ماتستحمرش الناس معاك

R@MA

:: عضو بارز ::
أحباب اللمة
إنضم
23 أفريل 2010
المشاركات
1,139
نقاط التفاعل
619
النقاط
51
الســــــــــلام عليكـــــــــــــم
واش حوالكم حباب اللمة ان شاء الله لاباس
اليوم جبتلكم حكاية عندها 9 أشهر بالضبط من لي صرات
فالحق أنا كوداتني لليوم مالقيتش تفسير لهدي الحالة
كاين راجل مد نيميرو تاع مرتو لصاحبو وقالو جربها
ندخل في وسط لحكاية كانو مخيطينها مليح او بالأحرى كانوا يظنوا انهم خيطوها صح
عيط سيد للمرا بالبريفي ماحبش ترد عيطت لراجلها كان برا بحكم ان يقضي
ونهار جمعة شوفو ربي كي يفضح
هو يخطط برا وهي على نيتها قاتلو تليفون من لي خرجت وهو يصوني
بصح ماحبيش نرد ارواح انت باه ترد قالها انا تاني راهم يعيطولي بريفي
قعدت المرا حايرا قالها ردي عليه نورمال قاتلو لا ارواح انت
مانردش قالها ان صرحتلك تردي ردي ستناتو حتى جا لدار وردت على المكالمة
رفدت المرا التليفون وي شكون معايا قالها انت فلانة مرت فلان
المرا تكودات قاتلو وشكون انت قالها انت لجيتي البارح مع راجلك مريض
قاتلو نعم قالها زوجك طلع عندو ميكروب في الدم
ولازم يطلع لوبيتال قاتلو ياخويا ليعيط من لوبيتال مايعيطش بريفي
وزيد شكون طالك نيميرويا قالها ديناه من عند راجلك كي كان في غيبوبة
نحينالو لافاست لقينا التليفون ومنو دينانميروه و نيميروك
قاتلو المرا حشاكم بالحرف الواحد روح كاش حمار يصكك اذا انت حمار ماتستحمرش الناس معاك
مع انها متخلقة لكن هدي المكالمة هزتها كمراة جزائرية حرة لانها فورا
خزرت في راجلها وقاتلو خسارة عليك
كي مايصونش الراجل مرتو كيفاه الناس تصونها
وصلت بيك الدرجة تجربني بصحابك
عيا يحلف لكن ليستوار جات مارقة
وهو حب يوقعها باه تحكي وتفتح ليسوجي مع هدا الانسان ويحكم
عليها شي خايب
1-لوبيتال عمرو ليعيط ماسكي
2-ماعندهمش دروى يفتشو في جيب المريض اذا كان واحد واقف معاه
3-كيفاه يدوا نيميروك ونيميروا مرتك ومرتك هي لهزت لافاست من الدقيقة لي دخلتو
1-يعني يا رجال جاوبوني واش رايكم واحد يعمل حاجة كيما هدي لمرتو؟
2-واش راح يكون موقفك لو كان راجلك دار معاك لوجاست هدا؟

ان شاء الله يقبل
لانها حقيقة اسرة صارلها 9اشهر متفكة
بسبب هذه الحادثة
مع العلم المرأة كانت حامل وهدا اثر على نفسيتها
نقدر نقول دمرها

ســــــ:regards01:ـــلام
 
رد: ماتستحمرش الناس معاك

السلام عليكم ورحمة الله

الراجل هدا مريض مش نورمال
مستحيل واحد فى عقلو يعطي رقم زوجتو
او يعمل واش دار هدا
ربى يجيب الخير
بارك الله فيك اختى على القصة والموضوع
وعلى نشاطك الدائم فى القسم
ربى يهنيك




 
رد: ماتستحمرش الناس معاك

والله غير حرام عليه انا هدا مانسميهش راجل الراجل تع الصح مايديرش هكداك ربي يهدي ما خلق
 
رد: ماتستحمرش الناس معاك

بداية لك الشكر موصول ...

ولعلنا نتعظ من مثل هذه القصص ..

هناك امور تبقى جد وجد ..وجدية للغاية ..ولا مجال فيها للعب ولا للتمسخير .. منها الاسرة.

وافضل حكم يطلق على هذا الزوج ما تلفظت به هذه الزوجة في حق المتصل الاهبل كذلك .. وهو :

(( .. روح كاش حمار يصكك اذا انت حمار ماتستحمرش الناس معاك .. )).

فكل من الزوج وصاحبه يبدو ان اذانهم اطول من آذان ما وصفوا به ..

واحيانا هناك اشياء لا يمكن تصليحها اذا انكسرت ...

الله يحفظنا ويحفظكم ..
 
يارا المدية، تم حظره "حظر دائم". السبب: مخالفة القوانين
رد: ماتستحمرش الناس معاك

وعليكم السلام
والله غير لباس
شوف خويا هذا الراجل والله مايحشم على روحي يمد نيميرو زوجتو ;)
ربي يهدينا
صح ختي منايا والله انا كيما انت هذا المخلوق منسميهش راجل هذي مستحيل يديرها راجل بعقلو
بلاك مهبول :scared01::scared01::scared01:
 
  • أعجبني
التفاعلات: R@MA
رد: ماتستحمرش الناس معاك

تلك المرأه لاتستحق ذلك الزوج ..
هناك رجال بالجنس لكن بالحقيقه هم اكثر استحمارا من الحمير ومنهم ذلك الزوج ..
شكرا .
 
  • أعجبني
التفاعلات: R@MA
رد: ماتستحمرش الناس معاك

أهلا بيك ختي
يعطيك الصحة على الموضوع الباهي والواعي
فالدين الإسلامي تاعنا تتبع العورات محرم، ولذلك شرع ربي الإستئذان ....
الإنسان ألي يعيط لواحد بصوت طفلة ولا يبعث طفلة تعيطلو واش يستنى منو ؟؟
السيد يكون في رحمة ربي زمان يعيطولو بطفلة أكيد في الغالب راح يفتح موضوع ..
ولكن منهم من مايعرفش ويغلط ومنهم من يفتح موضوع ويجبد الخيط
ولكن الواعرة بزاف أنو راجل يجرب مرتو سبحان الله هذا ديوث اكرمكم الله
واش يستنى يسمع من مرتو ؟؟ ولا يعجبو الحال كي مرتو تحكي مع الرجال ؟؟

ولكن تأنيث الرجال عجيب ..

ربي عوضها راجل تاع الصح مايش ذكر
 
رد: ماتستحمرش الناس معاك

شكرا على الموضوع

الي يدير الثقة فمرتو ميصنعش هو الموقف باش يعرف اسكو مرتو محل ثقة ولا لا

يخليها للقدر والحياة لانهم مليئين بالمواقف


غير هادا هو كان حاب يمتحن الثقة و حصل العكس.. دمرها للاسف

ان شاء الله تتصلح الاوضاع بين هاد الزوجين ويبق ىفالاخير هادا درس من دروس الحياة
 
رد: ماتستحمرش الناس معاك

السلام عليكم ورحمة الله

الراجل هدا مريض مش نورمال
مستحيل واحد فى عقلو يعطي رقم زوجتو
او يعمل واش دار هدا
ربى يجيب الخير
بارك الله فيك اختى على القصة والموضوع
وعلى نشاطك الدائم فى القسم
ربى يهنيك




اولا مرحبا بيك
عندك الحق اخي لي مايصونش مرتو راه العيب فيه
لوكان ما ستغباش روحو مايديرش الخطوة هدي مع مرا صانتو
في ظرف ثانية دمر أسرتو
وفيك بارك الله
ومشكور على المناقشة الطيبة
:regards01:



 
رد: ماتستحمرش الناس معاك

والله غير حرام عليه انا هدا مانسميهش راجل الراجل تع الصح مايديرش هكداك ربي يهدي ما خلق
اهلين بيك اختي
والله موقف يحير العقل
عندك الحق انا تاني ماشكيتوش راجل بمعنى الفعل والكلمة
مع احترامي لرجال الفحولة:regards01:
مرسي على المناقشة الطيبة
سلام
 
رد: ماتستحمرش الناس معاك

بداية لك الشكر موصول ...

ولعلنا نتعظ من مثل هذه القصص ..

هناك امور تبقى جد وجد ..وجدية للغاية ..ولا مجال فيها للعب ولا للتمسخير .. منها الاسرة.

وافضل حكم يطلق على هذا الزوج ما تلفظت به هذه الزوجة في حق المتصل الاهبل كذلك .. وهو :

(( .. روح كاش حمار يصكك اذا انت حمار ماتستحمرش الناس معاك .. )).

فكل من الزوج وصاحبه يبدو ان اذانهم اطول من آذان ما وصفوا به ..

واحيانا هناك اشياء لا يمكن تصليحها اذا انكسرت ...

الله يحفظنا ويحفظكم ..
مرحبا بيك خويا
صح لسانك وبارك الله فيك
وشكرااا على شهادتك الصريحة
في حق هدا الانسان والغلطة لي كثر من راسو
نظن مخو شبه طنجرة محروقة
الله يثبت علينا العقل ودين
شكرا على المناقشة طيبة
نورت الموضوع
:regards01:
 
رد: ماتستحمرش الناس معاك

وعليكم السلام
والله غير لباس
شوف خويا هذا الراجل والله مايحشم على روحي يمد نيميرو زوجتو ;)
ربي يهدينا
صح ختي منايا والله انا كيما انت هذا المخلوق منسميهش راجل هذي مستحيل يديرها راجل بعقلو
بلاك مهبول :scared01::scared01::scared01:

مرحبا بيك حنونة
عندك الحق ظاهرة متطورة نحو التخلف
الله يهديه حتى اسم راجل استخسرو في رحو
مرسي منورة الموضوع
 
رد: ماتستحمرش الناس معاك

تلك المرأه لاتستحق ذلك الزوج ..
هناك رجال بالجنس لكن بالحقيقه هم اكثر استحمارا من الحمير ومنهم ذلك الزوج ..
شكرا .
اهلا بيك خويا
واش رانا نشوفوا يحبس العقل من التخمام
وتطرح الأسلة
كيف؟
لماذا؟
متى؟
وتختم ب., ياليت
بارك الله فيك اخي
:regards01:
 
رد: ماتستحمرش الناس معاك

أهلا بيك ختي
يعطيك الصحة على الموضوع الباهي والواعي
فالدين الإسلامي تاعنا تتبع العورات محرم، ولذلك شرع ربي الإستئذان ....
الإنسان ألي يعيط لواحد بصوت طفلة ولا يبعث طفلة تعيطلو واش يستنى منو ؟؟
السيد يكون في رحمة ربي زمان يعيطولو بطفلة أكيد في الغالب راح يفتح موضوع ..
ولكن منهم من مايعرفش ويغلط ومنهم من يفتح موضوع ويجبد الخيط
ولكن الواعرة بزاف أنو راجل يجرب مرتو سبحان الله هذا ديوث اكرمكم الله
واش يستنى يسمع من مرتو ؟؟ ولا يعجبو الحال كي مرتو تحكي مع الرجال ؟؟

ولكن تأنيث الرجال عجيب ..

ربي عوضها راجل تاع الصح مايش ذكر
مرحبا بيك خويا
راك تشوف الحالة لى وصل ليها مجتمعنا
حتى في الأسر تلقى زوج منحل خلقيا
انا نعتبر انحلال خلقي من وجهة نظري
هدي المرة فضلت شيئ صعيب
وقالت ياليت خدعنى مع وحدة ولا جربني بصاحبو
كان شوك واعر عليها وهي في فترة حمل
الله يسامح كل من أساء وظلم
ويعوض كل مؤمن ومؤمنة بعد الألم
بارك الله فيك
:regards01:
 
رد: ماتستحمرش الناس معاك

شكرا على الموضوع

الي يدير الثقة فمرتو ميصنعش هو الموقف باش يعرف اسكو مرتو محل ثقة ولا لا

يخليها للقدر والحياة لانهم مليئين بالمواقف


غير هادا هو كان حاب يمتحن الثقة و حصل العكس.. دمرها للاسف

ان شاء الله تتصلح الاوضاع بين هاد الزوجين ويبق ىفالاخير هادا درس من دروس الحياة
مرحبا بيك ختيتا
اكيد الحياة مواقف والشهامة هي البرهان
نظن ان هدي الحالة ماتتصلحش لانعدام الثقة
والله اعلم حنا نتمناو الخير
والله يثبتنا على الطاعة ودين
لان كل ماحارب الانسان وسواس الشيطان كانت حياتو هانيا
والله يهني كل المسلمين ومسلمات
مرسي على المناقشة الطيبة
:regards01:
 
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top