كعك تركي من مطبخي

[مطبخ الأحلام]

السلام عليكم ورحمة الله تعالى وبركاته

جربت هاد الكعك التركي وجا بنين وهشيش

المقادير :

2 ياغورت من الاحسن طبيعي او ذوق فاني
كاس زيت
كاس ماء دافي
نصف كاس سكر
حبة بيض
فاني او قشور ليمون
ملعقة كبيرة خميرة الخبز
قرصة ملح
فرينة

طريقة التحضير:

نخلط الماء الدافئ و الخميرة و شوية سكر و نخليهم يرتاحو 5 دقايق
من بعد نضيفو كل المواد السائلة و السكر و نخلطو مليح
ونزيدو الفرينة و شوية وملح و الفاني او قشور الليمون و نلمو حتى نتحصلو على عجينة طرية و ندلكوها شوية و نخلوها تخمر في مكان دافي

كي تخمر العجينة قطعوها كريات صغار حسب الرغبة

ديري في غرفية شويا زيت ودهني يدك وكسلي لعجينة



هما دايرين تشكلي زوج حرابش ومن بعد ديريهم كي ظفيرة ولكن فضلت ندير شوكولا طاغتيني ولويت بالطول



ثم غلقت ودهنيه بصفار بيضة مع شويا حليب تحبي ضيفي جلجلان ابيض حسب الرغبة وخليهم يخمرو مرة ثانية في الصينية المدهونة ومرشوشة بالفارينة وادخليهم الفرن من بعد ماتسخنيه



وهايليك النتيجة
كنت مزروبة ماخليتوش يخمر مليح ومع هدا عجبهم صحاب الدار











تم بعون الله والحمد لله
​

 

[رواء الروح]

رد: كعك تركي من مطبخي

الله ابارك ختيتي جاك هايل

بصحتهم اهل المنزل

دوما مبدعة

 

[AmiR@RoRo]

رد: كعك تركي من مطبخي

ممممم يعطيك الصحة
ساهل وخفيف

 

[ام شمس الدين]

رد: كعك تركي من مطبخي

امممممممم روعه انشاء الله نجربها

 

[خيرة جانت]

رد: كعك تركي من مطبخي

ماشاااااااااااااااااااااااء الله عليك حبيبتي ويعطيك الف عافية تعجبني فيك حاجة انك ديما تحبي تتحداي نفسك في وصفات جديدة و بفضل الله تنجحي وتفرحي اهلك بالذوق الشهي وتفرحينا بمتعة المشاهدة والتعلم منك يافنانة
دوم في متابعتك ياغالية ربي يحفظك ​

 

[وردة أوراسية]

رد: كعك تركي من مطبخي

و عليكم السلام و رحمة الله

ممممممممم ما شاء الله ختي راه يشهي يعطيك الصحه على الوصفة ​

 

[سكون الفجر]

رد: كعك تركي من مطبخي

أكيد هذه لي أختي صح؟ ههه
ما شاء الله عليكِ وصفة رآآآآآئعة الله يحميكِ أخيتي
إن شاء الله أجربها، دائماً تتحفينا بوصفاتك الجديدة
وتعلمين ما يعجبني؟؟!
التصووووير أجـــــــل
التصوير مميز ورآآآئع
حفظكِ المولى من كل سوء​

 

[hadil2044]

رد: كعك تركي من مطبخي

مشكورة باين يشهي​

 

[عاشقة الكرة]

رد: كعك تركي من مطبخي

دايما في القمة أختي
يعطيك الصحة

 

[مطبخ الأحلام]

رد: كعك تركي من مطبخي

الله ابارك ختيتي جاك هايل

بصحتهم اهل المنزل

دوما مبدعة

الله يبارك ويطول في عمرك ان شاء الله

الله يسلمك

وكما نتمنى ان نرى ابداعاتك خيتو

ممممم يعطيك الصحة
ساهل وخفيف

وياكم يارب شكرا ختيتي على المرور

امممممممم روعه انشاء الله نجربها

وجودك الاروع موفقة خيتي

 

[نبض الحياة]

رد: كعك تركي من مطبخي

السلام عليكم
اممممممممم يا سوسووو جوعتيني
يشهي والله وخرجلك هباااال
نجربو في الايام القريبة ان شاء الله
خاصني وصفة كعك تلمسان هههههه
يعطيك الصحة لعمر ديما وصفاتك تحفة الله يبارك

 

[مطبخ الأحلام]

رد: كعك تركي من مطبخي

ماشاااااااااااااااااااااااء الله عليك حبيبتي ويعطيك الف عافية تعجبني فيك حاجة انك ديما تحبي تتحداي نفسك في وصفات جديدة و بفضل الله تنجحي وتفرحي اهلك بالذوق الشهي وتفرحينا بمتعة المشاهدة والتعلم منك يافنانة
دوم في متابعتك ياغالية ربي يحفظك ​

الله يعافيكي ختيتو
ردك حلو ويفرح ويشجع اكثر
وانا نفرح كثر كي تعجب لعايلة نتاعي وفرحتي الاكبر حين اطرح الموضوع لعيونكم
الله يبارك في عمرك وانا ايضا دوما في متابعة مواضيعكي

 

[مطبخ الأحلام]

رد: كعك تركي من مطبخي

و عليكم السلام و رحمة الله

ممممممممم ما شاء الله ختي راه يشهي يعطيك الصحه على الوصفة ​

الله يسلمك ختيتي امين وياكم يارب نورتينا حبيبة

 

[مطبخ الأحلام]

رد: كعك تركي من مطبخي

أكيد هذه لي أختي صح؟ ههه
ما شاء الله عليكِ وصفة رآآآآآئعة الله يحميكِ أخيتي
إن شاء الله أجربها، دائماً تتحفينا بوصفاتك الجديدة
وتعلمين ما يعجبني؟؟!
التصووووير أجـــــــل
التصوير مميز ورآآآئع
حفظكِ المولى من كل سوء​

اكيد ليكي يالغلا وتحبي نزيد نطيب صنيوة على جالك
بارك الله فيكي وفي طلتك الحلوة ويحفظ الجميع يارب
التصوير ممممممممم شفتي احساسك وانتي تصورين نفس الاحساس يراوضتتي ختيتي :$

مشكورة باين يشهي​

العفو خيتي نورتينا

دايما في القمة أختي
يعطيك الصحة

الله يسلمك خيتي امين وياكم يارب شكرا

 

[مطبخ الأحلام]

رد: كعك تركي من مطبخي

السلام عليكم
اممممممممم يا سوسووو جوعتيني
يشهي والله وخرجلك هباااال
نجربو في الايام القريبة ان شاء الله
خاصني وصفة كعك تلمسان هههههه
يعطيك الصحة لعمر ديما وصفاتك تحفة الله يبارك

وعليكم السلام
هههههههههههه ضحكتيني :d هبال
ان شاء الله موفقة ان شاء الله وانا راح نجرب قاطو تالي نتاعك عبجني :d
والكعك التلمساني ههههههه مزال مادرتش بيه حتى نشوف الوصفة الي نيشان كاش مانسرقها من الوزينن بداته ههه
وياكم يارب شكرا حبوبة نورتينا

 

[rose09000]

رد: كعك تركي من مطبخي

السلام عليكم
خرجلك هايل أختي باين هشوش
بصحتكم

 

[Oum Loukmane]

رد: كعك تركي من مطبخي

الله يعطيك الصحه بنيتي ان شاء الله نريح ونجربه

 

[السلطانة]

رد: كعك تركي من مطبخي

وعليكم السلام

كعك تركي وعليه الكلام جاك يسخف تسلم يديك سوسو

 

[Naz iha]

رد: كعك تركي من مطبخي

ممممم يعطيك الصحة

واووو و تصوير زاد فيها روعة

 

[¬Đỉaмơŋđ ✿]

رد: كعك تركي من مطبخي

وعليكم السلآم ورحمة الله وبركآته

شحآل تعجبني موآضيعك في ركن المطبخ خصوصآ
خرجولك روووعة مآشآء الله بآين عليهم خفآف
طريقتك في الشرح،والتصوير هآيلة



​