fatima_SAB
:: عضو منتسِب ::
- إنضم
- 23 ديسمبر 2011
- المشاركات
- 25
- النقاط
- 3
اليكن هذا الكعك الرائع الي مايخطيش دارنا وهو سيد الحلويات عندنا
اليكم المقادير لـ 2كغ من الفرينة:
2كغ فرينة، 500 غ سكر ، 2بيض، كاس زيت، 2خمارة كيميائية، لفاني، zeste ليمون وبرتقال، عصير حبة ليمون
2خمارة العجين، كاس مء الزهر، تفاوح الكعك حوالي نص كاس حب نغليهم في الماء قيس ما نلم العجينة من
بعد ،وناخذ 2ملاعق كبار منه نرحيهم.
الطريقة:
نحضر اولا levain
ناخذ شوية فرينة من 2كغ نتاعنا (حوالي 250غ) + 2ملاعق كبار من السكر + الخميرة نتاع العجين ونخلطهم بماء
دافيء ونتركهم يخمروا من جهة اخرى نوجدو ا الشي الاخر :
نضع الفرينة المتبقية + السكر + لفاني + zeste + الخمارة الكيميائية + التفاوح الي رحيناهم نخلط هذه
المقادير الناشقة مع بعض + البيض والزيت مخلطين مع بعض ومضربينهم شوية بالشوكة (الفرشيطة)
نفوتوا هذا الخليط في الغربال الي عينيه كبار الي ماعندهاش ماعليش بصح لويكون من الاحسن من بعد
ندفوا ماء الزهر اللي عندنا ثم نصفي الماء الي طيبنا فيه التفاوح ونلم بيه العجينة بعدما نضيفوا
levain نتاعنا اللي اختمر طبعا حتى نتحصلوا على عجينة عادية ونضعها تخمر المرة الاولى
هنا بعدما خمرت نقطعوها بشوية ونمروها في الماكنة نتاع الكفتة باستعمال القمع الخاص بالكعك الي
ما عندهاش ماعليش بصح هكذا نوفروا الجهد ونسرعوا
نصنع حربوش نفتحه من الاطراف ونغلق مليح كيما تشوفوا
نقدروا نشرشفوه كيما في الصورة
نضعه في الصينية ونتركه يطلع للمرة الثانية
ندهن بالبيض ونطيبه بصح انا طريقتي نطيبه من الفوق اولا يجي احسن ثم من التحت واليكم النتيجة
اتمنى من اعماق قلبي يعجبكم وتجربوه لانوا كانت الديره جداتي الله يرحمها ثم امي ربي يحفظها لي ثم انا
