الكعك التقليدي نتاع جدتي

الحالة
مغلق ولا يسمح بالمزيد من الردود.

fatima_SAB

:: عضو منتسِب ::
إنضم
23 ديسمبر 2011
المشاركات
25
نقاط التفاعل
21
النقاط
3

1697279461011.png
82.gif




اليكن هذا الكعك الرائع الي مايخطيش دارنا وهو سيد الحلويات عندنا

1180279309_DSC00366.jpg


اليكم المقادير لـ 2كغ من الفرينة:

2كغ فرينة، 500 غ سكر ، 2بيض، كاس زيت، 2خمارة كيميائية، لفاني، zeste ليمون وبرتقال، عصير حبة ليمون

2خمارة العجين، كاس مء الزهر، تفاوح الكعك حوالي نص كاس حب نغليهم في الماء قيس ما نلم العجينة من

بعد ،وناخذ 2ملاعق كبار منه نرحيهم.

الطريقة:
نحضر اولا levain

ناخذ شوية فرينة من 2كغ نتاعنا (حوالي 250غ) + 2ملاعق كبار من السكر + الخميرة نتاع العجين ونخلطهم بماء

دافيء ونتركهم يخمروا من جهة اخرى نوجدو ا الشي الاخر :

نضع الفرينة المتبقية + السكر + لفاني + zeste + الخمارة الكيميائية + التفاوح الي رحيناهم نخلط هذه

المقادير الناشقة مع بعض + البيض والزيت مخلطين مع بعض ومضربينهم شوية بالشوكة (الفرشيطة)

نفوتوا هذا الخليط في الغربال الي عينيه كبار الي ماعندهاش ماعليش بصح لويكون من الاحسن من بعد

ندفوا ماء الزهر اللي عندنا ثم نصفي الماء الي طيبنا فيه التفاوح ونلم بيه العجينة بعدما نضيفوا

levain نتاعنا اللي اختمر طبعا حتى نتحصلوا على عجينة عادية ونضعها تخمر المرة الاولى

1180278608_DSC00345.jpg


هنا بعدما خمرت نقطعوها بشوية ونمروها في الماكنة نتاع الكفتة باستعمال القمع الخاص بالكعك الي

ما عندهاش ماعليش بصح هكذا نوفروا الجهد ونسرعوا

1180278652_DSC00344.jpg


1180279240_DSC00359.jpg


1180278706_DSC00348.jpg


نصنع حربوش نفتحه من الاطراف ونغلق مليح كيما تشوفوا

1180278863_DSC00350.jpg


نقدروا نشرشفوه كيما في الصورة

1180278800_DSC00353.jpg


1180278930_DSC00352.jpg


1180278998_DSC00355.jpg


نضعه في الصينية ونتركه يطلع للمرة الثانية

1180279050_DSC00363.jpg


ندهن بالبيض ونطيبه بصح انا طريقتي نطيبه من الفوق اولا يجي احسن ثم من التحت واليكم النتيجة

1180279350_DSC00367.jpg


1180279419_DSC00370.jpg



1180279309_DSC00366.jpg



اتمنى من اعماق قلبي يعجبكم وتجربوه لانوا كانت الديره جداتي الله يرحمها ثم امي ربي يحفظها لي ثم انا





 
آخر تعديل بواسطة المشرف:
اممم الله الله يعطيكم الصحة باين بنين راني ديت حبة ربي يباركلكم في ماماك و يرحمها جداتك جزاك الله خيرا اختي
 
امممممممم شحال نبغي الكعك و نموت على ريحت الكعك سيرتوا كي يكون يطيب و ريحتع تعمر الدار
جاكم هااااااااايل
الله يعطيك الصحة نتي و ميمتك و ربي يرحم جداتك
 
ya3tik saha khti
hebitnse9sikberk khtitou
hedi mnin chritiha psq hebina nechrouha w massebnech

1180279240_DSC00359.jpg


rabi yahafdhek khti w essemhili
 
لحقتني ريحتو يا اختي

يعطيك الصحة
 
و يــآ يمآ على الكعك نمووووووت عليهـ
مكآشـ كيمآ الكعك التقليدي
فكرتيني بيه أنآ نبغي نديرو ونبغي فيه بنة الزآزت تآع الليم

جآ هآيل يعطيكم الصحة

 
والله اسرتني ردودكم :$

ربي يحفظ الوالدين وين ما كانوا واللي ماتوا ربي يرحمهم ويدخلهم الفردوس الاعلى ان شاء الله


ya3tik saha khti
hebitnse9sikberk khtitou
hedi mnin chritiha psq hebina nechrouha w massebnech


والله يا اختي *RAHMA هذه الماكنة تعتبر من التحف في البيت هي موجودة عندنا اكثر من 30 سنة

والله ما اعلبالي اذا كاين ولا لالا ........................

اتمنى توجديها ...............واسمحيلي لانه ما قدرتش نفيدك
 
هايل ويشهي الله يعطيكم الصحة والله يرحم جداتك
 
اممممممممممم راه هايل يعطيك الصحة
 
من أعماق القلب أدعو بالرحمة لجدتك و جعلها الله في قبرها في روضة من رياض الجنة آآآآآآآآآآآآآآمين
شكرا على الوصفة كم أحب الوصفات القديمة لجداتنا
 
في الحقيقة لاول مرة يخرجلي الكعك مليح
:up: شكرا جزيلا :up:
 
ربي يرحمها و يخليلك ميمتك
تبان تشهي بزاااااف // انا نحب الكعك
يعطيكم الصحة
 
الله يبارك

انا نحب الي فوقو السكر ههههههههههههه

كما الي نديروه حنا فالدار يعطيك الصحة
 
تفاوح الكعك حوالي نص كاس حب نغليهم في الماء قيس...........

مافهمتش تفاوح؟؟؟؟؟؟؟؟؟؟​
 
هايل ويشهي
يعطيك الصحة
 
طريقة هايلة يعطيك الصحة
 
السلام عليكم

[تفاوح الكعك حوالي نص كاس حب نغليهم في الماء قيس.]

التفاوح هما :النافع وحبة حلاوة وزريعة البسباس ...............تنباع عند العطار


شكرااااااااااااااااااا على المرور ............................................ :regards01: :regards01:
 
ما شاء الله هايل
ان شاء الله نجربو بكمية قليلة حسب العائلة
ربي يخليك و يطول في عمر ميمتك و يرحم جداتك .
سلامي .
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top