تليتلي رائع بالصور *من مطبخي*

[om mimi.mili]

السلام عليكم اليوم درت التليتلي وحبيت نعطيكم كيفاش انا نديرو وان شاء الله يعجبكم ونبداو مع المقاديربسم الله لازم اول حاجة 250 غرام تليتلي *04 اطراف دجاج او اكثر على احساب افراد العائلة طبعا *200 غرام لحم مرحي *زيت+ملح+مغرف طماطيش مصبرة+فلفل اسود+قرفة+فلفل عكري +02مغارف مقرين للقلي *حبة بصل صغيرة مسكرفجة+حبة زرودية+حبة لفت+2مغارم خبز مرحي+بيض مغلي للتزيين *حمص مشمخ واللان نبدا طريقة التحضير نديرو الجاج بعد ما نشوطو ونغسلو ونقطعو بالطبع وزيت وكامل ليزيبيس لي قلتهم في المقادير مع البصل ونقليوها مليح على نار هادية ومنبعد نحطو الطماطيش ونمرقو بماء سخون حتى يتغطى الدجاج ونديرو حفنة حمص مع الخضرة الي قطعناها كاريات صغيرة ومن جانب اخر نشمخو التليتلي بشوية ماء دافىء+مغرف زيت بعد ما نكونو حمصناها في المقلة باش ماتتعجنش وتدي لون باهيونفوروها كيما الكسكسي 2 مرات ونوجدو اللحم مرحي+البصل المسكرفج+خبز يابس+ليزيبيس لي درناهم في المرقة+بياض بيضة نلموها ونديروها كويرات صغار ونقلوهم في المغرين:up:ومنبعد نحي الجاج ونصفي لاصوص تاعنا ونديرو فيها التليتلي المفور باش يدي بنة لاصوص ونحمرو الجاج في الزبدة لي قلينا فيه اللحم مرحي ونقدموها مع البيض ونخليكم مع التصاور:d

 

[SAMIRA25]

رد: تليتلي رائع بالصور *من مطبخي*

امممم شفت كلمت تليتلي دخلت نجري نموت عليه راني ديت الصحن كله
يعطيك الصحة اختي على الطريقة بارك الله فيك و جزاك خيرا

 

[ام ريهام]

رد: تليتلي رائع بالصور *من مطبخي*

يممممممممممممممم يا حنونتي راه يشهي وراكي قمت بالواجب درتي الكريقة بالتفصيل تسلمي يا حبوبة

 

[om mimi.mili]

رد: تليتلي رائع بالصور *من مطبخي*

بصحتك حنونة منعطيكش الصحن برك نعطيك القدرة كاملة مشي خسارة فيك

 

[om mimi.mili]

رد: تليتلي رائع بالصور *من مطبخي*

ارواحي تتعشاي انتي وسي موح ولبنات والله هداك الصحن اللول خرجتو غفارة الله يقبلها ويسترنا قولو امين

 

[نور الحبوبة]

رد: تليتلي رائع بالصور *من مطبخي*

يمممم راهو باهي وابان بنين انا تاني نموت على التلتلي مي الحاج ما احبوش عليها منكترش منو ناكل في دارنا ولا كي اسافر

 

[la_safa]

رد: تليتلي رائع بالصور *من مطبخي*

يممممم تعرفي شحآآآل توحشت التليتلي تآع مآمآ ربي يحفظهآ
ايييييييه يعطيكـ الصحة ختي و يسلمو يديكـ ،،
​

 

[om mimi.mili]

رد: تليتلي رائع بالصور *من مطبخي*

شكرا على مروركن حبيباتي

 

[om mimi.mili]

رد: تليتلي رائع بالصور *من مطبخي*

شكرا على التشجيع:regards01:

 

[masi_jiji]

رد: تليتلي رائع بالصور *من مطبخي*

امممممممممم تليتلي..ماتقوليليش خلص ومالحقتش عليه دورك نبكي حتى من هو من يديك:cray01:

 

[السلطانة]

رد: تليتلي رائع بالصور *من مطبخي*

تليتلي يجنن يممممم يعطيك الصحة اختي

​

 

[nassima 87]

رد: تليتلي رائع بالصور *من مطبخي*

امممممم يغطيك الصحا نموت على التليلي يميم

 

[hadda0425]

رد: تليتلي رائع بالصور *من مطبخي*

بالرغم ما عندي حاجة فيه مي يبان يشهي يعطيك الصحة
​

 

[om mimi.mili]

رد: تليتلي رائع بالصور *من مطبخي*

نعاود نطيبلك مكاش مشكل:d

 

[tistissa dj-tissou]

رد: تليتلي رائع بالصور *من مطبخي*

امممممممم يهبل باين بنبن ماكاش اللي مايحبش التليتلي يعطيك الصحة طاطا
​

 

[om mimi.mili]

رد: تليتلي رائع بالصور *من مطبخي*

نعاود نطيبولك ماسي مكاش مشكل

 

[iman dadou]

رد: تليتلي رائع بالصور *من مطبخي*

روعة الله يبارك اختي

مشكورة على الوصفة​

 

[samah06]

رد: تليتلي رائع بالصور *من مطبخي*

يعطيك الصحة حنونة
تبالي كل الشعب الجزائري يحب التليتلي وانا وحدة منهم

 

[ام خديجة1]

رد: تليتلي رائع بالصور *من مطبخي*

اهههههههههههه يا ام ميمي واش هذا الخير كلو ما شاء الله جاك روعة تسلم ايدك حبيبتي

 

[أم أمين23]

رد: تليتلي رائع بالصور *من مطبخي*

امممم يعطيك الصحة الطريقة مختلفة على تاعنا في عنابة ما نديروش اللفت والزرودية اعطيك الصحة