امراة مهزومة

[ندى الورود]

السلام عليكم
والله تاثرت جدا لقصتك واش نقولك اختي كل انسان مبتلى في هذه الحياة
وانت الله ابتلاك فإصبري وما عليك إلا الدعاء ثم الدعاء ثم الدعاد خصوصا في السجود
وادعي مع البكاء
اكثري من الإستغفار والذي هو مفتاح الفرج وتأكدي ان الله لن يردك خائبة
حاولي مع زوجك مرارا وتكرارا وكلميه برفق
ربما مسألة الانجاب مأثرة عليه كل رجل حلمه ان يصبح أبا
لهذا هو عصبي حاولي استشارة طبيبة نساء لدي صديقة طال موضوع إنجابها والأن لديها ماشاء الله 4 اولاد
ربي يفرج عليك أختي لعزيزة ويهدي زوجك آمين أمين يا ربي العالمين

​

 

[رضوة الجزائرية]

قولي يا اختي يارب اشكوك همي وانت فارجه وانت اعليم بدات الصدور رحماك يا الله رحماك ياالله رحماك الله يافارج الهم والغم هدا ما اقول والاخوة كفو ووفو مشكورين
بركة كلمة اضيفها عيشي حياة سعيدة في قلبك لا تنتظري منه شئ ودعي ربي يفرج عليك وسعدي حياة باي طريقة ادا هو صاير يتعامل هكدا واش رايحة تبقى غير عندك النقطة برك ابوك عايش حياتو وخوتك والناس اجمعين وهو تاني يكون عايش حياتو اكيد مين راهو ينكد عليك يا اختى فرحي قلبك وسعدي نفسك مهما كان وضحكي وفرجي ولبسي ولو لنفسك اسعدي نفسك لانكي رايحة تعيشي مرة وحدة برك كانت هكدا حياتي مشابة بصح يوم سمعت وحد الحديث ولوحد الداعية لقيت عندو الصح علاش مانسعدش روحي في وسط هدا الهم ونفرح ولقيت نتيجة اني مراتحة في وسط الهم والغم ولقيت روحى فرحانة وسعيدة ومبسوطة ولي يقول كلمة نضربها عبر الحائط وجربها وردي علي صديقيني قال لك كلمة لا تجيبيه وقولي استغفر الله ما كلمكش انت كلمه عادي وخليه مايكلمكش وتشوفي هو رايح يتسائل هدي مالها تكلمني بلا زعاف
اما عن قضية الولدة اي الدرية ممكن فيهم ادى ليكم
الخير فيما اختاره الله تدكري قول الله والرسول وماتنسي لو اجتمعت الانس والجن على ان يضروكي بشي لن يقدور اولو على ان ينفعك لما قدرو لانه جفت الاقلام ورفعت الصحف والحمد لله ربي ما ينساناش ابدا
عيشي حياتك لحظة بلحظة لنفسك برك وقولي انا تاني من حقى نعيش وردي علي وادا احتجتي اي شي انا اختك فالله اساعدك مهما كان الثمن نتمني مانكونش كثرت وشكرا ​

 

[ملاك شهرزاد]

يبارك فيكم جميعا يبارك فيك اختي رضوة ويارب تكوني بخير وانتي تاني حبيبة اي حاجة احتجتيها راني هنا ربي يسعدكم جميعا يارب

 

[حاملـة المسك]

السلام عليكم


و الله اختي لو كان الانتحار حل لنتحرت نصف سيدات العالم العربي
هذا ابتلاء من الله و جهاد مع النفس و لو ان الله ما احبك ما ابتلاك

زوجك معندوش الحق ابدا يمد يدو ليك و لا سكتي راح يوالف و يولي شيئ عادي عندو صح انا نوصيك بالصبر و اللجوء الى الله
لكن في نفس الوقت اطرح سؤال اين والدك و اخوتك اعمامك اخوالك في كل هدا

زمان منين كانو الرجال يوقفو على الحق .. في واد ميزاب المراة لا قدمت شكوى على زوجها في الجامع مايطيح المغرب نيكونو حلولها مشكلها

تاني اختي ننصحك تحاولي تتفهمي زوجك و طبايعو اذا ما يحبش تتطلعي على امورو حاولي تبتعدي
تاني مسالة الانجاب هو حارمك من حقوقك الزوجية و الامومة ... اذا هو متعدي على ما شرع الله

اهداي اختي
و راهي معاك اختنا ام منصف لراني متاكدة راح تساعدك كتير لانو كلمتين كتبتيهم ما راحش يساعدونا باش نفهموك مليح و نساعدوك كم ينبغي

و قل ما يصيبنا الا ما كتب الله لنا ... دعواتي الطيبة لك اختي.

شكرا لك اخي /م/ على دعوتي هنا في ميزان حسناتك.
​

 

[Djamel.Dz]

أختي الكريمــة هي قصص ألفانها كثيـرا في مجتمع أصبح لا يرحم
وأنت اصبحت تفتقدين لشيئين مهمين في حياتنا
أولهما حنان الزوج و الثاني عطف الوالدين
المهم كبري خاطرك اختي ، و ما تنسيش ربي سبحانه مع الصابرين
و طلبي الهداية لزوجك ليلين قلبــه نحوك.
ربي يكون معاك اختي
​

 

[خيرة جانت]

السلام عليكم
شوفي أختي الكريمة
أنا راح نتناول الموضوع بطريقة وحدة أخرى
شوفي ويلا راكي ديتي هذا الشخص عن رضا وحب
وطيب خاطر فعليكي أنت أن تجدي حل المشكل اللي وصلكم
لهذا الأمر ولازم عليك ترجعي شريط حياتك ملي عرفتيه لهذا
اليوم وحاولي ديري سلبياتو في جيه وإيجابياتو في جهة وحد أوخرى
ولازمك تكوني موضوعية جدا في هذا العملية
إذا كانت إيجابيات السيد ملي عرفتيه إلى يومنا هذا
أكثر من سلبياته فعليكي بتدارك الأمر وشوفي فاش قصرتي في حقو
وأجعلي له مبررات ممكن قادرة تخليك تحسني علاقتك بيه
ممكن أسلوب المعاملة بيناتكم راه غالط ولا طريقة التواصل بيناتكم راها مفقودة برك وبالتالي رزمك ديري شويا مجهود باش تحسني العلاقة
لان عشرة ستة سنين ماشي قليلة ومش اللي يرميها الإنسان ولاينساها بكل سهولة كما أن الطلاق مش حل خاصة وانت تعرفي ظروفك كثر من غيرك وبالتالي ننصحك ماتتسرعيش خاصة إذا كان السيد ثقي ويعرف ربي فلا تخشي منه خطش يعيا يظلم بالصح مصيرو يرجع لمولاه ويكفر عن ذنبو
أما إذا كانت سلبياتو أكثر من إيجابياتو ومايخافش مولاه فيك
واش نقولك اللي خلق مايضيعش وما تزيديش اذلي روحك معاه أكثر
من هاك ربي يعينك ويصبرك على محنتك
وبربي نسمعو عليك خبر يفرح في القريب العاجل
أما الأنتحار فأنسايه ونحيه من قاموس حياتك
لانو ماكانش حاجة في هذا الدنيا تستاهل الواحد يقتل
روحو على جالها ونفسك أمانة عندك لازم تحافظي عليها
وتخافي مولاك فيها

ختاما سمحيلي على صراحتي إذا كانت أزعجتك في مواضع
وصح فطوركم وصحوركم
ورمضانكم
​

 

[حكاية قمر]

اختي في الله قصتك هزت كياني هز حبيبيتي استعيني بالله فلا معين لك غير الله عز وجل وحمديه وادعي لزوجك بالهداية وصدقيني الالاف تعاني نفس معاناتك اصبري وثابري واستخيري فصلاة استخارة هي افضل ما يمكن ان يعينك في حالة كهده واياك ان تدمري بيتك وتهدميه حاولي مع زوجك مرات ومرات وكوني الزوجة الصالة الودو لا المراة التي يهرب منها اختي اخيتي في الله اكثري من الدعاء فالدعاء خير وسيلة حبيبتي لا تستسلمي ولا تتركي زوجك كما قلت ليس لك مفر منه الا اليه او الى اب وزوجة اب ما عن مشكل انجاب لديا خالتي نفس قصتك 7 سنين ولم تنجب ولكن في اونة الخيرة حدث لها حمل واتمت الحمل حتى 8 اشهر ومات الجنين اصيبت بصدمة نفسية وعانت الكثيير ودائما كانت تقول لي ياريت ما حملت ولا عرفت اني نقدر نجيب اولاد باش ما نتعدب هاد لعداب احساسها والمها زاد اكتر من الماضي حبيبتي عودة الى موضوعك ضرب زوجك لك فدا لم يتوقف وزاد الامر حدة لديك اب يحن توددي اليه وابكي له واشتكي له وقولي له بصوت حنين ابي اني اعاني لان زوجك يجب ان يعلم ان وراك ابا ورراك سندا فكونك ترديين انك يتيمة وليس لك احد لربما ما زاد من جبروته عليك وجعله يفكر انه لا مفر منه فهو ملادك الوحيد وهدا امر خاطئ ومععظم النساء يقمن به بالعكس حسسيه انك لست وحيدة ولا عالة على احد اخيتي اوصيك ثم اوصيك اياك وان تهدمي بيتك تصرفي بحكمة وعقلانية وتركي عنك فكرة انتحار فهدا حرااااام ولا مبرر له قلبي معك ولن انساك ولن انسى قصتك وسادعو لك في كل سجدة ومناي ان اقرأ في هدا المنتدى موضوعا لك ولكن عنوانه الحمد لله استجاب الله لدعائي
اختك في الله
​

 

[حكيك]

السلام عليكم
اولا مرحبا بيك معانا هدا بيتك التاني راكي مع خاوتك

تانيااكثري من الإستغفار والذي هو مفتاح الفرج واطلبي ربي يهدييه اصبري برك يجي اليوم لي يتغير ويرجع كيما راكي متمنية لاخطار مع عندكش اي الحل لا للطلاق ولالي انتحار
ربي يكون معاك اختي

 

[imane27]

alah ykoun fi 3anak oukhti
​