المتنافسة الثانية............°Nina Dz°

[ايميلي]

رد: المتنافسة الثانية............°Nina Dz°

راني جيت
واش تحكيلنا نينا على روحها
وواش هي حكايتها مع جاك سبيرو
كوارث 2013 في داركم يعني انت ديرتي كاش زبله خخخخ
وهذا العام ؟
احترام الغير هذا راه سلاحك ولا قناع برك
موقف مضحك طحتي فيه
موقف صعيب مريتي عليه
علاش تزعفي بلخف
ووعلاش قلبك قاسي
لوكان جيتي متبنات واش كان راح يكون شعورك
اندمتي على قرار خذيتيه في لحظة غضب
عندك اصدقاء بزاف كامل تعرفيهم ولا ارقام فقط
نينا والحب
علاش تكرهي اسمك ومشكون دلعك
واش تحبي كثر الطيارة ولا البابور ووعلاش تخافي الطونوبيلات؟
واش كان الحلم لي ماتحققش
كاين كلمة حبيتي تقوليها لكاش واحد مي حشمتي
وضرك السؤال الحساس
علاش تنساي بزاف والنسيان هذا هو سباب حزنك
لوكان يجي جاك سبيرو ويخطبك تقبلي بيه؟
والا لالا علاش تحبيه
تحبي الراجل لي يتكيف
الكذاب
الغيور
الحقود
الرمانسي
الجميل
الذكي
الشرير
وفي الاخير حطي اسم للشخص لي تمديلو
وردة زرقا
حمرا
صفرا
بيضا
سودا
وشكون لي تمديلو عمرك
راني سمطتها بزاف بالاسئلة انتاوعي
جاوبي عليهم ماتتجاهلينيش كيما عوايدك
وربي يوفقك
​

 

[ايميلي]

رد: المتنافسة الثانية............°Nina Dz°

نسيت سؤال مهم
علاش جاك سمحتيلو وانا لالا
وشحال من عضو تهدري معاه فالتيليفون يعني من الصحاب اللمة
نولي نزيد السقسيك ولا لالا
وكيما قلت للمنافس ديالك
واش ذنب الذراري لي ولدو وهوما مايعرفو والو
علاش مازلتو تعاقبوهم انتوما ثان بكلامكم
ووعلاش ماتقبلوش بيهم لولادكم
حتى ربي خلانا وحدنا انصحكم غير باليتاما وحنا جينا باش نموتو وخلاص يعني زيادة في هاذي الدنيا

مانقلقش نخرج ​

 

[أم عبد الله]

رد: المتنافسة الثانية............°Nina Dz°

راني جيت
ع سلامكـ آسيدي
واش تحكيلنا نينا على روحها
واش من ناحية نحكيلك راكي تعرفيها نورمالمو اكثر من اي عضو لهنا
وواش هي حكايتها مع جاك سبيرو
:sلاحكاية ولا شيء نحب تلكـ السلسلة وفقط
كوارث 2013 في داركم يعني انت ديرتي كاش زبله خخخخ
ههه درت بزاف وآخرها خسرتـ التلفاز الجديد ديال خويا من الكرطونة ليدي للمصنع ع طول خخخخ مي مزيا حلها بابا وجابلو واحد جديد:$
وهذا العام ؟
مازال في اوله مي مانقولكش واش درت خخخ
احترام الغير هذا راه سلاحك ولا قناع برك
الحمد لله هذا اول شيء علمهولي بابا قالي احترمي الناس يحترموك
وع هاذا الاساس راني نمشي اختي
موقف مضحك طحتي فيه
كي رحت للمارشي مع بابا لقيت طابلة لبع اللوازم بقيت نتفرج عجبتني حاجة درت لبابا وقتلو حنوني هاذي زعما شحال
رد عليا لي بيع وقالي واشنو اختي :down:المسكين حسبالو راني معاه:down:
موقف صعيب مريتي عليه
كي انخدعت ملي كنت نضنهم عزاز عليا
علاش تزعفي بلخف
نو بالعكس مي نهار لي نزعف مانعرفش نهدر
الله غالب عيب فيا
ووعلاش قلبك قاسي
انا الله يسامحك
لوكان جيتي متبنات واش كان راح يكون شعورك
مانقدرش نقولك لاني ماجربتش نخمم بهذيك الطريقة
اندمتي على قرار خذيتيه في لحظة غضب
اكيد
عندك اصدقاء بزاف كامل تعرفيهم ولا ارقام فقط
نعرف البعض والبعض هم يطالبونني بالصداقة فقط من باب الصداقة وليس لمعناها
نينا والحب
طريقين مختلفين لايجتمعان
علاش تكرهي اسمك ومشكون دلعك
كنت نكرهو قبل مانعرف معناه وراه قالي شخص بلي اسمك تصغير للنسيم اي نـٌسيمة وهو تلك النسماتـ الطفيفة التي تلامس وجوهنا:$
دلعت روحي بروحي كنت لثلوثة يعني كي يسألني شخص عن اسمي نقول نثيمة فيضحك لذا اخترت ان اقول نانينا ههه وحينما اصبحت خالة يعني قبل 11 عام اصبح ابن اختي يناديني باسم نينا الا ان اصبح اسمي
واش تحبي كثر الطيارة ولا البابور ووعلاش تخافي الطونوبيلات؟
نحب الطيارة لانو امنتي كانت انت اصبح سائقة طائرة مي ربي ماكتبليش لاني من عائلة محافظة مي ركبت طائرة حربية في صغري يعني احبت ذاك الشعور
نخاف برك والله ماعلابالي
واش كان الحلم لي ماتحققش
قتلك نكون طياره
كاين كلمة حبيتي تقوليها لكاش واحد مي حشمتي
ليك مي الله غالب مازالني نحشم نقولهالك:p
وضرك السؤال الحساس
علاش تنساي بزاف والنسيان هذا هو سباب حزنك
ابتلاء من عند الله كنت نزعف لانو نسى مي ضرك الحمد لله عندي قناعة بان النسيان نعمة من عنده سبحانه وليست نقمة
لوكان يجي جاك سبيرو ويخطبك تقبلي بيه؟
جاك يعني لي في بالي وبالك لالا لاني احبه من منظور مختلف
والا لالا علاش تحبيه
لانه يختلف ع الكل في كل شيء لذا تميزه عن الجميع هو مايعجبني :$
تحبي الراجل لي يتكيف نكرهو
الكذاب
الغيور
الحقود
الرمانسي:$
الجميل
الذكي
الشرير
نكرهم بالجملة مخلاف الرومنسي والذكي
وفي الاخير حطي اسم للشخص لي تمديلو
وردة زرقالاخي علاء فهو مثلي يحب اللون الازرق
حمراللغالية روز
صفرا لجاك سبيرو:p
بيضالكل احبتي هاهنا
سودالكل من تفنن في استغفالي
وشكون لي تمديلو عمركههه اكيد لبابا حبيب قلبي
راني سمطتها بزاف بالاسئلة انتاوعي
مزيا لي فقتي:d
جاوبي عليهم ماتتجاهلينيش كيما عوايدك
آسفة ولكن تجاهلي كان لكلماتك وليس لك
وربي يوفقك
​

شكرا لتواجدك
سارد الان ع بقية اسئلتك​

 

[أم عبد الله]

رد: المتنافسة الثانية............°Nina Dz°

نسيت سؤال مهم
لااراه مهما بقدر ما اراه استفزازي
علاش جاك سمحتيلو وانا لالا
ساخبرك لاحقا ع السبب
وشحال من عضو تهدري معاه فالتيليفون يعني من الصحاب اللمة
ليس لدي هاتف وصدقا لست ادعي
ولكني مع ذالك تكلمت بالهاتف مع 3عضوات جيمي - حميدة و امينة لست انت بل عضوى اخرى
نولي نزيد السقسيك ولا لالا
بصراحة لو كانت اسئلتك الاخرى ع هاته الشاكلة فاعتقد اني ساقول لا واكتفي بهاته فقط:$
وكيما قلت للمنافس ديالك
واش ذنب الذراري لي ولدو وهوما مايعرفو والو
لم يقل اي شخص انهم مذنبون بل قلنا انهم ضحية
علاش مازلتو تعاقبوهم انتوما ثان بكلامكم
ان كنت فهمت ماترمي اليه فليست تلك بعقوبة ولكنه الواقع وكان يجب ان يـٌكتشف والا لما تكلمت اصلا
ووعلاش ماتقبلوش بيهم لولادكم
ليست المشكلة فيما تحسينه بل المشكلة في تفكيرك حبيبتي
اعرف كثيرا ممن هم في مثل حالتك ولكن :s
حتى ربي خلانا وحدنا انصحكم غير باليتاما وحنا جينا باش نموتو وخلاص يعني زيادة في هاذي الدنيا
أستغفر الله العلي العظيم ماهذا الكلام اختي احسبك مؤمنه وتعرفين جيدا مامعنى هاته الكلمات
لن اناقشك في شيء سوى ان الله ع كل شيء خبير وقدير
فسبحانه لايظلم عباده
مانقلقش نخرج ​

تقلقتـ وصايي سورتو من آخر سؤالين ربي يجيب الخير ولست ارى ان هذا المنبر كفيل بشرح رؤيتي جيدا لاني مهما حاولت الشرح لن تفهميني
لذا اكتفي بالدعاء لك لعل الله يهديك الى طريقه
نورتي حبيبتي وهاقد اجبتك ع كل الاسئلة ولم اتجاهلها كما قلت
فلتحسني الضن

سلامي​

 

[أم راضية ~_]

رد: المتنافسة الثانية............°Nina Dz°

السلام عليكم
نينا هنا و ماقالتيش
بون هاداك حساب وحدو ...
مازال ماقريتش الاسئلة و مازال ما عرفتش الاجابات ورح نزدم و نسقسيك ان شاء الله مايكونوش طرحوهم عليك برك .
هايا بسم الله :
1 / موالفة تسهري؟
2 / تنوضي بكري . على قداش؟
3 / ماهو شعورك كي تكوني خالة او عمة؟ و واش معنتها عمة و وخالة ؟؟
4 / وعلاش خيرتي وردة زرقة بورتون الورد الشباب هو الاحمر والغووز وما الى ذلك؟
5 / تباني غامضة نوعا ما بالرغم من انك صريحة وصادقة , فهميهالي هادي ههههه ؟
جاوبي على هادو وممبعد نزيدلك​

 

[أم عبد الله]

رد: المتنافسة الثانية............°Nina Dz°

السلام عليكم
وعليكم السلام ورحمة الله تعالى وبركاته غاليتي:love01::love01:
نينا هنا و ماقالتيش
والله ماجاتـ مـٌناسبة غلاتي مممممممم ماقلت لحتى واحد جاو وحدهم:$
واش راكي حبوبتي صافا؟
بون هاداك حساب وحدو ...
سامحينا نجمتي ههه ياسيدي استغلي الوقت الباقي
مازال ماقريتش الاسئلة و مازال ما عرفتش الاجابات ورح نزدم و نسقسيك ان شاء الله مايكونوش طرحوهم عليك برك .
ماعليش ابروفيتي ومن بعد اضربي طلة ع لي سبقوك سورتو خونا حمزة راه هلكني بالاسئلة
هايا بسم الله :
بسم الله :$
1 / موالفة تسهري؟
ايه نحب نسهر مي نتفرج في الافلام ماشي نت
2 / تنوضي بكري . على قداش؟
وحة قاعدة ف الدار في ميزك ع قداش خطرات ال9 ولا راني هاذو ليامات ع 8.30:$
3 / ماهو شعورك كي تكوني خالة او عمة؟ و واش معنتها عمة و وخالة ؟؟
والله شعور جميل انك تكوني خالة وتحظني هاذاك المخلوق الصغير لحظنك وتباريه باش يرقد مممممممممم ينمي فيك احساس الامومة :$مي عمة مازال ماوليتش خخخ مي قريب حبوبتي ومانعرفش شو تعني عمة لانو ماعنديش عمه
4 / وعلاش خيرتي وردة زرقة بورتون الورد الشباب هو الاحمر والغووز وما الى ذلك؟
احب اللون الازرق ونشفى كنت نقرى هداني صديق وردة بيضة قتلو مانحبش لبيض جيبلي زرقا مسكين سيل عليها لونق زرق وجابهالي :down:مي بقات المفضلة عندي لانو جاست جامي دارو واحد ع جالي
ولي ف البروفيل ديالي هدية من صديقي
5 / تباني غامضة نوعا ما بالرغم من انك صريحة وصادقة , فهميهالي هادي ههههه ؟
الصراحة فيها فيها حبوبتي والصداقة صفة من صفاتي مي الغموض هذاك انو مانحبش نحكي اسراري لاي انكان فاكون كالفراشة تـٌبحر من زهرة لزهرة دون ثقلان عليها ( نورمالمو تفهميني حـٌبي :-r)
جاوبي على هادو وممبعد نزيدلك​

راني جاوبتك حبوبتي ماتزعفيش علينا برك:p
وفي انتظار عودتك بفارغ الصبر
اسئلتك وحدهم منين راكي اتجيبي فيهم:scared01:​

 

[أم راضية ~_]

رد: المتنافسة الثانية............°Nina Dz°

هههههههههههههههههههه ملاوح اسئلتي؟؟؟
جاو وحدهم هكداك برك؟
1 / تحسي روحك عندك الزهر ؟
2 / هل عندك صديقة انتيم ؟
3 / تقدري تجوزي رمضان بلا حمود بوعلام ؟ ههههههههههههههههههههههههههههههه
4 / من بين هادو شكون الي مليحة شوية فيهم خخخخخ
سفينة سفينة / بونال / ولا تاع قهوة بهية ؟ هههههههههه
5 / واش من القهوة تطيبو بيها؟؟
6 / كاش كتاب راكي تقراي فيه ؟
7 / كاش قصة راكي تكتبي فيه ؟
8 / معولة تكتبي كتاب ؟ اي نوع ؟
9 / واش هي الماكلة الي مازال ماتعرفيش تطيبيها او تطيبيها و ماتخرجلكش مليحة؟ ههههه
10/ واش رايك في يلديز ؟؟ ^^​

 

[أم عبد الله]

رد: المتنافسة الثانية............°Nina Dz°

هههههههههههههههههههه ملاوح اسئلتي؟؟؟
اكتبتهم وحدى مليحة ع ذيك جاوني ملاح هههه
جاو وحدهم هكداك برك؟
مليح امالا خليهم يجو وصيديهملي :p
1 / تحسي روحك عندك الزهر ؟
في بعض المواقف نعم والبعض لا
2 / هل عندك صديقة انتيم ؟
في الواقع نو لاني بصراحة مانثيقش بزاف في لبنات الله غالب مازالني نحوس لي ندير فيها الثيقة مع اني بديت نتفق مع وحدة لهنا ف النت:$
3 / تقدري تجوزي رمضان بلا حمود بوعلام ؟ ههههههههههههههههههههههههههههههه
ههههههههههههههه مانشربوش خخخخ بصح مانقدرش نجوز رمضان بلا مانشرب شاربات بوفاريك راهي اتجي بلاكوموند سبيسيال ليا:-h
4 / من بين هادو شكون الي مليحة شوية فيهم خخخخخ
سفينة سفينة / بونال / ولا تاع قهوة بهية ؟ هههههههههه
ههههههههههه تعجني سفينة سفينة مسكينة سكينه خخخخ كامل لاتعليق مي الله غالب هذا واش تقدر عليه بلادي:down:
5 / واش من القهوة تطيبو بيها؟؟
قهوة القوسطو:$ ههه يشربو لهنا قهوة فلامينكو مي انا مانشربش لقهوة الا نادرا
6 / كاش كتاب راكي تقراي فيه ؟
روايه باسم *تصفية الخونه *
7 / كاش قصة راكي تكتبي فيه ؟
راهي لهيه في محاولات قصصية راني نحاول نبدع شوي باش ماتروحليش موهبة الكتابة لعلي اصقلها من خبرات غيري :$
8 / معولة تكتبي كتاب ؟ اي نوع ؟
الا كتب ربي علاش لالا
رواية لاني احب هذا النوع كثيرا
9 / واش هي الماكلة الي مازال ماتعرفيش تطيبيها او تطيبيها و ماتخرجلكش مليحة؟ ههههه
ماشي ماكلة مي البغرير ساعات يتذقبلي مليح وساعات :down: الله غالب مازال ماعرفتلوش مليح
10/ واش رايك في يلديز ؟؟ ^^
واش نعرف ع نجمتي مممم كل خير
طيبة حنونة ومثقفة مع كل العقبات التي تواجهها لاتزال متفائلة ومبتسمة
ومع كل الاغراءات لازالت تحتفظ بعفتها وعنفوانها
لذالك احبها ف الله
​

هههه راكي جايبتها بالاسئلة ماينخافش عليك ​

 

[أم راضية ~_]

رد: المتنافسة الثانية............°Nina Dz°

اصبري يا نينا هاد الدفعة تاع الاسئلة تعيي شوية بصح ساعفي اختك عندها ساعة فالنهار يهربولها الخيوط من عقلها هههههه
1 / صح يلدز اسم يوحي بالحزن ؟
2 / يلدز لوكان تحب تبدل اسمها واش تقترحي عليها؟
3 / في رايك يلدز واش تسمي اولادها وكم عددهم تقريا ؟ خخخخ
4 / على حسابك تبدلت يلدز من وقت الي سجلت لحتى دوكا؟؟ وهل هادا الشي مليح ولا لالا ؟
5 / تقييمك ليلدز من 1 ل 10 بخصوص :
نوعية المواضيع
الكآبة
التنوع
الردود
6 / ادعيلها دعوة مليحة ليلدز
​

 

[أم عبد الله]

رد: المتنافسة الثانية............°Nina Dz°

اصبري يا نينا هاد الدفعة تاع الاسئلة تعيي شوية بصح ساعفي اختك عندها ساعة فالنهار يهربولها الخيوط من عقلها هههههه
وانا عندي منكـ عشرة مي ساعفيني انت ثان اليوم جاني ع الهبال الله غالب ههه
1 / صح يلدز اسم يوحي بالحزن ؟
لا ومن قال فمتى كانتـ النجوم حزينة غلاتي
بالنسبة لي هو يوحي بالعزة بالنفس فكأنكـ تقولين انا هنـآكـ بين احظان السماء فلا تحاولو لمسي
2 / يلدز لوكان تحب تبدل اسمها واش تقترحي عليها؟
أحب اسم يلدز فيكـ غلاتي:$
3 / في رايك يلدز واش تسمي اولادها وكم عددهم تقريا ؟ خخخخ
ممم يلزم تسمي وحدة ع اسم خالتهم ( قمة التواضع ) شوفي نسيمة ونسيم والتوام بسمة ونسمه و ياسيدي عندك ثانيت توام ذكور نخليك انت لي تسميهم:p
4 / على حسابك تبدلت يلدز من وقت الي سجلت لحتى دوكا؟؟ وهل هادا الشي مليح ولا لالا ؟
في الاول لم اكن اعرف يلدز جيدا ولكن من مرحلة تعرفي بك يعني من نهار لي حكينا مليح ذيك المرة كونت عليك نظرة وهي للان في تحسن من حيث رحابة صدرك وقوة ردودك بالنسبة لعمرك اراك في المستوى :up:
5 / تقييمك ليلدز من 1 ل 10 بخصوص :
مي تقييم في اي النواحي :s

نوعية المواضيع
الكآبة
التنوع
الردود
تعرفي اختك دوما غائبة ع الساحة اللماوية ع ذيك اعذريني الا ماشفتش جديدك
ولكن منذ متى يلدز تكلمت ع الكآبه
يلزم نروح نشوف المدونة الخظراء ديالك باش نفهم الحكاية
6 / ادعيلها دعوة مليحة ليلدز
ربي يهدي سرك غلاتي ويوفقك ويرزقك من حيث لاتحتسبين​

الدعواتـ في ظهر الغيب افضل غلاتي
ولن انساك من دعائي ان شاء المولى ماحييت
ممممممم قولولي واش رايكم فيا انا:love01:​

 

[أمــ وليــد الجزائرية]

رد: المتنافسة الثانية............°Nina Dz°

اه يالخضرا وليت نسيت اني في موضوع تاح ختيتي نينا رجعت نقرى غير في اسالتك


رائعة دوما


باه متزعفش مني نينا لحنينة هاني رجعتلها بشويا تصاور تشعرنا فيهم شويا نعرفك شاعرة من لكبار الور نبداو :

​

​

سأعود بعد قليل
​

​

 

[أم عبد الله]

رد: المتنافسة الثانية............°Nina Dz°

اه يالخضرا وليت نسيت اني في موضوع تاح ختيتي نينا رجعت نقرى غير في اسالتك


رائعة دوما

ارأيتـ طريقتها في الاسئلة تشعركـ بالراحة فتردين عليها بابتسامة ولو كنت في قرارة نفسك مـٌتعبه
ممممممممم ياسيدي مانغيرش ماتخافيش​

باه متزعفش مني نينا لحنينة هاني رجعتلها بشويا تصاور تشعرنا فيهم شويا نعرفك شاعرة من لكبار الور نبداو :
شكون قالكـ شاعرة :s راني مـٌخربشة وفقط ع الاوراق غلاتي
ولكن مع ذالك ساكتب تحت كل صورة بيتـ يعبر عليها
( في خاطرك برك مي في رد آخر لي )

سأعود بعد قليل
​

[/INDENT]

مابال صورة او صورتين لما احظرتي كل انواع الصور :s


في انتظار عودتك غلاتي
وساحاول تحقيق طلبك بعد حين:regards01:​

 

[أم راضية ~_]

رد: المتنافسة الثانية............°Nina Dz°

ههههههههههههه يا يما على نينا كي تجاوب من قلبها ههههه
اجوبتك مليييحة و مساعفتك ليا هايلة
ونتي يا ميلينا وفكرة التصاور مليحة بزاااف
مجموعة اخرى من الاسئلة :
1 / تحاولي تنقصي الملح والسكر فالماكلة ولا لا رجوع الى الامام سر ههههه ؟
2 / تخممي تديري بروgرام تاع اكل صحي فالدار؟
3 / مهتمة بالاخبار العلمية و الدراسات و الامور هاديك ؟
4 / كيفاش تخممي تسمي اولادك و كم عددهم ؟ سؤال يسقسوه غير البنات ههههههه
5 / غرزة الحساب حرفة و صنعة ما تموتش كيفاش تعلمتيها و وقتاش و تحبي تعلميها للبنات ؟
6 / برأيك القافية فالقصائد تقيد ولا تجمل القصيدة ؟؟
7 / واش هي اللبسة التقليدية الي تحبيها ؟
8 / الاكلة التقليدية الي تحبيها ؟
​

 

[أم عبد الله]

رد: المتنافسة الثانية............°Nina Dz°

أشتـآقـٌكـ بجانبي
لتنير عـَتمة حيــآتي
اريدكـ الآن قـٌربي
لعلكـ تـُطفئ لهيب اوصالي
ماعاد هـٌنـآكـ شيء يـٌغريني
ومــآ عـآد شوقكـ يعنيني
فهلا اتيتني سيدي

كتبتـ ٌ فيكـ اجمل أشعاري وقصائدي
غنيتـٌكـ في كـل لحن من اغاني عـٌزلتي
ورسمتـُكـ بريشة الهــآمي
فهلا اتيتني

لازلتـ انتظركـ
بشوق اللحظــآتـ
ولم تــأتني
فمتى اللقــآء يامن كـٌنتـ يومـآ
سببآ في حيـآتي

ام اني كـ فرآشة نستـ يوما شرنقتها
فتعلقتـ بزهرة كـــآنتـ سجنها وممآاتي
هل اكون غبية مثلها:s

مــآعــآدتـ تهمـٌني رائحة قهوتكـ
ولا حتى صوركـ ورسائلكـ
بتـ الآن اريدكـ انتـ فقط
لاظلكـ
فهلا أتيتني

تفننتـ فـ الابتعــآد
ولستـ اعرف طريقــآ للاقتراب
خوف يتملكني
حينما اهيم في البحث عنكـ
ثم اتذكر اني معكـ او بدونكـ
سـأبقى دومـآ وحيدة

كـ دٌمية تخلى عنهــآ اصحابها يومــآ
لانهم كبرو وعرفو ان حـٌب الدُمى طفولي
وان الحيــآة لاتعشق الاطفال
بل هي مرآتـ تكسرتـ فيهــآ صور الابطال
خيالاتـ هزلية لمسرحية رديئة الاخراج
تفننو في تمثيلها
لدرجة صدقوها وآمنو معانيها


ســأبقى انتظركـ
نعم ســأنتظركـ ليلي كل مســآء لتعيد لي بهجة اللقاء
سـآنتظركـ لانــآم من جديد بين احظـآن وسادتي
لارمي جسدي الهزيل ع ثنايا عالمي
وأنــــآم وليس في خاطري شيء
سوى أمنية تمنيتـٌها يوما ما ان تتحقق

فيا ربُ رحمتكـ​

هذا فقط ماجال بخاطري غاليتي فاعذريني وقلمي لم نكن ف المستوى:$​

 

[أم راضية ~_]

رد: المتنافسة الثانية............°Nina Dz°

بعقلك نينا جاوبي بعقلك اليوم ماشي كيما كل يوم ههههه
نزيدلك هادوما مجموعة اخرى :
1 / القارئ المفضل التي تحبي تسمعيه ؟
2 / البرنامج الديني الي أثر فيك بزااف و غيَّر شيء فيك ؟
3 / هل تحفظين القرآن ؟ أو تبرمجين وقتا للحفظ؟
4 / هل لكِ حظ من قيام الليل؟
5 / هل أنتِ متفائلة أو متشائمة ؟
6 / اللعبة الي كنتي ومازلتي للآن تحبيها بزااااااااف؟
7 / هل أنتِ في العالم الافتراضي للتفتح على الناس أو انعزال عن المحيط ؟
8 / الماكلة الي ماتحبيش تطيبيها؟
9 / تفرقي بين المعدنوس والحشيش (القسبر ) ؟
10 / تفرقي بين الكمون و الكروية؟
11 / الحاجة الي تكرهيها في شغل الدار؟
12 / الحاجة الي تحبيها في شغل الدار؟
13 / تحبي كي يسقسوك الناس؟
14 / تحبي تسقسيهم ؟
15 / شحال طولك ؟ خخخخخ
16 / شحال عمري انا ؟ هههه
17 / في بالك ميلينا طويلة عليك ولا انا طويلة عليها؟
18 / تأمنيني لوكان نقولك بلي ميلينا ماكنتش نعرف نقرا اسمها عمبالي تقصد بيه مليت بمعني الملل هههههه
19 / و تصدقي لوكان نقولك كنت نشوف بلي صورتك الرمزية عبارة عن وردة سوداء و الخلفية زرقاء ههههه
20 / ماكنتيش تعرفي المعلومة هادي عليا بلي مانقرا مانشوف مليح ههههههههه . وبالمناسبة اعطينا معلومة مانعرفوهاش عليك ؟ هههههههه​

 

[أم عبد الله]

رد: المتنافسة الثانية............°Nina Dz°

ههههههههههههه يا يما على نينا كي تجاوب من قلبها ههههه
اجوبتك مليييحة و مساعفتك ليا هايلة
راكي من نيتكـ تستغلي فـ الوقتـ الضائع الله يباركـ
خليني ع الاقل نجاوب ع هاذا البارتي ومن بعد زيديلي
ونتي يا ميلينا وفكرة التصاور مليحة بزاااف
عجباتكـ يالشريرة
مجموعة اخرى من الاسئلة :
1 / تحاولي تنقصي الملح والسكر فالماكلة ولا لا رجوع الى الامام سر ههههه ؟
نو ماعنديش صلاح الى الامام سر ههه
2 / تخممي تديري بروgرام تاع اكل صحي فالدار؟
نو المهمة ديالي انوجد واش كاين ف المونو ديال اليوم بلا نقائص:$
3 / مهتمة بالاخبار العلمية و الدراسات و الامور هاديك ؟
ساعات برك تلقايني مهتمة لانو ماعنديش الوقت خلاص والوقت لي بقالي يعني الوقت الضائع نقضيه مع اللمة اتسمى منين نجيب الوقت ياجدك باش نشوف حاجات خلاف
4 / كيفاش تخممي تسمي اولادك و كم عددهم ؟ سؤال يسقسوه غير البنات ههههههه
راهم اسموات ولادي لتم مع اني نحب يكون اولهم اسمو رزيم:$
5 / غرزة الحساب حرفة و صنعة ما تموتش كيفاش تعلمتيها و وقتاش و تحبي تعلميها للبنات ؟
تعلمتها من خياتي لكبار كوني انا الصغيرة يعني حبيتها ورفدتها وي خدمت للناس ومن بعد ماخرجتش عليا وليت نخدم للدار والمعريفة برك
راهي خدمة ترشي العينين يامحاينك واش راحلي هههه
6 / برأيك القافية فالقصائد تقيد ولا تجمل القصيدة ؟؟
القافية مهمة في القصائد تعطيها رونق وجمال حبيبتي
مي في حالتي انا نكتب خواطر يعني الخيال هو مايعطيها جمال:$
7 / واش هي اللبسة التقليدية الي تحبيها ؟
نحب جبة تلمسان والكاراكو :$
8 / الاكلة التقليدية الي تحبيها ؟
شخشوخة ميلة كليتها مرة سخفت عليها جبت العجينه الظفر معايا وسييتها كيما قاتلي مي ماخرجتش كيما حبيتها
​

جاوبتـ ع البارتي الاول ربي يعيني ع البارتي الثاني هههه
ع الاقل جيبيلي حاجة نشربها نشف ريقي​

 

[أمــ وليــد الجزائرية]

رد: المتنافسة الثانية............°Nina Dz°

أشتـآقـٌكـ بجانبي
لتنير عـَتمة حيــآتي
اريدكـ الآن قـٌربي
لعلكـ تـُطفئ لهيب اوصالي
ماعاد هـٌنـآكـ شيء يـٌغريني
ومــآ عـآد شوقكـ يعنيني
فهلا اتيتني سيدي

كتبتـ ٌ فيكـ اجمل أشعاري وقصائدي
غنيتـٌكـ في كـل لحن من اغاني عـٌزلتي
ورسمتـُكـ بريشة الهــآمي
فهلا اتيتني

لازلتـ انتظركـ
بشوق اللحظــآتـ
ولم تــأتني
فمتى اللقــآء يامن كـٌنتـ يومـآ
سببآ في حيـآتي

ام اني كـ فرآشة نستـ يوما شرنقتها
فتعلقتـ بزهرة كـــآنتـ سجنها وممآاتي
هل اكون غبية مثلها:s

مــآعــآدتـ تهمـٌني رائحة قهوتكـ
ولا حتى صوركـ ورسائلكـ
بتـ الآن اريدكـ انتـ فقط
لاظلكـ
فهلا أتيتني

تفننتـ فـ الابتعــآد
ولستـ اعرف طريقــآ للاقتراب
خوف يتملكني
حينما اهيم في البحث عنكـ
ثم اتذكر اني معكـ او بدونكـ
سـأبقى دومـآ وحيدة

كـ دٌمية تخلى عنهــآ اصحابها يومــآ
لانهم كبرو وعرفو ان حـٌب الدُمى طفولي
وان الحيــآة لاتعشق الاطفال
بل هي مرآتـ تكسرتـ فيهــآ صور الابطال
خيالاتـ هزلية لمسرحية رديئة الاخراج
تفننو في تمثيلها
لدرجة صدقوها وآمنو معانيها


ســأبقى انتظركـ
نعم ســأنتظركـ ليلي كل مســآء لتعيد لي بهجة اللقاء
سـآنتظركـ لانــآم من جديد بين احظـآن وسادتي
لارمي جسدي الهزيل ع ثنايا عالمي
وأنــــآم وليس في خاطري شيء
سوى أمنية تمنيتـٌها يوما ما ان تتحقق

فيا ربُ رحمتكـ​

هذا فقط ماجال بخاطري غاليتي فاعذريني وقلمي لم نكن ف المستوى:$​

ياالله


رووعة


درك تجي حكاية الورد ولا بوح المشاعر ويقولولك ينقل لقسم الشعر ميحبوش كي يخرج من ثماك :d


روعة :regards01::regards01:
​

 

[الزهرة الحمراء]

رد: المتنافسة الثانية............°Nina Dz°

مهبولتي سلاااام راني جييت وضربت تقرعيجة لقيتك تحبي شخشوخة تاعنا صحاااااا حنااااا نهههههه والله ماش خسارة فيك نطيبهالك وتاكليها
سؤال برك ونخرج قبل ماتزعكيني هههه
واش تخيري الكب قبل الزواج ولا بعد الزواج ولماذا ؟؟؟؟؟؟؟؟
راني رايحة ماكالاه تشوفي فيا هاذيك الخزرة ههههه

 

[أمــ وليــد الجزائرية]

رد: المتنافسة الثانية............°Nina Dz°

مهبولتي سلاااام راني جييت وضربت تقرعيجة لقيتك تحبي شخشوخة تاعنا صحاااااا حنااااا نهههههه والله ماش خسارة فيك نطيبهالك وتاكليها
سؤال برك ونخرج قبل ماتزعكيني هههه
واش تخيري الكب قبل الزواج ولا بعد الزواج ولماذا ؟؟؟؟؟؟؟؟
راني رايحة ماكالاه تشوفي فيا هاذيك الخزرة ههههه

يا الاهي شوهتيه :d

درك تقولك ني قبل ولا بعد :p
​

 

[الزهرة الحمراء]

رد: المتنافسة الثانية............°Nina Dz°

يااااااو قصدي الحب ماش الكب الله غالب كاظم الساهر وفعايلو هههههههههه
وعجزت نصلحها الفوق مناه طاطا لاكونيكسيون الحلزونة مخلاتنيش الله لايربحها هههه