من عندها و صفة هذه الحلوى

الحالة
مغلق ولا يسمح بالمزيد من الردود.

fatima_19

:: عضو منتسِب ::
إنضم
20 أوت 2009
المشاركات
94
نقاط التفاعل
152
النقاط
9
سلام من فضلكم شكون لي عندهل لاروسات تاع هذي الحلوى
648901982.jpg
 
هآذي نتآع الكآشمير (القطيفه) ؟
 
ماعلاباليش واش يسميوها مي داروها في عرس
و مرمدة في الفتات تاع البقايا تاع القاطو
 
آآآه كآن عمبآلي هآذآ يلي يسموه القطيفه

309161_170368979765138_248747709_n.jpg


مي هآذآ منعرف .. آذآ لقيت رآني نجيبلك ^^

 
قاطو القطيفة

المقادير
250 غرام مارغرين
كوب سكر ناعم
كوب زيت
كوب مايزينة
2 بيضات
صاشي خميرة
صاشي فانيليا

التزيين
نوادكوكو
سكر
كاكاو
معجون
ملمع " بريو "

التحضير
نمزج المارغرين السكر جيدا ثم نضيف البيض و نمزج ثم نضيف الزيت ثم المايزينة و نخلط جيدا نضيف الفاني و الخميرة و نخلط نضيف الفارينة شيئا فشيئا الى ان نحصل على عجينة متماسكة و طرية
نشكل حربوش و نقطع على شكل معينات " مقروطات " او نقوم بعمل دوائر مثل ما عملت انا او اي شكل بالقطاعات
ندخلها للفرن على درجة حرارة 180

عندما تطهى نتركها تبرد ثم نقوم بتزينها

تحضير الزينة
نقوم بتحميص النوادكوكو على نار هادئة حتى يكتسب اللون الذهبي نضيف له 2 ملاعق سكر و 1.5 ملعقة كاكاو ثم نخلط جيدا حتى يمتزج الكل
نغطس حبة في المعجون المخفف بماء الزهر ثم نرمدها في الخليط و في الاخير نرش بالملمع " البريو "
ثم نضعها في الصحون الورقية و نقدمها
بالهنا و الشفاء





 
لالا مشي قاطو قطيفة
يطيب كيما المسكوتة ثم يقطعوها مربعات و يديرولها كريمة الزبدة ثم نمرغدوهم ب الفتات تاع القاطو لي بقا
شكون لي عندها
 
حبيبتي هذا يقولولو بان بيس
المقادير
250غ زبدة +نص كاس عسل من الاحسن تاع الدب +3بيضات +3مغارف نشاء +مغرفة صغيرة بيكاربونات +لفاني وثاني 1/2 ساشي خميرة تاع القاطو ولوحى الفرينة حتى تشوفي القوام تاعها مثل المسكوتة
ادهني السنيوة تاعك وفرغي الخليط وبعد الطياب وما يبرد اطبعيه والباقي منو فتتيه وخلطيه مع الكاوكاو مرحي رقيق نوعا ما والقاطو انا نفضل نحطو في المعجون ورمديه فهذاك لفتات
جربيه ورديلي
وراني ناكدلك على العسل اشريه احسن
والقاطو حتى يبرد تماما وقصيه راه يتفتتلك وتخسريه
موفقة حنونة
 
لالا ماشي هكذا بيوسك فيها كاكاو و كريمة الزبدة
 
رد: من عندها و صفة هذه الحلوى

لالا ماشي هكذا بيوسك فيها كاكاو و كريمة الزبدة

حبيبتي انا راني نتعامل مع القاطوات ونعرفهم مليح والشيء اللي ذكرتيه اعلمي بلي راهم اضافات وانت تكوني شاطرة
باه ادزيدي مفرفة كاكاو للوصفة راكي راح تنقصي مغرفة فرينة
وبدل المعجون بماء الزهر اللي ترمدي القاطو فيه ديري كريمة الزبدة
المهم هو مضمون العجينة
وموفقة ممكن تلقاي من تفيدك
 
رد: من عندها و صفة هذه الحلوى

هدا اسمه les poufes المقادير كاس سكر كاس زيت كاس عسل 5بيضات 2 خمارة الحلوى 5 كيسان فرينة 2 م ك كاكاو نوعية جيدة تخلط المقادير جيدا بالباتور وتوضع في صينية وتوضع في الفرن لكن حذاري عسيها لخاطر تنحرق بسبب العسل وكي تطلع اتبري النضج كي المسكوتشو كي طيب خليها تبرد ثم قطعيها بالقطاعات المدورين او الكاري واقسمي الحبة في الوسط وتكوني حضرتيلها كريمة الزبدة و باقي البسكويت جوزيهم في سيار الزرع والا الروبو . طلعي بيضة ضيفي لها 200غ سكر قلاسي بالباتور ثم ضيفي الزبدة الطرية بالتدريج حتى تطلع ثم عطريها بلفاني و الناسكافي وحطي مقدار مغرفة صغيرة من الكريمة في وسط كل حبة من جهة تكوني ذوبتي الشكولا الخاصة بالحلويات وضفتيلها كمية من الماء حت تولي جارية جوزي الحبة المحشية بكريمة الزبدة في الشكولا المذوبة ثم رمديها في فتات البسكويت وهكذا تحصلي على احلى les poufes
 
رد: من عندها و صفة هذه الحلوى

هدا اسمه les poufes المقادير كاس سكر كاس زيت كاس عسل 5بيضات 2 خمارة الحلوى 5 كيسان فرينة 2 م ك كاكاو نوعية جيدة تخلط المقادير جيدا بالباتور وتوضع في صينية وتوضع في الفرن لكن حذاري عسيها لخاطر تنحرق بسبب العسل وكي تطلع اتبري النضج كي المسكوتشو كي طيب خليها تبرد ثم قطعيها بالقطاعات المدورين او الكاري واقسمي الحبة في الوسط وتكوني حضرتيلها كريمة الزبدة و باقي البسكويت جوزيهم في سيار الزرع والا الروبو . طلعي بيضة ضيفي لها 200غ سكر قلاسي بالباتور ثم ضيفي الزبدة الطرية بالتدريج حتى تطلع ثم عطريها بلفاني و الناسكافي وحطي مقدار مغرفة صغيرة من الكريمة في وسط كل حبة من جهة تكوني ذوبتي الشكولا الخاصة بالحلويات وضفتيلها كمية من الماء حت تولي جارية جوزي الحبة المحشية بكريمة الزبدة في الشكولا المذوبة ثم رمديها في فتات البسكويت وهكذا تحصلي على احلى les poufes


نورمالمون هذا هو يعطبك الف صحة
 
رد: من عندها و صفة هذه الحلوى

يسلم حبيبتي وانا في الخدمة متى استطعت وننصحك تجربيه لان ذوقه روعة وماش راح تندمي وما تنساينيش بالدعاء
 
رد: من عندها و صفة هذه الحلوى

يعطيك الصحة يا ام عماد على الوصفة
لكن فيه كاس سكر وكاس عسل ميكونش يابس
وهل الوصفة انت مجربتها رديلي اختي تعيشي
 
رد: من عندها و صفة هذه الحلوى

يجي روعة انا ماشي مجرباتو برك ا نا يعيطولي مدام les poufes ومايجيش يابس عجينتو تشبه المسكوتشو وبلخف طيب
 
رد: من عندها و صفة هذه الحلوى

يعطيك الصحة ام عماد وجزاك الله خيرا
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top