واش رايكم في لابوليس نتاوعنا؟؟ (مشاركة في مسابقة مميزون )

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

أهلا بيك ميسو
يعطيك الصحة على الموضوع الباهي لمليح
كي تحكي على لابوليس والروطار زيدي احكي على الإسعاف ههههههه
حنا عندنا مثل بالعامية كي يجي واحد روطار يقولولو "ديما روطار كي لابوليس "
تعيطلهم على قضية مستعجلة ساعة باه يجيو
وحتى الإسعاف السيد تلقاه مضروب بموس ولا طاح على راسو ربي عافينا ساعة باه يلحقو ياحصرااه يكون مات وخلاص
ربي جيب الخير برك
اما الكابوس او السلاح فمسؤوليتو واعرة يا ميسو قادر يرفدو في وجه واحد يشكي بيه يباصي فمابالك يضرب بيه ...
المهم مازلنا متخلفين في السرعة والعمل

يعطيك الصحة واسمحيلي دخلتلك الإسعاف فالنص هههه
​

يآ هلا فيك أخي سفيان ^^

ودائما أتمنى الصحة للجميع :$

في عسر السرعة الجزاير راها تستعمل لبروميار :d

وقتاش تقفز مانعرف << الله يجيب الخير

وين ما تولهنا لحاجة نلقاو فيها غش ونقصان وربا وحرام

الله يهدينا ويقدرنا ومع كل هدا أحب بلادي

شكرا أخي لوضع بصمتك في موضوعي ^^
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

صباح الخير



هني رجعتلك ياسمسومتي



تعرفي رحتلنا لموضوع شويا دونجي نقولك علاه ؟



لانو الحقيقة مهما هدرنا فيه معندنا منزيدو

كل يوم نشوفو في بلادنا لعجب لمعجب

وهذو الفئة درك الكل يعرف انها ولات هي الاولى في التخريب

علاه تقدري تتصلي بيهم يعني؟

تلقايهم ولا علبالهم الى من رحم ربي وهنا نقولو قلال بزاف

ورجعو تالمو الخدمة ديالهم مش مقيمينها نشوفو يديرو امور الله يستر

كما الي حكيتيلنا درك

وينو الحل في رايك انت ؟

وزعمة رح تتغير بلادنا في يوم من الايام ؟

لوين رنا ريحين بهذي العقلية؟

الشعب يشوف ومعندو واش يدير ديما هو الضحية الاولى و الاخيرة

يعطيك الصحة جبتي موضوع حساس ولازملو بزاااف وقفات و منعرف

الله يصلح بلادنا ان شاء الله​

ياهلا فيك غاليتي

ردك مليئ بالتساؤلات << فما عليا غير نقلك الله يجيب مافيه الخير

الله يصلح بلادنا ان شاء الله
آمين يارب العالمين وهذا ما نرجوه من المولى عزّ وجل
شكرا فلفولتي على مرووك
​

 

[♫الباحثة عن الحظ♫]

رد: واش رايكم في لابوليس نتاوعنا؟؟ (مشاركة في مسابقة مميزون )

سلام عليكم اختي الكريمة


موضوعك جميل جدا

ياك اختي يقلوك كاين المليح وكاين الدوني
ايه هاديك هي وكيما في بلادنا معروفة بزاف الظاهرة هادي
امالا تلقاي بوليسي قادر على منصبه و يتحمل المسؤولية
وكان الي غير يدي في الدراهم ومش عارفها وين واصلة

شكرا لك
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

السلام عليكم ورحمة الله وبركاته
اختى سوسو اكبر فنيانيين هوما الشرطة
هوما فى حد ذاتهم لازمهم لى يعسهم والا ما يخدموش
ونتى تقولى يوصلو متاخرين ممكن اجراءات ما نعرفوهاش او حاجة خلاص ^^
وبالنسبة للاطفال المينار هادو ممكن كاين قانون يحميهم من العنف حتى فى وسط الشرطة
بارك الله فيك اختى سوسو السكرة كيما تقلك العاقة سامية ^^
​

اختى سوسو اكبر فنيانيين هوما الشرطة
​

فعلا عبارة في محلها لا نعمم ولكن أغلبتهم هكذآ

يوم العيد وصلة ظرف الى الشرطة ماذا فيه ؟؟ إنها بطاقة تهنئة مِنْ مَنْ ؟
من القائد الكبير للشرطة بالولاية لإنه يهنأ البلديات بطاقة تهنئة جميلة أعجبني منظرها
نكمل الدارجة :d جاو عندي زوج بولسيين واش يقولولي خدمينا بطاقة تهنئة ومن باب المزاح قلتلهم مانعرفش قالولي ماعليش غير خنتشيها وكتبي فيها رئيس.... وهاتيها
انا لو كنت مكانو نقول لازم الرد يكون بأبهى حلة واش رئيس الي رئيس بعتلي وحدة شابة انا نردلو بوحدة ماتبانش مستحيل وعيب هنا يبين التهاون نتاعهم وعايشين بعبارة كور وعطي لعور

قصة بسيطة وباش ختاريت موضوع الشرطة راه عندي حكايات بزاف معاهم ونحكيلكم في القادم

شكرا أخي حكيم نورتنا
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

هذو هوما لا بوليس نتاعنا الا من رحم ربي
دايما اخر من يصل يكون اللي ضرب ضرب واللي هرب هرب
باش يلحقوا هوما
موضوعك هايل سوسو
وبالتوفيق
​

أحييكِ أختي أم منصف

كيما قلتي إلا ما رحم ربي

شكرا لتواجدكِ عزيزتي :$
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

السلام عليكم

والله ما عندي ما نقووول الإخوة وفوا بكل ما هو جميل

وطرحك له عبر كثيرة ومعاني ونتمناو نفهموه مليح

دروك راني نتسائل علاش بوليسيين نتاع الدزاير ميقوموش بالواجب ؟

وحبيت نعلق على شوي على هاذ السؤال

وتبقى وجهة نظري لا غير

لربما الكثير منا لا يعرف قوانين الخدمة سواء وخاصة الشرطة وووو هناك اجراءات كبيرة تقام على بلاغ حتى ولو كان تافه عند البعض لكن في شرطة أو غيرها من الاسلاك الامنية لا بد من أخذ جميع الاحتياطات الازمة والتدبير ضد هاذ الابلاغ لأنو خروجهم فقط لازم المسؤول الكبير هو من يأذن لهم ودراسة البلاغ جيدا وبعدها الخروج لازم يكون هكذا الله غالب القوانين قوانين لأنو لو يحصل شيء من سيضر هنا الافراد الذين خرجوا للمهمة . حبيت نفهم شوي بأنو الله غالب عليهم هذه هي مهمتهم ويبقى تفسيري شخصي لا غير .

والاخت سوسو اعطتنا موضوع رائع يستحق التقيم لأنه فيه أمور كثيرة لازم نفهموها مليح بتعمق في الموضوع .

وشكرا أخت الطيبة على طرحك

وشكرا أيتها المميزة دائما في مواضيعك

ونتمنى لك التوفيق

ونتمنى حتى واحد ما يقلق من ردي و يقول راه يدافع عليهم هههههههههه أقول ما أعرفه

وربي يوفقك يا طيبة

​

وعليكم السلام

أحترم وجهة نضرك

برك نقلك كاين ديفيرونس بين واحد عسكري واحد شرطي

وعن نفسي ارى العسكري سيد الرجال عن الشرطة لا تعليق

شكرا لكَ أخي كمال
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

موضوعكـ ليوم مليح وحبيتـ نهدر من منطق آخر غلاتي الا تسمحيلي طبعـآ
ع حسـآب حكـآيتكـ البوليسي هذاكـ قصر ولا لالا هذاكـ يرجع للحـآله لي كـآن هو فيهـآ ف ذآكـ الوقتـ يعني هو ثانيتـ بشر وممكن يكون عيـآن مريض وكل الاحتمـآلاتـ واردة علاش نحسبو لابوليس سوبر مان ( راهم بشر وحطو ع الاقل رواحكم ف بلايصهم )ذ
تقولي كـآن راقد اييه مسكين معذور النهـآر كامل وهو واقف الا ف التريق والا ف حاجة خلاف يحاول ينظم الامور وكي يغلط غلطة وآحد يخسرهـآ ع الجميع خخخخخخخخ الله يهديكم بركـ
مرة جاية ع ال2 نتـآع الليل مع بابا ف الطونوبيل وجزنـآ ع البليدة ونسينـآ بلي الماتش غد منذاك وجزنـآ لقينـآ الغاشي داير حالة والبوليسي مسكين حاكم الطرف وقاعد حبسلو بابا قالو علاش ماتتدخلش شوف كيفاش يزيقزاقو بالطونوبيلات بالاكـ يصرى كاش آكسيدو
قالو اسمحلي ياعمو مي والله ماقدرنــآ’ نهدو وينوضو علينـا ويقولو الحكومة دارة ودارتـ

اتسمى عندهم الحق مسـآكن راهم بشر ومن حقهم نصيبولهم العذر شوي بركـ
ومانظلموهمش والسلاح لي قلتي عليه راه مرخص واي رصاصة تخص فيه يتحـآسب عليها يعني مسؤولية كبيرة غلاتي

اسمحيلي ع ردي مي والله الواقع وفقط ( وهو رأيي الشخصي طبعـآ)
سلامي​

آه وصلنا للاخت نينا

أولا أهلا وسهلا فيكِ

ثانيا يا أختي أهديك << من عمل عملا فل يتقنه >>

وكونه شرطي يعرف قوانين الشرطة وصعوبتها وبما أنه في هذا المجال فعليه الإلتزام

الشرطي ماتجيهش خدمة كيما واحد جوندام ومع هذا تلقاي لي جوندام يخدمو

مع احتراماتي تالمو الشرطة شابعين راحة نلقاوهم اغلبيتهم سمان غلا كاش وحدة أبوها شرطي تعذرني فأنا لا أعمم وراني نحكي بالأخص على شرطة منطقتنا :d الغش قاتلهم

الشرطة هادو وباش كتبت عليهم راني تقرعت منهم الاسبوع الي فات في محل للبنات

جاو جماعة سكران تهجمو على المحل والشرطي طالع هاود وكي شاف هاد الشي ضربنا عليه مالقيناهش واش هاد الشي وفي عزّ النهار مش حتى فليل

وراه عنده شهرية طالعة مدامه يخلص يبات عساس وينه المشكل ؟؟

الشرطة 0000
​

 

[أم عبد الله]

رد: واش رايكم في لابوليس نتاوعنا؟؟ (مشاركة في مسابقة مميزون )

آه وصلنا للاخت نينا
تريق بعيدة من اول رد لعندي واقيل شفتكـ تلهثي:p هههه
أولا أهلا وسهلا فيكِ

ثانيا يا أختي أهديك << من عمل عملا فل يتقنه >>
هـآدا شيء مفروغ منو حبوبتي
مي ثان * التمسو العذر لاخوانكم*
وكونه شرطي يعرف قوانين الشرطة وصعوبتها وبما أنه في هذا المجال فعليه الإلتزام

الشرطي ماتجيهش خدمة كيما واحد جوندام ومع هذا تلقاي لي جوندام يخدمو
ههههههههههههههههههه فيف لي جونداغم امالا هههه
مع احتراماتي تالمو الشرطة شابعين راحة نلقاوهم اغلبيتهم سمان غلا كاش وحدة أبوها شرطي تعذرني فأنا لا أعمم وراني نحكي بالأخص على شرطة منطقتنا :d الغش قاتلهم
ايه حبوبتي ف منطقتكم مانقدرش نهدر لانو ماتعاملتش معاهم ههههه
وكيما يقولو اسألو اهل القرية التي انتم فيها يعني ماجياش انـآ نحكم ع سكانها ومطبيقن القوانين فيها
ع جهل مني مي لهنآ الحمد لله قايميين بعملهم ع احسن وجه:-h
وخاطيني بابا ماشي بوليسي:-r هههه
الشرطة هادو وباش كتبت عليهم راني تقرعت منهم الاسبوع الي فات في محل للبنات

جاو جماعة سكران تهجمو على المحل والشرطي طالع هاود وكي شاف هاد الشي ضربنا عليه مالقيناهش واش هاد الشي وفي عزّ النهار مش حتى فليل
روحي اشكي حبوبتي القانون فوق الجميع

وراه عنده شهرية طالعة مدامه يخلص يبات عساس وينه المشكل ؟؟

الشرطة 0000
​

ههه والله يا انتـ قلبكـ راه معمر م جيهتـ الزروقـآ الله يستر بركـ :d
ان شاء الله يسطلحو الاحوال هذا ماكان وكل واحد يقوم بالواجب ديالو ع احسن وجه
باش مانلوموش الجماعة ع سبب الفرد او العكس صحيح
بالتوفيق مجددا ف المسابقة
سلامي​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

العمدة مر من هنا ...

والامور هي وسط بين ما ذكرتي وغير ذلك .. والتعميم لا يصح في كل شيء تقريبا ..

كاين اللي قايمين بالواجب وزيادة :up:...وكاين اخرين ..:s

وهذا الامر طبيعي جدا وفي كامل القطاعات حتى اللي ما يخطرش في بالك..

اتصوري امام يخدم يجي غير نهار الجمعة يقول ربع كلمات .. ويطير :down:

ما يتشاف غير كالهلال .. واش اتقولي على الغاشي الاخر ...

دمتي عاقلة.:regards01:

لآ كلام بعد كلآمك يا عمدة :d

شكرا لك ولمروركَ العطر

تحيتي~
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

لي مسيب ولادو على 3 نتاع الصباح مايحتاجهمش نضن
اذن اعلاش غايضينكم قاصرين يدورو على 3 نتاع الصباح رايحين للزيتون تبا يحمدو ربي حكموهم الشرطة مشو غيرهم ....... ومن بعد كون تصرالهم حاجة يوليو عزاز وبوقوصين ومكاندري واش أي يربو ولادهم سع ويتحكمو فيهم ومن بعد يهدرو على غيرها

هدفي ليس الاولاد أخي فهديك قضية أخرى
رآني على لابوليس لكان قامو بالواجب لكان الاولاد دواو عبرة
ضربوهم والضرب مايربيش ولا الطفل دار هاكا عرف انو الجو الاسري مهول
على العموم تبقى الشرطة مقصرة في عدة امور
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

عدت من جديد
يعطيك الصحة سوستي على موضوك الباهي
احنا جيهتنا لابوليس يخدمو من قلبهم ويبانو عاقليين وناشطين
مرة تقابضو 2 جيرانا عيطو للشرطة جاو يجرو
او العكس الاطباء تاع الاستعجالات في المستشفيات هما اللي دايما راقديين وكي يجيهم مريض في نص الليل
خلات عليه يوليو يشوفو فيه فلو ماعليهش خرجت عن الموضوع بصح باش نبين
بلادنا هاذي باقية تتوخر للوراء ماشي للقدام
تمنياتي بالتوفيق في المسابقة


​

يا هلا غلاتو ^^

ايه ماخرجتي لا على موضوع لا والو الهدف التقصير في العمل
وتقريبا كاين فئة نتاع العمال غشاشين سواءا شرطي او طبيب او معلم أو أو ...
ولكان نجيو نشوفو هاذ الفيئة تكون عندهم الزهر من الفوق ولكن هذاك مانسميهش زهر وإنما نسميه الشيطان يزيد يعاونهم على هذاك الشيء طبعا في الأخير ماراح يديو معاهم والو اعمالهم تشهد عليهم والله يهدينا اجمعين

شكرا حبوبتي على الطلة الحلوة ^^
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

سلام عليكم اختي الكريمة


موضوعك جميل جدا

ياك اختي يقلوك كاين المليح وكاين الدوني
ايه هاديك هي وكيما في بلادنا معروفة بزاف الظاهرة هادي
امالا تلقاي بوليسي قادر على منصبه و يتحمل المسؤولية
وكان الي غير يدي في الدراهم ومش عارفها وين واصلة

شكرا لك
​

وهذا ما نعيشه اختي

بارك الله فيكِ أختي نورتينا
​

 

[مطبخ الأحلام]

رد: واش رايكم في لابوليس نتاوعنا؟؟ (مشاركة في مسابقة مميزون )

ههه والله يا انتـ قلبكـ راه معمر م جيهتـ الزروقـآ الله يستر بركـ :d
ان شاء الله يسطلحو الاحوال هذا ماكان وكل واحد يقوم بالواجب ديالو ع احسن وجه
باش مانلوموش الجماعة ع سبب الفرد او العكس صحيح
بالتوفيق مجددا ف المسابقة
سلامي​

حكيتي على العذر .. أنا نعذر أي واحد ولكن ليس وقت العمل :$
فإذا كان مريض يأخد إجازة ويترك آخر في مكانه
صدقيني أختاه ربي قال وجلعلنا اليل لباسا ولكن أغلبيت الناس يضلوآ شايخين فلبورطابلات حتى لصبح كي يجي لفجر يرقدو باش يصليو مايصليوش بصح باش يباتو فايقين يقدرو
فإذا انا نقول يقدر يظل عساس مدام يحب يثقن العمل

كاين الغش وخلاص ههههههههههه :d:d:d

ثوووكرا ثوووكرا نينوشتي نورتينا
​

 

[!≈[سُِـِيٌــِـِفّ اٌڷِخً‘يٌـرُ]≈!]

رد: واش رايكم في لابوليس نتاوعنا؟؟ (مشاركة في مسابقة مميزون )

هذا هو حالنا

مع كل الاسف الشديد

لا نقول الكل لكن الاغلب لا يعملون من اجل الوطن بل من اجل المال و السلطة فقط

ربي يهدينا برك ويبصرنا بعيوبنا

يعطيك الصحة

موفقة
​