أنا مهبولة ولا كامل كيفي ؟؟

[الورد الأحمر]

لالا كاين منك بزااااف وانا منهم ههههه..
انا فوتيلي وقت لازمني شوي سيلونس ولا نولي ناكل في الناس هههه.
اواه لازمني وقت نقعد مع روحي ومش نتكلم بالصوت لكن داخليا نجتر افعال واقوال اليوم كامل
ولازمني نحاسب نفسي ولا نولي مجرد آلة...
وفي وقت الكتابة نوصل لمانهاية اذا ماقضاش الستيلو ههههه
ونظن لازم وقت صمت للانسان يريقل حساباتو ويخمم شوي لان كثرة الكلام والثرثرة تمنع التفكير السليم...
ويبقى السؤال مطروح يادرا الكلمات اللي انقصهم من الهدرة يتعوضو في الكتابة ولا هذوك حسابهم وحدهم ههه( باش نشوف روحي طبيعية ولا لا خخخخ)
...
ف

هههه جيستومون معرف الكلمات لي نكتبوهم هنا محسوبين مع الربعين ألف ولا هذو مش محسوبين على خاطر ع لحساب هذا علابالك يطلع عندنا الزايد هههه

مالا bienvenue في عالم لي يحكو وحدهم ومرحبا بيك لازم نديرو club خاص بينا :p

مرحبا بيك مهبولة في الموضوع

 

[الورد الأحمر]

Xأجمل حاجة اني نحكي وحدي ،يعني مع نفسي نقولها واش نحب و تقريبا كي نكون غضبانة.نخرج واش كاين في قلبي
يعني رانا كيف كيف نحتاجه باش نهدرو.مع ا واحنا

أم بداو يبانو غريبي الأطوار تاع المنتدى هههه

شفتي هذيك الحالة منين تكوني غضبانة ومبعد تسترجعي الموقف لي خلاك تكوني هكاك وتعاودي تمثليه وتهدري واش حبيتي تهدري في هذاك الموقف لوكان ما خانوك الكلمات وقتها

هذي تصرالي بزاف تاع نسترجع موقف ونعاود الحوار لي صار ونزيد فيه تعديلات نقول لوكان غير قلت هك وهك مالا نعاود نمثلو باه نحس روحي قلت هكاك

مغسي حبيبتي ع المرور :kiss:

 

[الورد الأحمر]

السلام عليكم
ههههههههه يا يما على الطفلة قتلتني ضحك
سورتو عجبتني تاع نتنارفا كي ما يوفروليش مساحة خاصة بيا هههههه والله وحدك
أطمني ماراكيش وحدك الجزائر مليئة بالمجانين ههههه اقصد المتحدثين صراحة أنا من الناس لي نموت على الحديث مع نفسي
ونعتبرها هواية هههه وخاصة خاصة فليل كي يرقدو الناس كامل لكن أنا الحديث تاعي بالساكت قليل وين نحكي بالصوت
يعني اذا توفرلي الجو المناسب هههه راني نحكي بالصوت واذا ماكانش والله في قلبي ندير اجتماعات ونقاشات عظيمة هههه
وخاصة خاصة تعجبني كي يروحو كل أهلي من الدار تما تبدا حصة التعارف بيني وبين نفسي نبدا نتكلم مع روحي نشبع هدرة
وكي نخلص نهز التيليفون ونسجل صوتي وأنا نغني في الاناشيد ونركز على مخرج الحروف هههه ونبقى نحاول حتى نخرج
أغنية جميلة نولي نسجلها ونسمعها كلما نقلق، المهم باه الناس لي ماعندهاش هاد الهواية تاع الحديث مع النفس وحابين يتعلموها
راني هنا نعتلكم الطريقة كيفاه، أولا لازم توضعو مستمع وهمي ويمكن يكونو أكثر من مستمع لكن باه ماتكسروش راسكم مستمع واحد يكفي
وأحكيو معاه في أي أمر تحبوه مثلا على أجمل أنشودة ولا أغنية تحبوها على أجمل مسلسل تفرجتوه على ظواهر يومية تشوفوها
المهم بردو قلبكم وماتنساوش تضيفوه بالقهوة والقاطو وكيفاه تجيبو يسمعلك باطل منها هو ياكل ونتا تاكل
وتعرفي تفكرت واحد الحكاية شبعت ضحك هادي العام لي فات كي مانقراش ونصبح في الدار مع ماما نكون في الكوزينة وماما في الصالون
ولا العكس أنا في الصالون وماما في الكوزينة نسمعها تحكي وبصوت عالي نقول آآو راهي تحكي في التيليفون؟ نطل عليها نلقاها
وحدها نقولها نتي مع من كنتي تحكي؟ تقولي مع روحي برك مالا نولي نضحك (زعما كلي أنا خير عليها هههه) وماما ولات حكاتلي حاجة
قاتلي ساعات كي نكون نحكي مع روحي ونتكلم مثلا على لا بوبال ولا قاتلي نقول حاشاك قاتلي معرف لمن ههههه
قتلها هاداك هو المستمع الافتراضي ههههه من تم والفت منين نسمع ماما تحكي وحدها نعرف بلي نتشاركو انا وهي نفس الهواية ههههه
وكيما قالها خويا مالك راني نحكي وحدي وماشبعتش نزيد نجي نكمل لكريدي هنا هههه وانا صراحة اجتماعية لكن ماعنديش اصدقاء
عندي غير عايلتي لي نحكي معاهم، وكيما قلت من أجمل اللحظات في الحديث مع نفسي هي في الليل قبل النوم لازم دايما نخلي فترة للحكايات هههه
نحكي مع نفسي حتى نشبع وكي يبداو عينيا يتغمضو نقول للمستمع الافتراضي تصبح على خير ونرقد ههههه
المهم ماتخميش سبيطار المهابل ندخلوه كامل كيف كيف ههههه خلي على الاقل تما يحتارمو الخصوصية ويخليونا نحكيو شوي يا سيدي حرية التعبير ههه
شكرا حبيبتي على الموضوع المميز ربي يهنيك
تحياتي


​

وعليكم السلام ورحمة الله

ههههه شفتي هذاك الوقت من الليل كيفاه تحلى فيه لحكايات مع النفس ! واش تعجبني الحالة كي نبقى في الظلمة ونحكي حتى يغدرني عبد ويشعل الضو ويقولي واش بيك قاعدة في الظلكة مهبولة !!! نحصلها في جلسة استرخاء هههه

أنتي القدرات تاعك واقيلا موروثة من عند أمك الله يبارك عليها ربي يحفظها أي قايمة بروحها وتحكي وحدها حتى هي

أنا عجبتني تاع تقول حاشاك للمستمع الإفتراضي تاعها محترمتو وكل شي خوفي يطلع شي واحد من العالم الآخر بالاك كاش نهار ينطق معانا واحد يقولنا فسدتولي الخلوة تاعي مع نفسي ههههه

أنا والله ما نقلق كي يخرجو الكل صح نخاف مرات بصح نص من الوقت يروح في الصايبة تاع نحكي مع الناس الافتراضيين تاعي ندير الصوايب معاهم وكلش :p:p

في الليل كي نتحط في فراشي نكمل الرة في راسي نغمض عينيا ونكمل واش بقى في خاطري بالخيال يعني بالخيال أو تتخيل صورة وتشوفها وكل شي حتى نغفى ما يلحقنيش الوقت نبقيهم بخير هالناس لي كل يوم خدامين معايا في لحكايات تاعي مع روحي هههه

انتي أو سميتك مولات الجرنان على خاطر جامي شفتلك رد قصير وتقول عديتيني ولاو ردودي الكل طوال حتى نحير كيفاه كتبتهم :p

مغسي حبيبتي ع المرور والإضافات وسلملي على ماماك الزعيمة تاعنا

 

[الورد الأحمر]

أنا لما نكون وحدي نرتل بلا ما نعرف واش راني نقرا يعني لو نتوقف فجأة ما نعرفش واش كنت نقرا
و ايضا نأذن بزاف و ننشد و أحيانا أصبح كاظم الساهر هههههههههه بصح موش بزاف نتفكر أيام الصغر

الترتيل فيا تاني نبدا ونفض وما نفيقش بصح هذو داخلين في اللاوعي هك حتى تلقى روحك ترتل واش حافظ ولا واش راك تحاول تحفظ وتبقى تعاود حتى ينتقل الحفظ من عقلك الواعي للعقل اللاواعي كي يوصل تم معناها راك حفظت الحفظ لي نسكوه عن ظهر قلب .

أنا نحكي ع لي يحكي وحدو كيما كي يحكي مع الناس هههه شغل مهبول بصح بصحتو راك فاهم عليا

كاش نهار كي تلقى روحك تحكي وحدك أتفكر جماعة اللمة لمهابل

مشكور أخي محمد ع المرور

 

[الورد الأحمر]

ااااواه اجري لطبيب يا طفلة راكي هبلتي هههه
الصح انا مانحكيش وحدي الا الا الا ههه كي نكون نفكر في حاجة هامتني و شاغلة بالي ياسر مانفيقش نلقى روحي نهدر وحدي
معناتها مش لازم تخصي وقت على جالها هههه هذا هبال صح

هههههه المهم عندك مواقف تحكي فيهم وحدك

مازال ما ناوية نجري بروحي لطبيب نفسي على خاطر راني في كامل قواي العقلية نحب برك نصاحب روحي ونحكيلها هههه

كل واحد عندو لحظات صادقة مع نفسو، لحظات خصوصية وأنا هذي هي لحظاني تجيني بالطريقة هذي نحكي مع روحي حتى نقلق من روحي نلتفت لشي ثاني

مشكور أخي ع المداخلة والمشاركة يعطيك الصحة

 

[الورد الأحمر]

السلام عليكم
وراكي حكيتي قيس يومين الله يكون فعونو المخلوق نتاعك ههههه
شوفي الخبر المفرح ماراكيش وحدك كامل نحكو وحدنا مي ارواحي نفهمك
ماكانش منها ناس علاقتهم محدودة انا اجتماعية فوق الحد نحكي مع الناس عادي ما عنديش مشكل وعندي صحابات وما نلحقش فالماسنجر يعني نظل نهدر مش وحدي مي نهدر وحدي لانو نرتاح خصوصية تحسي روحك صديقة مع نفسك انا نحب هذا الشعور انو نفسي هي صحبتي وندابزو منين ذاك نحاسبها نعاتبها مي ما نكثرش ثاني نهبل صح
انا نكون زعفانة ومقلقة على بالك تقولي دوار راه معايا فالشمبرة نمشي ونغلي نهدر نهدر نهدر حتى فمي يقولي الرحمة هالوالدين خليني نريح خمس دقايق
انا نهدر حوالي 40000 مي كي نولي نعاير 400000 نولي ندوبلي هههه
موضوع شباب هههه غدوة نزيد نجي نهدر هههههه هدرت نصهم اليوم خلي النص غدوة

وعليكم السلام ورحمة الله

هههه علابالي مانيش وحدي لوكان ما تجرأت نعمل الموضوع تقولو المدير مهبولة ولا الرئيسة تاعنا رفع عليها القلم ههه وتولو ما تاخذوش رايي

بصح كيف ما قلتي نحب هك نحكي مع روحي زعمة صديقة نفسي الشي لي نحب نبدلو من موقف نعاود نسترجع الموقف ونبدلو. الشي لي حبيت نقولو لشخص وخانوني الكلمات نعاود الموقف ونقول واش حبيت نقول. عندي كلام ناوية نقولو لشخص نحضر لكلام ونتخيل هذاك الشخص معايا ونمثل الموقف لي ناويتو باه نقدر نقولو لكلام لي ممكن يكون ثقيل وما يتقالش

يعني هكذا ومرات لا هذو لا هذو جيست هك برك نحب نحكي مالا نحكي أي شي حتى ولو حكاية خرطي

تسمى انتي تحكي في الواقع وفي الافتراض واقيلا انتي حالة شادة لازم يديرو عليك دراسة بالاك تدخلي كتاب غينيس

المهم ما تكمليش لكخيدي تاع اليوم وأرواحي زيدي أحكيلنا هنا

مغسي ليلوش ع المرور يعطيك الصحة :kiss:

 

[Malika Tlm]

مساء الورد ختي
تعرفي انا لا لا منحكيش وحدي تلقايني نكون نغني مرات ولا التسبيح
تعرفي انا طبيعتي نكرر هههههه زعما ندير بروقرام نتاع غدا ا يا نبدا نعاود فيه ونعاود ووووو ونخدم المخ نتاعي مسكين يتفورماطا ههههههههه حتي نقول ا يا واش بيك مليكة ههههه
انا نحكي سواء مع العايلة الواتس اب مع صحاباتي وووووووووووو
متتقلقيش حبوبتي بزاف ناس فيهم الخدمة هذي
تحياتي حبيبتي:Love:

 

[زاد الرحيل]

مساء الورد ختي
تعرفي انا لا لا منحكيش وحدي تلقايني نكون نغني مرات ولا التسبيح
تعرفي انا طبيعتي نكرر هههههه زعما ندير بروقرام نتاع غدا ا يا نبدا نعاود فيه ونعاود ووووو ونخدم المخ نتاعي مسكين يتفورماطا ههههههههه حتي نقول ا يا واش بيك مليكة ههههه
انا نحكي سواء مع العايلة الواتس اب مع صحاباتي وووووووووووو
متتقلقيش حبوبتي بزاف ناس فيهم الخدمة هذي
تحياتي حبيبتي:Love:

يعني انت ماش منا لازم تهدري وحدك كما احنا

 

[السلطانة]

وعليكم السلام ورحمة الله وبركاته

هههه درك وين فهمت المخلوق كي يجي لعشية من الخدمة ويتكى يفترج في mbc 2 وانا نهدر ونهدر ونهدر
وهو او مركز وانا نهدر ونقولو او سمعتني
يقعد زمان ويرجع يقولي واش قلتي
هههههههههههههه
نقولو تحقر فيا وماش ماديها فيا اصلا
وهو كلماتو ام فضو يضطر يهدر ويخرج الهدرة بالسيف
انا نهدر وحدي ديما غير درك كنت هدر ونحلل في وحد الفيلم صرا قدامي من بطولة نسوم هههههههه
وكي نعود نغسل في لماعن نهدر
وننطلق بالهدرة حتان نكمل
وصح انا صديقاتي محدودات
وكي نروح لدارنا منسكتش بالهدرة مع ماما
والعكس ماما اجتماعية وعندها صديقات بزاف بزاف ولكنها تهدر بزاف
يعني الشعب الجزايري مضروب هههههه وكل واحد عندو واحد خيالي يهدر معاه

 

[همس الوُرود]

السلام عليكم
سبحان الله نهار الي جيت نطل فيه نلقى موضوع كيما هكا ^^
اليوم بالذات اليوم بالذات أنا فالطريق نمشي ونحكي مع روحي ههههه
الحمد لله لقيت الي كيفي كنت حاسبة روحي وحدي مزال ماحكيتش سري للناس هههههههههه
بعد نهار فات عليا صامط
مارقدتش كامل لل6 ونص تع الصباح رقدت ساعة ونضت نجري للجامعة راسي يدور مالقيتش الأستاذة الي نحتاجها
جيت رايحة نفليكسي تغلقتلي لابيس البوشات الي نحط فيها الدراهم نسيتها فالدار ليبيس مغلوقين بن عمييي صرا فيا العجب وكي دبرت بش نروح فالطرونسبور
عيطتلي صاحبتي تحتاجني ايرجو لااااازم نعاود نطلع ليها طالعة ونهدر والله ماعلابالي لاشافوني ولا لالا نهدر برك أنا حياتي ديما هكا بن عمي وكانت جاية طوموبيل من بعيد
أرواحي أضربيني هنا نموت خيرلي اووووه ماعرف علاش هكا سبحان الله ونحكم البون تع موبيليس قلتلو ايا قولي علاش نشري فيك دوك كون راني روحت لباس
قاعدة غير نهدر ههههههههههههههه
خلي برك مرات بزاف تصرالي نكون نهدر يجي فايت واحد هكاك مقابلني نغطي فمي ههههههههههههههه كارثة والله
وأنا فالأصل نورمال نحكي مع البنات بصح مش إجتماعية بزاف كاين ناس معينين كيما قلتي مي نورمال نخالط المهم فالنص مش إجتماعية واجتماعية فنفس الوقت خخخ
أنا نقولك ربي يشفيك ويشفيني ويشفي الي كي حالتنا إن شاء الله ههههه
بارك الله فيك على الموضوع أختي نور خليتيني نفرغ قلبي​

 

[الورد الأحمر]

مساء الورد ختي
تعرفي انا لا لا منحكيش وحدي تلقايني نكون نغني مرات ولا التسبيح
تعرفي انا طبيعتي نكرر هههههه زعما ندير بروقرام نتاع غدا ا يا نبدا نعاود فيه ونعاود ووووو ونخدم المخ نتاعي مسكين يتفورماطا ههههههههه حتي نقول ا يا واش بيك مليكة ههههه
انا نحكي سواء مع العايلة الواتس اب مع صحاباتي وووووووووووو
متتقلقيش حبوبتي بزاف ناس فيهم الخدمة هذي
تحياتي حبيبتي:Love:

أهلا أختي

هههه هذي تاع لغنا أي فيها فيها والتسبيح والأذكار فيها بصح نحكيو ع الجانب هذاك الأنتيم مع روحك كي تشوف روحك لامي آنتيم وزعمة تحكي مع روحك هههه ولا تدير في راسك جلسة كلي الناس ام هنا قاعدين معاك وتحكيلهم وتانفونثي حكايات وتخرطي هههه أنا هك مرات تصرالي

انتي راكي من الجماعة هذي مي باعتدال أنا شغل بوكيمون مطور عليك في الجانب هذا الغريب

مشكورة ع المرور والمشاركة حبيبتي تسلمي :kiss:

 

[الورد الأحمر]

يعني انت ماش منا لازم تهدري وحدك كما احنا

مازال ما تطورتش برك هههه مع الوقت بالاك تتطور

 

[الورد الأحمر]

وعليكم السلام ورحمة الله وبركاته

هههه درك وين فهمت المخلوق كي يجي لعشية من الخدمة ويتكى يفترج في mbc 2 وانا نهدر ونهدر ونهدر
وهو او مركز وانا نهدر ونقولو او سمعتني
يقعد زمان ويرجع يقولي واش قلتي
هههههههههههههه
نقولو تحقر فيا وماش ماديها فيا اصلا
وهو كلماتو ام فضو يضطر يهدر ويخرج الهدرة بالسيف
انا نهدر وحدي ديما غير درك كنت هدر ونحلل في وحد الفيلم صرا قدامي من بطولة نسوم هههههههه
وكي نعود نغسل في لماعن نهدر
وننطلق بالهدرة حتان نكمل
وصح انا صديقاتي محدودات
وكي نروح لدارنا منسكتش بالهدرة مع ماما
والعكس ماما اجتماعية وعندها صديقات بزاف بزاف ولكنها تهدر بزاف
يعني الشعب الجزايري مضروب هههههه وكل واحد عندو واحد خيالي يهدر معاه

ههههه اي وي يا يكون كملو معاه لكليمات لي عندو يا يكون في حالة وين راه ما علابالوش أصلا فواش راه يخمم على خاطر لمرا عندها تفكيرها شبكي بمعنى تقدر تحكي معاها في موضوع وتنتقل لموضوع وتنتقل هي معاك عادي وشبهو تفكيرها بالشبكة يعني عبارة عن نقاط متشابكة أفتح معاها أي موضوع تلقاها تجاوبت بسرعة بصح الرجل تفكيرو غير هو تفكيرو صندوقي وشبهوه هكا على خاطر ما يتفاعلش ليه ليه مع الموضوع كي تبدلو يعني هو لو جينا نفترضو أنو راسو حاسوب رح تلقى المواضيع عندو مرتبة في فايلات فايل العائلة فايل الأصدقاء فايل العمل وكذا إذا جيتي وحكيتي معاه في موضوع يخص العائلة اتخيليه كلي جاب صندوق مقفول وحلو وبدا يحكي معاك وفق المعلومات لي عندو في هذاك الصندوق ولو بدلتيلو الموضوع انتقلتي لموضوع مثلا العمل رح ياخذ فترة حتى ينتقل واتخليه كلي راه يقفل في صندوق الموضوع لي حكيتي معاه فيه من قبل ويرجعو لبلاصتو ويعاود يجيب صندوق العمل ويحلو وسع يحكي معاك ويردلك طبعا مش راح ياخذ فترة طويلة مي بالمعنى هك وطبعا المرأة تسبق الرجل في النقطة هذي من ناحية أنو ليه ليه تقدر تغير الموضوع مقارنة بسرعة التغيير عند الرجل ولمليح في الرجل أنو عندو صندوق فارغ يعني بمعنى مجازي عندو فترة وين يكون عقل الرجل فيها في أدنى القيم احنا نقولو يخدم بالمينيموم ساغفيس هههه هذا الصندوق الفارغ عادة ما يكون قدان التيليفيزيون يبانلك راه يتفرج وتحكي معاه مي ما يردش ويبانلك مطنش ولا يفكر في شي ومش مشاركك فيه بصح هو في الصح أو ما يفكر في والو وما علابالوش أصلا بلي راه في عذاك الصندوق الفارغ بمعنى لا إراديا يوصل عقل الرجل لفترة وين يحبس جزئيا ع الخدمة وياخذ راحة وهذي الخاصية ماكانش في عقل المرأة

هذي معلومات علمية مانيش نخرط برك من راسي ههههه يعني هو وقتها أو يا خلصولو الكلمات يا راه فاتح الصندوق الفارغ هذا ماكان

انتي او من بكري مسوطيلك عرق كيفي علابيها تفاهمنا مليح ويا محلاها لحكايات وقت غسيل لماعن تشاغلي روحك حتى تلقايهم كملو

مغسي ع المرور والمشاركة حبيبتي :kiss::kiss:

 

[الورد الأحمر]

السلام عليكم
سبحان الله نهار الي جيت نطل فيه نلقى موضوع كيما هكا ^^
اليوم بالذات اليوم بالذات أنا فالطريق نمشي ونحكي مع روحي ههههه
الحمد لله لقيت الي كيفي كنت حاسبة روحي وحدي مزال ماحكيتش سري للناس هههههههههه
بعد نهار فات عليا صامط
مارقدتش كامل لل6 ونص تع الصباح رقدت ساعة ونضت نجري للجامعة راسي يدور مالقيتش الأستاذة الي نحتاجها
جيت رايحة نفليكسي تغلقتلي لابيس البوشات الي نحط فيها الدراهم نسيتها فالدار ليبيس مغلوقين بن عمييي صرا فيا العجب وكي دبرت بش نروح فالطرونسبور
عيطتلي صاحبتي تحتاجني ايرجو لااااازم نعاود نطلع ليها طالعة ونهدر والله ماعلابالي لاشافوني ولا لالا نهدر برك أنا حياتي ديما هكا بن عمي وكانت جاية طوموبيل من بعيد
أرواحي أضربيني هنا نموت خيرلي اووووه ماعرف علاش هكا سبحان الله ونحكم البون تع موبيليس قلتلو ايا قولي علاش نشري فيك دوك كون راني روحت لباس
قاعدة غير نهدر ههههههههههههههه
خلي برك مرات بزاف تصرالي نكون نهدر يجي فايت واحد هكاك مقابلني نغطي فمي ههههههههههههههه كارثة والله
وأنا فالأصل نورمال نحكي مع البنات بصح مش إجتماعية بزاف كاين ناس معينين كيما قلتي مي نورمال نخالط المهم فالنص مش إجتماعية واجتماعية فنفس الوقت خخخ
أنا نقولك ربي يشفيك ويشفيني ويشفي الي كي حالتنا إن شاء الله ههههه
بارك الله فيك على الموضوع أختي نور خليتيني نفرغ قلبي​

وعليكم السلام

زعمة تاع بنادم يخمم في الشؤم: ما صبحتيش ع قطة كحلة ؟ هههه يخي مساكن لقطاط لكحل ديما محصلين فيهم العكسات تاعنا إذا صبحنا عليهم

نهارك معكوس كي نهاري مالا أنا تاني رجعت للدار نحكي وحدي في الطريق بصح ما تولهوليش لعباد كل واحد لاهي مع روحو

كي تحكي مع روحك أي راحة نفسية لا يعرفها الكثيرون ههههه علابالك بلي كاين لي يداويو رواحهم بالهدرة ! وكاين العكس بالهدرة يندبو لرواحهم يعني حكاية العقل اللاواعي يبرمجك ع حسب واش يسمع منك برك

يا سيدي أنا رحت نخدم وصلت لقيت الورقة تاع لبوانثاج رح يبعتوها للأمانة العامة وأنا مازال ما بوانثيتش وحكمت هذا لي رح يديها قلتلو هات نشوف كان بوانثاولي ولا نو باه نقرر نبقى ولا نروح خاف يمدهالي ! المهم قريب ارتكبت فيه جريمة وبقيت وراه بسيف مدهالي كي بقالي العرق اللخر تاع اللطافة كون زاد فيها شوي يروح كلش ونتحول لشخص ثاني. وطبعا واحد ما بوانثالي وما نطيحش بروحي تاع نطلب الإذن باه نبوانثي مالا خيرت نروح للدار بصح طريق كاملة وأنا نحكي وحدي عليهم: نفايات بيولوجية تستحق الموت، خوافين، حركى، ويقولو نحررو فلسطين !! وهو ورقة تأشير خاف لا يمدلي نشوفها !! ووابل آخر من الكلمات

المهم حبيبتي عبري على شعورك مع روحك ما تعيشيش في دين عاطفي مع نفسك أسعد الناس لي يحكو مع رواحهم ويشبعوها إيجابية

مغسي ع المرور والمشاركة الزينونة :kiss::kiss:

 

[*رحيق الزهور*]

ههههههههههههه
عجبني موضوعك اختي يعطيك الصحة ههه
انا وحدة لوكان مانهدرش مع روحي مانحسش روحي مليحة ههههه
خاصة ادا كنت مقلقة نشوف في لمرايا ونبدا قتلي وقتلك وفيك ومافيكش وهي رايحة ههههههه
حتى نحس روحي فرغت كلش باش نسكت هههه

 

[الصحافية الساخرة]

ههههههخخههههههخخه دخلت نضحك ختي وردية ما حملتش ، واقيلا كي غبتي علينا بزاف صراتلك هكا @الامين محمد يكون هو دعا فيك ههههههه

شوفي ما دام عطيتينا معلومة نزيدلك انا معلومة اخرى ، من علامات الهبال الاولية تولي تكتبي بالغوز هذا ههههههه ، امخلوقة فكرتيني فالشيوخ اللي نلقاهم يتمتموا وحدهم ههههههه، روحي اجري على روحك .. انا صح نهدر في ڨلبي ساعات مثلا نخاطب نفسي نحكي صوالح سيلونس مع نفس هذا كي يكون طايحلي مورال هههههمي باش نحرك شواربي ونهدر وحدي من الموحالهههههههههه جاتني بيزار أنا حتى كي نرفد تيليفون فالطريق ونشوف فيه نقرى ميساج ولا ونعس روحي باش ما يتحركوش شفايفي نخاف يقولوا عليا مهبولة ويشوفوا شواربي يتحركوا وما يشوفوفوش التيليفون تما خلااات حكم علي بالهبال دون التدقيق من طرفهمهههههههه

الحالة هذي تتطور مع الكبر نهار تولي عجوزة كيفاه هههههههه
مرسي ختيتو على الموضوع ضحكتيني و ربي يسترهههخههخ ( كنت نسمع هنا واحد يهدر وحدو فاللمة بصح ماكنتش علابلي بلي انتيا )هخ

 

[ضيوف وسـنغادر]

السلام عليكم
موضوع هايل اختي يعطيك الصحة
ني مهبولة ني والو مكانش اللي ماحكاش مع روحو
انا كنت قبل سنوات نحكي مع روحي كي كنت حابة نفهم كش حاجة لما نقرى أو ننصح روحي وبزاف ميادين هه
لكن نسيت وقتاه حبست
قضية اجتماعية او لا ايه اجتماعية مي مرات نكره التجمعات ونحب نعتزل والله نقلق
وكي نكون وحدي وليت منحكيش مع روحي اوغالمو مي مدمنة تفكير نخمم بزاف في الناس واحوالهم او احوالي ووش ندير
يعني لما منرحتاش لكش انسان او نكون وحدي مدينة ضجيج تسكن راسي
مي متمنية نرجع نحكي مع نفسي لانو علابالي فيها راحة
تقبلي مروري
​

 

[الامين محمد]

ههههههخخههههههخخه دخلت نضحك ختي وردية ما حملتش ، واقيلا كي غبتي علينا بزاف صراتلك هكا @الامين محمد يكون هو دعا فيك ههههههه

شوفي ما دام عطيتينا معلومة نزيدلك انا معلومة اخرى ، من علامات الهبال الاولية تولي تكتبي بالغوز هذا ههههههه ، امخلوقة فكرتيني فالشيوخ اللي نلقاهم يتمتموا وحدهم ههههههه، روحي اجري على روحك .. انا صح نهدر في ڨلبي ساعات مثلا نخاطب نفسي نحكي صوالح سيلونس مع نفس هذا كي يكون طايحلي مورال هههههمي باش نحرك شواربي ونهدر وحدي من الموحالهههههههههه جاتني بيزار أنا حتى كي نرفد تيليفون فالطريق ونشوف فيه نقرى ميساج ولا ونعس روحي باش ما يتحركوش شفايفي نخاف يقولوا عليا مهبولة ويشوفوا شواربي يتحركوا وما يشوفوفوش التيليفون تما خلااات حكم علي بالهبال دون التدقيق من طرفهمهههههههه

الحالة هذي تتطور مع الكبر نهار تولي عجوزة كيفاه هههههههه
مرسي ختيتو على الموضوع ضحكتيني و ربي يسترهههخههخ ( كنت نسمع هنا واحد يهدر وحدو فاللمة بصح ماكنتش علابلي بلي انتيا )هخ

هههههههههههه يا أختي طمطومة كل يوم نزيد نتأكد انك مهبولة من الدرجة الأولى هههههههههههههههه

 

[GI Joe]

salaam
ana nahder wahdi ki nkoun ragda baark sinon f nhar en silencieux sema tekhmam bark, sratli ta3 ydjini fou rire w nkoun wahdi fi dik sah li ychoufni ygoul makhssosa chwia
ama social ou pas normal bark, 3aycha m3a 2 3bed w hyati kamla b3ida 3la mama mais doka ana kemelt 9raya w hia retraitée meli nodh w ana nahder tgol bla3t cassette ani ndepassi 40000 mots

 

[الورد الأحمر]

ههههههههههههه
عجبني موضوعك اختي يعطيك الصحة ههه
انا وحدة لوكان مانهدرش مع روحي مانحسش روحي مليحة ههههه
خاصة ادا كنت مقلقة نشوف في لمرايا ونبدا قتلي وقتلك وفيك ومافيكش وهي رايحة ههههههه
حتى نحس روحي فرغت كلش باش نسكت هههه

أهلا أختي ...

انتي راكي دايرة حالة كيفي ههه أنا تاني لازم نحكي مع روحي باه نحس روحي أحسن ومليحة سواء نحاسب روحي ولا ندير جلسة مع روحي باه نحكي برك المهم بالنتيجة أنا أو نحكي وحدي وخلاص وهذا هو لبليزيغ تاعي

بردي قلبك حكايات أو واحد ما يفيقلك كي ما تقوليش وتصرحي بصوت عالي بلي راكي تحكي وحدك

مغسي ع التواجد في الموضوع حبيبتي :kiss: