كيفاه فات عليك عام 2013 في حياتك الواقعية وفي اللمة ؟

[السلطانة]

رد: كيفاه فات عليك عام 2013 في حياتك الواقعية وفي اللمة ؟

2013​

بالنسبة ليا عام كان شويا متعبني مي عادي ​

ديما في قاموسي حاجة بعد الصبر يأتي الفرج و حمد الله على كلشيء​

مزااااااااااالني صابرة:d حتى يجي وليدي صابر :d:p هذي مقولة مكانش الي رح يفهمها حتى واحد :d
اهلا فيفي
نعود نعيطلك الصابرة :p:p:p​

بديت عامي مع الميموار شيبني شويا منبعد حمد الله تهنيت و فرحت و فرحت اهلي و هذا بالنسبة ليا حاجة كبيرة :-h
ربي يفرحك ان شاء الله ماكانش فرحة كيما فرحة القراية بعد التعب والشقاء تتدوقي النتيجة ​

بعدها درت مغامرة مع صديقتي و لاجل صديقتي برك و أكبر مغامرة في حياتي و كانت ذكرة مننساهاش طول عمري ربي يخليهالي
ياام المغامرات انتي :dربي يحفظلك صديقتك​

بديت نخدم الحمد الله و نعيش حياة جديدة و عقلية جديدة و مسؤولية غير تاع لقراية كامل
جدية ونشاط ومسؤولية بعد ماكنتي طالبة كلش يجيك درك دراعك والشغل ربي يوفقك ​

لينا بنت ختي جات قبل 2013 بيمات و عشت معاها اجمل الايااام و معاها ننسى كلش اجمل ملاك بعثو لينا ربي غيلنا كامل حياتنا
ربي يحفظللكم لينا ويخليها بهجة الدار يارب
والله يااسماء القبايل ايلينا ميلينا سيلينا :d​

عشت فترة امي مرضت و حمد الله درك تتحسن
الحمد لله ربي يخليهالكم​

درك سيبو نولي لعامي في اللمة ​

مع اللمة رجعتلها بعد مافرقتنا لقراية غبت تقريب عامين عليها و كي رجعت لقيت الحالة ماشاء الله
انتي راكي كنز كبير مزية لي رجعتي :-r​

قايمين بيها كما يلزم و منكذبش عليكم زدت تعلقت بيها اكثر ​

مع رمضان تعرفت على ناس عزاااز و مع الكاميرا كاشي درت حاااالة و فوتت يمات شابين و انت ياساندي كنتي احد الضحاية ديالي
درتي بيها حالة الكاميرا الكاشي :dوعرفناك بلي مشاغبة
وتعرفت عليك اكثر في مجموعة عالم المرأة منين خدمنا القصص هادوك
مع لبنات هالة،صفاء،ميساء،أماني،نور (لوفلي سمايل)،فطيمة19 ..
كانت اروع أيام​

تعرفت على ناس منهم صح عرفت قيمة اللمة ​

خالاتي ام اسحاق , وجع الضلم , ام منصف , ام ندى , و حدة و لقائمة طويلة هذو ديما يبقاو خلاتي و عزاااز عليا بزاااف ربي يحفضهم
ربي يحفظهم ​

بعدها كاين بنات بزااف منقدرش نسميهم سينو نقعد هنا
هههه درك يجيو يجيفوك ​

حمد الله على النعمة الي بعثهالنا ربي ​

ربي يخليكم لينا كامل ​

و يدوم لمتنا ان شاء الله
آمين ياربّ​

بالمختصر هذي هيا سنة 2013 و ان شاء الله 2014 يكون احسن ​

ويخليلي كل حبابي في داري الاولى و الثانية

:love01::love01:​

ان شاء الله تكون سنة 2014 اجمل الاعوام هنا في اللمة وفي الواقع
صحيتي للمشاركة الطيبة يامشاغبة قصدي مافيا :p​

 

[ملكًة الاحسآس]

رد: كيفاه فات عليك عام 2013 في حياتك الواقعية وفي اللمة ؟

ثيــــــو هآودت وليت :d
بون سنة 2013 بالنسبة لحيآتي كآنت عمومآ سنة الجمآد بكل معنى الكلمة
عرفت طعم الشومآج مع نهآية سنة 2012 وبقيت نذوق فيه حتى لدركـ
على المستوى الشخصي والعآئلي تآع العآم الي فآت تآع العآم هدآ
يآخي قلتلكـ سنة الجمآد :p
والاستثنآء الوحيد الي ميز 2013 في منتصفهآ تقريبآ نهآر خلق الي نورلنــآ حيآتنــآ
بن أختي أنيس فرحة مآنقدرش نوصفهآ ّ، ربي يحفظهولنآ ان شاء الله
وهآد الايمآت قلت نلغق 2013 بحآجة مليحة يآخي دخلت نتعلم الخيآطة
عآلم آخر وبديت نحبهآ ، بلكـ نولي كمآ نور تآع مهند كآش نهآر :p
امآ بالنسبة للمة فالعكس تمآمآ كآنت جد مميزة مليئة بالاحداث
وليت مشرفة في ركن جد خآص بالنسبة لي وهو قسم عآلم المرأة باقترآح من نور
ومع 2 بنيتآت مآعندي مانقول فيهم ، حتى اني ماشفيتش ولآ مرة تناشعنآ ولآ كآن عندنآ آرآء مختلفة
ديمآ متفآهمآت خمسة وخموس علينـــآ :p
تعرفت على أعضآء بزآف كآنو من أطيب النآس الي عرفتهم في حيآتي
وتقربت من بنآت رجعوو من المقربآت تآع المقربآت ليــآ :d
في هدى العآم تعلمت نخربش فالفوتوشوب وهدا كآمل بفضل دورة ميس سوسو
ونونو الي شجعتني مآننسآش نهآر خدمتلي بالفوتوشوب تآعي بوحد اللوجيسيآل مدتهولي
وانآ ميتة بالضحك حسيت بيهآ قآعدة جنبي
بلآ ماننسى منوش وروكآ الي بفضل التعآنيد ليهم ميكونش عندي هدآكـ الاصرار كآمل
ومع دخل رمضآن ونشآطآت عآلم المرأة من مسلسل لكآميرآ كآشي عشنآ أيآمآت ماتتنسآش
ومن يوم ليوم رجعت اللمة ملح حيآتي تعلقت بيهآ ومآنقدرش يعدي نهآر ماندخلهآش
الآ اذآ كآنت عندي ظروف كمآ الفترة هدي
باختصآر ايامآت 2013 من أجمل وأحلى أيآمآت فوتهم من نهآر سجلت
يعطيكـ الصحة قلبوشتي على الموضوع الحلو كيفكـ






​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

أهلين بأم الشوش ومواضيعها المميزة كالعادة
أهلا مينا

واش نحكي لختي شوشو وش نخلي
عام 2013 كان عام مليان بالأحداث
رايحة نختصرها قدر الإمكان
هههه قصدك اكتب فقرة في شكل مقالة:p:p
في حياتي الواقعية عشت مرحلة انتقالية لأني توقفت عن العمل اللي مارستو لأكثر من سنتين
والفتيه خلاص وصعيب باه تبدليه
وجربت احساس الشوماج لأول مرة ،، احساس لم يدم طويلا فسرعان ما التحقت بمنصب عمل آخر بعد 10 ايام والحمدلله
احساس صعيب الشوماج ههه ربي يبعدو ربي يوفقك في خدمتك الجديدة
عام 2013 شهد ولادة ابن اختي الجميل نوح ربي يخليه ويحفظة شحال بوبون
ربي يحفظهولكم ياخالة
تاني فارقت ناس عزاز او بالاحرى كانو عزاز بعد عشرة دامت خمس سنوات
الظاهرة انو العشرة تهون بسهولة عند البعض
اي اي اي اي اي كاين ناس ولاهمهم
في جويلية تاني كانت خطوبة اخي الغالي ربي يكملو ويهنيه
ربي يهنيه يارب
دخول اشخاص لحياتي بهم انقلبت موازيني ربي يخليهملي ويدوم المحبة بيناتنا
ربي يحفظهم ويخليهم ديما ملاح ومزيين حياتك
وكانت مشاكل فالعمل الجديد لكني وبحمد الله تجاوزتها وخرجت منها بأقل الأضرار
لازم فيها مشاكل ان شاء الله ديما تفوت على خير​

أما هنا فاللمة فعام 2013 كان عام مميز
فبعد غياب وبعد عاللمة رجعت اندمجت مع الاصدقاء وصرت مشرفة على اثنين من اكثر الاقسام اللي نحبها
نشفى على وقت تعيينك في الاشراف وكيفاه تعرفنا :d
تعلمت الفوتوشوب ودرنا حاةلة بيه وقت انا ونونو وميسا والميس سوسو وميزو زهور في منتدى التصميم
:dدرتو حالة :pودرتي حالة في واحد لبلاصة خخخخخخخخخخخخ
شاركت في عدة مسابقات أدبية وابداعية وفي منتدى المرأة وحصلت على اوسمة متعددة وشهادات فرحت بيهم بزاف
:d:d:d:d
على الرغم من ان الكثير من الاصدقاء القدامى اللي عرفتهم في فترة مالفترات غابو مي كسبت ناس جدد رجعولي الفرحة لعيوني وانا نتصفح اللمة
ان شاء الله يرجعو برك ويبركاو من الدلال
اسماء كثيرة رح نحاول نحصرها واللي نسيتها ولا نسيتو برحمة الوالدين لا تواخزنا خخخخخ
عندنا مون لايت ،، ميسا ،، شوشو ،، روز،، شجون الروح ،، حدة ،، فتاة حساسة ،، سلسبيلة ،، يلدز ،، الميس سوسو ،، نعيمة ،، الاخ كمال معتز اللمة ،، حمزة ،، بيكهام ،، والكثير الكثير​

سيعطيك الصحة شوشيتا على السوجي ،، مالح وبنين :d
ههههه ربي يحفظ هادو لي دكرتيهم والقائمة طويلة باه ميزعفوش لي مسميتهمش ​

شكرا للمرور الطيب والحار:d
​

 

[♫الباحثة عن الحظ♫]

رد: كيفاه فات عليك عام 2013 في حياتك الواقعية وفي اللمة ؟

يعني كان مابين الفرح والحزن
ربي يشفي الوالدة الكريمة ان شاء الله يارب وربي يرحم القريب لي توفى
ويفرحكم بالمواليد لي ازادو
وعلى اللمة انتي باطيتي الروكور :p
تقول عليك من عوام مسجلة هنا
نتخلع كي نشوفك مسجلة غير من شهرين
ربي يحفظك ويخليك ديما معانا
شكرا للمشاركة الطيبة
سلامي ​

ربي يحفظك ساندي حشمتيني حتى دمعوا عيوني ربي يخليكم
​

 

[FATIMA 19]

رد: كيفاه فات عليك عام 2013 في حياتك الواقعية وفي اللمة ؟

السلام عليكمــــــــــــ
عام 2013 جاو عاديــــ مالgري جبت الباكــــــــــ
وفي اواخر العام 2013 يعني في هاد الوقت راني نسوفري اكثر كل شي تبدل عليا
نضل نبكي ونعانيـــــــــــــــ :$
ان شاء الله ربي يخفف عليا و يعطينيــــــــ الصبر
أما مع العايلة الحمد لله ربي يدوم و يزيد
كاينين اولاد لافامي تزوجو وفرحنا معاهمـــ و زهينا و الحمد لله
أما في اللمة عام 2013 مليح فيه رمضانـــــــــ جوزتو ثم 4
مي صراحة شوي سماطة راحو الناس اللي نعرفهمـــــــ مع العلم اني تعرفت بأخرين
مي أنا أحن للمة 2009 و 2010
أيااااام جد رائعة ​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

السلام عليكم الحمد لله فات بسلام وبصحة وامان لكل العائلة وحققت فيه بعض الانجازات منها تقدم في انجاز السكن البنيان اما العمل فهو روتيني كيف كيف

وعليكم السلام
ان شاءالله يكون عام 2014 افضل من 2013 وتنجز فيه انجازات اخرى
شكرا لمرور الكريم

​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

يرفع ... حلو بزاف بزاف

:regards01::regards01::regards01::regards01::regards01:​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

وعليكم السلآم

توحشت نرحي فالموآضيع :d
نخلص الشغل ونرجعلكـ :up:​

:yahoo01::yahoo01::yahoo01:​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

2013 كان اجمل عام عندي رزقني ربي بوليدي "محمد آدم" ربي يحفطولي كي نتفكر نهار ولدت الدمعة تجيني من الفرحة وكي نشوفو ظروك منصدقش بلي عندي طفل" بصح بيناتنا راه مكلبني


اما بالنسبة للمة في حقيقة الامر من نهار انخطبت موليتش ندخل ليها بزاف ​

ربي يحفظلك محمد آدم الله يبارك شفت صورتو :-r
راه اجمل حاجة انو الوحدة تولي أمّ ربي يحفظهولك
​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

شكرا شوشيتا كنت بحاجة لهكذا موضوع حتى اكتب عما حصل معي سنة 2013 فقد عرفت منعرجات جد حاسمة في حياتي
اهلا اختي :-r

البداية كانت موفقة مع دراسة وصولا الى شهر فيفري واكبر مشاكل والحمد لله انتهت بسلام
ربي يوفقك ان شاءالله في مشوار الدراسة
عودة الى روتين وامور بخير ثم فصل الصيف ومرض جدتي الله يرحمها عانت الكثير صيف عادي لا شيء لذكر وصلا الى شهر رمضان ومرض الغالي وبعدها الحمد لله تستقر اوضاع ثم شهر سبتمبر وخااصة 2 وكان لي مع الحب عهد راائع
ربي يرحم الجدة الغالية ويسكنها فسيح جنانه يارب

انتهى سبتمبر وجاء اكتوبر ايام عشر اولى مرض جدتي اشتد والموت كان لها خاطفا ماتت وتركت الحزن لايام وايام وماكاد الجرخ ان يطبيب حتى جاء جرح اخر واتمنى ان يكون بوجع اقل لحد الان هكذا هو العام واتمنى من كل قلبي ان ينتهي بخير
ان شاءالله يارب تروح الآلام وتجي في بلاصتها الأفراح بعد العسر يأتي اليسر​

شكرا حبيبتي على مشاركتنا ​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

ثيــــــو هآودت وليت :d
مرحبا بالغلا

بون سنة 2013 بالنسبة لحيآتي كآنت عمومآ سنة الجمآد بكل معنى الكلمة
عرفت طعم الشومآج مع نهآية سنة 2012 وبقيت نذوق فيه حتى لدركـ
على المستوى الشخصي والعآئلي تآع العآم الي فآت تآع العآم هدآ
يآخي قلتلكـ سنة الجمآد :p
زاد كمل عليه البرد والثلج :p:p
والاستثنآء الوحيد الي ميز 2013 في منتصفهآ تقريبآ نهآر خلق الي نورلنــآ حيآتنــآ
بن أختي أنيس فرحة مآنقدرش نوصفهآ ّ، ربي يحفظهولنآ ان شاء الله
نتفكر مليح خالتو كيفاه كانت فرحانة
ربي يحفظهولكم ان شاء الله

وهآد الايمآت قلت نلغق 2013 بحآجة مليحة يآخي دخلت نتعلم الخيآطة
عآلم آخر وبديت نحبهآ ، بلكـ نولي كمآ نور تآع مهند كآش نهآر :p
شاطرة واكيد تحصليها
ان شاء الله وعلاه لا تولي خير من نور :-h
امآ بالنسبة للمة فالعكس تمآمآ كآنت جد مميزة مليئة بالاحداث
وليت مشرفة في ركن جد خآص بالنسبة لي وهو قسم عآلم المرأة باقترآح من نور
ومع 2 بنيتآت مآعندي مانقول فيهم ، حتى اني ماشفيتش ولآ مرة تناشعنآ ولآ كآن عندنآ آرآء مختلفة
ديمآ متفآهمآت خمسة وخموس علينـــآ :p
وحنا تاني كان لينا حدث مميز انو انضميتي معانا وكان عام روعة
زينتي عالم المرأة ربي يحفظنا من العين قوليها وزيدي لايضربونا شي من ناس بعيون خخخ:d:d
تعرفت على أعضآء بزآف كآنو من أطيب النآس الي عرفتهم في حيآتي
وتقربت من بنآت رجعوو من المقربآت تآع المقربآت ليــآ :d
في هدى العآم تعلمت نخربش فالفوتوشوب وهدا كآمل بفضل دورة ميس سوسو
ونونو الي شجعتني مآننسآش نهآر خدمتلي بالفوتوشوب تآعي بوحد اللوجيسيآل مدتهولي
وانآ ميتة بالضحك حسيت بيهآ قآعدة جنبي
هههههه ربي يحفظها نونو :-r:-r:-r
بلآ ماننسى منوش وروكآ الي بفضل التعآنيد ليهم ميكونش عندي هدآكـ الاصرار كآمل
ومع دخل رمضآن ونشآطآت عآلم المرأة من مسلسل لكآميرآ كآشي عشنآ أيآمآت ماتتنسآش
ومن يوم ليوم رجعت اللمة ملح حيآتي تعلقت بيهآ ومآنقدرش يعدي نهآر ماندخلهآش
الآ اذآ كآنت عندي ظروف كمآ الفترة هدي
باختصآر ايامآت 2013 من أجمل وأحلى أيآمآت فوتهم من نهآر سجلت
يعطيكـ الصحة قلبوشتي على الموضوع الحلو كيفكـ ​

وتفكرت منين حنا نعلنو حاجة في حواء والغاشي يسرقها من هيه هههه
بالفعل اللمة هي حياة أخرى منقدروش على فراقها ربي يدومها ويحفظنا ليها
شكرا ميسو نورتي الموضوع
​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

ربي يحفظك ساندي حشمتيني حتى دمعوا عيوني ربي يخليكم​

:-r:-r:-r​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

السلام عليكمــــــــــــ

عام 2013 جاو عاديــــ مالgري جبت الباكــــــــــ
وفي اواخر العام 2013 يعني في هاد الوقت راني نسوفري اكثر كل شي تبدل عليا
نضل نبكي ونعانيـــــــــــــــ :$
ان شاء الله ربي يخفف عليا و يعطينيــــــــ الصبر
أما مع العايلة الحمد لله ربي يدوم و يزيد
كاينين اولاد لافامي تزوجو وفرحنا معاهمـــ و زهينا و الحمد لله
أما في اللمة عام 2013 مليح فيه رمضانـــــــــ جوزتو ثم 4
مي صراحة شوي سماطة راحو الناس اللي نعرفهمـــــــ مع العلم اني تعرفت بأخرين
مي أنا أحن للمة 2009 و 2010

أيااااام جد رائعة ​

أهلا فاطمة
مابين العادي والرائع فات عليك العام
ان شاء الله العام الجاي يكون احلى واروع في حياتك الحقيقية واللمة
شكرا لمشاركتنا​

 

[عفيفة الحبوبة]

رد: كيفاه فات عليك عام 2013 في حياتك الواقعية وفي اللمة ؟

احمممم موضوع حلو و زين و يهبل صراحة
بالنسبة ليا سنة 2013 سنة مميزة على كل المستويات
على مستوى الحياة الواقعية
بديتها مع المعاناة تاع الباك الاشهر الاولى ماعقلتش عليهم بزاااف تالمون كنت غير مع القراية و الجري
و كانت الفرحة تاني تاع خطوبة اخي و خطوبة اختي ربي يخليهم ليا و يحفظهم
جبت الباك بالمعدل لي تمنيت و فرحت لافامي و سورتو الوالدة لي شفت دموع الفرحة في عينيها و هادي كانت اجمل لحظة في حياتي
جا الصيف و بدينا الجري تاع عرس خويا بصح كلشي فات بخير زوجناه و تهنينا منه هههههه
و جات مرت خويا لعزيزة لي ولات كيما ختي ربي يطيب بينها و بين اخي و يعمر دارهم ان شاء الله
انا دخلت للجامعة و بديت حياتي الجديدة و اكيد تعرفت على ناس عزاز و زدت قويت صداقتي برجاء حبيبتي لي نحبها و نموت عليها
الحاجة لي زعفتني بزااف هي كي خسرت صحبتي الباك مسكينة ادعولها ربي يوفقها راهي تعاود فيها
و تاني كي تفارقت انا و ناس نحبهم بسبب الدراسة في الجامعة
على مستوى اللمه عرفت ناس في القمة بزاااف
سيرين و عفاف و سفيان ربي يحفظهم و يهنيهم
ماكانتش عندي مشاركات بزاااف انا اكتفي مرات بالمشاهدة و الاستمتاع
المهم كانت سنة جميلة يا رب تكون 2014 اجمل و تكلل بنجاحات و انجازات اخرى للجميع و لينا ان شاء الله
و شكرا لصاحبة الموضوع المتألقة دائما
كل عام و انت بخير​

 

[همس الوُرود]

رد: كيفاه فات عليك عام 2013 في حياتك الواقعية وفي اللمة ؟

السلآم عليكم


باسم الله الرحمآن الرحيم


أولآ يعطيك الصحة شوشيثآ على هدآ الموضوع الرآئع


رآيحة نبدآك وش صرآ ف 2013 الي نشفآ عليهم أمآ البقية فالله غآلب هههه ننسى بزآف


بالنسبة ليآ ف 2013 بصرآحة عشت أيآم مليحة وهآيلة لأني تعرفت على بنآت بزآف هآيلآت وكآنو ثوجور معآيآ وآقفين في فرحي وحزني كنت دآئمآ نحس روحي فاللمة وكأني في بيتي الثآني لأن كل فتآة تعرف عليهآ صرآحة درتهآ كيمآ أختي الحقيقية
و أكثر حآجة عجبتني فاللمة أنو عند مرضي عرفت بلي كآين نآس بزآف يحبوني ويخآفو عليآ سوآء فاللمة أو في الحقيقة لقيت نآس بزآف دعآولي وحزنو لغيآبي وحتى بكآو عليآ

في اللمة بيآنسير مآنقدرش مآندكرش أسآمي الي دعآولي لأنهم عملو خير كبير معآيآ هم اسرآء و زينب و أسيل و أسومة و يآسمين و المآفيآ و أنتي و مون لآيت وليليآ وملآك 25 و نسرين و شيمآء و شهينآز ورحمة و رميسة و نوسي و نجلآء بيآنسير و أم الحلويين و نينآ ليزمآ و البآحثة عن الحظ و أينج أينج و شجون الروح و سرين ومنآيآ الجنة و زهرة الندى و لميآء و مينآ و الي كآنو غآيبآت وعلآبآلي ويلآ عرفوا وآش كآن بيآ في هدآك الوقت كآنو يتقلقو كيمآ شروق و رونآ و لولآ - نتمنى مآنكون نسيت حتى وحدة ان شآء الله يآ ربي

ربي يخليهم ليآ يآ رب والله صح هآدي حآجة أثرت فيآ بزآف وزآد تعلقي بيهم لدرجة كبيرة صح صح​

​

 

[♥SaMoù Là MoDèsTe♥]

رد: كيفاه فات عليك عام 2013 في حياتك الواقعية وفي اللمة ؟

السَلَآمُ عَلَيْكُمُـ

2013
فيهـآ
الأسْوَأْ
و فيهـآ
الأحْسَنْ

نبدآ بـ
الأحسن
شهر جويلية : تحصلت على شهآدة الليسانس في البيولوجيا ...

24 مآي 2013 هو يوم خطوبتي 3> :$
( لعقوبة للعرس إن شـآء الله )

أوآخر سبتمبر -أوائل أكتوبر منعرج كبير في حيآتي وهو بدآية
الحيآة العملية
( مستخلفة إلى أجل غير مسمى:s)
وقد يكون من نصيبي إلى الأبد
( نستناو المكتوب)
SaMoù Là MoDèsTeأصبحت أستاذة العلوم الطبيعية
في
الطور المتوسط
إذن بدأت رحلتي مع البرآءة
ورحلتي مع
( أستآذة هل نكتبوها بالأزرق أو الأخضر ،أستاذة أذهب إلى المرحاض :-o أستآذة عآونينا في النقاط ...)
بدأت إذن رحلة الأستاذة
"سامو والعصا الخشبية"

وإن شـآء الله ما تنتهيش الرحلة دي

أواسط أكتوبر أول عرس يقام بالمنـزل : عرس أخي الأكبر
( بزيان السعد ولعقوبة لـ أختو ان شـآء الله

)
دامت أفرآحنا ان شـآء الله .



نـَمُُُر إلى ==> الأسوأ

(وإن شـآء الله كل هم يزول)

أواسط سبتمبر :
تعرضت أم خطيبي التي لم تبلغ الخمسين سنة بعد والتي أعتبرها بمثابة والدتي ،
تعرضت إلى مرض أدى إلى شلل نصف أعضاء جسمها
و فقدآن نصف ذاكرتها
( هي الآن تتحسن شيئآ ف شيئآ بمشيئة الله )

أحد القريبآت توفيت في أواسط شهر نوفمبر
بعد معاناتها مدة 7 سنوات مع المرض الخبيث .

أواخر هذآ العآم بعدت على صديقاتي تاع الجامعة وذلك ليس بالأمر الهين
(توحشتهم بزآف )
والآن حاسة نفسي وحيدة بلآ بيهمـ

كآين مشاكل ما نقولش مكآش
و تألمت بزآف نفسيا وحسيت روحي عديمة الحظ
ما نقدرش نحكيهم لأنو من طبعي ما نحكي لحتى لواحد كي نتألم بزآف
وفات كلش أو بالأحرى
حاولت ننسى
.......
بالنسبة لمنتدى اللمة
هذآ العآم
لآ أنكر أنني بعدت بزآف عليه
ومانيش ندخل ليه كيما كنت
وهآذي حآجة مآهيش مليحة طبعا
بسبب ظروف العمل و انشغالات الدار
ولآ أنكر أنني أغآر كي ندخل ونلقى الحماس ونلقى مواضيع فاتوني .
ونفرح في نفس الوقت كي نلقى خدمات جديدة في المنتدى نلقى أعضآء نشطين ومواضيع وصور حصرية
.
طول مدة الغياب يزيد من شوقي لفتح المنتدى وتصفح مواضيعه
.
.
.
هكذآ فآت الـ
2013
أحيانا نبكي
وَ
وأحيانا نزهو
وَ
أحيانا نضحك
وَ
أحيانا نندم .

وإن شـآء الله القآدم
أحْلَى
ليآ ولكل من يتمنى ذلك
OoOOOOOoO


اللي خسر شي هذآ العآم ربي يعوضو بماهُو خير منو ويصبرو عليه
واللي كسَبْ شي ربي يباركلو فيهْ
واللي يتمنى حآجة ربي يحققهالُو

....
مرسي مَدآمْ شٌوشيتَا:-r
ريحت كي كتبت وحسيت روحي فرغت وآش كآين في قلبينوعًا ما
بالمناسبة
( مبروك خطوبتك تفرحي ان شآء الله وتتهناي مع المسيو وأهلو و العقوبة لعرسك)
​

 

[zahira92]

رد: كيفاه فات عليك عام 2013 في حياتك الواقعية وفي اللمة ؟

2013
صراحة عقب هكداك برك ماكانوش احداث مهمين في حياتي :-r فيه عقبت ايامات حلوة مع صحبياتي في وقت لقريا برك و2 اعراس لناس قراب ليا بزاف واهم حدث فيه كي تكليفيينا لوووول
في اللمة منيش ندخل بزاف ديجا هادي اول مرة من رمضان لي فات حسيتها تبدلت ياسر وليت منعرفش ناسها :s صحابتي لي كنت نعرفهم مش نشوف فيهم :$

 

[meriam tlm]

رد: كيفاه فات عليك عام 2013 في حياتك الواقعية وفي اللمة ؟

عام 2013يفكرني بزاف حوايج كاين الميلحة وكاين القبيحة
نبدا بالحوايج القبيحة وهي موت جداتي ربي يرحمها ويرحم جميع المسلمين
وماسمحتليش الظروف باش نعاود للباك ديالي
والحوايج المليحة هي انخطبت في هدا العام
وفوز المنتخب الوطني وتأهله للمونديال
ومازال باقيلنا يامات في هد العام ان شاء الله يخرج علينا وعليكم بخير
ويدخل علينا العام الجديد بالهنا ان شاء الله نفرحو بمنتخبنا في المونديال
وربي يهنيكم

 

[iman-dz4ever]

رد: كيفاه فات عليك عام 2013 في حياتك الواقعية وفي اللمة ؟

موضوع رائع
عام2013 فيه وعليه البداية نتاعو ما تعجبش خلاص واكثر حاجة ندمت عليها
يوم عيد ميلادي دارنا دارولي عيد ميلاد وانا ما حضرتش غلق الباب عليهم و زعفت نهارها كنت زعفانة من حاجة ما تستاهلش
و زيدي يا ايمان....ايييييه ومن الاشياء السيئة ماما رفدت الحمل و فقداتو ومرضت بزاف و عندنا واحد مات من 20يوم كان عرسو هذي الايام .............................................................
ونجو للحلو ضرك فاتت عليا ايام تمنيتها ما تخلاصش سيرتو مع بنت خالي وداد وفاتي و كان عندنا بزاف الاعراس العقوبة ليا......
وفي اللمة الله يبارك انا كنت نتابع من بعيد بصح في رمضان سجلت فيها وفعلا لمة راني مدمنة عليها ادييييييييييت فايدة كبيرة و تعلمت صوالح بزاف سجلت انا وبنت عمي ناهد فيها وحديثنا دايما عليها و نتمنى بقية العام يفوت لاباس و نطلب ربي يكملهالي ويلقى خطيبي الدار خلاص طاب جناني..ههههههههههههههههههه..
والستر هاذا ماكان
​

 

[السلطانة]

رد: كيفاه فات عليك عام 2013 في حياتك الواقعية وفي اللمة ؟

احمممم موضوع حلو و زين و يهبل صراحة

بالنسبة ليا سنة 2013 سنة مميزة على كل المستويات
على مستوى الحياة الواقعية
بديتها مع المعاناة تاع الباك الاشهر الاولى ماعقلتش عليهم بزاااف تالمون كنت غير مع القراية و الجري
و كانت الفرحة تاني تاع خطوبة اخي و خطوبة اختي ربي يخليهم ليا و يحفظهم
جبت الباك بالمعدل لي تمنيت و فرحت لافامي و سورتو الوالدة لي شفت دموع الفرحة في عينيها و هادي كانت اجمل لحظة في حياتي
جا الصيف و بدينا الجري تاع عرس خويا بصح كلشي فات بخير زوجناه و تهنينا منه هههههه
و جات مرت خويا لعزيزة لي ولات كيما ختي ربي يطيب بينها و بين اخي و يعمر دارهم ان شاء الله
انا دخلت للجامعة و بديت حياتي الجديدة و اكيد تعرفت على ناس عزاز و زدت قويت صداقتي برجاء حبيبتي لي نحبها و نموت عليها
الحاجة لي زعفتني بزااف هي كي خسرت صحبتي الباك مسكينة ادعولها ربي يوفقها راهي تعاود فيها
و تاني كي تفارقت انا و ناس نحبهم بسبب الدراسة في الجامعة
على مستوى اللمه عرفت ناس في القمة بزاااف
سيرين و عفاف و سفيان ربي يحفظهم و يهنيهم
ماكانتش عندي مشاركات بزاااف انا اكتفي مرات بالمشاهدة و الاستمتاع
المهم كانت سنة جميلة يا رب تكون 2014 اجمل و تكلل بنجاحات و انجازات اخرى للجميع و لينا ان شاء الله
و شكرا لصاحبة الموضوع المتألقة دائما

كل عام و انت بخير​

ربي يدوم الفرح عندكم والنجاحات ان شاء الله
وتنال صحبتك الباك هاد العام وتفرحو معاها
ويكون عام 2014 عام أروع
شكرا لمشاركتنا اروع لحظات 2013
سلامي عفيفة ​