شكون يقدر يحكي كيما أنا ....

[la rose de sable]

يعطيك الصحة حمزة

انا نهدر سوفي ، بسكري تبسي عنابي ، دزيري ، تقرتي ،،، واكيد تونسي بمختلف اللهجات

 

[AnGeL*dZ]

السلام عليكم
لهدرا لجزايرية محسوب مفهومة كامل ،مكانش فرق كبير غير في النطق كاين اللي يتـgـــول ،واللي يهدر لقاف عادي وحاجات خلاف
وبحكم لبلاصة اللي نسكن فيها عندنا هدرات كيما تاع قسنطينة وسيرتو تو التاء رانا فلهوا سوا ونهدرو كيما ناس جيجل وسكيكدة مام كلمات من ناس الشاوية
أنا نعرف نهدر قسنطيني ،جيجلي مي تاع لعجايز دي لجبال مانقدرش ساعات تتلف ،شوي سكيكدي ........عاصيمي وهاذوك نتخربط ...الغرب والو....ناس عنابة نعرف نص نص
ولهدرا تاع ناس ميلة سونتغ شوي صعيبة عليا في النطق
مي في بالي هدرة ناس الشرق كيما قسنطينة هي اللي تيجي مفهومة باغتو
​

 

[magique]

موضوعك هايل حمزة خويا،، يعطيك الصحة...


انا بالنسبة ليا نفهم اغلب اللهجات تاع ليزالجيريان يعني نجيب روحي مي ديفوا يكونو كلمات هكدا جدد مانفهمهمش كيما اللهجات تاع الغرب شوي كلماتها مختلفين على تاع الشرق بالرغم من هك نحب اللهجة تاع وهران بزاف بزاف وكي يهدروها نقعد غير نشوف معاهم ونهز كلمات ساعة على ساعة ههههه

ومانكدبش عليك مانعرف نهدر بحتى لهجة ،،لوكان نهدر تفيقولي بلي من الشرق ههههههه خاطيني الشي

سلام....
​

 

[sahiko hamza]

الموضوع هادا درتو راااااااااااااح
مي ماعليش
قريت الردود اكل
عجبتوني كامل وسيرتو لي يحكي برايجي
هي صح لازم تحكي بلهتك وين ماتكون
مي قالو ناس بكري من حفض منكم لغة قوم آمن شرهم
صح كي تكون متلا في عنابة ومن هردتك براني أكيد يطيرو بيك الصحاح
مي كي تحكي كيفهم وسيرتو الغلطة لا
سيبون مايدوخو فيك


مارسي عليكم كامل كامل
وكرا لمشرفة القسم على الختم .
​

 

[لصمتي حكاية]

نقدر نحكي جزيري
سطايفي قبايلي
ههههههههههههههههههههه
و الباقي كلمات

 

[أم أمين23]

انا نحب بزاف نسمع اللهجات منا ومنا وكي قريت في الجامعة تعرفت على كثير لهجات سكيكدية وفيهم بعد اكثر من لهجة حسب المناطق
تبسية قوالمة سوق اهراسية قسنطينية ميلية وهران ومستغانم اهل بابا وبابا ثاني يتكلمها وكاين كلمات ياسر مختلفة واحيانا ما نفهمهمش وضرك تعرفت على ناس سيدي بلعباس ومعسكر ثاني عندهم كلمات مختلفة جدا والقبايل لهجة اخرى بالكل هي والشاوية وزيد من الجنوب نعرف ناس من الاغواط وورغلة والجلفة كيما قريت مع باتنية وبساكرة زادة احيانا تلقى كلمات متشابهة واحيانا يقولو كلمات تبقى حال فموك واش قال المخلوق هادا
وكيما قالت روز في المنتدى وبالكتيبة ممكن الامر عادي بصح في الهدرة الي يبان الاختلاف انا نعرف نهدر قسنطيني وسوق اهراسي وكيما ناس الطارف وتبسي لخاطر هادو خارطتهم بزاف بقاها نعرف كليمات برك

 

[kiko ikoo]

انا نعرف نحكي قبايلية و العاصمي و بليدي و هراني و عنابي المهم البلاد الى تدينى ليها نقعد معاهم ساعة ولا اكثر نبدأ كيما هوما بصح جامي ننسى هدرتي
والرجوع إلي الاصل فضيلة (جزائرية و قبائلية )

 

[غزلان الجزائرية]

منكدبش اعليك خويا هما لغتين عنابية وتع بلادي وانا كي نتحدث بلغة بلادي مش كتفهموا غير شوي امالة من الخطرة الاولى منتحدثشي

 

[ZINA DZ]

الجلفاوية وقريب تروح سولني على اللغات الاجنبية صح

 

[zagane]

السلام عليكم

انا من كل ولاية جايب كلمة نسيت حتى لهجتي وعندي لهجة ميلونج

 

[صفاء والمروة]

اْنا لهجتي رايح عليا

 

[nada:bouira]

merci khouya pour l'incroyable sujet.

 

[aMiNa-K]

السلام عليكم

انا تعجبني لهجة ناس الجلفة مانعرف وعلاه .. شفتو هاداك فتحي اللي يديروه في التيليفيزيون .. انا نضل نشوف فيه و يقتلني بالضحك مانعرف وعلاه

كاينة اللهجة العنابية بزاف فووووووور .. تعجبني عنابة و نحب نروح ليها بزاف
هاد 2 لهجات نفهملهم شوية .. باقي اللهجات شوية شوية مانفهملهمش مليح .. سورتو القبايل تبانلي راهم يقولو "انجغ انجغ انجغ" مانفهم فيها ترن :d

احم احم ..ايه حقا اللهجة العاصمية هي الفور بزاف .. مكانش اللي مايفهملناش هيهيهييييي
حوحو:-h هههههههه
​

 

[ايمان مي]

ما نعرفش بزاف شويا نتاع القسنطينية و نحكي اللهجة نتاعي انا قالمية و نقدر نحكي عنابية لاني عشت فاها نص عمري
اممم زيد اللهجات الاخرين نفهمهم بصج جامي جربت نهدر كيفهم ههه
هادا ماكان

 

[bOùChRà jOùjOù ànGél]

نقد نهدر تموشنتية لولة تاعي b1 SùR وهرانية تلمسانية دزيرية قبايلية w léS lànGé lokhRin frànCàiS énGliSh eSpàgnol turkii àllménd itàliàno

 

[Pyar]

السلام عليكم ،، :d
هههههههههههه
و أنا نعرف نتكلم سوفي ، مسيلي ، وهراني ، تبسي ، خنشلي ، تلمساني ، سطايفي ، عاصمي و الكثير خخخخخ
لو كان نبقى نعد نوصل للـ 48 لهجة هههههههههه
بصح تبقى أحسن لهجة هي اللهجة " السوفية "
ربي يبارك علينا :d
سلامي ،، :d
​

 

[رنيم الصمت]

الجلفاوية اكثر لهجة مفهومة و حكيت مع اشخاص من بلدان عربية جنسيات مختلفة مصدقوش اني جزائرية قالولي منفهموش كلامهم لكن كلامك مفهوم ... اغلبهم يحسبونا سوارة هههههه مع انو لا علاقة
منعرفش نحكي لهجة اخرى يعني نتقنها ... الجلفاوية برك

 

[رنيم الصمت]

السلام عليكم

انا تعجبني لهجة ناس الجلفة مانعرف وعلاه .. شفتو هاداك فتحي اللي يديروه في التيليفيزيون .. انا نضل نشوف فيه و يقتلني بالضحك مانعرف وعلاه

كاينة اللهجة العنابية بزاف فووووووور .. تعجبني عنابة و نحب نروح ليها بزاف
هاد 2 لهجات نفهملهم شوية .. باقي اللهجات شوية شوية مانفهملهمش مليح .. سورتو القبايل تبانلي راهم يقولو "انجغ انجغ انجغ" مانفهم فيها ترن :d

احم احم ..ايه حقا اللهجة العاصمية هي الفور بزاف .. مكانش اللي مايفهملناش هيهيهييييي
حوحو:-h هههههههه
​

فتحي حنا ويقتلنا بالضحك ههههههه

:regards01:

 

[nada dz]

عندك الحق

 

[chifa2]

انا مالغرب mais نفهم gاع اللهجات ونقدر نهدر بيهم surtt كي رحت la fac وتلاقيت بناس من كامل الولايات