طلب مساعدة عاجل

carolline

:: عضو منتسِب ::
إنضم
7 نوفمبر 2013
المشاركات
40
الإعجابات
36
النقاط
3
#1
السلام عيكم
يوم الجمعة تلاقيت وحد لبنت في المسجد بصراحة عندها مشكلة معقدة للغاية انا وعدتها نساعدها بشيء لي نقدر عليه( من نفس عن مؤمن كربة من كرب الدنيا نفس الله عنه كربة من كرب يوم القيامة )
المشكلة هي انها تزوجت في الجزائر مع هذا الزوج لي عندو الجنسية الفرنسية تقول انها جات في صيف 2013 بعدما وصلت نصدمت و طلب منها الطلاق وحاول يقنعها باش يطلق بالتراضي هي فالاول وافقت لانو عرفت بلي حياتهم مستحيلة وهي مشي هو هذاك الانسان لي عرفاتو من قبل وشرطت مقابل التراضي يخليها تكمل لبابيي نتاعها لكن هو كي سقسا قلولو لقانون تبدل بعدما جا ساركوزي الوغ ما تقدرش تشد لكارت تاع 10 ans بعد لكارت تاع 1ans بعدها هي رفضت الطلاق بالتراضي وهو راح رفع عليها قضية طلاق في شهر اكتوبرو حتى لضوك مزال موصلتهاش لكونفوكاسيو تاع المحكمة انا نضن لخاطر مزال مشدتش لكارت تاع العام وبعدها حاول يطردها من دار
انا اقرحت عليها بعض الحلول مي حتى واحد فيهم مايخرج عليها وهي فلحالة هذي
انا بعدما سقسيت على لكارت لي تديها بعد العام كل واحد واش يقول كاين لي يقول تدي عشر سنين بعد العام وهذا هو نفس الشي لي لقيتو في لانتارنات وكاين لي يقول تدي لكارت تاع خمس سنين وهي كيما لكرت تاع عشر سنين و بيها تضمن الاقامة وكاين لي يقول في مدة خمس سنين تدي في كل عام كات تاع عام قابلة للتجديد بصح هي في هذي الحالة تكون تطلقت وماتقدرش تجددها وهي حابة في نفس الوقت تخرج من عندو، ربي عالم بظروفها تقول حياتي ولات جحيم معاه انا اقترحت عليها تروح للفواي بصح اذا راحت للفواي la préfecture تعرف بلي عندها مشكل مع زوجها وبعدها انا متاكدة ميعطهاش لكارت وهي تقول كون نبقى حارقة منرجعش لدارنا لخاطر عندها مشاكل مع بباها وخوتها الله يجازيكم لي عندو الحل لهذا المشكل يساعدها انا نقدر نتلقاها ملجمعة للجمعة
 

lina-67

:: عضو مُتميز ::
إنضم
12 نوفمبر 2011
المشاركات
763
الإعجابات
1,913
النقاط
51
#2
رد: طلب مساعدة عاجل

سلام اختي ربي يفرج عليها و ربي يجازيك انت
هي اذا جات بالروقروبمو فاميليال نورمالمو كي تلحق يعطوها ريسيبيسي تمشي بيه و يخدمولها الكارطة اذا راهي دافعة الدوسي في البريفيكتير يعطوها تاع 10سنين اذا هي جزائرية و اذا من المغرب يعطوها عام ماكاش تاع 5سنين المهم نورمالمو يعيطولها تروح تجيبها و اذا ما نيش غالطة تقدر تجددها مام يلا تطلقت بصح نورمالمو ريسيبيسي 6اشهر و يعطولها الكارطة و هي على حساب واش قلتي راهي فايتة 6شهر !!!!كيفاش ما عيطولهاش المشكل بالاك باسكو وصلت قضية الطلاق للمحكمة ما اعطاوهاش الله اعلم و من الاحسن تصبر حتى يعطولها الكارطة ما تخرجش للفوايي و ربي معاها
 

carolline

:: عضو منتسِب ::
إنضم
7 نوفمبر 2013
المشاركات
40
الإعجابات
36
النقاط
3
#3
رد: طلب مساعدة عاجل

سلام اختي ربي يفرج عليها و ربي يجازيك انت
هي اذا جات بالروقروبمو فاميليال نورمالمو كي تلحق يعطوها ريسيبيسي تمشي بيه و يخدمولها الكارطة اذا راهي دافعة الدوسي في البريفيكتير يعطوها تاع 10سنين اذا هي جزائرية و اذا من المغرب يعطوها عام ماكاش تاع 5سنين المهم نورمالمو يعيطولها تروح تجيبها و اذا ما نيش غالطة تقدر تجددها مام يلا تطلقت بصح نورمالمو ريسيبيسي 6اشهر و يعطولها الكارطة و هي على حساب واش قلتي راهي فايتة 6شهر !!!!كيفاش ما عيطولهاش المشكل بالاك باسكو وصلت قضية الطلاق للمحكمة ما اعطاوهاش الله اعلم و من الاحسن تصبر حتى يعطولها الكارطة ما تخرجش للفتخوايي و ربي معاها
نشكرك اختي على اهتمامك بالموضوع
هي جزائرية
و حتى انا استغربت علاه مزالت تمشي بلغسيبيسي هدا الزاوج لي راه عندها
اذا قدرت تجي للمسجد راني نحاول نفهم منها
 

ام الحلوين

:: عضو فعّال ::
إنضم
18 أفريل 2013
المشاركات
1,689
الإعجابات
4,315
النقاط
71
#4
رد: طلب مساعدة عاجل

سلام عليكم
انا منيش في فرنسا غير حبيت ندعيلها
ربي يجازيك نتيا و يفرج على هاذ الاخت و يفتحلها ابواب الخير
 
Top