سانتحر في هاته الايام

[مشكلتي]

مشكلتي ليس لها حل
انا فتاة كنت على علاقى بشاب احببته و عرفت امي صرات مشاكل كبار مي كملت معاه خفية على ماما و كانو عندو صوري
و ضوكا كرهتو حبيت نرجع عفيفة و حياتي هادئة كيما كنت و هو محبش و اصر اني نكمل معاه و اصبح يهددني بصوري بطريقة غير مباشرة
ملقيت مندير انا مستحيل اني نخبر امي لانو كون تعرف راهي تموت و لا يطلقها ابي
رايحة نهبل راني غير ندعي في ربي لكن هاذ الطفل محبش يخطيني
راني نفكر بالنتحار حاولت السمانة اللي فاتت شربت 20 حبة دوا مي مصرا والو غير دخت في الكلاصا و خرجوني و منبعد وليت نورمال
قولولي واش ندييييييير??
مع العلم راني نادمة بزااااااااااااااااف بزااااااااااااااااااف

 

[Mr mino]

رد: سانتحر في هاته الايام

:-o:-o


الله يهديك اختي

العقل العقل العقل


​

 

[Ŝĥåĥĭйëž Ïķřăмơǖ]

رد: سانتحر في هاته الايام

يا اختي واش راح نقولك
ربي يهديك الانتحار حرام
والله حرام عليك ديري هاك على جال واحد ميستهلش
واصلا هاذا ماشي راجل
لوكان جا راجدل ميديرش هاك
ربي يهديه ولا يديه
يا اختي واش راح نقولك غير اي فيها الخير ربي يجيبها
وخدمي عقلك معاه ماشي تقولي انتحر باه نتهنى لا
كيما قال اخ مينو العقل العقل العقل
وفيها خير انشاءا لله ​

 

[رنيم الصمت]

رد: سانتحر في هاته الايام

ضرك تندمي؟؟؟؟؟ علاه ما خممتيش في النتائج بكري
و ضرك طحتي في مشكل كبير
و الامر انك حابة تحلي المشكل بجريمة قتل؟؟؟
ربي يهديك يا ختي تحسبي الانتحار راح يحلك المشكل؟ و ربي ؟ مخممتيش كيفاش رايحه تقابلي ربي؟
لازم واحد قريب ليك تحكيلو يساعدك في حل مشكلتك
و ادعي ربي راكي ناسية بللي كاين ربي كبير
ربي يفرج عليك​

 

[بسمة بسكريه]

رد: سانتحر في هاته الايام

استغفر الله وصلت معاك للانتحار

راكي ديراكت تروحي للجهنامه كثري دعائك وصلواتك وربي يفرج عليك وهدا يلي وثقتي فيه وعطتيه صورك

راهو مش راجل نيخافش على اختو يصرالها هكدا مي وش نقلك كثري صلوات وربي معاك ونتي اعرف نقطه ضعفو
لانها رح تساعدك وانش الله منسمعو منك غير اخبار طيبه

 

[هدوء المطر]

رد: سانتحر في هاته الايام

السلآم عليكم
يا ختي من الأول وعلاه ديرو صحآبكم؟! ماعلاباليش واش هي الفايدة؟ أنا نعرف اللّي يحب وحدة يقصد دار باباها بالفرض و السنة، ماشي يخرج معاها يشوهلها سمعتها و من بعد يوقعوا في متاهات و مشاكل لا تحمد عقباها، و الطفلة هي اللّي تتضر أكثر من الشاب،
ومن المفروض كي نهاتك الأم نتاعك ما تزيديش ترجعي ليه، حتى ورجعتي ما تمديلوش لي فوطو نتاوعك! علاخاطر رايح يجي النهار وين توقع بيناتكم مشكلة و يهدّك بيهم، اسمحيلي ختي راني مقدرة الظرف اللي راكي فيه مانيش حابة نزيد عليك بصح أنا نتقلق من تصرفات كما هذو،. البنات في هذا الوقت ماولاتش تعرف صلاحها، و كي تنهيها الأم نتاعها، تقول في قلبها ماما جاهلة ومزالت عايشة في وقت بكري!
وزيد الإنتحار يا ختي مآشي حآجة سآهلة، نتي حبيتي زعما تهربي من الدنيا اللي ممكن تزيدي تعيشي فيها ساعة و لا شهر ولا حتى قرن، و تروحي لجهنم و تبقاي فيها للأبد و العياذ بالله، النفس مراهيش ملك العبد، و إنما هي أمانة من عند ربي سبحآنوا، حب يختبرنا آسكو نستحفظوا بيها ولا لا؟!، على هذيك حبيت نقلك ارجعي لربي سبحانو، ادعي في صلاتك و خاصة في السّجود أنوا ربي يستر عليك وحاولي توبي من هذا الخطأ اللّي وقعتي فيه، و ما تزيديش ترجعي ليه أبداً، اليوم هدّك بلي فوطو باش ترجعي ليه و غدوة يهدّك بحاجة أخرى.
ربي يستر عليك و على جميع بنات المسلمين إن شاء الله.​

 

[✿أسيـل✿]

رد: سانتحر في هاته الايام

ختي والله مالقيت واش نقول مي نحي فكرة الانتحار كل ماتفكري في هدا شي ماتقدري ديري والو الانتحار مش حل ناس تبقى تهدر وتقول وش السبة لي خلاتها تنتاحر وزيد والديك يبقاو في عذاب
شوفي واحد قريب احكيلو واكيد رح يلقالك حل
ربي يهدي ماخلق وربي يكون معاك ياختي
ربي يستر عليك وعلى جميع بنات مسلميــــــــن
​

 

[امين 22]

رد: سانتحر في هاته الايام

هاهو اللعب الي موش مليح نقلك حاجة انتي قولي للمامك وخلاص متخليهش يهدك بصور هادو ويزيد يدير حوايج يعلم بيها ربي كوني بنت فميليا وحبسيه عند حدو اوك

 

[السلطانة]

رد: سانتحر في هاته الايام

وعليكم السلام

الانتحار =جهنم

اخطيك اختي استغفري ربي لايلعبها بيك الشيطان وتطفر غير فيك

احكي لماماك صارحيها
راح تغضب تتغشش بصح اكيد ماهيش راح تخليك تواجهي المشكل وحدك
تصوريها تخبي ولا تنتحري
فضيحة ودنب تاني مع بعض
كي تعرف امك القصة
مام يجرب يدير حاجة هاد الطفل معندو ميدير
الاهم تصارحي الوالدة تاعك
وبركاي من التفكير السلبي تاع الانتحار
ادعي ربي يهديك وصلي
توبي توبة نصوح وربي معاك
​

 

[iman-dz4ever]

رد: سانتحر في هاته الايام

ربي يستر عليك اختي
ويعمي اعين الظالمين
عليك ويهدي هذا الطفل
ويستر علينا كامل
​

 

[عاشقة الصمت 13]

رد: سانتحر في هاته الايام

عن ابن مالك رضي الله عنه قال ...قال رسول الله صلى الله عليه وسلم(لا يتمنين احدكم الموت من ضر اصابه .فان كان لا بد فاعلا فليقل..اللهم احييني مادامت الحياة خيرا لي وتوفني اذا كانت الوفاة خيرا لي ) اخرجه الامام احمد والبخاري والمسلم.وفي اي وقت من الصلاة يمكن ان يستجاب هذا الدعاء ....ساحاول ان اروض نفسك التي رات ان الانتحار ملاذ ........قولي (اللهم يامسهل الشديد وياملين الحديد ويامنجز الوعيد ويامن هو كل يوم في امر جديد اخرجني من الحلق المضيق الى اوسع طريق بك ادفع مالا اطيق ولا حول ولا قوة الا بالله العلي العظيم يارب ضاقت بي السبل فمن لي سواك يفرجها) قال رسول الله عليه وسلم من قالها وعلمها للناس اذهب الله كربه واطال فرحه ..........يا اختي الحمد لله ان الفطنة اتتكي قبل فوات الاوان..............اتكلي على الله وانشاء الله يسهل الامور ليس عليك الانتحار ولا على غيرك... كلنا خطاؤون وخير الخطاؤون التوابون لكن قتل النفس ليس بحل وانما بذكر الله واللجوء اليه تذرعا ان الله غفور رحيم ..................على حسب راي لا تخبري امك وانما اختك او صديقتك واو اي انسان يمكن الوثوق به ربما قد يساعدك في حلها باذن الله اللمهم الا تفكري وحدك ربما هناك حديث يجب القيام به وهو قيام الله وادعيه ان ينور بصيرتك وينجيك من شر فلان ........ولا تقنطي من رحمة الله .............فرحمته وااااسعة

 

[أم نورس]

رد: سانتحر في هاته الايام

la haoula wala 9ouata illa billah 3ajaza lisani 3an ata3bir illa an assala allah laki biach ib3ad hada adiib albachari 3lik khti allahouma ij3al kaidahou fi nahrih amin ya rab khtitou rabi ihalha maia9fal bab hatta iaftah 3achra ou ba3di 3la fikrat alintihar hatta mouchkil maiasstahal na9atlou rouhna 3la jalou
​

 

[أم نورس]

رد: سانتحر في هاته الايام

ou nassiha lkoul wahad ihab ial3ab babnatt annass kama tadinou toudan ou koul wahad 9bal maifakar idaia3 hiatt khtou fi allah i fakar bakhtou ouila ma3andouch khtou almoussta9bal ikoun 3andou bantou ou bant bantou walla bant bnou wanass tanssa ou allah maiansach ita9ou allah ya khouti fakhiatkoum atta9ou allah

 

[ام اية الرحمان]

رد: سانتحر في هاته الايام

ربي يهديك

 

[Ma$Ter]

رد: سانتحر في هاته الايام

السلام عليكم ورحمة الله وبركاته
اختى ما تزيديش تفكرى فى الانتحار خلاص
وثانى شئئ ما تخافيش من هاذاك لى يهدد فيك وقوليلو درك نشكى بيك
لعل يخاف واذا تعرفى وين يسكن يخوفيه بباه اذا راح يقدرو ويخاف منو
او اعملى بكلام الاخت رنيم الصمت شوفى واحد من اقاربك يحكى معاه
واقطعى علاقتك بيه ما تحكيش معاه فى التلفون او فى غيرو
كون تزيدي تحكى معاه ما راحش يخليك هكذا ويهددك اكثر
وقبل كل هاذا صلى صلاتك واقرى القران واكثرى من الاستغفار والدعاء
وربى ما يرجعش دعائك
وربى يفرج عليكي اختى

​

 

[ange.ange]

رد: سانتحر في هاته الايام

ربي يهديك اختي الانتحار عمرو مكان هو الحل استغفري و خلي ثقتك بربي كبيرة ان شاء اللى تلقاي حل ومن الافضل تحكي للام ولا اي انسان عندك فيه ثقة وهدا لو كان راجل و يحبك صح عمرو ميدير هكا قوي ايمانك و دعي ربي و انشاء الله ربي يفرج عليك

 

[lilia mess]

رد: سانتحر في هاته الايام

أختي الكريمة

فكرة الانتحار فكرة واحد جاهل...زيد هي حرام

و الانتحار ماشي هو الحل ختي لعزيزة
واش رايحين يفكرو الناس ...رايحين يطلعوا و يحبطوا و يستنتجو كيما يحبو هوما
امبعد تيك يقولو هي مسألة شرف
و يبقاو والديك مضغة في فم الغير

أختي الكريمة لي يحب يدمر فتاة ما يهددهاش
انتي ما تخافيش منو كامل
او مزيّة لي عرفتيه على حقيقتو
هو لو كان جا يحبك ما يتصرفش مثل هذا التصرف
هاهو طلع ماشي راجل و بانت نيتو السيئة

أختي :مارناش في وقت محاسبة ولا عتاب
و لكن هذا درس لكل فتاة تقدم صورها لمن هبّ ودبّ
باسم الحب

ما عليك غير تشتكي عليه او خبري الام
و توكلي على ربي
او ما تخافيش

ربي معاك
​

 

[الاوركيد الزرقاء]

رد: سانتحر في هاته الايام

السلام علكي ورحمة الله تعال و بركاته
هذا موضوع صعب جداا
لكن ليس الانتحار حل لكنني لا ادري ما الاصعب هل التفكير في الانتحار اصعب ام
محاولة الانتحار انه امر مؤلم وصعب خصوصا انك وحيدة ولكن الله معك فلا تخافي
و توبي الى الله و حاولي باي طريقة ممكنة ان تنتزعي منه تلك الصور
عندما قصدت باي طريقة ممكنة ان تلجئي ختى لخداعه و المماطلة ربما يكون هوا الحل و الوحيد
ولا تنسي ان تدعي الله ان يساعدك
و ان كان اخبار والديك بالموضوع سيؤدي لمشاكل ضخمه فلاباس باخفائه
لكن فعلا ان وجدتي فرصة في اخبار امك فلا تخشي واخبريها وهيا تتصرف
و لكن وضعط صعب ولا تنسي سياتي يوم ما تحل فيه المشكلة ربي يعاونك اختي ويفرج عليك
مع السلامة ولي عودة

 

[ماكانش]

رد: سانتحر في هاته الايام

حكاية الإنتحار خليك منها خلااااااص ونحيها من بالك
هاذ راهو يهدد فيك برك مايقدر يدير والو
ودرك لبنات كامل صورهم معروفة وموجودة الا اذا كانت صور فاضحة هنا حاجة اخرى
ولا قوليلو نتي الي هدديه تشكي بيه
القصص امثال هاذي كاينة بزاف
فوتيك منو لأن الي يهددك انسان رخيس وقد يستغلك في امور سافلة تحت طائلة التهديد

 

[حكاية قمر]

رد: سانتحر في هاته الايام

هل ينفع الندم بعد فوات الأوان ؟
لا ينفع ومن المستحيل أن ينفع لانه وبكل بساطة سيقلب حياتك 180 درجة يعني تدارك الخطا من شانه ان يجعل من صاحبه انسان عاقل
انا ماراحش نعاتبك لانو راح يزيد هاد شي عليك
اختي راكي تقولي بلي هادا راه يهدد فيك بصور ونت دروك راكي خايفة من اهلك لانو باك لوكان يعرف يطلق مك وهاد شاب راه صاب بلي تصاوريك نقطة ضعفك انا لو كان جيت في بلاصتك وتقدرت ودرتها والله ما نحير فيه ولا في تصاور على خاطر كي تزيدي تبينيلو خوفك هداك وين يزيد يهدك ليوم قالك لوكان تخليني ننشرهم وغدوة الله اعلم شا يطلب منك المهم انتي لازم تخبري مك وتحكيلها قصة وتفهميها بلي راكي نادمة وبزااف واكيد هي رايحة تعاونك وحتى ولو تطلب امر تخبري اهله وزاد الصور راهم حاجة مهمة وقانون يعاقب يعني نت لي تخوفيه دروك
قصدي يا اختي هو انك تخلي تصاوريك لي عنده سلاح بيدك وتخبريه بلي القضية راح توصل للامن هكا تبانلي بلي راح يعقال اما انتحرا راك من خطا الى ااثم وارنتحار يا اختي حرام مادام خممتي في مك كي يصراهلا بعد لي يعرف باك خمي فيها كي راح يكون حالها بعد لي تنتاحري
مجرد رأي اخية دعواتي لك وان شاء الله كل بنت تتعظ ونصحك بصلاة استخارة