قد تكون اخر محطة

الحالة
مغلق ولا يسمح بالمزيد من الردود.

مشكلتي

كلمة المرور: 4algeria2024
إنضم
19 أكتوبر 2013
المشاركات
777
نقاط التفاعل
4,348
النقاط
51
السلام عليكم
لقد ظاقت بي الدنيا ولم اجد سبلا للنجاة ولطرح مشكلتي سوى عبر هده البوابة
انا مخطوبة عاقدو ومفتحة زوجي يحبني وانا نحبو مي راني حاسة بلي راه يكدب عليا بزاف ومداير اخرى في حياتو..............
كما روعة ديما نحكيو مع بعض في كل حاجة اعيطلي حتى 20 مرة في النهار ...... حتى وليت مربونديش غليه.المهم المشكلة تكمن ليمات هدو تغير بزا ف معادش اعيط حتى لنعيط انا ويقولي منيش قاعد عندي شغل...... كل مانعيط نلقاه ان اتونت يحكي يولي يعيطلي ويقولي كنت نحكي مع بابا ولا صاحبي ولا ولا..... المهم لبارح كنت نحكي معاه ف الدقيقة زعف وسكر التلفون في وجهي واحد ساعة ومعيطش موالف كي يكوبي يولي يعيطلي عادي مي ستنيت وعيطلو ولقيتو يحكي ياخوتي ساعة وهو ان اتونت مبعد كي عيط انا مسقسيتوش مع من كان يحكي وهو مقليش و سمعني هدرة جامي تخيلت في حياتي نسمعها منو جرحتني ياسررررر مبعد تنازلت انا ولرظيتو وحكينا شوية ومبعد قالي بابا راهيعيط ولا كوبا عليا وانا تخدمتلي في راسي كيفاه 00 نتاع الليل ويعيطلو باباه ... عيط انا لباباه بالماسكي لقيت التلفون نتاعو مقفول وعاود السي راجلي عيطلي قالي بابا يسكسي على خويا ادا روح للدار ولا مزال انا مقتلو والو باينةلحكاية بكيت الليل كامل مرقدش وبايتة قاعدة نخمم نقولو راني عيط لباباك وهوش هو اللي كنت تحكي معاه ملقيتش حل على الرغم هو من قبل ساعات ويقولي اسمحيلي نقولو علاه يقولي هكا برك على الرغم من انو العرس نتاعنا قرب وانا خممت نفسخ كلش وهو متمني يلحق العرس كون مجاتش الظروف المالية انا تزوجنا ياحسراه السيد تبدل عليا بزاف لدرجة انو انا وليت كرهتو معدش نحملو ولا نسمع صوتو ...
قولولي واش ندير معاه راني كرهت خلاص نقولو راك تحك مع واحدة ولا كفاه نوروني الله يبوركم ويفتحها في وجوهكم ان شاء الله يارب
راني نستنى في مساعدات نتاوعكم معندي حتى واحد نشكيلو همي:$:$:$:$:$
 
رد: قد تكون اخر محطة

السلام عليكم
20 مرة فالنهار
ياخيتي في حقوا ماشي غير يكرهك وتسماطيلوا
ماش معناتها كي راهوا عاقد عليك
تلصقي فيه وماتخليهش يتنفس
والعكس بالنسبة ليك
اكي مزال مادخلتيش وتقولي كرهتوا
كيفاش هو وهو وين يدور يلقاك قدامو
شوفيه او يهرب منك
واش خليتي لبعد الزواج؟
ثقلي روحك يابنتي شوية
واعملي قدر لعمرك وخليه يحس بيك
ويحس بقيمتك
خلي يتوحشك حتى نهار العرس
واش الفايدة كي تظالي هازة التيليفون وتحكيلو عالنهار بالتفاصيل المملة؟
صلي لربي اختي وادعيه يصلحلك حالك وحال زوجك
وبركاك من لعب لولاد هذا
عيينا نقولوانو التيليفون خرب ويخرب لبيوت العامرة
فما بالك باللي مازالها تتبني
ربي يهنيك اختي

 
رد: قد تكون اخر محطة

اختى ربي يفرج عليك
فقط اسمعى كلام اختى
═♥° شجـ الروح ـون °♥═
واعملى قاعدة فى راسك
ادا كتبلك ربي هاد الراجل يكون زوجك راح يكون زوجك لاكون واش يصرا
ادا كتبلك ربي واحد اخر مكانو راح يلحقك
انتى ادعى وصلى وثيقي بالله وما تعمريش قلبك بزاف باه ما تمرضيش وتتاثر
وومكن تصرالك حتى عقدة من الرجال مستقبلا
ربي يهنيك وربي يكملكم اختى


 
آخر تعديل:
رد: قد تكون اخر محطة

اظن انه بعد العقد خلاص ماعليك اختي الى ان تكملي معاه وهو اكيد لو تغير سوف تكونين انت من سيتزوج بها وانت الصج وستتمكني من السيطرة عليه بعد الزواج ومعرفة حقيقته واذا كان يكذب عليكي ولا لا وربي يوفقك في عرسك والف مبروك مقدما
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top