نفد صبري

sasou sm

:: عضو منتسِب ::
إنضم
27 جوان 2014
المشاركات
10
نقاط التفاعل
10
النقاط
3
السلام عليكم

اعلم ان مشكلتي لا حل لها فقط اريد ان افرغ قلبي فقط

انا فتاة مخطوبة لشخص بالغصب رفضت فقط لانني لا اريد زواج اما والديا سامحهم الله فرضو عليا هدا

الزواج رغم محاولاتي لم انجح كل يوم تويبخني امي وهدا لان في عائلتنا الفتاة تتزوج صغيرة كل فتيات

العائلة اللوتي في نفس عمري مخطوبات ولكن كل واحدة منهم مخطوبة لحبيبها السابق :s

اما انا لم يكن لي حبيب ولم ارضى ان اتزوج زواج تقليدي فتمت الخطبة واستخرت واخدت الأمر من ايجابياته

شاب متقف غني يمتلك منزل سنه يناسبني 26 سنة فأقمنا حفلة (لملاك ) صغيرة واتفقنا علي كل ما يحتاجه الزواج

وبعدها في كل مرة تأتي اخته مع امه او زوجة اخيه الي منزلنا اما هو لم يرجع ولامرة حتي انه لم

يطلب رقم هاتفي ولم يكلمني فكلمت امي في امر فقالت لا يمكن ان تطلبي منه انت دلك

كنت كلما التقيت مع فتيات العائلة كل واحدة ( تزوخ براجلها وتقول قالي وقتلو ومشينا و........ تغيظني عمري )

انا لم اطلب شيئ فقط ان اكلم خطيبي فربما احبه في هده الفتر او اعرف كيف يعيش

الحمد لله )كافيني كيما يقولو كل خطرة يرسلي cadeau مع اختو وهدايا ثمينة ) ولكن هده الاشياء لا

تسعدني اريد ه هو حاولت في كل مرة ان ابحث عن رقمه ولكن لم أتجرء مر عام ونصف علي خطوبتي

وانا انتظر فتعبت هو لديه رقم هاتف منزلنا ويستطيع ان يبحث عن رقمي اما انا فلا ربما يأخدون نظرة عني

بقي علي حفل زواجي شهر وعلي عقد زواجي اسبوع وانا لا ابالي فقد تعبت مللت وكانني غير مقبلة علي الزواج

(حتي جهاز عرسي امي تجيبلي حوايج وانا نقلها انتي خيريلي ) فقط لا ادري كيف ساكمل حياتي مع شخص حاولت ان احبه فكرهته

( وصلت لواحد المرحلة نحوس نكمل نهاري بلهنا وخلاص )

والله غاظتني عمري كي نشوف بنات طيرين بالفرحة من غادي يزوجو وانا قلبي مغبون

( ربما بعض يقول مشكل تافه mais انا كيما كامل لبنات نبغي نزوج بواحد نبغيه ويبغيني ويغير عليا

علاه انا لي عمري ماخرجت مع شاب صرالي هكدا

وبنات عمتي لي كل شهر مع واحد تزوجو بلي يحبوهم !!!!!!!!!!!!!!!!!! :s
 
يا اختي والله سوحيت ببيك ارجال مستحيل تفهميهم مي بصح انتي درتي غالطة كبيرة لكان جيت في بلاصتك نحكي مع اختو او نطلب منها رقم بالك هو حاجم ولا عقليتو كيفاك ولا ميعرفش اعبر عن مشاعر تاعو مالا انتى تكوني فايقة وتعيطلو مدام مزلتي معقدتيش جربي اطلبي من اختو نمروا تاعو وحكي معاه حوالي تعرفي حواج عليه في هدي الفرصة واختي انا منعرفكش مي بصح نعطيك نصيحة لوجه الله ونحن في شهر رمضان عليكي بي صلاة الاستخارة بسرعة ودعاء الى الله ان يبين لكي صدق نيته يا اختي مجتمع راهو ميرحمش وفترة الخطوبة هي فترة تعارف في اطار ديني وانتي معيط مالو حوالي او ديري صلاة الاستخارة بسرعة ديرها اكتر من مرة او لاكان مهوش كاتبلك منوش لخير هو العائلة تاعو ربي ريح ابعدك عليه او لكان فيه الخير ربي ريح اهنك معك ونقوللك كل شي مبروك واسمحلي لكان رايي معجبكش صح رمضانك
 
هدا هومشكل انا ماعرفش عقلية ختو نخاف تصرا حاجة psk لوكان يبطل عليا يقتلوني
 
يا اختي عليكي بصلاة الاستخارة فورا لا ترمي نفسك هكدا تم تندمي عليك بدعاء او صاح فطورك
 
وعليكم السلام


واش نقولك اختي منيش حابة نوسوسك مي انتي شفتيه وتعرفيه ؟

يزيد كاشما يكون بيه علاديك ميخلوهش يجي ويجيو هوما في بلاصتو على الاقل يتصل بيك ماش للدرجة هادي

حتى المدينين والرؤية الشرعية يديروها على الاقل تتفاهمو على امور العرس وتحكيو في حوايج تخص حياتكم المستقبلية

ربي يسهلك ان شاء لله زيدي ديري الاستخارة وادعي ربي في الشهر المبارك
 
واش نقلك ؟ربي يفرج عليك
 
inachallah fiha khir khti ....hadi hiya denya koul wahda 3andha ham meme hna li rana bla khatib w bla zwaj nad3iw rabbi yfaraj 3lina
 
و هل هذا مشكل؟؟؟؟ بنات اخر زمن

هل والدتك كانت تكلم والدك بالموبايل

استحوا قليلا يا بنات بلادي

الرجال تحشم و النسا يا لطيف

خطيبك إنسان محترم

الي نعرفهم يحكوا بالهاتف حياتهم بعد الزواج كلها مشاكل..... الهاتف كله خراب
 
تقولين انك لم تكن لديك سابقة في العلاقات العاطفية
اعلمي ان الله لن يضيعك واعلمي انك ستسعدين بهذا الزوج
الم تقرئي ان من ترك شيئا لله عوضه الله خيرا منه
فقط اصبري واستخيري واكثري من الاستغفار
وستدهشين من عطاء ربك لك
 
salam ikhwati ya okhti nenshak tkhaliha lel rabi madamek raki tgouli stakharti rabi ga3 maydaya3ch 3abdah hadi kounek sur menha wel hadrra ta3 téléphonne tjib rir tesda3 el rasse w hadou la famille ta3ek li raki tahadri 3lihom matchoufich rir men bera choufi chakayen dakhel binathom w ygoulou nass bekri ya mzawak men berra chouf halek men dakhel wallah tab3i char3 rabi w matkhafiche hada rajel li rah dayek nchallah ykoun men ahl el khir w bayna rah 3aref rouhah charah ydir w brabi nchallah y3aychek ki el malika w khir men familtek w rabi ykadem li fih el khir nchallah
 
شوفي الله المشكله تاعك غير اثرت فيا بزاف
شوفي مدام بقى غير شهر على العقد
دوموندي النيمرو تاعو من عند اختو او فهميها
ماشي حتى يسمع الغاشي كامل
مام سي تقولي يديو نظره ماشي مليحه عليك
بصح صايي او ولا راجلك
او من حقك
ممكن هو تاني راه حاشم كيما انت
يعني انتي مانطقتي او هو مانطق
او تاني كيفاه تدي واحد ماتعرفيش ميمبا كيش مداير عقليتو
زووو
المهم ربي يكملكم على خير و بخير
 
و هل هذا مشكل؟؟؟؟ بنات اخر زمن

هل والدتك كانت تكلم والدك بالموبايل

استحوا قليلا يا بنات بلادي

الرجال تحشم و النسا يا لطيف

خطيبك إنسان محترم

الي نعرفهم يحكوا بالهاتف حياتهم بعد الزواج كلها مشاكل..... الهاتف كله خراب

يا أختي انا منشوفش لزمان نشوف من ناحية الدينية واش تقول مادام راهي حلال تتفاهمي مع خطيبك لغرض تفاهم

وانا راني نحوس برك نعرف عقليتو وكيفاش يخمم باش نعرف كيفاش نعيش معاه ونتفادى المشاكل

وهدري بالنصيحة ماشي بالمعايرة نتي ماعشتي معايا ماتعرفي ضروفي كاين شي كلام ما قلتوش

والله يهدينا
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top