الأنوثة في تشوه

الحالة
مغلق ولا يسمح بالمزيد من الردود.
إنضم
6 جويلية 2011
المشاركات
2,427
الإعجابات
623
النقاط
91
#1
السلام عليكم ورحمة الله وبركاته
أهلا بكل رواد قسم واش راك تهدر وان شاء الله راكم

اليوم حبيت نحكي على الموضوع برك متعلr بالمرا والماكياج

كيما تعرفو المرا كائن ضعيف بزاف وحساس وماتحبش النقد وتحب الفوخ بزاف وتتحب تتهز في اللسان ولو كان تصيب العالم كامل يبقى يحكي غير عليها
وكي تمشي في الطريق تبالها بلي الناس كامل راهم يشوفو معها ويعسو فيها

علابيها تلقاها تتهلا في روحها بزاف خاصة وجها لازم تستيكيه الغلطة مكانش
علابيها ديما تgلقاو السيكان تاع النسا ملغمين بحوايج الماكياج
وكل ما تمشي 5 خطوات تجبد المرآاة السحرية هاديك تاعها لي كل ما تسقسيها
مرآتي يا مرآتي من الأجمل تذوب لمراية في وجهها وترجعلها كوكايين

تجبد لمراية باه تفريفي كاشما كان جديد ...كاش تشققات جديدة ...كاش انجراف في الجلد...كاش شيكولا مازالها في العين ولا النيف ....الشوارب شربو لحماير هداك كامل ولا مازال

عليها تلقاهم يومي في لي كوسميتيك يشريو في أطنان الماكياج
ما يحوسو على أصلي لا مليح لا شينوي لا طايواني وش تلقى تبعث في وجهها وعايشة على ليسبوار

وهو الزين راه من عند الله مافيها لا ريسيل فرنسي لا فوندوتان ألماني لا حماير باكستاني

ايمالا شهرية كامل تروح في هاد لحوايج خاصة لا طاحت في كوسميتيك عندو اللسان هدار ستوت وأنوش ومش لابس خاتم في يدو ..
يقدر يبيعلها شحمة الضبع على أساس أنها كريمة تاع وجه تاع لاسويس

وكيما قالو الجماعة في الفايسبوك : ديفوا تلقا برا ماكياج مادير شوي مرا

والمشكل أنها كاين لي تبالغ في الماكياج لدرجة أنو وجهها يفسد مي هي تبالها هاديك هي لابوطي

من يايمات كنت نروح لواحد الادارة نفري بعض القضيات ونتعامل مع وحدة تخدم ثم

منكثرش الهدرة نوصف وش شتو ونتوما تخيلو :
-
-وجهها زرق يبان فيش كارطوني كيما هادوك لي كنا نخدمو بيهم في البريمار مخروط وهرم ومكعب ومخرط ولا منعرف كيفا يسموه....تالمو مشبعة وجهها بليكرام هادوك تع لوجه
قادرة تحط صبعك على وجهها يتقطع وجهها رايح

- تالمو لحماير هداك حمر بزاف ولافاصاد من داخل صفرا كي تضحك تبان الدرابو تاع اسبانيا
زوج بوندات حومر وفي نصهم بوندا صفرا
مافهمناش يا البوندا لفوقانية حمرا بزاف ولا لي في النص لي صفرا بزاف

والمشكل كي تهدر معاك كلش يتحرك ..الشوارب يتحركو والسنان يتحركو
معلش الشوارب في الهدرة يتحركو علابالنا بيها
مي السنين علاه يتحركو؟؟؟؟:-o:-o:-o:-o:-o

ثبت معاها مليح لقيتها مدايرة ربع سنين من قدام بيسك تاعها طاحو مالا راحت للدونتيست خدملها ربع سنين من قدام

مي المشكل تالمو تظال تبلع في الدار هاداك الفم ترخف شوي وولا ما يحكمش كي تهدر الشوارب يتحركو والسنين معاهم ثاني

- حواجبها تالمو تظال تحصد فيهم خضار الجلد تاعها انودري وجه تاع جون 35 سنة وهو يرازي في لحيتو مام حواجبها تالمو تحصدو بزاف خشانو ولاو يبانو كابل تاع تريسيتي 2.5 هداك

- الشوافر تالمو قتلتهم بريسل بريمي بقاولها فيهم غير زوج شعرات من تحت

- مدايرة هاداك الحجاب تاع الدولة ومخرجة كمية شعرات من قدام وزعما مدايرة سبيغة كي تاع هاديك تاع حريم السلطان كي شغل خصتها غير السبيغة هادي وتولي كاملة

ومن بعد تقولك أنوثتي لا تسمح لي بمجرد حتى التفكير في رجل من هذا الزمن :-o:-o:-o:-o
ابقاي هكا دوك تدي السلطان او بارسون

تنبيه :
لو تتولهو كامل معايا تلقاو بلي المرأة الجزائرية عندها مشكل كبير مع السنين
منعرف كيعاد كلاو الحلوة بزاف في الصغر ولا ناقصين كلسيوم ولا هم الدنيا
وينهي الأنوثة كي تحكي معاك وحدة وتضحك تشوف غير ربع سنين من قدام
والباقي أراضي شاغرة قابلة للتوسعة والتنمية

ولكان تتولهو تلقاو بلي النسا يلعبوها يحبو يتبعو الجديد في عالم الماكياج والمودة والمنيكير والبوديكير مي هي أبسط حوايج النظافة والجمال والاناقة ماعندهاش

اتخيل بنت معاندهلش بروسادون في الدار خلاص
ووحدة تتدعي الاناقة والرشاقة وتشري غير الماكيج الغالي ونتا كي تتفرج معاها اجمالا من فوق لتحت تلقاه تشبه لميشلان هداك تاع العجلات
تالمو تظال تبلع وفي الليل كي تكون ساهرة وتروح للفريجيدار وما تلقى والو تروح دير فها مقرونة بالحليب والفرينة ومن بعد تروح ترقد وغدوة تجي تقولك نمت روحي انا وياك نحوسو في الترك في جزيرة الاميرات

تحوسي في الترك بمقرونة بالحليب والفرينة

صعب جدا تزوج مرا في هاد الزمان وتصرف عليها وعلى عرسها ملاين
ومن بعد كي تجيبها تلقا روحك تصرف عليها عند الدونتسيت
الناس تزوج وتعمر وتبني في الداير
ونتا تعمر في لفام
صعبة جدا

 

أم راضية ~_

:: عضو متألق ::
إنضم
4 جوان 2011
المشاركات
3,063
الإعجابات
3,057
النقاط
191
#3
رد: الأنوثة في تشوه

السلام عليكم
صعب جدا ....
بصح حبيت نعرف قولي برك :
اسكو التفاصيل هادي شفتها بنظرة خاطفة ولا ركزت مليح ؟؟؟
ويبقى في الاخير عندك الحق في واش قلت ..​
 

السلطانة

:: أمينة اللمة الجزائرية ::
طاقم الإدارة
إنضم
19 سبتمبر 2009
المشاركات
44,775
الإعجابات
63,107
النقاط
821
محل الإقامة
الشرق-الوسط
الجنس
أنثى
#4
رد: الأنوثة في تشوه

وعليكم السلام
وتلقاها تضحك على وحدة دايرة جلباب وتقولها الغولة
زعم هي لي كيما قلت تاع حريم السلطان
موضوعك 10/10
واقع بعض الجزائريات
ولي تعجبني كي ينوضو يفتيو ويحللو
ربي يهدي برك
 

aymmen

:: عضو منتسِب ::
إنضم
27 فيفري 2014
المشاركات
1
الإعجابات
0
النقاط
2
#5
رد: الأنوثة في تشوه

موضوع طويل لا استطيع قراءة و كتابة
 
إنضم
6 جويلية 2011
المشاركات
2,427
الإعجابات
623
النقاط
91
#7
رد: الأنوثة في تشوه

السلام عليكم
صعب جدا ....
بصح حبيت نعرف قولي برك :
اسكو التفاصيل هادي شفتها بنظرة خاطفة ولا ركزت مليح ؟؟؟
ويبقى في الاخير عندك الحق في واش قلت ..​
لالا ...ركزت مليح مانحيتش عيني عليها أصلا;)
 
إنضم
6 جويلية 2011
المشاركات
2,427
الإعجابات
623
النقاط
91
#8
رد: الأنوثة في تشوه

وعليكم السلام
وتلقاها تضحك على وحدة دايرة جلباب وتقولها الغولة
زعم هي لي كيما قلت تاع حريم السلطان
موضوعك 10/10
واقع بعض الجزائريات
ولي تعجبني كي ينوضو يفتيو ويحللو
ربي يهدي برك
صح صدقتي
كي تشوف وحدة بالجلباب تقولك هام لي فسدو لبلاد
وتقولهالك وفمها يتحرك ثاني
المهم ربي يجيب الخير

:regards01:
 
إنضم
30 ماي 2009
المشاركات
5,834
الإعجابات
4,228
النقاط
351
محل الإقامة
جيجلية بسطيف
#10
رد: الأنوثة في تشوه

وعليكم السلآآم
ههه والله غير ضحكت
انت موآيضيعك هدو يلزملهم مينآث تردلك بنفس لآفآصون
بوون بوآش نبدآلكـ انآ درك بالسنين ولآ بالمآكيآج
استنآني نقولكـ قبل رآكـ خير من دي جآن أخرين كي عدت تعرف الغيسيل والفوندوثآن
وتآني حريم السلطآن هيهيهي ومآتقوليش شفته فpيبليسيثي :p
نقدر نقولكـ كل كلمة قلتهآ عندك الحق فيهآ
وحنآ البنآت في حد ذآتنــآ بينآتنآ نحكو على هآد العفآيس
كآين بزآآآف بنآت من النوع الي تحكي عليه
وكي تشوفهآ برآآ تقول هدي زين ونظآفة وهي الكونثخآغ
مع قريت موضوعكـ تاع المآكيآج تفكرت نهآر سقسآت وحده الشيخ شمسو على المآكيآج
قالهآ حرآم ومش مليح تتزين وكدآ ، قالتله تحوسني نخرج صفرآآ برآآ
قآلهآ لآلآ نحوس نحمرلكـ وجهك قدآم ربي سبحآنه غدوة ان شاء الله :d
ربي يهدي مآخلق هدآمآكآن


 

Ma$Ter

:: مراقب عام ::
طاقم المراقبين
إنضم
25 سبتمبر 2007
المشاركات
15,206
الإعجابات
28,453
النقاط
1,171
محل الإقامة
تبسة 12
الجنس
ذكر
#13
رد: الأنوثة في تشوه

السلام عليكم
..
فى بلادنا نلاحظ كل الاصناف
كاين بنات صابغين وجوهم وكاين متجلبابات ربي يكثرهم
وكاين بنات ما يحتاجوش مكياج اصلا وكاين وكاين
وهاذ المصيبة يقولو راهو عندو اعراض على صحة المراة ووو
وما نعرف


..
ان شاء الله ما يخرج الموضوع على مسارو
وعدم الرد بكلام جارح ربي يهنيكم وربي يحفظكم

 

أم راضية ~_

:: عضو متألق ::
إنضم
4 جوان 2011
المشاركات
3,063
الإعجابات
3,057
النقاط
191
#15
رد: الأنوثة في تشوه

السلام عليكم
..
فى بلادنا نلاحظ كل الاصناف
كاين بنات صابغين وجوهم وكاين متجلبابات ربي يكثرهم
وكاين بنات ما يحتاجوش مكياج اصلا وكاين وكاين
وهاذ المصيبة يقولو راهو عندو اعراض على صحة المراة ووو
وما نعرف


..
ان شاء الله ما يخرج الموضوع على مسارو
وعدم الرد بكلام جارح ربي يهنيكم وربي يحفظكم


وتانيت راهو مرض ويدخل فالتوسويس و تقدر تقول كيشغول لادروg
لوفات يديروه مرة يولي لازم دايما يديروه تبدا لافار بالغيسيل ولا الكحل وممبعد تولي تبانلها روحها صهبة و تولي تبان مريضة دونك تلقى روحها لازم تدير و كل مرة تحمق و تفونسي لي كولور حتى تولي كارتة "بوبية حجوط " كيما يقولو العجايز
ويكفي انه خداع المومنين ... :down:
 
إنضم
17 جويلية 2011
المشاركات
2,333
الإعجابات
1,616
النقاط
191
#16
رد: الأنوثة في تشوه

السلام عليكم
الله يبارك وصف مدقق اونديري راهي توالك ونتا توصف فيها
فكرتني في وحدة نعرفها نفس المواصفات لدرجة مرة شفتها بلا مكياج معرفتهاش

المشكل ميش هنا برك المشكل قاتلهم التكسال وحاسبين رواحهم حاجة وهوما لازين لا نظافة لاظرافة
بصح لي حبستلي راسي لي تدنg فيه تجيبو طايح
الور مافهمتش الخلل وين والسؤال يبقى مطروح
 

أم راضية ~_

:: عضو متألق ::
إنضم
4 جوان 2011
المشاركات
3,063
الإعجابات
3,057
النقاط
191
#17
رد: الأنوثة في تشوه

السلام عليكم
الله يبارك وصف مدقق اونديري راهي توالك ونتا توصف فيها
فكرتني في وحدة نعرفها نفس المواصفات لدرجة مرة شفتها بلا مكياج معرفتهاش

المشكل ميش هنا برك المشكل قاتلهم التكسال وحاسبين رواحهم حاجة وهوما لازين لا نظافة لاظرافة
بصح لي حبستلي راسي لي تدنg فيه تجيبو طايح
الور مافهمتش الخلل وين والسؤال يبقى مطروح


والله يعطيك الصحة :up:
البروبلام ماهوش فيها مادام عندها المعجبين هههههههههههه :p
 

السيدة إلهام

:: عضو مُتميز ::
إنضم
22 نوفمبر 2013
المشاركات
502
الإعجابات
999
النقاط
31
#18
رد: الأنوثة في تشوه

فاتلي وين قريت موضوعك الخاص بالاتراك وقلت ممكن هاذي طريقة سردك للموضوع
مي مع الموضوع هذا وكيفاش قاعد تتمعكى على خلق ربي صدقني سي قراااااف
الماكياج وقلنا معليه عندك الحق لحقت للاسنان ثاني ديت ذنوب المخلوقة ربي يهديك
بون المسكينة ربي يهديها وانت وين راه غص البصر قبل لا تحلل الشعب ارمي عينيك على روحك والحديث قياس !!!!!

بالاك غدوة ولا بعدو تجي تمشي تتعكل :-h سنانك يطيحوا كامل ماخممتش فيها :-r:-r


 

largo19

:: عضو مُتميز ::
إنضم
5 جوان 2008
المشاركات
801
الإعجابات
189
النقاط
19
#19
رد: الأنوثة في تشوه

موضوع شرّير و واقعي في نفس الوقت ,,,,, :-h للأسف :( ,,,,, لكن كاين إستثناءات ,,, و كاينين نساء و بنات محترمات و عندهم أنوثة حقيقيّة و أخلاق و الحمد لله ,, ها ذوك هوما اللي خلاو شوي أمل للشباب تاعنا ههه ,,
 
إنضم
6 جويلية 2011
المشاركات
2,427
الإعجابات
623
النقاط
91
#20
رد: الأنوثة في تشوه

فاتلي وين قريت موضوعك الخاص بالاتراك وقلت ممكن هاذي طريقة سردك للموضوع
مي مع الموضوع هذا وكيفاش قاعد تتمعكى على خلق ربي صدقني سي قراااااف
الماكياج وقلنا معليه عندك الحق لحقت للاسنان ثاني ديت ذنوب المخلوقة ربي يهديك
بون المسكينة ربي يهديها وانت وين راه غص البصر قبل لا تحلل الشعب ارمي عينيك على روحك والحديث قياس !!!!!

بالاك غدوة ولا بعدو تجي تمشي تتعكل :-h سنانك يطيحوا كامل ماخممتش فيها :-r:-r


والله يا سيدة الهام لازم تقراي مليح المواضيع

ولازم يكون عندك منطق مليح في الفهم وخصوصا ماتتسرعيش في اصدار الأحكام

أولا أنا ماعكيتش على خلق ربي ماقلتش خشمها عريض ولا كبير ولا وجهها معوج ولا حاجة هك

أنا عكيت على فعلها هي بخلق الله وكيفاه رجعت هي خلق الله

هي لي لقطت حواجبها مش خلق الله وهي لي زرقت وجهها
+
انا كنت نتعامل معاها ونشوف معاها وهذا عادي كي تشوف مع وجه المرأة وربي سبحانو قال:
قل للمؤمنين يغضو من أبصارهم وما قالش : قل للمؤمنين يغضو أبصارهم

فيها فرق ولازم تفهميه
+
ارمي عنيك نتي عليا وترمي هي ثاني عينها عليا وتحكي وش بغات
+
البنت واحد ما يعرفها ولعلها من نسج الخيال
+
أنا منتعكلش وما نطيحش واذا طحت سناني أصلا راهم رايببين


 
الحالة
مغلق ولا يسمح بالمزيد من الردود.
Top