التزمت فعانيت من كلامهن

[همس الوُرود]

السلام عليكم ورحمة الله وبركاته
وش أحوالكم إخوتي إن شاء الله تكونوا بخير وبصحة وعافية
اليوم جاية ليكم على موضوع كنت علابالي رايحة نكتبو نكتبو فيوم ما رغم أني محبيتش نكتبو
نحكي على الناس الي تعس حياة الآخرين وتنبش فيها للأعماق حتى تلقى خطأ تقدر تحكي فيه
المشكل مش فالناس العاديين الي ميهموكش أصلا وميقربولكش و مايعنيولكش بزاف المشكل لما تلقاي صاحبتك هي الي تعس فيك
مع صاحبتي نحكي براحة ونضحك براحة ومهمنيش ويلا راني نحكي فحاجة رزينة صح ولا راني غير نخلط ونضحك
علاش بيسك صاحبتي بيسك وحدة تهمني وصاي
نحكيلكم على نفسي مثلا لما كنت إنسانة تلبس لباس متبرج للأسف كنت نلبس فالثانوية ليغوب وفاست وخيمار فداك الوقت مكنتش نلقى مشاكل مع صحاباتي ولا يهمهم تصرفاتي ولا أي شيء
لكن حاليا بعد ما حبيت نستر نفسي ولبست الجلباب صارو ينتقدوني فكل شيء حتى اللاشيء ومرات يمعنو بززاف ويستهزؤوا ويضحكو بطريقة استفزازية ويلعبوها يتمسخرو برك حتى لو تزعفي منهم يديروك أنتي الي تزيدي فيها
تضحكي معاهم وتحكي عادي وتبقاي معاهم ولباس رغم أنك ملتزمة بالأمور تع الدين ومراكيش تضحكي بصوت ولا أي شيء إلا أنهم ينادوك بالسلفية المتمردة قال علاش نتي تضحكي والسلفيات ميضحكوش وميقعدوش نورمال يحكو هكا كيما نتي يكونو بزاف هادئات
ولما تبقاي قاعدة معاهم يجبدو أي حديث يذموا فيه السلفيين أو السلفيات ولما نتي تنطقي يقولولك ماراناش عليك علمن راكو تحكو مالا
قالت وحدة خطبني سلفي كيفاش حتى شاف فيا؟ سما هوما مايغضوش البصر؟ نورمالمو السلفيين يزوجوهم والديهم برك
علاش نتي الدين قال بلي لازم الوالدين الي يشوفو لبنهم الزوجة؟ كون هكا الرسول عليه الصلاة والسلام مكانش يتزوج أصلا
وننصحك تروحي تقراي مليح حبيبتي بيسك النظر للمرأة بنية الزواج عادي هو نواك للحلال مقالكش كيف الذيب لاخر الي راكي تدوري معاه لكان تمشي معايا ونكونو مع بعضانا وصدقيني راني ناويك للحلال نووو هدا جاك ديراكت حابك فالحلال دار خطوة راجل مش كيما الآخر الي راكي معاه قاعد يتخبى كي الفرماج من أهلك
قالتلها دخلي شعرك قالتلها منيش عبير حتى تقوليلي دخلي شعرك أنا راني لابسة سروال هي الي كي يخرج شعرها لازم تدخلو
قالتلك علاش راكي معقدة بزاف ومراكيش كيفنا علاش لازم قدامك منحطوش أغاني علاش متشددة هكا
شحال مرة يا أختي نعطيك مطوية تقرايها في 3 دقائق تعرفي وش راني ندير أنا متشددة؟ أوك لكان التشدد هو عدم عصيان الله فأنا كذلك
تغيض لما تجيك من فتاة قريبة ليك فتاة نتي تشوفي فعيوبها الي مماتخلصش وساكتة وتقولي فقلبك ماعليش صاحبتي
وبيني بينها بلعقل ننصحها مي هي قدام الناس تحكي ولو تتحركي حركة غالطة تفضحك مش هكا صراحة ويقولو علاش كي يلتزمو يخلو صحاباتهم القدامى أكيد نخلي صحاباتي القدامى دام الدقيقة معاهم تفوت عليا كي الصاعقة على قلبي علاش منقعدش مع الي تفهمني ونفهمها تنصحني وننصحها تحبني ونحبها في الله ونبقى معاك نتي الي يوميا راكي غير تنقبي وتكسريلي فراسي وكل يوم لازم نبينلك بزاف أمور وحتى كي ننصحك تقوليلي كل شخص حر فتصرفاتو وولا أحد عندو دخل أنا النصيحة مع قول وش قال ربي سبحانو ورسوله عليه الصلاة والسلام تكفيني منبقاش نناقش وأنا فتاة أصلا حديثة العهد بالإستقامة محتاجة نقرا ونفهم أكثر مش نناقش ففتاة أصلا ميبستلي راسها حتى قول الرسول عليه الصلاة والسلام وقول الله عز وجل وتزيد تجادل موراه وتزيد تقولك مش هدا الصح
صراحة تعبت من هكا ناس علابيها مرة أخرى منحبش نزيد نسمع كلام هكا ولما نلتزمو ونخلو صحاباتنا القدامى متزيدوش تلومو رانا خليناهم صحاباتنا وندمنا ورغمم هذا نقول بلي كنت علابالي من البداية رايحة نواجه هكا صعوبات بصح هكا لازم الصبر وصاي وبارك الله فيكم​

 

[الامين محمد]

أهلا أختي
للأسف أصبحت طبيعة في الناس تدخل فيما لا يعنيهم
و كل واحد عامل روحه نابغة زمانه
أنا شخصيا إذا اقتنعت من أمر و الله ما نسمع من واحد
أنت راكي عمل الشي اللي مقتنعة بيه لازم تصبري
و حتى صبرك على أذاهم راه ليك خير و تجربة و أجر
يعني في كل الأحوال راكي رابحة
رابحة بحجابك و رابحة بالأجر اللي راح يجيك من صبرك على زميلاتك
لكن تأكدي من حاجة كاين بزاف منهم يجرحوك و هوما عارفين أنك أفضل منهن
و هو نوع من الحسد و الغيرة

ربي يبارك فيك أختي يا طيبة أنت

 

[طموحة]

السلام عليكم و رحمة الله وبركاته
أهلا عبورة أول الأشياء لفظ الالتزام منكر حبذا لو تستبدليه بالاستقامة أحسن
راني حاسة بيك نوعا ما وماشي حاسة لأنو صديقاتي المقربات الحمد الله منهن المتجلببات ومنهن محجبات
لكن بعض الزميلات كما تحكي هداهن الله و أراهن طريق الرشاد كل يوم تسأل ألف مرة علاش درتي الجلباب ماشي لازم
وتستدل فقط بأقوال دعاة اليوم من هنا وهنا والغناء ماشي حرام و صوت المرأة لاشيء ان علا في الشارع
لكن لا بأس ببعض الصبر فوالله في بعض الأحيان التكرار و الاتيان بالأدلة يأتي بنتيجة و الدعاء لهن كذلك
وأهم شيء سؤال الله في ثبات القلب
أحيانا أكون أمشي في الطريق وعيناي منخفضتان للأرض فلا أعرف حتى من أين الأصوات تأتيني لأسمع ذلك التوبيخ الذي لا أعرف حتى من يوجهه
هذا هو الحياء أنك تخرجي برا وكاين اختلاط هذا هو الدين
يعني لم ينزعج بالفيزو ولما خرجت بضوابطي الشرعية صار يعرف حكم الاختلاط فسدت عليهم جو الجنة
معلابالو لا راكي رايحة للجامع لا للمدرسة لا معلاباليش المهم علاه درتي جلباب وخرجتي
وفي الأخير كمل حجابنا ولم تكمل أنفسنا نحن بشر نخطئ ونعود لكن نحاول أن نفلص أخطاءنا لنا مخالفات قد نرتكبها عن جهل أو ريبة أو غفلة
الجلباب لن يجعل ني أحاسب على الذنب ذنبين
والحمد الله الذي هدانا للبسه صدقا هو نعمة تبعد عنك الكثير من الشر و تجلب الكثير من الخير
ما تتقلقيش مادمت على حق وهن المخطئات و عليك ببعض الحلم على جهلهن
شيء آخر سترتاحين لما يكون معك من توافقك يعني خيري بنات في المصلى ولا حلقات وصاحبيهم
لأنو راح تتقلقي تتقلي لو كان كل من حولك ينبش عن استقامتك
لذا لما يكونوا المقربات ملاح لن يؤثر عليك الباقي​

 

[Hakan]

انا النصيحة اللي نقدمها لنفسي اولا وليك ثانيا
انو الصحبة الصالحة لازم ياختي ما تقوليليش صحبتي وما صحبتي نحي عليك هذيك الوساوس
شوفي فتيات ملتزمات كيفك وريحي معاهم لانو صراحة من كلامك الفتيات اللي راهم معاك يجيبولك الانتقاد حتى
من الناس اللب بعاد عليك انا واحد من الناس نحير في انسانى انعم عليها ربي بالستر والعفاف تمشي
مع فتيات غير هاك ولو صالحات لانو اللباس معيار للانتقاد نتاع النااس هذا اذا كان يهمك الانتقاد
وزيد قادرة ترجي للزمن الجاهلي او ممكن تغلطي معاهم وطيحي في مشكل مع انو نشوف انو اطلاق اللحية او الجلباب ماهو الا استجابة لامر من اوامر الرسول
كي شغل راك صمت عاشوراء بنية التقرب لله عز وجل ماهوش كل الالتزاام
والناس للاسم ما تفهمش يحبو ديما يحطوك تحت الاختبار وناسين انهم هم جزء كبير من الاختبار
لانو غدوا راكي رايحة تكوني حجة عليهم يوم القياامة ويسئلن واحدة واحدة علا عبير سترت روحها وانتوما لالا وهذي تكفيك باش تتمسكي بالالتزام
واكيد يااختي هذا امتحان ليك من الله عز وجل باش تعرفي قيمة الرسالة وقيمة الدعوة
يعني الجنة ماهيش ساهلة ويبتلى المرء على قدر دينه وربي يوفقك ختي ..​

 

[حلم كبير]

السلام عليكم ورحمة الله تعالى وبركاته


ربي يثبتك على خطاك ويسددها ويعينك على كيد النساء

هذا اسمه كيد النساء ،مهما كانت صديقتك تجي لحاجة وحدة تتڤلب عليك للاسف
نأيد رأي الاخ حكيم من الاحسن بعدي عليهم
الصديق هو الصدوق
ومما حكيتي ما شفنا حتى صدوق فيهم
حابين يهبطولك المعنويات وخلاص
عشنا وشفنا شياطين الانس لا حول ولا قوة إلا بالله العلي العظيم
ربي يثبتك على طريق الحق ويعينك اختي الكريمة
احترامي وتقديري
حلم كبير


​

 

[{مُدَلَّلَتُهُ}]

السلام عليكم

ربي يثبتك عبورة و يرزقك الثواب ..

كي شغل راكي تحكي عليا يعني المعاناة موحدة ههه

انا مسميني النمر المقنع و نووورمال و االله ما تخرخشلي في مخي ولا نخدمها في راسي عادي جدا و الإنتقاادات فيها فيها من صحاباتي من العايلة وصلو حتى يدخلولي الجلباب في حياتي الخاصة يعني وحد التعبريج يضر في القلب بصح الفايدة فيا كي راني مقتنعة بشا راني دايرة هاذاك هو الصح

برا ياك باينة حاطة راسي و هادية بصح كي نولي مع صحباتي وحدنا نضحك و نحكي و نتمهبل .. راني دايرة جلباب مشي كفن باه نقطع الهدرة و الضحك ! كلشي في بلاصتو حلو

شعبنا فاهم كل شي بالمعكوس .. ثاني كي يشوفو وحدة متبرجة تقرا قرآن ولا تصلي ينتاقدوها .. يعني ماراهم مخليين لا متوضي ولا تارك الصلاة .. يهدرو باش يهدرو مالا خليهم يهدرو على رواحهم​

 

[Salah eddin]

السلام عليكم و رحمة الله و بركاته
أولا أختي نحييك على شجاعتك و تمسكك بقيمك و مبادئك
و من جيهة أخرى نلقي عليك شوي لوم ...
اسمعي زين ... نتي ضركا راكي و الحمد لله قابضة طريق ربي و الله يثبتك عليها
و راكي قابضة دينك و شادة في صلاتك ... وش راحلك فيهم اذا قالو ما قالو
خلي الله يسهل عليه يهدرو و لا يقعدو ماهمش رايحين ينقصولك من قيمتك و لا يأثروا فيك
و أيضا راكي تقولي بلي هذو صحاباتك و لا زميلاتك ... و راكي تسمعي منهم في هذا الكلام
من المفروض كي سمعتي اول مرة يهدرو كيما هاك ... ما تزيدي تقسري معاهم ما تهدري معاهم ما تضيعي وقتك معاهم
نتي ماكيش خارجة عليهم لأنك ملتزمة و هوما يشتو البنات لي ماديهم الزف تاع الفساد و تاع الملهيات و الخبث و الله لا تربحهم
قيلك منهم و راعي لصحابات بمثل استقامتك تفيديهم و يفيدوك و تعاون بعضكم
اما هذو بني وي وي ... ق اخطيك منهم و ما تزيديش تجمعي معاهم قاع
و راني نشوف كلي راهم أثرو عليك بكلامهم
اختي هذا راه مجرد كلام ... لكان الواحد يدير عل هدرة القاشي ..راهم ما يتحركش من بلاصتو لا يتقدم و لا يتوخر
و هذي لي نقولهالك
...
و نسأل الله ان يثبتكي على الحق و يهدي هذو القوم
و
شكرا

​

 

[همس الوُرود]

السلام عليكم
مشكورين إخوتي لي عودة وسأرد عليكم إن شاء الله كلكم
أعتذر والله

 

[dahman kz]

إرضاء الناس غاية لا تدرك
ولا يرمى بالحجر إلا الشجر المثمر
وربي يهنيك اختي وربي يثبتك على طاعته
و ماكاين حتى انسان يسلم من شياطين الانس ومن اصحاب البخل والحسد والنميمه
ونصيحة ليك اختي بعدي على صحابات السوء هاذم واقل شي تشوهي سمعتك بصحبتهم هاذي
وربي يثبتك ويحفظك ويهنيك ان شاء الله

 

[ĂÝǾΰb]

هذا هو الزمان لي قالنا عليه الرسول صل الله عليه و سلم القابض على دينه كالقابض على الجمر ثبتك الله ووفقك لما يحب و يرضى

 

[همس الوُرود]

أهلا أختي
للأسف أصبحت طبيعة في الناس تدخل فيما لا يعنيهم
و كل واحد عامل روحه نابغة زمانه
أنا شخصيا إذا اقتنعت من أمر و الله ما نسمع من واحد
أنت راكي عمل الشي اللي مقتنعة بيه لازم تصبري
و حتى صبرك على أذاهم راه ليك خير و تجربة و أجر
يعني في كل الأحوال راكي رابحة
رابحة بحجابك و رابحة بالأجر اللي راح يجيك من صبرك على زميلاتك
لكن تأكدي من حاجة كاين بزاف منهم يجرحوك و هوما عارفين أنك أفضل منهن
و هو نوع من الحسد و الغيرة

ربي يبارك فيك أختي يا طيبة أنت

السلام عليكم ^^
والله أهم شيء يا أخي هو الغاية والنية من ارتدائه الحمد لله لم أرتده لأرضي الناس ولا لأحببهم في
لكن أدهشني تغيرهم فجأة لم؟ لأنني ارتديت قماشا يسترني أكثر والحمد لله
لأنني أردت فقط أن أرضي خالقي
بارك الله فيك والله صح هدا هو لازم الصبر على الأذى
الله المستعان
بورك فيك وأحسن الله إليك​

 

[همس الوُرود]

السلام عليكم و رحمة الله وبركاته
أهلا عبورة أول الأشياء لفظ الالتزام منكر حبذا لو تستبدليه بالاستقامة أحسن
راني حاسة بيك نوعا ما وماشي حاسة لأنو صديقاتي المقربات الحمد الله منهن المتجلببات ومنهن محجبات
لكن بعض الزميلات كما تحكي هداهن الله و أراهن طريق الرشاد كل يوم تسأل ألف مرة علاش درتي الجلباب ماشي لازم
وتستدل فقط بأقوال دعاة اليوم من هنا وهنا والغناء ماشي حرام و صوت المرأة لاشيء ان علا في الشارع
لكن لا بأس ببعض الصبر فوالله في بعض الأحيان التكرار و الاتيان بالأدلة يأتي بنتيجة و الدعاء لهن كذلك
وأهم شيء سؤال الله في ثبات القلب
أحيانا أكون أمشي في الطريق وعيناي منخفضتان للأرض فلا أعرف حتى من أين الأصوات تأتيني لأسمع ذلك التوبيخ الذي لا أعرف حتى من يوجهه
هذا هو الحياء أنك تخرجي برا وكاين اختلاط هذا هو الدين
يعني لم ينزعج بالفيزو ولما خرجت بضوابطي الشرعية صار يعرف حكم الاختلاط فسدت عليهم جو الجنة
معلابالو لا راكي رايحة للجامع لا للمدرسة لا معلاباليش المهم علاه درتي جلباب وخرجتي
وفي الأخير كمل حجابنا ولم تكمل أنفسنا نحن بشر نخطئ ونعود لكن نحاول أن نفلص أخطاءنا لنا مخالفات قد نرتكبها عن جهل أو ريبة أو غفلة
الجلباب لن يجعل ني أحاسب على الذنب ذنبين
والحمد الله الذي هدانا للبسه صدقا هو نعمة تبعد عنك الكثير من الشر و تجلب الكثير من الخير
ما تتقلقيش مادمت على حق وهن المخطئات و عليك ببعض الحلم على جهلهن
شيء آخر سترتاحين لما يكون معك من توافقك يعني خيري بنات في المصلى ولا حلقات وصاحبيهم
لأنو راح تتقلقي تتقلي لو كان كل من حولك ينبش عن استقامتك
لذا لما يكونوا المقربات ملاح لن يؤثر عليك الباقي​

وعليكم السلام ورحمة الله وبركاته
بيك تحلى أختي الغالية إن شاء الله راكي مليحة
اها ماكنتش علابالي أختي بارك الله فيك على المعلومة
صح أختي والله الحمد لله لقيت صديقة مؤخرا ما شاء الله وليت أغلب الوقت نبقى معاها ندور والحمد لله
صحيتي حتى أنا تصرالي بزاف نكون نمشي فالطريق ويقولو كلام كاين كلام قالو واحد مرة أنا نمشي سمعتو قالي " تايبة صح ولا تلعبي فيها؟" الله المستعان
نسمع ونسكت والله يعلم ما في القلب
ربي يحفظك حبيبتي والله كلنا نغلطو ولا أحد معصوم لكن نحاولو الثبات قدر الإمكان
ربي يهنيك أختي شكرا على الدعم والنصيحة^^​

 

[همس الوُرود]

انا النصيحة اللي نقدمها لنفسي اولا وليك ثانيا
انو الصحبة الصالحة لازم ياختي ما تقوليليش صحبتي وما صحبتي نحي عليك هذيك الوساوس
شوفي فتيات ملتزمات كيفك وريحي معاهم لانو صراحة من كلامك الفتيات اللي راهم معاك يجيبولك الانتقاد حتى
من الناس اللب بعاد عليك انا واحد من الناس نحير في انسانى انعم عليها ربي بالستر والعفاف تمشي
مع فتيات غير هاك ولو صالحات لانو اللباس معيار للانتقاد نتاع النااس هذا اذا كان يهمك الانتقاد
وزيد قادرة ترجي للزمن الجاهلي او ممكن تغلطي معاهم وطيحي في مشكل مع انو نشوف انو اطلاق اللحية او الجلباب ماهو الا استجابة لامر من اوامر الرسول
كي شغل راك صمت عاشوراء بنية التقرب لله عز وجل ماهوش كل الالتزاام
والناس للاسم ما تفهمش يحبو ديما يحطوك تحت الاختبار وناسين انهم هم جزء كبير من الاختبار
لانو غدوا راكي رايحة تكوني حجة عليهم يوم القياامة ويسئلن واحدة واحدة علا عبير سترت روحها وانتوما لالا وهذي تكفيك باش تتمسكي بالالتزام
واكيد يااختي هذا امتحان ليك من الله عز وجل باش تعرفي قيمة الرسالة وقيمة الدعوة
يعني الجنة ماهيش ساهلة ويبتلى المرء على قدر دينه وربي يوفقك ختي ..​

السلام عليكم
صح عندك الحق أخي حكيم والله قلت منخليش صحاباتي القدامى بمجرد أني استقمت لكن ندمت على قراري الأول
الصحبة الصالحة مهمة كثيرا والحمد لله يعني وجدت صديقة هي كانت صاحبتي العام الماضي لكنها استقامت مؤخرا وبإذن الله مقررات نمشو مع بعض وندفعو بعضانا نحو الحق
أهم شيء تكون عندك صديقة تنصحك بهدوء لما تغلطي وتوجهك للطريق الصحيح والله ولا فتاة تبقى تضحك وتستهزى كلما حاولتي الإستقامة فأمر ما
أكيد والله لازم الصبر رغم كل شيء حتى أنو فالطريق ومايرحموكش أنو ديك الخطرة برك نمشي مع صاحبتي حتى نسمع واحد قالي تايبة صح ولا تلعبي فيها؟ الله المستعان
حتى الذي يحاول إرضاء الله ومايسلمش من الكلام ولكن عادي والله كلام الناس أمر لا يهمني لأني نعرف نيتي و غايتي من كل فعل لكن وش وجعني هو أنو الي كانو صحاباتي صح وكدا كانو ملاح معايا بكري
مكانوش ينكدو حياتي لكن بعد ما حبيت نستر روحي ونلتزم بأمر الله عز وجل تغيروا بزاف لكن لا بأس المهم الصبر وتغيير الصحبة كيما قلتولي
بارك الله فيك على النصيحة ^^​

 

[همس الوُرود]

السلام عليكم ورحمة الله تعالى وبركاته


ربي يثبتك على خطاك ويسددها ويعينك على كيد النساء

هذا اسمه كيد النساء ،مهما كانت صديقتك تجي لحاجة وحدة تتڤلب عليك للاسف
نأيد رأي الاخ حكيم من الاحسن بعدي عليهم
الصديق هو الصدوق
ومما حكيتي ما شفنا حتى صدوق فيهم
حابين يهبطولك المعنويات وخلاص
عشنا وشفنا شياطين الانس لا حول ولا قوة إلا بالله العلي العظيم
ربي يثبتك على طريق الحق ويعينك اختي الكريمة
احترامي وتقديري
حلم كبير


​

وعليكم السلام ورحمة الله وبركاته
آمين يا رب
ههههه أعجبتني هادي تع كيد النساء
إن شاء الله أخي بارك الله فيك ^^​

 

[همس الوُرود]

السلام عليكم

ربي يثبتك عبورة و يرزقك الثواب ..

كي شغل راكي تحكي عليا يعني المعاناة موحدة ههه

انا مسميني النمر المقنع و نووورمال و االله ما تخرخشلي في مخي ولا نخدمها في راسي عادي جدا و الإنتقاادات فيها فيها من صحاباتي من العايلة وصلو حتى يدخلولي الجلباب في حياتي الخاصة يعني وحد التعبريج يضر في القلب بصح الفايدة فيا كي راني مقتنعة بشا راني دايرة هاذاك هو الصح

برا ياك باينة حاطة راسي و هادية بصح كي نولي مع صحباتي وحدنا نضحك و نحكي و نتمهبل .. راني دايرة جلباب مشي كفن باه نقطع الهدرة و الضحك ! كلشي في بلاصتو حلو

شعبنا فاهم كل شي بالمعكوس .. ثاني كي يشوفو وحدة متبرجة تقرا قرآن ولا تصلي ينتاقدوها .. يعني ماراهم مخليين لا متوضي ولا تارك الصلاة .. يهدرو باش يهدرو مالا خليهم يهدرو على رواحهم​

وعليكم السلام أختي هدى
آمين يا رب هههههه شفتي كيفاش أختي هادي هي معاناة الذي يسعى لرضى الله
مش ساهلة الإبتلاء فيها فيها لكن الحمد لله المهم رضى الله
والله كلمة السلفية المتمردة تقتلني لكن معليش صح عندك الحق أختي المهم أنك تعرفي نفسك أنتي وش تكوني و غايتك من فعل الأمر فقط يكفيك
المهم ربي يرضى عليك
صحيتي عادي تضحكي مع صحاباتك وكلش هوما معرف كيفاش يعتبروها ههههه حيروني والله واقيلا حابيني نشنف عليهم
ربي يحفظك حبيبتي والله صح كيما تدير تحير يحكو يحكو يعلقو يعلقو ههههه وحنا مش لازم نتقلقو من هدا الشي
مش كي حالتي والله بصح بالسيف تتقلقي مرات هكا سيرتو كي تكون من عند ناس قراب لقلبك بصح معليش
ربي يهنيك الزينة جزاك الله خيرا ^^​

 

[همس الوُرود]

السلام عليكم و رحمة الله و بركاته
أولا أختي نحييك على شجاعتك و تمسكك بقيمك و مبادئك
و من جيهة أخرى نلقي عليك شوي لوم ...
اسمعي زين ... نتي ضركا راكي و الحمد لله قابضة طريق ربي و الله يثبتك عليها
و راكي قابضة دينك و شادة في صلاتك ... وش راحلك فيهم اذا قالو ما قالو
خلي الله يسهل عليه يهدرو و لا يقعدو ماهمش رايحين ينقصولك من قيمتك و لا يأثروا فيك
و أيضا راكي تقولي بلي هذو صحاباتك و لا زميلاتك ... و راكي تسمعي منهم في هذا الكلام
من المفروض كي سمعتي اول مرة يهدرو كيما هاك ... ما تزيدي تقسري معاهم ما تهدري معاهم ما تضيعي وقتك معاهم
نتي ماكيش خارجة عليهم لأنك ملتزمة و هوما يشتو البنات لي ماديهم الزف تاع الفساد و تاع الملهيات و الخبث و الله لا تربحهم
قيلك منهم و راعي لصحابات بمثل استقامتك تفيديهم و يفيدوك و تعاون بعضكم
اما هذو بني وي وي ... ق اخطيك منهم و ما تزيديش تجمعي معاهم قاع
و راني نشوف كلي راهم أثرو عليك بكلامهم
اختي هذا راه مجرد كلام ... لكان الواحد يدير عل هدرة القاشي ..راهم ما يتحركش من بلاصتو لا يتقدم و لا يتوخر
و هذي لي نقولهالك
...
و نسأل الله ان يثبتكي على الحق و يهدي هذو القوم
و
شكرا

​

وعليكم السلام ورحمة الله وبركاته
والله صح عندك الحق أخي صلاح الحمد لله راهي كاينة وحدة صاحبتي مؤخرا استقامت ورانا مع بعض
والحمد لله والله الجلسة معاها لا تضاهى بثمن ولو مناش نتلاقاو غير مرة على مرة لكن متفاهمين كي نحكو غير على هدو الأمور
التطبيقات الدينية والكتب بش نبعتو لبعضانا ونستفادو ونستفسرو من بعض والله الجلسة معاها كيف كانت وكيف ولات صراحة راحة تامة
كنت والله نعاني يعني لما تجلسي مع بنات همهم الوحيد أنهم ينكدو عليك وأنتي تحاولي الإستقامة أصعب شيء وكأنو لازم عليك تكوني معصومة
لو غلطتي فحاجة بسيطة خلات عليك مش ينصحوك إنما يفضحوك متجلببة وتديري هكا؟ سلفية وتديري هكا؟ بابابا والله كارثة صراحة
يقولولك علاش راكي تضحكي ولي ماتضحكش يقولو وشبيها مشنفة رغم أني نضحك بدون صوت و بدون وجود رجال لكن يبقاو ينكدو ينكدو عليك
مرات فالليل غير تبكي كيما صاحبتي هادي الي استقامت مؤخرا كانت العام الماضي عادي وتسألني هكا لكن متجرحنيش والعام هدا جات ليا تقولي عبير راهم يقولولي ويقولولي
حتى صارت تبكي قلتلها تشفاي العام الماضي وش كانو يقولولي كنتو فبالكم أمر عادي لكنو كان يجرحني بصح لازم الصبر هادي هي الي يمشي فطريق الحق يبتلى ولازم يصبر
بارك الله فيك أخي على النصيحة والدعم​

 

[همس الوُرود]

إرضاء الناس غاية لا تدرك
ولا يرمى بالحجر إلا الشجر المثمر
وربي يهنيك اختي وربي يثبتك على طاعته
و ماكاين حتى انسان يسلم من شياطين الانس ومن اصحاب البخل والحسد والنميمه
ونصيحة ليك اختي بعدي على صحابات السوء هاذم واقل شي تشوهي سمعتك بصحبتهم هاذي
وربي يثبتك ويحفظك ويهنيك ان شاء الله

السلام عليكم
بارك الله فيك كلام قيم والله
آمين يا رب
صح والله الإبتعاد هو أفضل شيء يمكن عمله
أحسن الله إليك^^​

 

[همس الوُرود]

هذا هو الزمان لي قالنا عليه الرسول صل الله عليه و سلم القابض على دينه كالقابض على الجمر ثبتك الله ووفقك لما يحب و يرضى

السلام عليكم
صح والله الله المستعان
اللهم يا مقلب القلوب ثبت قلوبنا على دينك
آمين يا رب بورك فيك أخي
​

 

[ربي اغفرلي]

 

[فتحي عاشق الجنه]

السلام عليكم ورحمه الله وبركاته
اول شي اشكرك على طرحك وكلماتك الجميله
هاذا الموضوع راه شائع وكل بنت راهي تستر روحها مايخلوهاش تعيش مطمنه دايما وراها يحبو يدخلولها في راسها بلي راهي فطريق عيانه وانه الي فالقلب خير من تستري روحك وتعملي هكذا وهكذا بصح ديري في بالك كي يحكولك هكذا اعرفي بلي راكي في المتقدمه وتستر ولا التبرج ماراهمش حريه شخصيه بصح التستر ملزم على كل مسلمه الواحد لوكان يبقى يهدر فالموض ع مايكملش كرهنا من الظلم والكلام الجارح لي يتعرضولو المهم يعطيك الصحه على الموضوع