اولا حبيبتي السفة تكون رقيقة جدا
تسوميها في الماء اولا واذا جاتك هاذ المرحلة صعيبة بخيها مليح مليح وخليها تتشرب هذاك الماء كله راح تلقايها بعد مدة شاحت ومن بعد فوريها مرة اولى نحيها من الكسكاس وبخيها بالماء ومتكثريش بزاف بزاف وخليها على جنب القصعة تتشرب الماء والملح ما تنسايش
ولما تتشرب دريلها شويا زيت باه تتفتح من بعضاها وعاوديلها التفوار
واعيدي واش درتي مع الفورة الاولى بخيها بالماء وخليها تتشرب مادريش الملح
وكي تشيح عاودي فوريها
تكوني وجدتي الزبيب حطيه في ماء مغلي وخليه حتى يطرا
تكون السفة او المسفوف كيما نقولولو حنا فار نحيه وخليه في القصعة يبرد شويا
بعد ما يبرد دريلو كمية من السكر انت واش تحبيه حلو بزاف اولا وقطري الزبيب من الماء وزيديه للسفة ومن بعد يجي دور الزبدة ذوبيها وسمغيه بيها هكاك تكوني انهيتي طبيخ السفة
حطيه في صحن وزينيه بالمكسرات والا انصاف حبات تمر و قليل من السكر في وسطه اللي يحب ياكل بالسكر ويقدم مع اللبن بارد
وشهية طيبة
طبقيه ورديلي اذا خرجلك مليح
هاذ الكيفية علمتهالي امي رحمة الله عليها
وراهي ناجحة