عاجل : بقي أسبوع واحد في حياتنا 0ـo

[رنيم الصمت]

​

تخيل يجيك خبر انه بقالك اسبوع في حياتك و تموت بعدها ..... وش راح دير
** قلت اسبوع مش يوم باش تعيشو في الخيال و تتخيلو بللي بقالكم وقت لاباس بيه تخممو مليح و كأنكم ماديين وقتكم في التفكير براحتكم **

تعقبها قراءة قران و صلاة لأنكم متناسيهم...
عندك كلام حاب تقولو لوالديك و مش قادر { اعتذار .. كلام مليح ... الخ ... }...
عندك كلام في قلبك لشخص معين و حاب تقولو ...
حاس روحك غالط مع واحد و لازم تعتذر منو ...
كاين ناس غالطين معاك و تسامحهم ...
تتفكر كاش دين عليك ولازم تخلصو ...
كاذب كذبة ولازم تصححها ...
كاش أقرباء قاطع الصلة بيهم وتصلهم ...
رافد من شخص وحاب تقولو راك زعفان منو لسبب ما ...
...الخ


مش خطأ وللا عيب اذا ترجمنا و كتبنا النقاط السوداء لي في قلوبنا و نحيناها وحدة وحدة

مد لروحك 5 دقايق فتش في قلبك مليح واجبد ورقة و قلم و اكتب نقطة نقطة .... و صفي قلبك

و يا سلام لو طبقت ما توصلت اليه لتعيش في سعادة و راحه نفسية لا توصف

الفضاء مفتوح ليكم

لو بقي لك آخر اسبوع في حياتك وش راح دير

أتمنى لكم سعادة في الدنيا و الآخرة و راحه نفسية أبدية ... أختكم رنيم:regards01:
​

​

 

[بنت الـ25]

رد: عاجل : بقي أسبوع واحد في حياتنا 0ـo

شكرا لك على هذه التذكرة اختي رنيم والله انا شخصيا كنت في أمس الحاجة إليها
لكني لم أعرف ماذا أقول
لو بقي في حياتي أسبوع ماذا عساي أفعل ؟
أول شيء وبصراحة كنت سأغلق حسابي عالفيسبوك وقبل ذلك أتوجه إلى جميع أصدقائي سواء فالفيسبوك أو في اللمة برسالة اعتذار إن أخطأت في حق أي منهم راجية السماحة والغفران
كنت سأقضي بقية الاسبوع في الصلاة والبكاء والتضرع لله أن يغفر لي ذنوبي الكثيرة ويرزقني جنة عرضها السماوات والأرض
كنت سأتصدق بكل ما أملك "والملك لله" والأهم كنت سأسأل وألح على والداي الدعاء لي بالثبات عند السؤال

جزاك الله خيرا حبيبتي ورزقك الجنة
​

 

[رنيم الصمت]

رد: عاجل : بقي أسبوع واحد في حياتنا 0ـo

أنا محتاجة لهاذ الكلام أكثر منك على بيها قلت نكتبو
بالصح تخيلي كاين نقاط مش قادرة نعترف بيها لأني مش قادرة نصححها مع انها اسهل مما يكون
ربي يهديني و يهدينا أجمعين و يثبتنا عند السؤال
ان شالله يرزقنا الجنة و نتلاقاو فيها

​

 

[Ma$Ter]

رد: عاجل : بقي أسبوع واحد في حياتنا 0ـo

السلام عليكم ورحمة الله وبركاته
ماهيش المشكل فى التوبة سمانة او شهر او سنة
هاذيك سهلة جدا ووهناك امثلة كثيرة
منها اناس مرضو امراض خطيرة جدا كانت نسبة موتهم اكثر من 50 % وتجدهم يعملو اعمال صالحة ووو
وبمجرد ان ينعم عليهم الله بعمر جديد ينسى ماكان عليه وهذا الصنف نذكور فى القران

وَإِذَا مَسَّ الْإِنْسَانَ الضُّرُّ دَعَانَا لِجَنْبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَنْ لَمْ يَدْعُنَا إِلَىٰ ضُرٍّ مَسَّهُ ۚ ....
المشكل المداومة على مجاهدة النفس طول العمر
ربى يرزقنا حسن الخاتمة

​

 

[رنيم الصمت]

رد: عاجل : بقي أسبوع واحد في حياتنا 0ـo

السلام عليكم ورحمة الله وبركاته
ماهيش المشكل فى التوبة سمانة او شهر او سنة
هاذيك سهلة جدا ووهناك امثلة كثيرة
منها اناس مرضو امراض خطيرة جدا كانت نسبة موتهم اكثر من 50 % وتجدهم يعملو اعمال صالحة ووو
وبمجرد ان ينعم عليهم الله بعمر جديد ينسى ماكان عليه وهذا الصنف نذكور فى القران

وَإِذَا مَسَّ الْإِنْسَانَ الضُّرُّ دَعَانَا لِجَنْبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَنْ لَمْ يَدْعُنَا إِلَىٰ ضُرٍّ مَسَّهُ ۚ ....
المشكل المداومة على مجاهدة النفس طول العمر
ربى يرزقنا حسن الخاتمة

​

وعليكم السلام و رحمة الله و بركاته
عندك الحق في كلامك
******الأولى اني اهدي نفسي :up:******
فكرة موضوعي انه كاين ناس يعودو حاسين بالضيق و افكارهم مخربطة لأنهم متضايقين من تصرفات خاطئة قامو بيها بالصح مش فاهمين وعلاه متضايقين .. فكرة باش يكتبو أخطاءهم تخليهم يصفو افكارهم وبالتالي يصحو اخطاءهم... و من ثم التوبة ولما لا ؟
أما الدعوة للهداية والتوبة انا مش قدها
لكن أتمنى الهداية و التوبة النصوح ــ و المداومة عليها كيما قلت ــ لينا كامل و يرزقنا حسن الخاتمة..... آمين
مشكور أخي على الاضافة :regards01:​

 

[عاشقة الصمت 13]

رد: عاجل : بقي أسبوع واحد في حياتنا 0ـo

مانكدبش عليك ختي ولا على ربي
مانعرف واش راح ندير وكان تبقالي غير سمانه
حنا اصلا رانا عايشين غير نهار برك ودرنا فيه حوايج تاع الدهر
الله يهدينا برك
هادي الساعة كي يحس بروحه بللي راه رايح
تجيه الف حاجة وحاجة
مادابينا نعود رواحنا بللي رانا ريحين مادايمينش
مي ماشعارفة راني نقولها غير بالفم ولا صح
زعما هاكدة راني نحس؟؟؟
ربي يجيب الخير
وانشالله رحمته واسعة
وانشالله يرزقنا حسن الخاتمة ويثبتنا عند سؤال الملكين
يااااااااااااااااااارب ​

 

[sahiko hamza]

رد: عاجل : بقي أسبوع واحد في حياتنا 0ـo

الموت ماتشاورش
بصح راح نيماجينيها








.
.
.
.
.
.
.
والله انا نخمم مالقيت روحي
بيان سيغ راح نزيد فصلاتي وكلش بصح
هل ياترى احنا حاليا مقصرين ؟؟



والله اختي دخلتيني في متاهة ....
​

 

[MISS ROSE]

رد: عاجل : بقي أسبوع واحد في حياتنا 0ـo

موضوعك روعة انا وحدة من الناس
نستغفر ربي على كل غلطة كبيرة ولا تافهة
نقول لوالديا اسمحولي ونحبكم اكثر من عيوني يا رب ارضيهم عني
نقول لراجلي حبيتك من قلبي والتفاهات غيرة ومحبة لا اكثر
نقول لعايلتي كامل الحمدالله نورمالمو مادرت معاكم كان لملاحة
نقول لصحاباتي كامل بورك فيكم وربي يجمعنا في الجنان العليا
نسامح وننسى كالعادة
نبكي كنت ناقصة عبادة
نفخر بروحي مشيت بنيتي وما كنتش منافقة ولا كذابة
يعطيييك بوسة يا بسبوسة
​

 

[رنيم الصمت]

رد: عاجل : بقي أسبوع واحد في حياتنا 0ـo

اكيد رانا مقصرين مهما درنا خير يبقى منا التقصير بلا ما نحسسو ساعات
ربي يهدينا و يرزقنا حسن الخاتمة
دايما ندعي ربي يلاقينا في الجنة كيما رانا مجمولين ضرك
​