زواجي في انهيار ساعدوني

[التائب الخاشع]

وامر اهلك بالصلاة واصطبر عليها لانسالك رزقا نحن نرزقك والعاقبة للتقوي
واستعينوا بالصبر والصلاة وانها لكبيرة الا على الخاشعين
الصياام والصلة والاستغفاار منجياات اخيتي
ورااكي عارفة عجاايزنا يخبو يديرو راايهم املا طاوعيهم وصاااي ومهما اديري فارضاء النااس غاية لاتدرك وارضااء الله غاية لاتترك
اخييتي لو كان تتفاهم العجوزة والكاانة ابليس ويدخل الجنة سلاموو​

 

[*amina*]

السلام عليكم
والله مشكلتك صعيبة شوية و لازملك شوية صبر اذا حبيتي تستمري في زواجك
انا تاني في دار عجوزتي ساكنة في الطابق الفوقاني و تاني نهبط نخدم شغل الدار و راجلي مكاجي يجي غير من الويك اند و حامدة ربي
عجوزتي مسكينة والله ماهي غابنتني و تاني خواتات راجلي كاين زوج متزوجات يجيو يضيفو بصح حاكمين قدرهم مساكن ياكلو ويشربو برك لكن انا كي ندخل للكوزينة ونحب نطيب نسقسيهعم واش ياكلو والا راهي حاجة في قلبهم يعني نشورهم وهوما تاني والله ميشرطو
خطرات منكذبش عليك نكره نقول راني هنا بلا فايدة راجلي في جهة وانا في جهة بصح نتذكر شي ناس معندهمش حتى وين يسكنو نقول الحمد لله راني مستورة و نقول نصبر حتى يفرج ربي مع انو راجلي قادر يكريلي وقادر حتى يشريلي سكنة بصح نورمال عمري الا شرذت عليه هدا الامر
نرجعو لمشكلتك
نورمالمو حماتك متزوجة عمرها الا تدخل روحها و حتى راجلك نورمالمو ميدخلش بين النسا قصدي بينك وبين اختو حتى لو تضاربتو على خاطر كون يجخل روحو يرجع ماشي مليح و حماتك مدخلش روحها في الكوزينة و الا معجبهاش التطياب تدخل لكوزنية باباها تطيب واش عاجبها
و عجوزتك من حقها تغير على بنها تحس بلي جيتي انتي وديتيه منها سيرتو اذا كان هو اختارك عن حب ماشي هي لي اختارتك
و ماشي من حقها تقلك هاتي ذهبك نخبيهلك تخبي تاع بناتها بزاف
راني عارفة تعياي تصبري و متقدريش خطرات نتفكر نقول كيفاش ناس بكري صبرو مع عجايزهم كتر من 10 سنين وكانو ميشكوش لوالديهم وبنات ضرك تصيبها شوكة تروح تجري ليماها تشكي
الله يثبت علينا نعمة الصبر و يفرج همك اختي ان شاء الله تصبري و تنالي

 

[wissem1]

شكرا لردودودكم جميعا مي المشكلة الحقيقية راهي في زوجي معطيني حتى حق خلاص في والو نحس روحي بلي راني مجرد خادمة في هداك البيت اقسم بالله اني اصبحت لا اكل و لا انام من كثر التفكير لوكان برك جا زوجي يعطيني حقوقي لكنت نفوتها لعجوزتي مع اني دائما اعاملها بالحسن
حسبي الله و نعم الوكيل ادعيولي برك تفرج علي بالتي هي احسن

 

[ضيوف وسـنغادر]

اختي صح الحالة صعيبة
مي الصبر ثم الصبر الكل يلقى مشاكل في السنوات الاولى
مي ان شاء الله يرجع كل شيء لبلاستو المهم انت تهلاي في روحك وفي زوجك
الصبر ثم الصبر وربي يفرج اختي العزيزة

 

[motar zoubida]

شوفي اختي عليك بالصبر هده الايات قريها قال الله تعالى :وَأَلَّفَ بَيْنَ قُلُوبِهِمْ ۚ لَوْ أَنْفَقْتَ مَا فِي الْأَرْضِ جَمِيعًا مَا أَلَّفْتَ بَيْنَ قُلُوبِهِمْ وَلَٰكِنَّ اللَّهَ أَلَّفَ بَيْنَهُمْ ۚ إِنَّهُ عَزِيزٌ حَكِيمٌ ﴿63﴾سورة الانفال اقريها كي تحبي تروحي عند عزوجتك و غادية تشوفي انا شخصيا مجربتها بزاف رائعة ثقي في ربي ‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ} ربي يهنيك و يريح بالك

 

[wissem1]

شوفي اختي عليك بالصبر هده الايات قريها قال الله تعالى :وَأَلَّفَ بَيْنَ قُلُوبِهِمْ ۚ لَوْ أَنْفَقْتَ مَا فِي الْأَرْضِ جَمِيعًا مَا أَلَّفْتَ بَيْنَ قُلُوبِهِمْ وَلَٰكِنَّ اللَّهَ أَلَّفَ بَيْنَهُمْ ۚ إِنَّهُ عَزِيزٌ حَكِيمٌ ﴿63﴾سورة الانفال اقريها كي تحبي تروحي عند عزوجتك و غادية تشوفي انا شخصيا مجربتها بزاف رائعة ثقي في ربي ‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ} ربي يهنيك و يريح بالك

شكرا والله العظيم راني حاكمة غير في ربي و ديما مين ضيق روحي نطلع شومبرتي و نقرا قران هداك هو مخرجي الوحيد من همومي ادعولي برك راني محباش نخرب بيتي وانا مزلت اعادة جديدة وش نقول ربي يعيشكم على رددودكم طلعتولي المورال و حسيتو بيا الف شكرا اخواني و اخواتي و ان شاء الله ربي يفرج علينا جميعا

 

[بنت الـ25]

السلام عليكم
اختي مشكلتك عويصة وحلها صعب لكن ليس بالمستحيل

رح ننصحك كأختي أو أكثر من هذا كنفسي لو كنت في مكانك ورح نقلك:
الأم يا حبيبتي اللي كبرت وربت وتعبت تخاف تجي مرا تديلها تعبها وشقاها في لحظة
علابيها انتي لما جيتي من نهار لول حابة تدي راجلك وتطلعيه لفوق هي تأكدلها هاد الشي وكشرت عن أنيابها وبدات تخلق فالمشاكل والسبايب باش تخلي ولدها قدام عينيها وحكاية القش اللي قالتك يبقى لتحت وحكاية الدهب اللي يتخبى لتحت أكدلي هاد الشي

انا لو في مكانك منفتش على أسباب الكراهية وانما نفتش على اسباب اللي تخلق المحبة بيني وبين اهل زوجي مهما كانت طباعهم
كون تبقاي ماشية فالريتم هدا رايحة تخسري من كل النواحي لأنو بيت أهلك لن يكون أرحم من بيت زوجك ورح يجي اليوم وتتأكدي

يا ستي قاتلي عجوزتي هاتي دهبك نخبيه ،، نقلها ايه معليش يا يما عندك أأمن ما فيها والو كي تخبيه عندها وكي نحتجو نهبط نجيبو موحال متمدهولكش
قالي راجلي ناكلو لتحت ما كان حتى مشكل ايه مام انا نحب ناكل فاللمة خير من ناكل وحدي (مهما كنتي كارهة ) والله رح يقدرلك هاد الشي
وكيما حكاية القش اللي ما حبتش تمدهولك عادي خليه عندها وش فيها كي يهبط الراجل عند امو يلبس تما ولا يبدل قشو ما طاحتش السما

اما حكاية الخدمة اللي دار عليك انا نقلك هي صح مش هدة تع رجال مي من عندي نقولك لاكان عاد كافيك من كل النواحي ويجيب قوت يومك ويومو وعلاش تخدمي؟ تشقاي برا وتزيدي لداخل
انتي بلا خدمة تع برا شقيانة وين يا تزيدي تخدمي برا والله تولي جلد على لعظم

الحياة يا اختي أقصر من ان نستهلكوها فالمشاكل والخلافات والكراهية ،، الحياة حلوة وتستحق انها تعاش في مودة ورحمة

بالنسبة لمشكلة اختو انتي مكبرتها زيادة عن اللزوم،، قاتلي شكون قالك طيبي هادي؟ نقولها والله حبيت نوكلك ليوم على ذوقي وتقوليلي رايك في طيابي وغدوة ان شاء الله قوليلي علاواش سخفانة وانا نطيبلك من عيوني ما شكيتش تسبك
الكلمة الطيبة والله والله تحل ملايين المشاكل وكلمة سيئة وحدة فقط تهدم البيوت العامرة
وحتى لو كانت لئيمة وسبتك معليش اتحملي واصبري لكن جامي تردي على العيب بالعيب
واضرابك عن الطعام ما راحش يحل المشكلات بالعكس راكي تهلكي في نفسك اللي هي تاني عندها حق عليك

صدقيني السنوات الاولى للزواج برك اللي تكون هكدا حاولي تفوتي هاد المرحلة على خير و اول ما يرزقك ربي بالاولاد راجلك رح يتمسك بيك سيرتو لا كان لقاك مليحة مع تع دارهم مهما حاولو يهينوك وبستفزوك راه عندو عينين ويشوف ويسمع

واعذريه كي قالك راني مع اهلي ظالمين او مظلموين لأنو لو ربح عيب اهلو ووقف معاك تقدري تيماجيبي وش رايحين تخسرو والمشاكل اللي تزيدو تخلقوها؟

الحل بيدك انت وانت فقط الِحلم ثم الحِلم كيما قال الامام الشافعي رحمه الله

يخاطبني السفيه بكل قبح ** فأكره أن أكون له مجيبا
يزيد سفاهة فأزيد حلما ** كعود زاده الاحتراق طيبا

نظن انك قارية وفاهمة باش تفهمي البيتين الشعريين
وبربي نسمع عليك اطيب الأخبار

في امان الله



​

 

[wissem1]

السلام عليكم
اختي مشكلتك عويصة وحلها صعب لكن ليس بالمستحيل

رح ننصحك كأختي أو أكثر من هذا كنفسي لو كنت في مكانك ورح نقلك:
الأم يا حبيبتي اللي كبرت وربت وتعبت تخاف تجي مرا تديلها تعبها وشقاها في لحظة
علابيها انتي لما جيتي من نهار لول حابة تدي راجلك وتطلعيه لفوق هي تأكدلها هاد الشي وكشرت عن أنيابها وبدات تخلق فالمشاكل والسبايب باش تخلي ولدها قدام عينيها وحكاية القش اللي قالتك يبقى لتحت وحكاية الدهب اللي يتخبى لتحت أكدلي هاد الشي

انا لو في مكانك منفتش على أسباب الكراهية وانما نفتش على اسباب اللي تخلق المحبة بيني وبين اهل زوجي مهما كانت طباعهم
كون تبقاي ماشية فالريتم هدا رايحة تخسري من كل النواحي لأنو بيت أهلك لن يكون أرحم من بيت زوجك ورح يجي اليوم وتتأكدي

يا ستي قاتلي عجوزتي هاتي دهبك نخبيه ،، نقلها ايه معليش يا يما عندك أأمن ما فيها والو كي تخبيه عندها وكي نحتجو نهبط نجيبو موحال متمدهولكش
قالي راجلي ناكلو لتحت ما كان حتى مشكل ايه مام انا نحب ناكل فاللمة خير من ناكل وحدي (مهما كنتي كارهة ) والله رح يقدرلك هاد الشي
وكيما حكاية القش اللي ما حبتش تمدهولك عادي خليه عندها وش فيها كي يهبط الراجل عند امو يلبس تما ولا يبدل قشو ما طاحتش السما

اما حكاية الخدمة اللي دار عليك انا نقلك هي صح مش هدة تع رجال مي من عندي نقولك لاكان عاد كافيك من كل النواحي ويجيب قوت يومك ويومو وعلاش تخدمي؟ تشقاي برا وتزيدي لداخل
انتي بلا خدمة تع برا شقيانة وين يا تزيدي تخدمي برا والله تولي جلد على لعظم

الحياة يا اختي أقصر من ان نستهلكوها فالمشاكل والخلافات والكراهية ،، الحياة حلوة وتستحق انها تعاش في مودة ورحمة

بالنسبة لمشكلة اختو انتي مكبرتها زيادة عن اللزوم،، قاتلي شكون قالك طيبي هادي؟ نقولها والله حبيت نوكلك ليوم على ذوقي وتقوليلي رايك في طيابي وغدوة ان شاء الله قوليلي علاواش سخفانة وانا نطيبلك من عيوني ما شكيتش تسبك
الكلمة الطيبة والله والله تحل ملايين المشاكل وكلمة سيئة وحدة فقط تهدم البيوت العامرة
وحتى لو كانت لئيمة وسبتك معليش اتحملي واصبري لكن جامي تردي على العيب بالعيب
واضرابك عن الطعام ما راحش يحل المشكلات بالعكس راكي تهلكي في نفسك اللي هي تاني عندها حق عليك

صدقيني السنوات الاولى للزواج برك اللي تكون هكدا حاولي تفوتي هاد المرحلة على خير و اول ما يرزقك ربي بالاولاد راجلك رح يتمسك بيك سيرتو لا كان لقاك مليحة مع تع دارهم مهما حاولو يهينوك وبستفزوك راه عندو عينين ويشوف ويسمع

واعذريه كي قالك راني مع اهلي ظالمين او مظلموين لأنو لو ربح عيب اهلو ووقف معاك تقدري تيماجيبي وش رايحين تخسرو والمشاكل اللي تزيدو تخلقوها؟

الحل بيدك انت وانت فقط الِحلم ثم الحِلم كيما قال الامام الشافعي رحمه الله

يخاطبني السفيه بكل قبح ** فأكره أن أكون له مجيبا
يزيد سفاهة فأزيد حلما ** كعود زاده الاحتراق طيبا

نظن انك قارية وفاهمة باش تفهمي البيتين الشعريين
وبربي نسمع عليك اطيب الأخبار

في امان الله



​

شكرا الاخت الكريمة على هده النصائح لكن حبيت نوضحلك بعض النقاط الصغيرة
دهبي انا لي شريتو ومن حقي نخبيه وان نحب و عند ماما راه في الامان و بحكم انه دارهم تعرضت للسرقة من قبل منخليش دهبي انا عند عجوزتي و ثاني حاجة هي بنتها مخبية دهبها عند امها يعني ما فيها والو كي نخبي انا عند امي
بخصوص اللبسة و القش انا عندي فوق كلشي المرافق كاملة علاه ميدوشش في الفوق حتى كلشيك تحت انا تاني عندي خزانة علاه ميخبيش القش فوق هو عمل دار و جاب مرا باه تهتم بيه انا وليت نحس روحي بلي راني بلا فايدة نكل و نشرب و برك
ثالث شي انه ميصرف علي حتى فرنك تجيني صايبة منديرهاش نمرض مندويش حتى يشوفني نلقف باه اعادة من نحتاج اي شي يقولي قولي لماما انا معنديش صوارد هي لي تمدلي هو خدام مي لاباي معندوش معملتلوش باي خلاص اختي صراحة هده وحدة متقبلها تكون بشهريتها في دقيقة تولي فرنك معندها في جيبها هده جد صعبة
المشكل الرئيسي اني كنت نعرفو مكانش هكدا خلاص خلاص كون مجيتش نعرفه نقول بدلوهولي

 

[بنت الـ25]

شكرا الاخت الكريمة على هده النصائح لكن حبيت نوضحلك بعض النقاط الصغيرة
دهبي انا لي شريتو ومن حقي نخبيه وان نحب و عند ماما راه في الامان و بحكم انه دارهم تعرضت للسرقة من قبل منخليش دهبي انا عند عجوزتي و ثاني حاجة هي بنتها مخبية دهبها عند امها يعني ما فيها والو كي نخبي انا عند امي
بخصوص اللبسة و القش انا عندي فوق كلشي المرافق كاملة علاه ميدوشش في الفوق حتى كلشيك تحت انا تاني عندي خزانة علاه ميخبيش القش فوق هو عمل دار و جاب مرا باه تهتم بيه انا وليت نحس روحي بلي راني بلا فايدة نكل و نشرب و برك
ثالث شي انه ميصرف علي حتى فرنك تجيني صايبة منديرهاش نمرض مندويش حتى يشوفني نلقف باه اعادة من نحتاج اي شي يقولي قولي لماما انا معنديش صوارد هي لي تمدلي هو خدام مي لاباي معندوش معملتلوش باي خلاص اختي صراحة هده وحدة متقبلها تكون بشهريتها في دقيقة تولي فرنك معندها في جيبها هده جد صعبة
المشكل الرئيسي اني كنت نعرفو مكانش هكدا خلاص خلاص كون مجيتش نعرفه نقول بدلوهولي

وش نقلك يا اختي اصبري وخلاص خاطر كل مرة تعانديها فيها رايحة تكبر المشكلة بيناتكم اكثر واكثر
اصبري واحتسبي اجرك عند الله وصلي وادعي ربي يفرج همك
كون جى العيب فالراجل نقولك مع الوقت يتعدل لكن مدام امو عند راسو مش راضية عليك رايحة تبقى تزن في ودنيه وتقلبو عليك في كل مرة
علابيها نقولك خليهم يديرو رايهم انتي خلي روحك صافية مع ربي واصبري إن الله مع الصابرين هدا مجرد ابتلاء من ربي يشوفك لا تقدري تصبري او لا ومشوارك مزال حافل يعني 5 اشهر راهي والو مقارنة مع عمر باكمله
وان شاء الله يرزقك ربي بالذرية اللي تقر عينك وتهون عليك الاحساس بالحقرة وتلهيك ولما لا تلين قلب حماتك وابنها
كوني معاهم مليحة مليحة واعملي بأصلك ففي النهاية كل واحد وتربيتو اتعاملي معاهم كيما رباوك والديك
وربي يفرج عليك ان شاء الله
​

 

[djillo20]

الله اعلم