاهمني فالدنيا هادي كامل..هو الوحيد لي راهوا واقف معايا اواحد مالقيتوا واقف معايا مام اقرب الناس ليا ..نلقاه في كل شي في لمليحة ولقبيحة...هو لي يعطيني لكوراج باش نوقف ونبقى ديما واقفة نواجه اي حاجة فالدنيا هدي ومنطيحش ...بكل اختصار بلا بيه نضيع ..وايدا ضعت يعني مبقاتليش حياة ...يعني صح نبقى عايشة مي كيما يقولوا واحد ميت مي راهوا عايش لواحد يولي يحس روحوا كيما النبات تشوفوا بلي راهوا ميت مي هو راهوا كائن حي راهوا عايش ههههه تشبيه برك ...لواحد كيما يعيش بلا احساس وبلا هدف لواش يعيش ...يعيش باش ياكل ويتنفس برك...يعني لواحد كي يعيش سايب وامالوا واحلاموا واهدافوا لي كان يعيش على جالها تحطمت وضاعت وش بقالوا راهوا بلا مايقتلوا روحوا راهوا ميت ...انا وحدة من الناس كان تصرالي هكا صح منقتلش روحي ونخسر وش كاين مبعد مي اكيد راح نعيش ميتة
نرجعوا لهاد لبارصون لي دار كيماهك انا نقول متحكموش عليه كيما هك باسكوا راني قريت الردود وشايفة ناس حكمت عليه بلا ماتعرف وش عندوا باسكوا بالاك عندوا بزاف اسباب ومشاكل خلاتوا يدير كيما هك ...وكيما قلت انت خويا كان جا يحبها راهوا نوى لحلال معاها وجابوا ولاد وتهناو ...يعني في بالك انت كان ميحبهاش راح يقتل روحوا بلا سبب هادي مستحيل مكانش منها ..بالاك مسمحتلوش الظروف يروح يخطبها بالاك كانوا متفاهمين وعارفة هي ظروفوا وخدعاتوا ...اكيد راهوا كان يحبها وناوي لحلال معاها صح كلش راهوا مكتوب ربي كتبلهم كيما هاك مي تجي شوية صعيبة لواحد كي يطحطمولوا امالوا واهدافوا في لحظة وهوا تعب بزاف على جالتهم ..المهم بلا منطول ونحكي هاد لحاجة يحس بيها غير لي قساتوا..ربي يهدينا
مشكور خويا
​